|
24.11.2017 |
MT |
Il-Ġurnal Uffiċjali tal-Unjoni Ewropea |
C 398/3 |
Notifika minn qabel ta’ konċentrazzjoni
(Il-Każ M.8708 — Société Générale/BNP Paribas/Powerhouse France)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2017/C 398/04)
|
1. |
Fis-16 ta’ Novembru 2017, il-Kummissjoni rċeviet notifika ta’ proposta ta’ konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1). Dan l-avviż jikkonċerna l-impriżi li ġejjin:
Sogecap, Cardiff Assurance u Diversipierre jakkwistaw fis-sens tal-Artikolu 3(1)(b) tar-Regolament dwar l-Għaqdiet, il-kontroll ta’ Powerhouse France kollha kemm. Il-konċentrazzjoni hija mwettqa permezz ta’ xiri ta’ ishma. |
|
2. |
L-attivitajiet kummerċjali tal-impriżi kkonċernati huma: — għal Sogecap: toffri firxa sħiħa ta’ prodotti tat-tfaddil tal-assigurazzjoni fuq il-ħajja u prodotti ta’ protezzjoni lin-networks tas-servizzi bankarji lill-konsumatur u dawk privati tas-Société Générale. Il-grupp Société Générale huwa l-aktar attiv f’attivitajiet bankarji internazzjonali għall-konsumatur, is-servizzi finanzjarji u s-servizzi bankarji korporattivi u ta’ investiment. — għal Cardif Assurance: attiva fis-settur tal-assigurazzjoni fuq il-ħajja u hija proprjetà tal-grupp BNP Paribas, grupp bankarju Franċiż ikkwotat fil-Borża u attiv l-aktar fis-settur tal-operazzjonijiet bankarji għall-konsumatur u s-servizzi bankarji korporattivi u istituzzjonali. — għal Diversipierre: attiva fl-investiment fil-proprjetà immobbli u ġestita minn BNP Paribas REIM France. — għal Powerhouse France: proprjetarja ta’ portafoll ta’ proprjetajiet residenzjali li jinsabu f’diversi Départements Franċiżi (fost l-oħrajn, Seine-Maritime, Seine-et-Marne, Ain, Loiret, Isère, Nord Pas de Calais). Il-proprjetajiet residenzjali huma mikrija lill-EDF għall-benefiċċju tal-impjegati tal-grupp EDF. |
|
3. |
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stipulata fl-Avviż. |
|
4. |
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata: M.8708 — Société Générale/BNP Paribas/Powerhouse France Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
|
(1) ĠU L 24, 29.1.2004, p. 1 (ir-“Regolament dwar l-Għaqdiet”).
(2) ĠU C 366, 14.12.2013, p. 5.