31984D0371



Official Journal L 196 , 26/07/1984 P. 0046 - 0046
Finnish special edition: Chapter 3 Volume 17 P. 0231
Spanish special edition: Chapter 03 Volume 31 P. 0192
Swedish special edition: Chapter 3 Volume 17 P. 0231
Portuguese special edition Chapter 03 Volume 31 P. 0192


Id-Deċiżjoni tal-kummissjoni

tat-3 ta' Lulju 1984

li tistabbilixxi l-karatteristiċi tal-marka speċjali għal-laħam frisk msemmi fl-Artikolu 5(a) tad-Direttiva 64/433/KEE

(84/371/KEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat id-Direttiva tal-Kunsill 64/433/KEE tas-26 ta' Ġunju 1964 fuq problemi ta' saħħa li jaffettwaw il-kummerċ intra-Komunitarju fil-laħam frisk [1], kif l-aħħar emendat bid-Direttiva 83/90/KEE [2], u partikolarment Artikolu 5(a) tiegħu,

Billi Artikolu 5(a) tad-Direttiva 64/433/KEE jipprovdi li xi kategoriji ta' laħam jistgħu jintbagħtu mit-territorju ta' Stat Membru lil dak ta' Stat Membru ieħor biss fejn il-laħam huwa maħsub li jgħaddi mi xi wieħed mit-trattamenti provduti fid-Direttiva tal-Kunsill 77/99/KEE [3], u jkollu marka speċjali;

Billi jeħtieġ li tkun adottata marka li tintgħaraf malajr u li tagħti l-garanziji meħtieġa għad-differenzazzjoni tal-laħam;

Billi l-miżuri provduti f'din id-Deċiżjoni huma skond l-opinjoni tal-Kumitat Permanenti Veterinarju,

ADOTTAT DIN ID-DEĊIŻJONI:

Artikolu 1

Il-marka msemmija f'Artikolu 5(a) tad-Direttiva 64/433/KEE għandha tkun imfissra fl-Anness.

Artikolu 2

Din id-Deċiżjoni hija indirizzata lill-Istati Membri.

Magħmula f'Brussel, fit-3 ta' Lulju 1984.

Għall-Kummissjoni

Poul Dalsager

Membru tal-Kummissjoni

[1] ĠU Ċ 121, tad- 29.7.1964, p. 2012/64.

[2] ĠU L 59, tal-5.3.1983, p. 10.

[3] ĠU L 26, tal-31.1.1977, p. 85.

--------------------------------------------------

ANNESS

Il-marka speċjali għandha tkun marka ovali, kif definita fil-punt 49 tal-kapitlu X ta' Anness I tad-Direttiva 64/433/KEE, koperta b'żewġ linji paralleli, b'distanza minn lanqas ta' 1 ċm, li taqsam it-timbru matul id-dijametru prinċipali u l-informazzjoni fuqha tibqa leġibbli, u ż-żewġ linji paralleli ikunu evidenti daqs it-tarf estern tal-marka.

--------------------------------------------------