|
11.5.2020 |
MT |
Il-Ġurnal Uffiċjali tal-Unjoni Ewropea |
C 160/17 |
Notifika minn qabel ta’ konċentrazzjoni
(Il-Każ M.9801 — Allianz/OMERS Infrastructure/T&R JV)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2020/C 160/06)
1.
Fil-5 ta’ Mejju 2020, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
|
— |
Allianz Capital Partners GmbH (“ACP”, il-Ġermanja), li tappartjeni għall-grupp Allianz SE (il-Ġermanja), |
|
— |
Borealis Turtle Investments BV (“Borealis”, in-Netherlands), li proprjetà kollha kemm hi ta’ OMERS Administration Corporation (“OMERS”, il-Kanada), |
|
— |
Autobahn Tank & Rast Gruppe GmbH & Co KG (“T&R”, il-Ġermanja). |
ACP u Borealis jakkwistaw, fis-sens tal-Artikolu 3(1)(b) u l-Artikolu 3(4) tar-Regolament dwar l-Għaqdiet, il-kontroll bi sħab ta’ T&R kollha kemm hi. Il-konċentrazzjoni tirriżulta minn emenda fil-prinċipji tal-governanza ta’ T&R.
2.
L-attivitajiet kummerċjali tal-impriżi kkonċernati huma:|
— |
ACP hija sussidjarja proprjetà kollha kemm hi ta’ Allianz SE, finalment il-kumpanija prinċipali tal-Allianz Group. L-Allianz Group joffri firxa komprensiva ta’ prodotti u servizzi tal-assigurazzjoni u ta’ ġestjoni tal-assi kemm lil klijenti privati u kemm lil klijenti korporattivi f’aktar minn 70 pajjiż. Qabel it-tranżazzjoni, Allianz kellha kontroll esklużiv fuq T&R, |
|
— |
Borealis hija l-entità azzjonarja ta’ ġestjoni tal-investiment ta’ T&R f’isem OMERS, l-amministratur tal-Ontario Municipal Employees Retirement System Primary Pension Plan u finalment il-kumpanija prinċipali tal-grupp OMERS, wieħed mill-akbar pjanijiet definiti tal-benefiċċji tal-pensjonijiet tal-Kanada. L-ishma ta’ OMERS f’T&R ma nbidlux wara t-tranżazzjoni, |
|
— |
T&R hija fornitur ta’ servizzi tal-ikel, ta’ prodotti għall-konsum mill-ħwienet, akkomodazzjoni fil-lukandi u fjuwil fil-motorways Ġermaniżi. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.9801 — Allianz/OMERS Infrastructure/T&R JV
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks+32 229-64301
Indirizz tal-posta:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).