1.   Tar éis don oifigeach imscrúdúcháin imscrúdú a chríochnú ar fhíorais a d’fhéadfadh a bheith ina sárú amháin nó níos mó de na sáruithe a liostaítear in Airteagal 60(1) de Rialachán (AE) 2023/2631 agus sula gcuirfidh sé a chomhad faoi bhráid ESMA (‘ráiteas cinntí’), cuirfidh sé an duine atá faoi réir imscrúdú ar an eolas i scríbhinn maidir lena chinntí agus tabharfaidh sé an deis don duine sin aighneachtaí i scríbhinn a dhéanamh de bhun mhír 3 den Airteagal seo.

2.   Leagfar amach sa dréachtráiteas cinntí na fíorais a d’fhéadfadh a bheith ina sárú amháin nó níos mó de na sáruithe a leagtar amach in Airteagal 60(1) de Rialachán (AE) 2023/2631, beidh measúnú ann ar chineál agus ar thromchúis na bhfíoras sin, bunaithe ar na critéir a leagtar síos in Airteagal 59(3) den Rialachán sin.

3.   Sa dréachtráiteas cinntí socrófar teorainn ama réasúnach 4 seachtaine ar a laghad don duine atá faoi réir imscrúdú a chuid aighneachtaí a dhéanamh i scríbhinn. Aighneachtaí i scríbhinn a gheofar tar éis don teorainn ama sin dul in éag, ní bheidh oibleagáid ar an oifigeach imscrúdúcháin iad a chur san áireamh.

4.   Daoine atá faoi réir imscrúdú, féadfaidh siad na fíorais uile atá ábhartha dá chosaint a leagan amach ina gcuid aighneachtaí i scríbhinn agus, i gcás inar féidir, cuirfidh siad doiciméid i gceangal mar chruthúnas ar na fíorais sin. Féadfaidh daoine atá faoi réir imscrúdú a mholadh go ndéanfadh an t-oifigeach imscrúdúcháin éisteacht a thabhairt do dhaoine eile a d’fhéadfadh comhthacú leis na fíorais a leagtar amach ina gcuid aighneachtaí. Féadfaidh daoine atá faoi réir imscrúdú cúnamh a fháil ó abhcóide dá rogha féin agus a gcuid aighneachtaí i scríbhinn á n-ullmhú acu.

5.   Maidir le daoine atá faoi réir imscrúdú ar díríodh ráiteas cinntí dá dtagraítear i mír 1 chucu, féadfaidh an t-oifigeach imscrúdúcháin iarraidh orthu freastal ar éisteacht ó bhéal. Féadfaidh na daoine atá faoi réir imscrúdú cúnamh a fháil ó abhcóide dá rogha féin. Ní dhéanfar éisteachtaí ó bhéal go poiblí.

6.   Seolfaidh an t-oifigeach imscrúdúcháin an leagan críochnaitheach den ráiteas cinntí chuig an duine atá faoi réir imscrúdú.

1.   Cuirfidh an t-oifigeach imscrúdúcháin na doiciméid seo a leanas faoi bhráid ESMA:

2.   I gcás ina bhfuil comhad neamhiomlán, cuirfidh ESMA iarraidh réasúnaithe ar dhoiciméid bhreise faoi bhráid an oifigigh imscrúdúcháin.

3.   I gcás ina measfaidh ESMA, maidir leis na fíorais a dtugtar tuairisc orthu i ráiteas cinntí an oifigigh imscrúdúcháin, nach sárú atá iontu ar na ceanglais a liostaítear in Airteagal 60(1) de Rialachán (AE) 2023/2631, cinnfidh sé an cás a dhúnadh. Tabharfaidh ESMA fógra don duine atá faoi réir imscrúdú faoin gcinneadh sin an cás a dhúnadh.

4.   I gcás ina n-aontóidh ESMA le cinntí uile an oifigigh imscrúdúcháin nó le cuid díobh, cuirfidh sé na daoine atá faoi réir imscrúdú ar an eolas faoi sin. Leis an gcumarsáid sin, socrófar teorainn ama dhá sheachtain ar a laghad i gcás ina n-aontóidh ESMA le cinntí uile an oifigigh imscrúdúcháin, agus ceithre seachtaine ar a laghad i gcás nach n-aontóidh ESMA leis na cinntí uile, agus laistigh den tréimhse sin féadfaidh an duine atá faoi réir imscrúdú aighneachtaí i scríbhinn a dhéanamh. Aighneachtaí i scríbhinn a gheofar tar éis don teorainn ama sin dul in éag, ní bheidh oibleagáid ar ESMA iad a chur san áireamh.

5.   An duine atá faoi réir imscrúdú ar díríodh ráiteas cinntí chuige, féadfaidh ESMA iarraidh air freastal ar éisteacht ó bhéal. Féadfaidh an duine atá faoi réir imscrúdú cúnamh a fháil ó abhcóide dá rogha féin. Ní dhéanfar éisteachtaí ó bhéal go poiblí.

6.   I gcás ina gcinneann ESMA go ndearna duine atá faoi réir imscrúdú ceann amháin nó níos mó de na sáruithe a liostaítear in Airteagal 60(1) de Rialachán (AE) 2023/2631 agus ina nglacann sé cinneadh fíneáil a fhorchur i gcomhréir le hAirteagal 60 den Rialachán sin, tabharfaidh sé fógra don duine ar a bhforchuirtear an fhíneáil láithreach faoin gcinneadh sin.

1.   Sula bhforchuirfidh ESMA íocaíocht phionósach thréimhsiúil de bhun Airteagal 61 de Rialachán (AE) 2023/2631, tabharfaidh sé ráiteas cinntí don duine atá faoi réir na n-imeachtaí, ráiteas ina leagfar amach na cúiseanna le híocaíocht phionósach thréimhsiúil a fhorchur agus ina sonrófar méid na híocaíochta pionósaí tréimhsiúla in aghaidh gach lae a bheidh neamhchomhlíonadh i gceist. Sa ráiteas socrófar teorainn ama réasúnach 4 seachtaine ar a laghad ar laistigh di a fhéadfaidh an duine atá faoi réir na n-imeachtaí aighneachtaí a dhéanamh i scríbhinn. Aighneachtaí i scríbhinn a gheofar tar éis don teorainn ama sin dul in éag, ní bheidh oibleagáid ar ESMA iad a chur san áireamh.

2.   Féadfaidh ESMA iarraidh ar an duine atá faoi réir na n-imeachtaí freastal ar éisteacht ó bhéal. Féadfaidh an duine atá faoi réir na n-imeachtaí cúnamh a fháil ó abhcóide dá rogha féin. Ní dhéanfar éisteachtaí ó bhéal go poiblí.

3.   Le cinneadh dá dtagraítear in Airteagal 61(1) de Rialachán (AE) 2023/2631, sonrófar an bunús dlí agus na cúiseanna atá leis an gcinneadh, méid agus túsdáta na híocaíochta pionósaí tréimhsiúla.

4.   Ní fhorchuirfidh ESMA íocaíocht phionósach thréimhsiúil a thuilleadh nuair a bheidh an cinneadh ábhartha dá dtagraítear in Airteagal 61(1) de Rialachán (AE) 2023/2631 comhlíonta ag an athbhreithneoir seachtrach nó ag an duine atá faoi réir na n-imeachtaí.

1.   I gcás ina nglacann ESMA cinneadh eatramhach dá dtagraítear in Airteagal 64(2) de Rialachán (AE) 2023/2631, tabharfaidh sé fógra láithreach faoin gcinneadh eatramhach sin don duine atá faoina réir. Socróidh ESMA teorainn ama réasúnach 4 seachtaine ar a laghad ar laistigh di a fhéadfaidh an duine atá faoi réir an chinnidh eatramhaigh aighneachtaí a dhéanamh i scríbhinn maidir leis an gcinneadh sin. Aighneachtaí i scríbhinn a gheofar tar éis don teorainn ama sin dul in éag, ní bheidh oibleagáid ar ESMA iad a chur san áireamh.

2.   Arna iarraidh sin air, deonóidh ESMA rochtain ar an gcomhad don duine atá faoi réir an chinnidh eatramhaigh. Maidir le doiciméid de chuid an chomhaid, ní úsáidfear iad ach chun críoch imeachtaí breithiúnacha nó riaracháin a bhaineann le cur i bhfeidhm Rialachán (AE) 2023/2631.

3.   Féadfaidh ESMA iarraidh ar an duine atá faoi réir imscrúdú freastal ar éisteacht ó bhéal. An duine atá faoi réir an chinnidh eatramhaigh, féadfaidh sé cúnamh a fháil ó abhcóide dá rogha féin. Ní dhéanfar éisteachtaí ó bhéal go poiblí.

4.   Déanfaidh ESMA cinneadh críochnaitheach dá dtagraítear in Airteagail 59(1), 60(1) agus 61(1) de Rialachán (AE) 2023/2631 a luaithe is féidir tar éis an cinneadh eatramhach a ghlacadh. I gcás ina measfaidh ESMA, tar éis dó éisteacht a thabhairt don duine atá faoi réir an chinnidh eatramhaigh, go ndearna an duine atá faoi réir an chinnidh eatramhaigh sárú a liostaítear in Airteagal 60(1) de Rialachán (AE) 2023/2631, glacfaidh sé cinneadh deimhniúcháin lena bhforchuirfear ceann amháin nó níos mó de na bearta maoirseachta a leagtar síos in Airteagal 59 den Rialachán sin. Tabharfaidh ESMA fógra faoin gcinneadh deimhniúcháin sin don duine atá faoi réir an chinnidh eatramhaigh.

I gcás ina nglacfaidh ESMA cinneadh críochnaitheach nach ndeimhneofar an cinneadh eatramhach leis, measfar an cinneadh eatramhach a bheith aisghairthe.

1.   Arna iarraidh sin air, deonóidh ESMA rochtain ar an gcomhad don duine atá faoi réir an imscrúdaithe ar chuir an t-oifigeach imscrúdúcháin nó ESMA ráiteas cinntí chuige. Deonóidh ESMA an rochtain sin tar éis fógra a thabhairt faoi aon ráiteas cinntí.

2.   Maidir le doiciméid de chuid an chomhaid a bhfaightear rochtain orthu, ní úsáidfidh an duine dá dtagraítear i mír 1 iad ach chun críoch imeachtaí breithiúnacha nó riaracháin a bhaineann le cur i bhfeidhm Rialachán (AE) 2023/2631.

1.   Fíneálacha agus íocaíochtaí pionósacha tréimhsiúla ar athbhreithneoirí seachtracha agus ar dhaoine eile atá faoi réir imscrúdú, beidh siad faoi réir tréimhse teorann 5 bliana.

2.   Is ar an lá tar éis an lae a dhéanfar an sárú a thosóidh an tréimhse theorann dá dtagraítear i mír 1. I gcás sáruithe leanúnacha nó sáruithe a dhéantar arís agus arís eile, is ar an lá a thiocfaidh deireadh leis an sárú a thosóidh an tréimhse theorann sin.

3.   Aon ghníomhaíocht a dhéanfaidh ESMA chun críoch an imscrúdaithe nó chun críocha na n-imeachtaí i ndáil le sárú a liostaítear in Airteagal 60(1) de Rialachán (AE) 2023/2631, brisfidh sí an tréimhse theorann i dtaca le fíneálacha agus íocaíochtaí pionósacha tréimhsiúla a fhorchur. Brisfear an tréimhse theorann sin ón dáta a thabharfar fógra faoin ngníomhaíocht don athbhreithneoir seachtrach nó don duine atá faoi réir an imscrúdaithe i leith sárú ar na ceanglais dá dtagraítear in Airteagal 60(1) de Rialachán (AE) 2023/2631.

4.   Mar gheall ar gach briseadh dá dtagraítear i mír 3, cuirfear tús le tréimhse theorann nua dá dtagraítear i mír 1. Rachaidh an tréimhse theorann nua sin in éag ar a dhéanaí an lá a bheidh tréimhse curtha isteach atá dhá oiread níos faide ná an tréimhse theorann bhunaidh gan aon fhíneáil ná íocaíocht phionósach thréimhsiúil a bheith forchurtha ag ESMA le linn an ama sin. Cuirfear síneadh leis an tréimhse sin a bheidh cothrom leis an méid ama a mbeidh an tréimhse theorann ar fionraí lena linn de bhun mhír 5.

5.   An tréimhse theorann chun fíneálacha agus íocaíochtaí pionósacha tréimhsiúla a fhorchur, cuirfear ar fionraí í fad agus atá cinneadh ESMA faoi réir imeachtaí atá ar feitheamh os comhair an Bhoird Achomhairc dá dtagraítear in Airteagal 60 de Rialachán (AE) Uimh. 1095/2010 ó Pharlaimint na hEorpa agus ón gComhairle (2), nó atá faoi réir athbhreithniú ag Cúirt Bhreithiúnais an Aontais Eorpaigh, i gcomhréir le hAirteagal 65 de Rialachán (AE) 2023/2631.

1.   Is faoi réir tréimhse theorann 5 bliana a bheidh an chumhacht atá ag ESMA cinntí a dhéantar de bhun Airteagail 60 agus 61 de Rialachán (AE) 2023/2631 a fhorfheidhmiú.

2.   An tréimhse theorann dá dtagraítear i mír 1, is ar an lá tar éis an lae a dhéanfar cinneadh críochnaitheach den chinneadh a thosóidh sí.

3.   An tréimhse theorann chun pionóis a fhorfheidhmiú, brisfear í mar gheall ar aon ghníomhaíocht a dhéanfaidh ESMA atá ceaptha chun íocaíocht nó téarmaí agus coinníollacha íocaíochta na fíneála nó na híocaíochta pionósaí tréimhsiúla a fhorfheidhmiú.

4.   Mar gheall ar gach briseadh dá dtagraítear i mír 3, cuirfear tús le tréimhse theorann nua dá dtagraítear i mír 1.

5.   Cuirfear an tréimhse theorann dá dtagraítear i mír 1 ar fionraí fad agus:

1.   Déanfaidh ESMA méideanna na bhfíneálacha agus na n-íocaíochtaí pionósacha tréimhsiúla a thaisceadh i gcuntas úsmhar arna oscailt ag ESMA go dtí go mbeidh na fíneálacha agus na híocaíochtaí pionósacha tréimhsiúla sin críochnaitheach. Sa chás ina mbaileoidh ESMA an iliomad fíneálacha agus íocaíochtaí pionósacha tréimhsiúla ag an am céanna, áiritheoidh ESMA go dtaiscfear na fíneálacha agus na híocaíochtaí pionósacha sin i gcuntais nó i bhfochuntais éagsúla. Ní iontrálfar fíneálacha ná íocaíochtaí pionósacha tréimhsiúla arna n-íoc i mbuiséad ESMA ná ní dhéanfar iad a thaifeadadh mar mhéideanna buiséadacha.

2.   A luaithe a shuífidh ESMA gur críochnaitheach feasta iad na fíneálacha nó na híocaíochtaí pionósacha tréimhsiúla tar éis ídiú na gceart achomhairc go léir, aistreoidh ESMA na méideanna sin móide aon ús a fhabhrófar orthu chuig an gCoimisiún Eorpach. Iontrálfar na méideanna sin i mbuiséad ginearálta an Aontais ansin.

3.   Tuairisceoidh ESMA don Choimisiún go tráthrialta maidir le méideanna na bhfíneálacha agus méideanna na n-íocaíochtaí pionósacha tréimhsiúla a fhorchuirtear agus maidir lena stádas.