(1)

Id-Direttiva (UE) 2017/1132 tal-Parlament Ewropew u tal-Kunsill (3) tistabbilixxi fost l-oħrajn, regoli dwar id-divulgazzjoni ta’ informazzjoni dwar il-kumpaniji f’reġistru kummerċjali fl-Istati Membri biex tiżdied iċ-ċertezza legali fis-suq intern, u dwar sistema ta’ interkonnessjoni tar-reġistri. Dik is-sistema ta’ interkonnessjoni tar-reġistri ilha operazzjonali minn Ġunju 2017 u bħalissa toħloq konnessjoni bejn ir-reġistri kollha tal-Istati Membri. Bi tweġiba għall-iżviluppi diġitali, id-Direttiva (UE) 2017/1132 ġiet emendata bid-Direttiva (UE) 2019/1151 tal-Parlament Ewropew u tal-Kunsill (4) biex tipprovdi regoli għall-formazzjoni kompletament online ta’ kumpaniji b’responsabbiltà limitata, ir-reġistrazzjoni kompletament online ta’ fergħat transfruntieri u l-preżentazzjoni kompletament online ta’ dokumenti u informazzjoni ma’ reġistri kummerċjali.

(2)

F’dinja dejjem aktar diġitalizzata, l-għodod diġitali huma essenzjali biex tiġi żgurata l-kontinwità tal-operazzjonijiet tan-negozju u l-interazzjonijiet tal-kumpaniji mar-reġistri u mal-awtoritajiet. Sabiex jiżdiedu l-fiduċja u t-trasparenza fl-ambjent tan-negozju u jiġu ffaċilitati l-operat u l-attivitajiet tal-kumpaniji fis-suq intern, b’mod partikolari fir-rigward tal-intrapriżi mikro, żgħar u ta’ daqs medju (“SMEs”), kif definit fir-Rakkomandazzjoni tal-Kummissjoni 2003/361/KE (5), huwa kruċjali li l-kumpaniji, l-awtoritajiet u partijiet ikkonċernati oħrajn ikollhom aċċess għal informazzjoni affidabbli dwar il-kumpaniji li tista’ tintuża mingħajr formalitajiet kumplikati f’kuntest transfruntier.

(3)

Din id-Direttiva twieġeb għall-objettivi tad-diġitalizzazzjoni stabbiliti fil-Komunikazzjonijiet tal-Kummissjoni tat-2 ta’ Diċembru 2020 bit-titolu “Id-diġitalizzazzjoni tal-ġustizzja fl-Unjoni Ewropea: Strumentarju ta’ opportunitajiet” u tad-9 ta’ Marzu 2021 bit-titolu “Il-Kumpass Diġitali tal-2030: l-approċċ Ewropew għad-Deċennju Diġitali”, u għall-ħtieġa li tiġi ffaċilitata l-espansjoni transfruntiera tal-SMEs enfasizzata fil-Komunikazzjonijiet tal-10 ta’ Marzu 2020 bit-titolu “Strateġija għall-SMEs għal Ewropa sostenibbli u diġitali” u tal-5 ta’ Mejju 2021 bit-titolu “Aġġornament tal-Istrateġija Industrijali l-Ġdida tal-2020: Nibnu Suq Uniku aktar b’saħħtu għall-irkupru tal-Ewropa”.

(4)

L-aċċess għal informazzjoni affidabbli dwar il-kumpanji mir-reġistri u l-użu tagħha għadhom imfixkla minn ostakli f’sitwazzjonijiet transfruntieri. L-ewwel nett, l-informazzjoni dwar il-kumpaniji li l-utenti, inkluż il-kumpaniji u l-awtoritajiet, qegħdin ifittxu għadha mhijiex disponibbli biżżejjed fir-reġistri nazzjonali jew fuq livell transfruntier permezz tas-sistema ta’ interkonnessjoni tar-reġistri. It-tieni, l-użu ta’ din l-informazzjoni dwar il-kumpaniji f’sitwazzjonijiet transfruntieri, inkluż fi proċeduri amministrattivi quddiem l-awtoritajiet nazzjonali jew l-istituzzjonijiet u l-korpi tal-Unjoni, fi proċedimenti ġudizzjarji jew fl-istabbiliment ta’ sussidjarji jew fergħat transfruntieri, għadu mfixkel minn proċeduri u rekwiżiti li jieħdu ħafna ħin u li jiswew ħafna flus, inkluż il-ħtieġa ta’ postilla jew traduzzjoni tad-dokumenti tal-kumpaniji.

(5)

Il-partijiet ikkonċernati kollha, inkluż il-kumpaniji, l-awtoritajiet u l-pubbliku inġenerali, jeħtieġ li jkunu jistgħu jibbażaw fuq informazzjoni dwar il-kumpaniji għall-finijiet tan-negozju jew fi proċeduri amministrattivi jew proċedimenti ġudizzjarji. Għalhekk, huwa meħtieġ li d-data tal-kumpaniji li tiddaħħal f’reġistri li tkun aċċessibbli permezz tas-sistema ta’ interkonnessjoni tar-reġistri tkun preċiża, aġġornata u affidabbli.

(6)

L-introduzzjoni, permezz tad-Direttiva (UE) 2019/1151, ta’ standards għall-kontrolli tal-identità u tal-kapaċità ġuridika ta’ persuni li jiffurmaw kumpanija, jirreġistraw fergħa jew idaħħlu dokumenti jew informazzjoni online kienet l-ewwel pass importanti. Issa huwa essenzjali li jittieħdu aktar passi biex tittejjeb l-affidabbiltà u l-kredibbiltà tal-informazzjoni dwar il-kumpaniji fir-reġistri sabiex jiġi ffaċilitat l-użu tagħha fi proċeduri amministrattivi transfruntieri u fi proċedimenti ġudizzjarji.

(7)

Filwaqt li l-Istati Membri kollha jwettqu, sa ċertu punt, skrutinju ex ante tad-dokumenti u l-informazzjoni dwar il-kumpaniji qabel ma jiddaħħlu fir-reġistri, hemm approċċi differenti fl-Istati Membri fir-rigward tal-intensità tal-verifiki, il-proċeduri applikabbli u l-persuni jew il-korpi responsabbli għall-verifika ta’ tali dokumenti u informazzjoni. Dan jirriżulta f’fiduċja insuffiċjenti fid-dokumenti jew informazzjoni dwar il-kumpaniji f’kuntest transfruntiera u f’sitwazzjonijiet fejn id-dokumenti jew l-informazzjoni dwar il-kumpaniji minn reġistru fi Stat Membru wieħed xi drabi ma jiġux aċċettati bħala evidenza fi Stat Membru ieħor.

(8)

Għalhekk, huwa importanti li jiġi żgurat li ċerti verifiki jitwettqu fl-Istati Membri kollha sabiex jiġi ggarantit livell għoli ta’ akkuratezza u affidabbiltà tad-dokumenti u tal-informazzjoni, filwaqt li fl-istess ħin jiġu rrispettati s-sistemi legali u t-tradizzjonijiet legali tal-Istati Membri. Huwa meħtieġ ukoll li tali verifiki jkunu obbligatorji, mhux biss għall-formazzjoni kompletament online tal-kumpaniji, iżda anke għal kwalunkwe forma oħra ta’ formazzjoni tal-kumpaniji. Bl-istess mod, tali verifiki jenħtieġ li jitwettqu wkoll fl-Istati Membri li għadhom jippermettu l-użu ta’ metodi oħra ta’ arkivjar minbarra l-preżentazzjoni online, sabiex l-informazzjoni kollha mdaħħla fir-reġistru tiġi soġġetta għall-istess livell ta’ kontrolli. Jenħtieġ li tali verifiki u rekwiżiti oħra jiġu adattati għall-karatteristiċi speċifiċi tal-forom l-oħra ta’ formazzjoni tal-kumpaniji. Pereżempju, il-mudelli online jintużaw biss mill-applikanti bħala parti mill-proċedura għall-formazzjoni tal-kumpaniji kompletament online.

(9)

Jenħtieġ li fl-Istati Membri kollha jiġi pprovdut kontroll preventiv ġudizzjarju jew notarili jew kwalunkwe kombinazzjoni tagħhom, li jirrispetta s-sistemi legali u t-tradizzjonijiet legali tal-Istati Membri, inkluż ir-reġistri kummerċjali li huma awtoritajiet amministrattivi jew ġudizzjarji, sabiex tiġi żgurata l-affidabbiltà tad-dokumenti u l-informazzjoni dwar il-kumpaniji f’sitwazzjonijiet transfruntieri. Jenħtieġ li titwettaq verifika tal-legalità tal-istrument ta’ kostituzzjoni ta’ kumpanija, tal-istatuti tagħha jekk ikunu jinsabu fi strument separat, u ta’ kwalunkwe emenda ta’ dawn id-dokumenti, minħabba li dawk huma l-aktar dokumenti importanti li jikkonċernaw kumpanija. Tali verifika preventiva obbligatorja fl-Istati Membri kollha tkun konsistenti wkoll ma’ politiki oħra tal-Unjoni u tista’, b’mod partikolari, tikkontribwixxi biex jiġi żgurat li l-proċeduri tal-liġi tal-kumpaniji ma jkunux jistgħu jintużaw biex tiġi evitata liġi oħra tal-Unjoni u tal-Istati Membri li għandha l-għan li tipproteġi l-interess pubbliku. Jenħtieġ li dak il-kontroll preventiv ikun mingħajr preġudizzju għal-liġijiet nazzjonali li, filwaqt li jirrispettaw is-sistemi legali u t-tradizzjonijiet legali tal-Istati Membri, jirrikjedu li tali dokumenti jitfasslu u jiġu ċċertifikati fil-forma ġuridika dovuta. Kontroll preventiv tal-kontijiet annwali tal-kumpaniji mhuwiex meħtieġ skont din id-Direttiva.

(10)

Il-legalità tat-tranżazzjonijiet tal-liġi tal-kumpaniji, il-protezzjoni tal-affidabbiltà ta’ reġistri pubbliċi u l-prevenzjoni ta’ attivitajiet illegali jeħtieġu l-identifikazzjoni korretta u sigura tal-fundaturi u d-diretturi tal-kumpaniji, b’mod partikolari, kif ukoll il-verifika tal-kapaċità legali tagħhom. Għalhekk, għall-proċeduri fil-kamp ta’ applikazzjoni ta’ din id-Direttiva, jenħtieġ li l-Istati Membri jitħallew jipprevedu kontrolli elettroniċi pubbliċi komplementari tal-identità, il-kapaċità legali u l-legalità. Dawk il-kontrolli elettroniċi pubbliċi komplementari jistgħu jinkludu kontrolli tal-identità awdjoviżivi mill-bogħod pubbliċi, inkluż verifiki elettroniċi ta’ ritratti tal-identità. Fl-istess ħin, informazzjoni affidabbli u aġġornata dwar il-kumpaniji fir-reġistri tikkontribwixxi għall-ġlieda kontra l-ħasil tal-flus u l-finanzjament tat-terroriżmu. B’mod partikolari, aċċess imtejjeb għal informazzjoni aktar affidabbli dwar il-kumpaniji fil-livell tal-Unjoni, inkluż iċ-Ċertifikat tal-Kumpaniji tal-UE, jiffaċilita l-identifikazzjoni affidabbli tal-klijent f’konformità mal-prinċipju “kun af lill-klijent tiegħek” skont ir-regoli dwar il-ġlieda kontra l-ħasil tal-flus u l-finanzjament tat-terroriżmu. Barra minn hekk, il-konnessjoni fil-livell tal-Unjoni tas-sistema ta’ interkonnessjoni tar-reġistri (Sistema ta’ Interkonnessjoni tar-Reġistri Kummerċjali - BRIS), tas-Sistema ta’ Interkonnessjoni tar-Reġistri tas-Sjieda Benefiċjarja (BORIS) u tas-Sistema ta’ Interkonnessjoni tar-Reġistri tal-Insolvenza (IRI), li għandhom informazzjoni importanti dwar il-kumpaniji, tiffaċilita l-aċċess għal dik l-informazzjoni u tippermetti t-twettiq ta’ kontroverifiki dwarha filwaqt li tirrispetta r-reġim ta’ aċċess għall-informazzjoni f’kull sistema ta’ interkonnessjoni.

(11)

Sabiex jitnaqqsu ulterjorment il-kostijiet u jitnaqqas il-piż amministrattiv relatati mal-formazzjoni tal-kumpaniji, inkluż it-tul tal-proċeduri, u biex tiġi ffaċilitata l-espansjoni tal-kumpaniji fis-suq intern, b’mod partikolari l-SMEs, jenħtieġ li l-użu tal-prinċipju ta’ “darba biss” jiġi estiż aktar fil-qasam tal-liġi tal-kumpaniji. Dan il-prinċipju diġà huwa rikonoxxut sew fl-Unjoni, inkluż fil-Komunikazzjoni tal-Kummissjoni tad-9 ta’ Marzu 2021 intitolata “Il-Kumpass Diġitali tal-2030: l-approċċ Ewropew għad-Deċennju Diġitali”, bħala mezz li jippermetti lill-amministrazzjonijiet pubbliċi jiskambjaw data u evidenza bejn il-fruntieri, u huwa applikat f’oqsma differenti, bħal pereżempju s-sistema teknika għall-iskambju awtomatizzat ta’ evidenza bejn l-awtoritajiet kompetenti fi Stati Membri differenti skont ir-Regolament (UE) 2018/1724 tal-Parlament Ewropew u tal-Kunsill (6).

(12)

L-applikazzjoni tal-prinċipju ta’ “darba biss” tinvolvi li l-kumpaniji ma jintalbux jissottomettu l-istess informazzjoni lill-awtoritajiet pubbliċi aktar minn darba. Pereżempju, meta jistabbilixxu kumpanija sussidjarja fi Stat Membru ieħor, il-kumpaniji jenħtieġ li ma jkollhomx għalfejn jerġgħu jissottomettu d-dokumenti jew l-informazzjoni dwar il-kumpannija relatata mal-eżistenza u r-reġistrazzjoni tal-kumpanija fundatriċi diġà sottomessa lir-reġistru fejn il-kumpanija fundatriċi tkun irreġistrata. L-applikazzjoni tal-prinċipju ta’ “darba biss” tfisser li jenħtieġ li l-informazzjoni dwar il-kumpanija fundatriċi tiġi skambjata b’mod elettroniku, bejn ir-reġistru fejn il-kumpanija hija rreġistrata u r-reġistru fejn ser tiġi rreġistrata sussidjarja, bl-użu tas-sistema ta’ interkonnessjoni tar-reġistri. Alternattivament, l-informazzjoni dwar il-kumpanija fundatriċi tista’ tiġi aċċessata direttament mis-sistema ta’ interkonnessjoni tar-reġistri permezz tal-portal Ewropew tal-Ġustizzja Elettronika (“il-portal”), jew fir-reġistru nazzjonali tal-kumpanija fundatriċi. Meta dokumenti u informazzjoni dwar il-kumpanija fundatriċi jiġu skambjati permezz tas-sistema ta’ interkonnessjoni tar-reġistri b’mezzi diġitali, jew aċċessati direttament minnha, jenħtieġ li dawn ma jiġux miċħuda effett legali jew jiġu rrifjutati għar-raġuni li jkunu f’forma elettronika.

(13)

L-applikazzjoni tal-prinċipju ta’ “darba biss” tfisser ukoll li l-kumpanija fundatriċi ma tenħtieġx terġa’ tissottometti d-dokumenti jew l-informazzjoni dwar il-kumpanija lil kwalunkwe awtorità, korp jew persuna. Jenħtieġ li awtorità, korp jew persuna l-ewwel jaċċessaw direttament l-informazzjoni li hija disponibbli għall-pubbliku permezz tas-sistema ta’ interkonnessjoni tar-reġistri permezz tal-portal. F’każijiet fejn ir-reġistru jenħtieġ li jipprovdi tali informazzjoni lil kwalunkwe awtorità, korp jew persuna, jenħtieġ li l-Istati Membri jkunu liberi li jiddeċiedu dwar il-mezzi biex jagħmlu dan, pereżempju permezz ta’ punti ta’ aċċess fakultattivi nazzjonali għas-sistema ta’ interkonnessjoni tar-reġistri, u jekk jitolbux tariffi għal tali informazzjoni.

(14)

Sabiex jiżdiedu t-trasparenza u l-fiduċja fir-rigward tal-kumpaniji fis-suq intern, biex tiġi żgurata ċ-ċertezza legali u biex jiġu protetti partijiet terzi fin-negozjar ma’ kumpaniji f’kuntest transfruntier, biex isir kontribut għall-ġlieda kontra l-frodi u l-abbuż, u biex jiġu ffaċilitati l-operat u l-attivitajiet transfruntieri tal-kumpaniji, huwa essenzjali li madwar l-Unjoni ssir disponibbli aktar informazzjoni dwar il-kumpaniji u li jiġi żgurat li din tkun komparabbli u tkun aċċessibbli aktar faċilment. Dan jenħtieġ li jsir billi jibni fuq l-informazzjoni dwar il-kumpanija li diġà teżisti fir-reġistri nazzjonali u billi ssir disponibbli fil-livell tal-Unjoni permezz tas-sistema ta’ interkonnessjoni tar-reġistri, kif ukoll billi jiġi pprovdut aċċess għal aktar informazzjoni kemm fir-reġistri nazzjonali kif ukoll permezz tas-sistema ta’ interkonnessjoni tar-reġistri.

(15)

Sabiex jiġu protetti l-interessi ta’ partijiet terzi u sabiex tissaħħaħ il-fiduċja fit-tranżazzjonijiet kummerċjali ma’ tipi differenti ta’ kumpaniji fis-suq intern, huwa importanti li tissaħħaħ it-trasparenza u li jiġi pprovdut aċċess transfruntier aktar faċli għal informazzjoni dwar l-hekk imsejħa “soċjetajiet kummerċjali”, li għal fini ta’ din id-Direttiva jenħtieġ li jkunu mifhuma li huma tipi ta’ soċjetajiet elenkati fl-Anness IIB. Dawk is-soċjetajiet għandhom rwol importanti fl-ekonomija tal-Istati Membri u huma rreġistrati fir-reġistri kummerċjali nazzjonali kollha, iżda hemm differenzi bejn it-tipi ta’ soċjetajiet u t-tipi ta’ informazzjoni disponibbli dwarhom madwar l-Unjoni, li jirriżultaw f’diffikultajiet fl-aċċess transfruntier għal dik l-informazzjoni. Sabiex dan jiġi indirizzat, jenħtieġ li l-istess informazzjoni bażika dwar dawk is-soċjetajiet tiġi ddivulgata fl-Istati Membri kollha. Jenħtieġ li r-rekwiżiti ta’ divulgazzjoni għal dawk is-soċjetajiet jirriflettu r-rekwiżiti ta’ divulgazzjoni eżistenti għal kumpaniji b’responsabbiltà limitata iżda jridu jiġu adattati għall-karatteristiċi speċifiċi tas-soċjetajiet. Pereżempju, jenħtieġ li r-rekwiżiti ta’ divulgazzjoni jkopru wkoll informazzjoni dwar soċji awtorizzati biex jirrappreżentaw is-soċjetà, b’mod partikolari soċji solidali li għandhom responsabbiltà illimitata. Bħal fil-każ ta’ kumpaniji b’responsabbiltà limitata, jenħtieġ li l-Istati Membri jitħallew jirrikjedu li s-soċjetajiet jiddivulgaw dokumenti jew informazzjoni lil hinn minn dak li huwa meħtieġ minn din id-Direttiva. Meta dawn id-dokumenti jew informazzjoni addizzjonali jkun fihom data personali, jenħtieġ li l-Istati Membri huwa obbligati jipproċessaw din id-data personali f’konformità mar-Regolament (UE) 2016/679 tal-Parlament Ewropew u tal-Kunsill (7).

(16)

Jenħtieġ li l-informazzjoni dwar “soċjetajiet kummerċjali” tkun aċċessibbli wkoll fil-livell tal-Unjoni permezz tas-sistema ta’ interkonnessjoni tar-reġistri bl-istess mod bħall-informazzjoni dwar kumpaniji b’responsabbiltà limitata, b’ċerta informazzjoni li għandha tkun magħmula disponibbli mingħajr ħlas, u jenħtieġ li soċjetajiet kummerċjali jiġu identifikati b’mod inekwivoku permezz tal-identifikatur uniku Ewropew (“EUID”).

(17)

L-għadd ta’ impjegati ta’ kumpanija huwa informazzjoni importanti għal partijiet terzi. Pereżempju, huwa wieħed mill-elementi li jiddeterminaw il-kategorija tad-daqs ta’ kumpanija. Il-kumpaniji jeħtieġ li jinkludu l-għadd medju ta’ impjegati matul is-sena finanzjarja fid-dikjarazzjonijiet finanzjarji tagħhom skont id-Direttiva 2013/34/UE tal-Parlament Ewropew u tal-Kunsill (8). Peress li fil-futur ser ikun possibbli li tali data tiġi estratta mid-dikjarazzjonijiet finanzjarji, l-Istati Membri ser jkunu jistgħu jużaw dik l-informazzjoni diġà eżistenti u jagħmluha disponibbli għall-pubbliku mingħajr ħlas permezz tas-sistema ta’ interkonnessjoni tar-reġistri. Meta tali informazzjoni ssir disponibbli għall-pubbliku permezz tas-sistema ta’ interkonnessjoni tar-reġistri, jenħtieġ li jiġi indikat b’mod ċar fuq il-portal li l-informazzjoni hija dwar għadd annwali medju li jinkludi referenza għas-sena finanzjarja speċifika.

(18)

L-azzjonisti, l-investituri potenzjali, il-kredituri, l-awtoritajiet, l-impjegati u l-assoċjazzjonijiet tas-soċjetà ċivili għandhom interess leġittimu li jkollhom aċċess għall-informazzjoni relatata mal-istruttura tal-grupp li għalih tappartjeni kumpanija. L-informazzjoni dwar il-gruppi ta’ kumpaniji hija importanti biex tiġi promossa t-trasparenza u biex tissaħħaħ il-fiduċja fl-ambjent tan-negozju kif ukoll biex tikkontribwixxi għall-identifikazzjoni effettiva ta’ skemi frawdolenti jew abbużivi li jistgħu jaffettwaw id-dħul pubbliku u l-kredibbiltà tas-suq intern. Għalhekk, jenħtieġ li l-informazzjoni dwar l-istrutturi tal-gruppi tkun disponibbli għall-pubbliku permezz tas-sistema ta’ interkonnessjoni tar-reġistri kemm għall-gruppi ta’ kumpaniji domestiċi kif ukoll transfruntieri.

(19)

Għalkemm informazzjoni dwar il-gruppi ta’ kumpaniji li jeħtieġ li jħejju dikjarazzjonijiet finanzjarji konsolidati skont id-Direttiva 2013/34/UE hija inkluża f’dawk id-dikjarazzjonijiet, hemm bżonn li tiġi ffaċilitata l-aċċessibbiltà pubblika ta’ tali informazzjoni. Id-dikjarazzjonijiet finanzjarji spiss ikunu disponibbli biss bi ħlas, u l-partijiet ikkonċernati jeħtieġ li jkunu jafu dwar l-eżistenza ta’ grupp ta’ kumpaniji, u dwar kif isibu dik l-informazzjoni fid-dikjarazzjonijiet finanzjarji konsolidati u kif jinterpretawha. Informazzjoni disponibbli pubblikament dwar il-gruppi ta’ kumpaniji permezz tas-sistema ta’ interkonnessjoni tar-reġistri tiggarantixxi trasparenza mtejba u aċċess faċli għal dik l-informazzjoni. Id-disponibbiltà ta’ dik l-informazzjoni permezz tas-sistema ta’ interkonnessjoni tar-reġistri tagħmilha possibbli wkoll li kumpanija tiġi konnessa awtomatikament ma’ kumpaniji oħra li huma parti mill-istess grupp ta’ kumpaniji, bis-saħħa tal-EUID tagħhom, u li jiġi pprovdut aċċess għal aktar informazzjoni dwar kull kumpanija fi ħdan grupp ta’ kumpaniji.

(20)

Din id-Direttiva tħalli f’idejn l-Istati Membri biex jiddeċiedu kif jiġbru l-informazzjoni meħtieġa dwar gruppi ta’ kumpaniji u dwar l-għadd medju ta’ impjegati ta’ kumpanija. Sabiex jiġi evitat li jiġu imposti rekwiżiti ġodda dwar il-kumpaniji, ir-reġistri jistgħu jieħdu tali data direttament mill-informazzjoni li l-kumpaniji jinkludu fid-dikjarazzjonijjiet finanzjarji tagħhom ippreżentati fir-reġistru. Għalhekk, jenħtieġ li r-rekwiżit li tiġi ddivulgata informazzjoni dwar l-għadd medju ta’ impjegati jkun bil-kundizzjoni li dik l-informazzjoni tkun disponibbli f’format li jippermetti li tiġi estratta d-data. Barra minn hekk, minħabba r-rekwiżiti relatati ma’ data strutturata u formati li jinqraw minn magna u li jippermettu t-tiftix skont l-atti legali tal-Unjoni bħar-Regolament Delegat tal-Kummissjoni (UE) 2019/815 (9), ir-Regolament ta’ Implimentazzjoni tal-Kummissjoni (UE) 2023/138 (10), u d-Direttiva (UE) 2017/1132, jenħtieġ li r-reġistri jkunu jistgħu jieħdu wkoll informazzjoni dwar il-gruppi ta’ kumpaniji permezz ta’ mezzi awtomatizzati. Sabiex jiġi żgurat li r-rekwiżiti relatati mal-leġġibbiltà tal-magni jiġu implimentati bis-sħiħ fl-Istati Membri kollha u li r-reġistri jkollhom il-mezzi tekniċi biex jipproċessaw l-informazzjoni dwar il-kumpanija f’format li jinqara minn magna u u li jippermetti t-tiftix jew bħala data strutturata, huwa meħtieġ li jiġi previst perjodu itwal ta’ traspożizzjoni għad-dispożizzjonijiet li jirrikjedu informazzjoni dwar gruppi ta’ kumpaniji u informazzjoni dwar l-għadd medju ta’ impjegati ta’ kumpanija li għandha ssir disponibbli permezz tas-sistema ta’ interkonnessjoni tar-reġistri.

(21)

Gruppi ta’ kumpaniji jista’ jkollhom struttura kumplessa. Għalhekk, rappreżentazzjoni viżwali tal-istruttura tal-grupp ibbażata fuq il-katina ta’ kontroll, magħmula disponibbli permezz tas-sistema ta’ interkonnessjoni tar-reġistri, tkun tipprovdi ħarsa ġenerali faċli għall-utent, aċċessibbli faċilment u komprensiva tal-grupp ta’ kumpaniji u tiffaċilita fehim aħjar tal-metodu tagħha ta’ tħaddim tal-grupp. It-tħejjija ta’ rappreżentazzjoni viżwali bħal din tkun teħtieġ informazzjoni dwar il-pożizzjoni ta’ kull sussidjarja fl-istruttura tal-grupp, li konsegwentement tkun teħtieġ informazzjoni aktar dettaljata dwar l-organizzazzjoni tal-grupp ta’ kumpaniji. Għalkemm skont din id-Direttiva tali rappreżentazzjoni viżwali tal-istrutturi ta’ gruppi mhijiex meħtieġa, l-Istati Membri huma, madankollu, imħeġġa jipprevedu tali rappreżentazzjonijiet viżwali u jagħmluhom disponibbli għall-pubbliku. Għalhekk, jenħtieġ li l-ħtieġa għal rappreżentazzjonijiet viżwali tal-istrutturi tal-gruppi tiġi vvalutata aktar, f’konsultazzjoni mal-partijiet ikkonċernati rilevanti, bħala parti mill-evalwazzjoni futura ta’ din id-Direttiva.

(22)

Minbarra l-istandards komuni għall-verifika tal-informazzjoni dwar il-kumpaniji qabel ma tiddaħħal fir-reġistru, huwa meħtieġ li jiġi żgurat li l-informazzjoni fir-reġistru tinżamm aġġornata. Ir-rakkomandazzjoni dwar it-Task Force ta’ Azzjoni finanzjarja 24 “Trasparenza u sjieda benefiċjarja ta’ persuni ġuridiċi”, kif riveduta f’Marzu 2022, tipprevedi li jenħtieġ li l-informazzjoni dwar il-kumpaniji fir-reġistri kummerċjali tinżamm preċiża u aġġornata. Huwa wkoll fl-interess tal-kumpaniji li jiżguraw li l-informazzjoni tagħhom tiġi aġġornata fir-reġistru, minħabba li din l-informazzjoni, inkluż iċ-Ċertifikat tal-Kumpaniji tal-UE, jistgħu jiddependu fuqha partijiet terzi. Għalhekk, jenħtieġ li l-kumpaniji jkunu meħtieġa jiddivulgaw il-bidliet fid-dokumenti u fl-informazzjoni dwar il-kumpanija tagħhom mingħajr dewmien żejjed u jenħtieġ li r-reġistri jirreġistraw u jagħmlu dawn il-bidliet disponibbli pubblikament fil-ħin. Jenħtieġ li dawk ir-rekwiżiti għar-reġistri u l-kumpaniji ma jkoprux konverżjonijiet, fużjonijiet jew diviżjonijiet ta’ kumpaniji b’responsabbiltà limitata, li għalihom huma previsti regoli speċifiċi fid-Direttiva (UE) 2017/1132. Jenħtieġ li l-perjodu għar-reġistri biex jirreġistraw u jagħmlu bidliet għad-dokumenti u għall-informazzjoni disponibbli pubblikament jibda mid-data meta jitwettqu l-formalitajiet kollha li huma meħtieġa għall-preżentazzjoni, inkluż il-verifika tal-legalità li tikkonferma li d-dokumenti jikkonformaw mal-liġi nazzjonali. Jenħtieġ li tali formalitajiet jitwettqu mir-reġistru mingħajr dewmien żejjed u li l-kumpanija tiġi infurmata dwar id-durata mistennija tagħhom. Jenħtieġ li l-iskadenza għar-reġistri tkun tista’ tiġi estiża f’każijiet ta’ ċirkostanzi eċċezzjonali, li jistgħu jkunu dovuti, pereżempju, għall-għadd kbir ta’ dokumenti ppreżentati fir-reġistru, jew problemi tekniċi mhux previsti. Filwaqt li l-iskadenza għall-pubblikazzjoni tad-dokumenti kontabilistiċi hija regolata mid-Direttiva 2013/34/UE, jenħtieġ li r-reġistri jagħmluhom ukoll disponibbli għall-pubbliku mingħajr dewmien żejjed. Sabiex jiġi żgurat aktar li d-dokumenti u l-informazzjoni dwar il-kumpaniji jkunu preċiżi u aġġornati fl-Istati Membri kollha, jenħtieġ li jkun hemm fis-seħħ penali effettivi, proporzjonati u dissważivi biex jiġi indirizzat in-nuqqas ta’ konformità mal-obbligi kollha ta’ divulgazzjoni skont din id-Direttiva, inkluż għall-preżentazzjoni tard.

(23)

Sabiex l-informazzjoni dwar il-kumpaniji tinżamm aġġornata fir-reġistri, huwa importanti wkoll li jiġu identifikati kumpaniji li ma għadhomx jissodisfaw ir-rekwiżiti biex ikomplu jiġu rreġistrati fir-reġistru kummerċjali. Filwaqt li jenħtieġ li l-Istati Membri ma jkunux obbligati jwettqu spezzjonijiet perjodiċi, jenħtieġ li jkollhom fis-seħħ proċeduri trasparenti biex jivverifikaw, f’każijiet speċifiċi fejn ikunu nqalgħu dubji, l-istatus ta’ tali kumpaniji. Filwaqt li l-kumpaniji jistgħu jissospendu temporanjament l-attivitajiet tagħhom għal raġunijiet validi, huwa importanti li l-istatus tagħhom fir-reġistru kummerċjali jiġi aġġornat kif xieraq. Pereżempju, l-indikaturi tal-ħtieġa li tiġi aġġornata l-informazzjoni tal-kumpanija fir-reġistru jistgħu jinkludu l-fatt li kumpanija ma għandhiex bord tad-diretturi li jiffunzjona kif meħtieġ mil-liġi nazzjonali, ma tkunx irreġistrat dokumenti ta’ kontabbiltà, jew nuqqas ta’ kwalunkwe attività ekonomika għal xi snin. B’mod simili, il-fatt li għadd kbir ta’ kumpaniji huma rreġistrati fl-istess indirizz jista’ jindika li xi wħud minn dawk il-kumpaniji setgħu ġew stabbiliti għal skopijiet abbużivi. Jenħtieġ li l-proċeduri ta’ verifika rilevanti fl-Istati Membri jippermettu lill-kumpaniji jispjegaw is-sitwazzjoni tagħhom u jipprovdu d-data meħtieġa, fi żmien skadenzi raġonevoli, u jenħtieġ li jiżguraw li l-istatus tal-kumpanija, pereżempju, jekk tkunx magħluqa, maqtugħa mir-reġistru, likwidata, xolta, tkun għaddejja minn proċedimenti ta’ insolvenza, tkun ekonomikament attiva jew inattiva kif definit mil-liġi nazzjonali u jekk din l-informazzjoni tkun irreġistrata f’reġistru nazzjonali, tkun aġġornata kif xieraq. Jenħtieġ li dawk il-proċeduri ta’ verifika jipprevedu wkoll, bħala l-aħħar alternattiva, li kumpanija titneħħa mir-reġistru f’konformità mal-proċeduri stabbiliti mil-liġi nazzjonali. Jenħtieġ li l-informazzjoni dwar dawk il-proċeduri ta’ verifika tkun disponibbli għall-pubbliku f’konformità mad-Direttiva (UE) 2017/1132.

(24)

Fis-suq intern, jenħtieġ li l-kumpaniji jkunu jistgħu jagħtu prova li l-kumpanija tagħhom hija legalment inkorporata fi Stat Membru permezz ta’ mezzi sempliċi u affidabbli, li huma rikonoxxuti f’kuntest transfruntier minn Stati Membri oħrajn. Għalhekk, jenħtieġ li jiġi stabbilit Ċertifikat tal-Kumpaniji tal-UE armonizzat. Il-kumpaniji jistgħu japplikaw għal dan iċ-Ċertifikat tal-Kumpaniji tal-UE, fir-reġistri kummerċjali nazzjonali jew permezz tas-sistema ta’ interkonnessjoni tar-reġistri, biex jużawh għal skopijiet differenti, inkluż fi proċeduri amministrattivi quddiem l-awtoritajiet nazzjonali jew istituzzjonijiet jew korpi tal-Unjoni u fi proċedimenti ġudizzjarji fi Stati Membri oħrajn. Jenħtieġ li tali Ċertifikat tal-Kumpaniji tal-UE jinħareġ u jiġi ċċertifikat mir-reġistri kummerċjali nazzjonali, jenħtieġ li jkun disponibbli bil-lingwi uffiċjali kollha tal-Unjoni u jenħtieġ li jinkludi informazzjoni essenzjali dwar il-kumpaniji użata minn kumpaniji f’sitwazzjonijiet transfruntieri, inkluż, pereżempju, l-isem tal-kumpanija, l-uffiċċju rreġistrat tagħha, ir-rappreżentanti legali jew l-iskop tal-kumpanija. Jenħtieġ li ċ-Ċertifikat tal-Kumpaniji tal-UE jkun mingħajr preġudizzju għall-estratti u ċ-ċertifikati nazzjonali. Jenħtieġ li ċ-Ċertifikat tal-Kumpaniji tal-UE elettroniku jiġi awtentikat billi jintużaw servizzi fiduċjarji kif imsemmi fir-Regolament (UE) Nru 910/2014 tal-Parlament Ewropew u tal-Kunsill (11). Sabiex jiġu ffaċilitati l-attivitajiet transfruntieri tal-kumpaniji u jitnaqqsu kemm jista’ jkun il-kostijiet tagħhom, jenħtieġ li jiġi żgurat fl-Istati Membri kollha li kumpanija tista’ tikseb iċ-Ċertifikat tal-Kumpaniji tal-UE tagħha stess mingħajr ħlas. Fl-istess ħin, minħabba d-diversità tal-mudelli ta’ finanzjament tar-reġistri kummerċjali, inkluż reġistri li huma kompletament awtofinanzjati, huwa importanti li jiġi żgurat li kwalunkwe miżura li tirriżulta minn din id-Direttiva ma tikkawżax preġudizzju serju għall-finanzjament tar-reġistri. Għalhekk, jenħtieġ li l-Istati Membri jitħallew jitolbu tariffa biex jipprovdu Ċertifikati tal-Kumpaniji tal-UE jekk l-għoti tagħhom mingħajr ħlas jirriżulta f’impatt negattiv sinifikanti fuq id-dħul tar-reġistri kummerċjali tagħhom. Fi kwalunkwe każ, jenħtieġ li kull kumpanija tkun tista’ tikseb iċ-Ċertifikat tal-Kumpaniji tal-UE tagħha mingħajr ħlas mill-inqas darba fis-sena kalendarja. Jenħtieġ li partijiet terzi, inkluż awtoritajiet, li jeħtieġu informazzjoni affidabbli u essenzjali dwar il-kumpaniji, ikunu jistgħu japplikaw ukoll għaċ-Ċertifikat tal-Kumpaniji tal-UE ta’ kumpanija partikolari. Jenħtieġ li l-oriġini u l-awtentiċità ta’ Ċertifikat tal-Kumpaniji tal-UE f’format stampat ikunu jistgħu jiġu vverifikati elettronikament, pereżempju, permezz ta’ numru tal-protokoll li jikkorrispondi għad-dokument oriġinali fir-reġistru jew billi tiġi vverifikata l-firma diġitali tal-awtorità emittenti maħżuna fil-kodiċi ta’ rispons rapidu (kodiċi QR) li jidher f’dan id-dokument. Jenħtieġ li r-reġistri u l-awtoritajiet fi Stati Membri oħrajn jaċċettaw Ċertifikat tal-Kumpaniji tal-UE f’konformità ma’ din id-Direttiva.

(25)

Id-Direttiva (UE) 2017/1132 tinkludi miżuri biex jiġi żgurat mhux biss li l-informazzjoni dwar il-kumpaniji tiġi ddivulgata pubblikament, iżda wkoll li jistgħu jiddependu fuqha partijiet terzi. Barra minn hekk, id-Direttiva (UE) 2019/1151 introduċiet standards obbligatorji għall-kontrolli fir-rigward tal-formazzjoni kompletament online tal-kumpaniji u r-reġistrazzjoni kompletament online tal-fergħat. Din id-Direttiva tipprevedi sett komprensiv ta’ miżuri li ser jikkontribwixxu aktar biex jiġi żgurat li d-dokumenti u l-informazzjoni dwar il-kumpaniji fir-reġistri jkunu preċiżi u aġġornati. Id-dispożizzjonijiet f’din id-Direttiva biex jiġi ffaċilitat l-użu transfruntier tad-dokumenti u l-informazzjoni dwar il-kumpaniji jibnu fuq dawk l-istandards għall-kontrolli diġà eżistenti kif ukoll fuq is-sett komprensiv ta’ miżuri introdotti b’din id-Direttiva biex tiġi żgurata l-akkuratezza u l-affidabbiltà tal-informazzjoni dwar il-kumpanija.

(26)

Sabiex jiġu indirizzati l-frodi u l-abbuż, jenħtieġ li l-Istati Membri jitħallew jirrifjutaw li jaċċettaw bħala evidenza l-informazzjoni jew id-dokumenti tal-kumpanija mir-reġistru ta’ Stat Membru ieħor meta l-awtorità kompetenti jkollha bażi raġonevoli biex tissuspetta frodi jew abbuż fir-rigward tal-formazzjoni jew il-kontinwazzjoni tal-eżistenza ta’ dik il-kumpanija jew fir-rigward ta’ informazzjoni oħra dwar dik il-kumpanija. Madankollu, jenħtieġ li tali possibbiltà ma tiġix interpretata bħala li timplika prinċipju ġenerali ta’ rikonoxximent reċiproku fir-rigward tad-dokumenti u l-informazzjoni kollha maħżuna fir-reġistri kummerċjali nazzjonali. F’każijiet ta’ suspett ta’ frodi jew abbuż, jenħtieġ li l-awtorità kompetenti, bħala l-ewwel pass, tikkonsulta r-reġistru li pprovda l-informazzjoni jew id-dokumenti sabiex titlob l-opinjoni tiegħu. Jenħtieġ li l-informazzjoni jew id-dokumenti tal-kumpanija minn reġistru fi Stat Membru ieħor ma jiġux irrifjutati sistematikament, iżda biss b’mod eċċezzjonali, skont il-każ, meta dan ikun iġġustifikat minn raġunijiet ta’ interess pubbliku għall-prevenzjoni ta’ frodi jew l-abbuż. Jekk l-informazzjoni jew id-dokumenti pprovduti jiġu rrifjutati, jenħtieġ li l-awtorità kompetenti tinforma lir-reġistru li pprovda l-informazzjoni jew id-dokumenti, pereżempju permezz tal-punt ta’ kuntatt rilevanti kif previst f’din id-Direttiva. Jenħtieġ li l-Istati Membri jiżguraw li approċċi differenti bejn l-Istati Membri dwar kif għandhom jitwettqu kontroll preventiv, jew id-differenzi fis-sistemi legali u t-tradizzjonijiet legali tal-Istati Membri, ma jservux bħala bażi għal rifjut.

(27)

Sabiex jiġu ffaċilitati ulterjorment il-proċeduri transfruntieri għall-kumpaniji u jiġu ssimplifikati u mnaqqsa l-formalitajiet, bħall-postilla jew it-traduzzjoni, jenħtieġ li tiġi stabbilita prokura diġitali tal-UE. Jenħtieġ li l-prokura diġitali tal-UE tkun ibbażata fuq mudell Ewropew komuni multilingwi li l-kumpaniji jistgħu jagħżlu li jużaw sabiex jawtorizzaw persuna tirrappreżenta l-kumpanija fi proċeduri speċifiċi b’dimensjoni transfruntiera fil-kamp ta’ applikazzjoni ta’ din id-Direttiva. Jenħtieġ li dak il-mudell jinkludi tal-inqas il-kampijiet tad-data relatata mall-kamp ta’ applikazzjoni tar-rappreżentazzjoni, il-persuna awtorizzata biex tirrappreżenta l-kumpanija u t-tip ta’ rappreżentazzjoni. Il-prokura diġitali tal-UE titfassal f’konformità mar-rekwiżiti legali nazzjonali. Din jenħtieġ li tiġi aċċettata bħala evidenza tal-intitolament tal-persuna awtorizzata li tirrappreżenta l-kumpanija. Jenħtieġ li dan ikun mingħajr preġudizzju għar-regoli nazzjonali relatati mal-formazzjoni tal-kumpaniji u l-limitazzjonijiet dwar l-użu ta’ prokuri b’mod ġenerali. Jenħtieġ li l-prokura diġitali tal-UE tissodisfa r-rekwiżiti dwar l-attestazzjoni elettronika tal-attributi stabbiliti fir-Regolament (UE) 2024/1183 tal-Parlament Ewropew u tal-Kunsill (12) u mal-ispeċifikazzjonijiet tekniċi tal-Kartiera Ewropea tal-Identità Diġitali, biex tiġi żgurata soluzzjoni komuni b’aktar faċilità għall-utent. Dan ikun jikkontribwixxi biex jitnaqqsu kemm il-piż amministrattiv kif ukoll dak finanzjarju għall-Istati Membri billi jitnaqqas ir-riskju li jiġu żviluppati sistemi paralleli li mhumiex interoperabbli madwar l-Unjoni.

(28)

Il-prokura diġitali tal-UE stabbilita skont din id-Direttiva hija mingħajr preġudizzju għar-regoli nazzjonali dwar ir-rappreżentanza legali u statutorja jew kwalunkwe tip ieħor ta’ prokura. Jenħtieġ li l-prokura diġitali tal-UE tkun teżisti biss f’forma diġitali u jenħtieġ li tiġi awtentikata bl-użu ta’ servizzi fiduċjarji kif imsemmi fir-Regolament (UE) Nru 910/2014. Filwaqt li, f’konformità mad-Direttiva (UE) 2017/1132, informazzjoni dwar rappreżentanti legali hija meħtieġa li tiġi ddivulgata fir-reġistri kummerċjali, jenħtieġ li l-Istati Membri jkunu liberi li jagħżlu jekk jirrikjedux li prokura diġitali speċifika tal-UE tiġi ppreżentata, kemm jekk fir-reġistru kummerċjali jew inkella f’reġistru differenti f’konformità mal-liġi nazzjonali. Sabiex jingħelbu l-ostakli lingwistiċi u jiġi ffaċilitat l-użu tagħhom, jenħtieġ li l-mudelli għal Ċertifikat tal-Kumpaniji tal-UE u għal prokura diġitali tal-UE jkunu disponibbli fuq il-portal bil-lingwi uffiċjali kollha tal-Unjoni.

(29)

Il-kumpaniji spiss jiffaċċaw diffikultajiet u ostakli amministrattivi b’rabta mal-użu tal-informazzjoni dwar il-kumpaniji, li diġà hija disponibbli fir-reġistru kummerċjali nazzjonali tagħhom, f’sitwazzjonijiet transfruntieri, inkluż meta jittrattaw mal-awtoritajiet kompetenti jew fi proċedimenti ġudizzjarji fi Stat Membru ieħor. Id-data tal-kumpanija disponibbli fir-reġistru kummerċjali ta’ Stat Membru partikolari spiss ma tiġix aċċettata fi Stat Membru ieħor mingħajr formalitajiet ikkumplikati li jiġġeneraw kostijiet u dewmien. Għalhekk, sabiex jiġu ffaċilitati l-attivitajiet transfruntieri fis-suq intern, jenħtieġ li l-Istati Membri jiżguraw li ma tkun meħtieġa l-ebda legalizzazzjoni jew formalità simili, bħal postilla, fir-rigward ta’ kopji ċċertifikati ta’ dokumenti u informazzjoni relatati ma’ kumpaniji miksuba mir-reġistri. Jenħtieġ li l-istess approċċ jiġi applikat ukoll għad-dokumenti u informazzjoni skambjati permezz tas-sistema ta’ interkonnessjoni tar-reġistri, bħal ċertifikati ta’ qabel l-operat, kif ukoll għal atti notarili jew għal dokumenti amministrattivi għall-proċeduri fil-kamp ta’ applikazzjoni ta’ din id-Direttiva li jintużaw f’kuntest transfruntier. Dawn il-proċeduri jinkludu l-formazzjoni tal-kumpaniji u r-reġistrazzjoni ta’ fergħat fi Stat Membru ieħor, u konverżjonijiet, fużjonijiet u diviżjonijiet transfruntieri.

(30)

Fl-istess ħin, sabiex jiġu evitati l-frodi jew il-falsifikazzjoni, jenħtieġ li jkun possibbli għall-awtoritajiet tal-Istat Membru li fih jiġi ppreżentat id-dokument jew l-informazzjoni dwar il-kumpanija, fejn ikollhom dubju raġonevoli dwar l-oriġini jew l-awtentiċità tagħha, li jivverifikaw id-dokument jew l-informazzjoni permezz tar-reġistru tal-ħruġ jew permezz tar-reġistru fl-Istat Membru tagħhom stess li jista’ jiskambja informazzjoni dwar l-awtentiċità tad-dokument permezz tas-sistema ta’ interkonnessjoni tar-reġistri. Għal dak l-għan, jenħtieġ li l-Istati Membri jinnotifikaw lill-Kummissjoni bl-indirizz tal-posta elettronika li għandu jintuża bħala punt ta’ kuntatt nazzjonali. Jenħtieġ li dan l-iskambju ta’ informazzjoni jikkontribwixxi għall-fiduċja u għall-kooperazzjoni reċiproċi bejn l-Istati Membri fi ħdan is-suq intern.

(31)

L-istrumenti ta’ kostituzzjoni tal-kumpaniji xi drabi jitfasslu b’żewġ lingwi jew aktar, fejn waħda minnhom spiss tkun lingwa uffiċjali tal-Unjoni li tinftiehem b’mod wiesa’ mill-akbar għadd possibbli ta’ utenti transfruntieri. Il-kumpaniji spiss ukoll jippubblikaw b’mod volontarju traduzzjoni tal-istrument ta’ kostituzzjoni tagħhom b’lingwa bħal din fuq is-siti web tagħhom. Barra minn hekk, ammont dejjem akbar ta’ informazzjoni dwar il-kumpaniji li tinsab fl-istrument ta’ kostituzzjoni hija disponibbli separatament u identifikabbli faċilment bl-assistenza ta’ tikketti multilingwi permezz tas-sistema ta’ interkonnessjoni tar-reġistri. L-informazzjoni dwar il-kumpaniji teħtieġ ukoll li tinħażen f’reġistri kummerċjali f’format li jinqara minn magna u li jippermetti t-tiftix jew bħala data strutturata, f’konformità mad-dispożizzjonijiet introdotti mid-Direttiva (UE) 2019/1151, li ser tiffaċilita t-traduzzjoni awtomatika ta’ din id-data. Dawn l-iżviluppi jagħmluha aktar faċli li wieħed jikkonsulta u juża din l-informazzjoni dwar il-kumpaniji f’sitwazzjonijiet transfruntieri mingħajr il-ħtieġa ta’ traduzzjoni. Għalhekk, din id-Direttiva għandha l-għan li tissimplifika l-użu transfruntier tal-informazzjoni dwar il-kumpaniji billi tnaqqas il-ħtieġa għal traduzzjoni, b’mod partikolari traduzzjoni ċertifikata.

(32)

Jenħtieġ li l-awtoritajiet li jeħtieġu jivverifikaw informazzjoni speċifika dwar kumpanija minn Stat Membru ieħor l-ewwel jikkonsultaw l-informazzjoni meħtieġa fiċ-Ċertifikat tal-Kumpaniji tal-UE jew permezz tas-sistema ta’ interkonnessjoni tar-reġistri, minflok ma jitolbu traduzzjoni tad-dokument kollu li jkun fih tali informazzjoni speċifika. Dak ma jaffettwax id-dritt tal-Istati Membri li jirrikjedu traduzzjoni mhux iċċertifikata b’waħda mil-lingwi uffiċjali tagħhom jekk kellhom bżonn id-dokument kollu fil-kuntest ta’ proċedura partikolari. Fir-rigward ta’ traduzzjonijiet iċċertifikati, bħala prinċipju ġenerali, jenħtieġ li r-rekwiżiti legali għall-produzzjoni ta’ tali traduzzjonijiet tal-istrument ta’ kostituzzjoni jew tad-dokumenti l-oħra pprovduti mir-reġistru kummerċjali jkunu limitati għal dak li huwa strettament meħtieġ u jenħtieġ li traduzzjonijiet iċċertifikati jkunu meħtieġa biss f’każijiet speċifiċi. Madanakollu, traduzzjoni ċertifikata tista’ tkun meħtieġa, pereżempju, fejn id-dokumenti għandhom jiġu ddivulgati pubblikament minn reġistru, skont id-Direttiva (UE) 2017/1132, jew fil-kuntest ta’ proċedimenti ġudizzjarji.

(33)

Sabiex tiżdied it-trasparenza, jiġi ffaċilitat l-aċċess għall-informazzjoni dwar il-kumpaniji u jinħolqu amministrazzjonijiet pubbliċi aktar konnessi fuq bażi transfruntiera fis-suq intern, huwa importanti li s-sistemi ta’ interkonnessjoni jiġu konnessi fil-livell tal-Unjoni li diġà qed jiffunzjonaw li għandhom informazzjoni importanti tal-kumpaniji. Għalhekk, jenħtieġ li s-sistema ta’ interkonnessjoni tar-reġistri (BRIS) tkun konnessa mas-Sistema ta’ Interkonnessjoni tar-Reġistri tas-Sjieda Benefiċjarja (BORIS), stabbilita bid-Direttiva (UE) 2015/849 tal-Parlament Ewropew u tal-Kunsill (13) kif emendata bid-Direttiva (UE) 2018/843 tal-Parlament Ewropew u tal-Kunsill (14), li toħloq konnessjonijiet bejn ir-reġistri ċentrali nazzjonali li jkun fihom informazzjoni dwar is-sidien benefiċjarji tal-kumpaniji u ta’ entitajiet legali, ta’ trusts u ta’ tipi oħrajn ta’ arranġamenti legali, u mas-sistema ta’ Interkonnessjoni tar-Reġistri tal-Insolvenza(IRI) stabbilita f’konformità mar-Regolament (UE) 2015/848 tal-Parlament Ewropew u tal-Kunsill (15). Jenħtieġ li l-EUID jintuża biex jikkonnettja l-informazzjoni dwar kumpanija partikolari f’dawk is-sistemi. Madankollu, jenħtieġ li din il-konnessjoni bejn is-sistemi ma taffettwax ir-regoli u r-rekwiżiti dwar l-aċċess għall-informazzjoni stabbilita taħt l-oqfsa rilevanti li jistabbilixxu dawk ir-reġistri u l-interkonnessjonijiet. Dak ifisser, pereżempju, li jenħtieġ li utent tal-BRIS ikun jista’ jaċċessa BORIS biss jekk dak l-utent ikun intitolat għal aċċess għal BORIS skont ir-regoli u r-rekwiżiti rispettivi tiegħu.

(34)

Sabiex il-kumpaniji, u b’mod partikolari l-SMEs, jiġu megħjuna jespandu l-attivitajiet kummerċjali tagħhom b’mod transfruntier aktar faċilment, jenħtieġ li l-prinċipju ta’ “darba biss” jiġi żviluppat ulterjorment f’każijiet fejn il-kumpaniji jirreġistraw fergħat fi Stat Membru ieħor. Bħal fl-istabbiliment ta’ sussidjarja transfruntiera, l-applikazzjoni tal-prinċipju ta’ “darba biss” fir-rigward tal-fergħat tfisser li jenħtieġ li r-reġistru tal-fergħa jikseb l-informazzjoni dwar il-kumpanija li tirreġistra l-fergħa transfruntiera elettronikament mir-reġistru tal-kumpanija permezz tas-sistema ta’ interkonnessjoni tar-reġistri. Dan l-iskambju ta’ informazzjoni, bħal fil-każ ta’ kwalunkwe skambju ieħor ta’ informazzjoni bejn ir-reġistri permezz tas-sistema ta’ interkonnessjoni tar-reġistri, ser jitwettaq permezz ta’ trażmissjoni sigura bejn ir-reġistri nazzjonali biex jiġi żgurat li l-informazzjoni tista’ tiġi fdata u jenħtieġ li ma tkunx meħtieġa li tiġi ċċertifikata jew soġġetta għal kwalunkwe legalizzazzjoni jew formalità simili. Alternattivament, ir-reġistru tal-fergħa jista’ jaċċessa l-informazzjoni dwar il-kumpanija direttament mis-sistema ta’ interkonnessjoni tar-reġistri permezz tal-portal jew fir-reġistru nazzjonali ta’ dik il-kumpanija.

(35)

Filwaqt li l-informazzjoni dwar il-fergħat transfruntieri tal-kumpaniji tal-UE b’responsabbiltà limitata diġà hija disponibbli permezz tas-sistema ta’ interkonnessjoni tar-reġistri, l-informazzjoni dwar il-fergħat ta’ kumpaniji mhux tal-UE mhijiex, anke jekk diġà hija ddivulgata fir-reġistri nazzjonali f’konformità mad-Direttiva (UE) 2017/1132. Sabiex jiġi ffaċilitat l-aċċess għal tali informazzjoni fil-livell tal-Unjoni għall-partijiet ikkonċernati, jenħtieġ li l-informazzjoni dwar dawn il-fergħat ta’ kumpaniji ta’ pajjiżi terzi ssir disponibbli permezz tas-sistema ta’ interkonnessjoni tar-reġistri u jenħtieġ li dik l-informazzjoni ssir disponibbli mingħajr ħlas, kif diġà huwa l-każ għall-fergħat transfruntieri tal-kumpaniji tal-UE b’responsabbiltà limitata.

(36)

Jenħtieġ li d-dokumenti u l-informazzjoni dwar il-kumpanija, inkluż l-informazzjoni dwar ir-rappreżentanti legali, tal-anqas dwar soċji solidali f’soċjetajiet kif ukoll persuni oħrajn li jistgħu jirrappreżentaw legalment kumpanija, isiru disponibbli għall-pubbliku fir-reġistri kummerċjali sabiex tiġi żgurata ċ-ċertezza legali fin-negozjati bejn il-kumpaniji u partijiet terzi. B’mod partikolari, huwa importanti li partijiet terzi, bħal kredituri, investituri u sħab kummerċjali, iżda anke awtoritajiet u qrati, ikollhom ċertezza legali sħiħa dwar il-persuna li hija maħtura biex taġixxi f’isem il-kumpanija u li għandha s-setgħa li tidħol f’kuntratti jew twettaq negozju f’isem il-kumpanija. F’soċjetà, is-soċji spiss ikunu awtorizzati jirrappreżentaw is-soċjetà f’negozjati ma’ partijiet terzi u fi proċedimenti legali. Bl-istess mod, bil-għan li jiġu protetti partijiet terzi, huwa meħtieġ li, meta l-ishma kollha ta’ kumpanija privata b’responsabbiltà limitata jkunu miżmuma minn azzjonist uniku, l-identità ta’ dak l-azzjonist uniku, li jista’ jkun persuna fiżika jew ġuridika, issir aċċessibbli għall-pubbliku fir-reġistru nazzjonali meta jinħolqu tali kumpaniji jew jinbidel l-azzjonist uniku. Minħabba li azzjonist uniku jista’, pereżempju, jeżerċita s-setgħat tal-laqgħa ġenerali tal-kumpanija jew jikkonkludi kuntratti mal-kumpanija kif irrappreżentata minn dak l-azzjonist, jenħtieġ li partijiet terzi jkunu jistgħu jidentifikaw il-membru uniku sabiex jidentifikaw il-persuna li teżerċita kontroll tal-kumpanija jew li tirrappreżenta l-kumpanija. Għalhekk, jenħtieġ li dawn il-persuni jiġu identifikati b’mod inekwivoku.

(37)

Sabiex jittejjeb il-funzjonament tas-suq intern, partijiet terzi mhux biss jeħtieġ li jkollhom aċċess għall-informazzjoni dwar il-kumpanija fl-Istat Membru tagħhom stess, iżda anke l-informazzjoni dwar il-kumpanija fi Stat Membru ieħor. Kif ikun il-każ f’sitwazzjoni domestika, il-partijiet terzi jeħtieġ li jkollhom ċertezza legali dwar ir-rappreżentanti legali, is-soċji f’soċjetajiet u persuni oħrajn li jistgħu jirrappreżentaw legalment kumpanija, u dwar l-azzjonisti uniċi ta’ kumpaniji fi Stati Membri oħrajn. Għalhekk, jenħtieġ li din l-informazzjoni ssir disponibbli fil-livell tal-Unjoni permezz tas-sistema ta’ interkonnessjoni tar-reġistri, li tipprovdi aċċess għal din l-informazzjoni b’mod multilingwi u komparabbli, u b’hekk jiġi żgurat l-istess livell ta’ protezzjoni ta’ partijiet terzi f’sitwazzjonijiet transfruntieri. Sabiex tiġi żgurata ċ-ċertezza legali fir-rigward tal-identità tar-rappreżentanti legali, tas-soċji f’soċjetajiet, u ta’ persuni oħrajn li jistgħu jirrappreżentaw legalment kumpanija, kif ukoll ta’ azzjonisti uniċi, huwa meħtieġ li dawn il-persuni jkunu jistgħu jiġu identifikati b’mod inekwivoku. Il-ħtieġa li tiġi żgurata ċ-ċertezza dwar l-identità eżatta ta’ dawn il-persuni hija partikolarment kbira f’sitwazzjonijiet transfruntieri fejn is-sistema ta’ interkonnessjoni tar-reġistri tipprovdi aċċess għal din l-informazzjoni dwar il-kumpaniji kollha b’responsabbiltà limitata u soċjetajiet kummerċjali. Minħabba li s-sistemi nazzjonali għandhom approċċi diverġenti għall-identifikazzjoni ta’ dawn il-persuni, huwa meħtieġ li jiġu armonizzati l-kategoriji ta’ data personali li jistgħu jiġu aċċessati fil-livell tal-Unjoni. Filwaqt li l-ismijiet u l-kunjomijiet ta’ dawn il-persuni jikkostitwixxu data personali li sservi biex jiġu identifikati, l-ismijiet u l-kunjomijiet ma jiggarantux identifikazzjoni unika fil-każijiet kollha u għalhekk jeħtieġ li jiġu kkomplementati b’informazzjoni addizzjonali. Li tiżdied biss is-sena tat-twelid ma tkunx biżżejjed f’dan ir-rigward minħabba l-prevalenza ta’ ċerti ismijiet, kemm l-ismijiet u l-kunjomijiet, weħidhom u l-kombinazzjoni tagħhom, fl-Istati Membri u l-fatt li l-popolarità ta’ ċerti ismijiet spiss issegwi ċikli annwali, bir-riżultat li bosta persuni b’ismijiet identiċi jitwieldu fl-istess sena. Għalhekk huwa meħtieġ u proporzjonat li r-reġistri jintalbu jagħmlu disponibbli d-data sħiħa tat-twelid jew l-informazzjoni ekwivalenti għal dawk l-Istati Membri li ma jirreġistrawx id-data sħiħa tat-twelid fir-reġistru nazzjonali. Tali rekwiżit jippermetti l-identifikazzjoni inekwivoka ta’ rappreżentanti legali, sħab fi sħubijiet, u persuni oħra li jistgħu legalment jirrappreżentaw kumpanija, kif ukoll ta’ azzjonisti uniċi.

(38)

Jenħtieġ li l-Istati Membri jipproċessaw kwalunkwe data personali tar-rappreżentanti legali, is-soċji f’soċjetajiet u persuni oħrajn li jistgħu jirrappreżentaw legalment kumpanija, u ta’ azzjonisti uniċi, inkluż data personali li għandha ssir disponibbli għall-pubbliku fir-reġistri, f’konformità mar-Regolament (UE) 2016/679. Jenħtieġ li l-Kummissjoni tipproċessa d-data personali fil-kuntest ta’ din id-Direttiva f’konformità mar-Regolament (UE) 2018/1725 tal-Parlament Ewropew u tal-Kunsill (16). B’mod partikolari, jenħtieġ li l-Istati Membri u l-Kummissjoni jimplimentaw salvagwardji xierqa tal-protezzjoni tad-data sabiex jiżguraw li l-ipproċessar ta’ data personali għall-finijiet ta’ din id-Direttiva jkun limitat għal dak li huwa meħtieġ biex jintlaħqu l-objettivi tagħha.

(39)

Sabiex jiġi żgurat li ċ-ċittadini kollha tal-Unjoni jkunu jistgħu jgawdu l-benefiċċji mill-fatt li jkun hemm aktar informazzjoni dwar il-kumpaniji disponibbli fir-reġistri kummerċjali, huwa essenzjali li din l-informazzjoni tiġi pprovduta lill-persuni b’diżabilità f’formati aċċessibbli. Skont l-Artikolu 9 tal-Konvenzjoni tan-NU dwar id-Drittijiet tal-Persuni b’Diżabilità, l-Istati partijiet għandhom jieħdu miżuri xierqa biex jiżguraw li l-persuni b’diżabilità jkunu jistgħu jaċċessaw, fuq bażi ugwali ma’ oħrajn, fost l-oħrajn informazzjoni u komunikazzjonijiet, inkluż teknoloġiji u sistemi tal-informazzjoni u tal-komunikazzjoni, u faċilitajiet u servizzi oħrajn miftuħa jew ipprovduti lill-pubbliku. F’dan ir-rigward, id-Direttiva (UE) 2016/2102 tal-Parlament Ewropew u tal-Kunsill (17) tistipula rekwiżiti ġenerali ta’ aċċessibbiltà għas-siti web u għall-applikazzjonijiet mobbli tal-korpi tas-settur pubbliku bil-għan li dawn isiru aktar aċċessibbli għall-utenti, b’mod partikolari l-persuni b’diżabilità, u biex titrawwem l-interoperabbiltà. Dik id-Direttiva tħeġġeġ lill-Istati Membri jestendu l-applikazzjoni tagħha għal entitajiet privati li joffru faċilitajiet u servizzi li huma miftuħa jew ipprovduti lill-pubbliku. Barra minn hekk, id-Direttiva (UE) 2019/882 tal-Parlament Ewropew u tal-Kunsill (18) fiha rekwiżiti ta’ aċċessibbiltà għal ċerti prodotti u servizzi inkluż is-siti web tagħhom u informazzjoni relatata. Minħabba d-diversità tal-korpi responsabbli għall-ġestjoni tar-reġistri kummerċjali, li jvarjaw minn qrati u awtoritajiet amministrattivi għal entitajiet privati, u l-attivitajiet diversi mwettqa mir-reġistri kummerċjali, jenħtieġ li jiġi vvalutat jekk humiex meħtieġa miżuri speċifiċi biex jiġi żgurat li l-persuni b’diżabilità jkunu jistgħu jaċċessaw l-informazzjoni dwar il-kumpaniji pprovduta mir-reġistri kummerċjali fl-Istati Membri kollha fuq bażi ugwali ma’ utenti oħrajn.

(40)

Minħabba li l-objettivi ta’ din id-Direttiva, jiġifieri li jiżdied l-ammont u li tittejjeb l-affidabbiltà tad-dokumenti u l-informazzjoni dwar il-kumpaniji disponibbli fir-reġistri kummerċjali jew permezz tas-sistema ta’ interkonnessjoni tar-reġistri, u biex ikun jista’ jsir użu dirett mid-data tal-kumpaniji disponibbli fir-reġistri kummerċjali meta jiġu stabbiliti fergħat u sussidjarji transfruntieri u f’attivitajiet u sitwazzjonijiet transfruntieri oħrajn, ma jistgħux jinkisbu b’mod suffiċjenti mill-Istati Membri, iżda jistgħu pjuttost, minħabba l-iskala u l-effetti tal-azzjoni meħtieġa, jinkisbu aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilita fl-Artikolu 5 tat-Trattat tal-Unjoni Ewropea. F’konformità mal-prinċipju ta’ proporzjonalità kif stabbilit f’dak l-Artikolu, din id-Direttiva ma tmurx lil hinn minn dak li huwa meħtieġ sabiex jinkisbu dawk l-objettivi.

(41)

Skont id-Dikjarazzjoni Politika Konġunta tat-28 ta’ Settembru 2011 tal-Istati Membri u l-Kummissjoni dwar id-dokumenti ta’ spjegazzjoni (19), l-Istati Membri impenjaw ruħhom li, f’każijiet ġustifikati, in-notifika tal-miżuri ta’ traspożizzjoni tagħhom tkun akkumpanjata minn dokument wieħed jew iktar, fejn tiġi spjegata l-korrelazzjoni bejn il-komponenti ta’ direttiva u l-partijiet ekwivalenti tal-istrumenti nazzjonali ta’ traspożizzjoni. Fir-rigward ta’ din id-Direttiva, il-leġiżlatur iqis li t-trażmissjoni ta’ dawk id-dokumenti hija ġustifikata.

(42)

Jenħtieġ li l-Kummissjoni twettaq evalwazzjoni ta’ din id-Direttiva. Skont il-paragrafu 22 tal-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet (20), jenħtieġ li dik l-evalwazzjoni tkun ibbażata fuq il-ħames kriterji ta’ effiċjenza, effettività, rilevanza, koerenza u valur miżjud, u jenħtieġ li tipprovdi l-bażi għal valutazzjonijiet tal-impatt ta’ miżuri ulterjuri possibbli. Jenħtieġ li l-evalwazzjoni tkopri l-esperjenza prattika biċ-Ċertifikat tal-Kumpaniji tal-UE, il-prokura diġitali tal-UE, il-formalitajiet imnaqqsa f’sitwazzjonijiet transfruntieri għall-kumpaniji, l-effettività tal-kontrolli preventivi u l-verifika tal-legalità u li l-informazzjoni ssir disponibbli mingħajr ħlas permezz tas-sistema ta’ interkonnessjoni tar-reġistri, u l-applikazzjoni tar-rekwiżiti ta’ divulgazzjoni għas-soċjetajiet. L-informazzjoni dwar il-post tal-amministrazzjoni ċentrali u l-post prinċipali tan-negozju hija importanti biex tiżdied it-trasparenza, u b’hekk tissaħħaħ iċ-ċertezza legali fir-rigward tar-relazzjonijiet kummerċjali tal-kumpaniji tal-Unjoni. Għaldaqstant, jenħtieġ li l-Kummissjoni tivvaluta jekk tali informazzjoni għandhiex tiġi ddivulgata fir-reġistru nazzjonali u ssir disponibbli permezz tas-sistema ta’ interkonnessjoni tar-reġistri, kif ukoll kif għandhom jiġu definiti dawk il-kunċetti biex jiġi żgurat fehim uniformi tagħhom madwar l-Unjoni. Barra minn hekk, jenħtieġ li l-Kummissjoni tivvaluta l-potenzjal għall-interoperabbiltà transsettorjali bejn is-sistema ta’ interkonnessjoni tar-reġistri u sistemi oħrajn li jipprovdu mekkaniżmi għall-kooperazzjoni bejn l-awtoritajiet kompetenti, bħal fl-oqsma tat-tassazzjoni jew tas-sigurtà soċjali jew tas-Sistema Teknika ta’ Darba Biss stabbilita skont ir-Regolament (UE) 2018/1724, bil-għan li jinħolqu amministrazzjonijiet pubbliċi aktar konnessi fuq bażi transfruntier fis-suq intern. L-importanza ta’ interoperabbiltà transsettorjali hija enfasizzata wkoll fir-Regolament (UE) 2024/903 tal-Parlament Ewropew u tal-Kunsill (21) u fil-Komunikazzjoni tal-Kummissjoni tat-18 ta’ Novembru 2022 bit-titolu “Komunikazzjoni dwar politika msaħħa ta’ interoperabbiltà tas-settur pubbliku – Li torbot is-servizzi pubbliċi, l-appoġġ tal-politiki pubbliċi u t-twassil tal-benefiċċji pubbliċi – Lejn ‘Ewropa Interoperabbli’”. Jenħtieġ li l-Kummissjoni tivvaluta wkoll il-ħtieġa li jiġu introdotti miżuri addizzjonali biex jiġu indirizzati bis-sħiħ il-ħtiġijiet tal-persuni b’diżabilità meta jaċċessaw informazzjoni dwar il-kumpaniji pprovduta mir-reġistri kummerċjali. Jenħtieġ li l-Kummissjoni tivvaluta jekk il-kamp ta’ applikazzjoni tad-dispożizzjonijiet dwar gruppi ta’ kumpaniji għandux jiġi estiż biex ikopri kategoriji jew tipi oħra ta’ gruppi u entitajiet oħra, u jekk ir-rappreżentazzjoni viżwali tal-istruttura tal-grupp għandhiex tkun disponibbli għall-pubbliku permezz tas-sistema ta’ interkonnessjoni tar-reġistri. Fl-aħħar nett, jenħtieġ li l-Kummissjoni tivvaluta jekk il-kooperattivi, li għandhom rwol importanti f’ħafna Stati Membri, għandhomx jiġu inklużi fil-kamp ta’ applikazzjoni ta’ din id-Direttiva, filwaqt li jitqiesu l-karatteristiċi speċifiċi tagħhom.

(43)

Il-Kontrollur Ewropew għall-Protezzjoni tad-Data ġie kkonsultat skont l-Artikolu 42(1) tar-Regolament (UE) 2018/1725 u ta l-opinjoni tiegħu fis-17 ta’ Mejju 2023 (22).

(44)

Jenħtieġ għalhekk li d-Direttiva 2009/102/KE tal-Parlament Ewropew u tal-Kunsill (23) u d-Direttiva (UE) 2017/1132 jiġu emendati skont dan,

(1)

l-intestatura tat-Titolu I hija sostitwita b’dan li ġej:

“ DISPOŻIZZJONIJIET ĠENERALI U L-ISTABBILIMENT U L-FUNZJONAMENT TAL-KUMPANIJI ”;

(2)

L-Artikolu 1 huwa emendat kif ġej:

(3)

fit-Titolu I, Kapitolu II, l-intestatura tat-Taqsima 2 hija sostitwita b’dan li ġej:

“Nullità tal-kumpanija u l-validità tal-obbligi tagħha”

(4)

fl-Artikolu 7, il-paragrafu 1 huwa sostitwit b’dan li ġej:

(5)

L-Artikolu 10 huwa sostitwit b’dan li ġej:

(6)

fit-Titolu I, l-intestatura tal-Kapitolu III hija sostitwita b’dan li ġej:

“ Proċeduri online jew proċeduri oħra (formazzjoni, reġistrazzjoni u preżentazzjoni), divulgazzjoni u reġistri ”;

(7)

L-Artikolu 13 huwa sostitwit b’dan li ġej:

(8)

fl-Artikolu 13a, jiżdiedu l-punti li ġejjin:

;

(9)

fl-Artikolu 13(b)1, jiżdied il-punt li ġej:

(*2)  Ir-Regolament (UE) 2024/1183 tal-Parlament Ewropew u tal-Kunsill tal-11 ta’ April 2024 li jemenda r-Regolament (UE) Nru 910/2014 fir-rigward tal-istabbiliment tal-Qafas Ewropew għall-Identità Diġitali (ĠU L, 2024/1183, 30.4.2024, ELI: http://data.europa.eu/eli/reg/2024/1183/oj).”;"

(10)

L-Artikolu 13c huwa emendat kif ġej:

(11)

L-Artikolu 13f huwa emendat kif ġej:

(12)

l-Artikolu 13g huwa emendat kif ġej:

(13)

fl-Artikolu 13h(2), l-ewwel subparagrafu huwa sostitwit b’dan li ġej:

“L-Istati Membri għandhom jiżguraw li l-mudelli, imsemmija fil-paragrafu 1 ta’ dan l-Artikolu, jistgħu jintużaw mill-applikanti bħala parti mill-proċedura tal-formazzjoni online imsemmija fl-Artikolu 13g.”

(14)

L-Artikolu 13j huwa emendat kif ġej:

(15)

jiddaħħal l-artikolu li ġej:

(16)

L-Artikolu 14 huwa emendat kif ġej:

(17)

jiddaħħal l-artikolu li ġej:

(18)

L-Artikolu 15 huwa sostitwit b’dan li ġej:

(19)

L-Artikolu 16 huwa emendat kif ġej:

(20)

fl-Artikolu 16a, jiżdiedu l-paragrafi li ġejjin:

(21)

jiddaħħlu l-Artikoli li ġejjin:

(22)

L-Artikolu 17 huwa emendat kif ġej:

(23)

L-Artikolu 18 huwa sostitwit b’dan li ġej:

(24)

L-Artikolu 19 huwa emendat kif ġej:

(25)

jiddaħħlu l-artikoli li ġejjin:

(26)

fl-Artikolu 21, jiżdied il-paragrafu li ġej:

(27)

fl-Artikolu 22, jiżdied il-paragrafu li ġej:

(*4)  Id-Direttiva (UE) 2015/849 tal-Parlament Ewropew u tal-Kunsill tal-20 ta’ Mejju 2015 dwar il-prevenzjoni tal-użu tas-sistema finanzjarja għall-finijiet tal-ħasil tal-flus jew il-finanzjament tat-terroriżmu, li temenda r-Regolament (UE) Nru 648/2012 tal-Parlament Ewropew u tal-Kunsill, u li tħassar id-Direttiva 2005/60/KE tal-Parlament Ewropew u tal-Kunsill u d-Direttiva tal-Kummissjoni 2006/70/KE (ĠU L 141, 5.6.2015, p. 73)."

(*5)  Ir-Regolament (UE) 2015/848 tal-Parlament Ewropew u tal-Kunsill tal-20 ta’ Mejju 2015 dwar proċedimenti ta’ insolvenza (ĠU L 141, 5.6.2015, p. 19).”;"

(28)

fl-Artikolu 24, l-ewwel, it-tieni u t-tielet paragrafu jsiru l-ewwel, it-tieni u t-tielet subparagrafu ta’ paragrafu 1 ġdid u jiżdied il-paragrafu li ġej:

(29)

fl-Artikolu 26, jiżdied is-subparagrafu li ġej:

“Dan l-Artikolu għandu japplika mutatis mutandis għall-kumpaniji elenkati fl-Anness IIB.”

(30)

L-Artikolu 28 huwa sostitwit b’dan li ġej:

(31)

l-Artikolu 28a huwa emendat kif ġej:

(32)

fl-Artikolu 28b(1), l-ewwel sentenza hija sostitwita b’dan li ġej:

(33)

jitħassar l-Artikolu 30(2), il-punt (c);

(34)

fl-Artikolu 36, jiżdiedu l-paragrafi li ġejjin:

(35)

L-Artikolu 40 huwa sostitwit b’dan li ġej:

(36)

jiddaħħal l-Anness IIB, kif jidher fl-Anness ta’ din id-Direttiva.