Cuirtear an fhaisnéis seo a leanas faoi bhráid Joseph Nganzo Olikwa TIPI (uimh. 13), duine a liostaítear in Iarscríbhinn II a ghabhann le Cinneadh 2010/788/CBES ón gComhairle (1) agus in Iarscríbhinn Ia a ghabhann le Rialachán (CE) Uimh. 1183/2005 ón gComhairle (2) a bhaineann le bearta sriantacha i bhfianaise na staide i bPoblacht Dhaonlathach an Chongó.

Tá an Chomhairle ag smaoineamh ar na bearta sriantacha a choinneáil ar bun i gcoinne an duine thuasluaite, bunaithe ar ráiteas leasaithe ar chúiseanna. Cuirtear in iúl do Joseph Nganzo Olikwa TIPI, leis seo, go bhféadfaidh sé iarraidh a chur faoi bhráid na Comhairle chun an ráiteas ar chúiseanna atá beartaithe lena ainmniú a choinneáil ar bun a fháil, faoin  25 Deireadh Fómhair 2024 , chuig an seoladh seo a leanas:

Comhairle an Aontais Eorpaigh

An Ardrúnaíocht

RELEX.1.C

Rue de la Loi/Wetstraat 175

1048 Bruxelles/Brussel

BELGIQUE/BELGIË

ríomhphost: sanctions@consilium.europa.eu

---

(1)   IO L 336, 21.12.2010, lch. 30.

(2)   IO L 193, 23.7.2005, lch. 1.