(1)

Ir-Regolament ta’ Implimentazzjoni tal-Kummissjoni (UE) 2026/103 (2) ġedded l-awtorizzazzjoni tal-preparat ta’ Enterococcus lactis DSM 7134 għal perjodu ta’ 10 snin bħala addittiv tal-għalf għall-ħnieżer nisa fil-kategorija “addittivi żootekniċi” u fil-grupp funzjonali “stabbilizzaturi tal-flora intestinali”. Ir-Regolament ta’ Implimentazzjoni (UE) 2026/103 ħassar ukoll ir-Regolament ta’ Implimentazzjoni tal-Kummissjoni (UE) Nru 1083/2014 (3).

(2)

Normalment il-miżuri tranżizzjonali jiġu pprovduti mat-tiġdid tal-awtorizzazzjoni ta’ addittiv tal-għalf, u dawn jippermettu lill-partijiet interessati jħejju għal kwalunkwe modifika tat-termini tal-awtorizzazzjoni, meta r-raġunijiet ta’ sikurezza ma jkunux jeħtieġu l-applikazzjoni immedjata ta’ din il-modifika. Madankollu, bi żball ir-Regolament ta’ Implimentazzjoni (UE) 2026/103 naqas milli jipprevedi dawn il-miżuri tranżizzjonali li jippermettu lill-partijiet interessati jħejju għar-rekwiżit il-ġdid li jikkonsisti fl-isem il-ġdid tal-addittiv inkluż fl-awtorizzazzjoni mġedda u l-ebda raġuni, inklużi raġunijiet ta’ sikurezza, ma kienet tirrikjedi l-applikazzjoni immedjata ta’ dik il-bidla fl-isem.

(3)

Għalhekk, jenħtieġ li r-Regolament ta’ Implimentazzjoni (UE) 2026/103 jiġi kkoreġut kif xieraq billi jiġu previsti miżuri tranżizzjonali dwar l-introduzzjoni fis-suq u l-użu tal-preparat ta’ Enterococcus faecium DSM 7134, kif awtorizzat bir-Regolament ta’ Implimentazzjoni (UE) Nru 1083/2014 għall-użu għall-ħnieżer nisa.

(4)

Sabiex jiġu evitati t-tfixkil fis-suq u l-konsegwenzi detrimentali għall-operaturi kkonċernati minħabba l-assenza tal-miżuri tranżizzjonali fir-Regolament ta’ Implimentazzjoni (UE) 2026/103, jenħtieġ li dan ir-Regolament jidħol fis-seħħ b’urġenza u japplika b’mod retroattiv mid-data tad-dħul fis-seħħ tar-Regolament ta’ Implimentazzjoni (UE) 2026/103.

(5)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,