|
26.11.2021 |
GA |
Iris Oifigiúil an Aontais Eorpaigh |
L 421/70 |
CINNEADH (CBES) 2021/2074 ÓN gCOMHAIRLE
an 25 Samhain 2021
lena leasaítear Cinneadh (CBES) 2017/2370 chun tacú le Cód Iompair na Háige agus neamhleathadh diúracán balaistíoch faoi chuimsiú chur chun feidhme Straitéis an Aontais Eorpaigh i gcoinne Leathadh Arm Ollscriosta
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagail 28(1) agus Airteagal 31(1) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 18 Nollaig 2017, ghlac an Chomhairle Cinneadh (CBES) 2017/2370 (1), lena gcuirtear de chúram ar an Fondation pour la recherche stratégique (FRS) cur chun feidhme teicniúil tionscadal áirithe. |
|
(2) |
I gcomhréir le hAirteagal 3(3) de Chinneadh (CBES) 2017/2370, síníodh comhaontú deontais le FRS an 21 Nollaig 2017. Bhí an comhaontú deontais le dul in éag an 21 Nollaig 2020. |
|
(3) |
An 26 Bealtaine 2020, d’iarr FRS síneadh ar an tréimhse cur chun feidhme do Chinneadh (CBES) 2017/2370 go dtí an 20 Nollaig 2021. Is mar gheall ar phaindéim COVID-19 a bhí an síneadh á iarraidh, agus go háirithe mar gheall ar roinnt gníomhaíochtaí dá dtagraítear in Airteagal 1 den Chinneadh sin a bheith á gcur siar chomh maith leis an drogall atá ar riaracháin náisiúnta i spriocthíortha plé a dhéanamh ar eagrú imeachtaí i ré seo na neamhchinnteachta, de bharr na paindéime sin. |
|
(4) |
An 20 Iúil 2020, ghlac an Chomhairle Cinneadh (CBES) 2020/1066 (2), lenar leasaíodh Cinneadh (CBES) 2017/2370, agus lenar cuireadh síneadh lena dháta éagtha go dtí an 20 Nollaig 2021. |
|
(5) |
An 27 Meán Fómhair 2021, i bhfianaise thionchar leanúnach staid phaindéim COVID-19 agus na srianta taistil gaolmhara ar na gníomhaíochtaí atá beartaithe aige, d’iarr FRS síneadh breise 13 mhí go dtí an 21 Eanáir 2023 a chur le Cinneadh (CBES) 2017/2370 ón gComhairle. |
|
(6) |
Maidir le leanúint de na gníomhaíochtaí dá dtagraítear in Airteagal 1 de Chinneadh (CBES) 2017/2370 go dtí an 21 Eanáir 2023, níl aon impleacht aici sin a mhéid a bhaineann le hacmhainní airgeadais. |
|
(7) |
Ba cheart, dá bhrí sin, Cinneadh (CBES) 2017/2370 a leasú dá réir, |
TAR ÉIS AN CINNEADH SEO A GHLACADH:
Airteagal 1
In Airteagal 5 de Chinneadh (CBES) 2017/2370, cuirtear an méid seo a leanas in ionad mhír 2:
"2. Rachaidh an Cinneadh seo in éag an 21 Eanáir 2023.”.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, 25 Samhain 2021.
Thar ceann na Comhairle
An tUachtarán
Z. POČIVALŠEK
(1) Cinneadh (CBES) 2017/2370 ón gComhairle an 18 Nollaig 2017 chun tacú le Cód Iompair na Háige agus neamhleathadh diúracán balaistíoch faoi chuimsiú chur chun feidhme Straitéis an Aontais Eorpaigh i gCoinne Leathadh Arm Ollscriosta (IO L 337, 19.12.2017, lch. 28).
(2) Cinneadh (CBES) 2020/1066 ón gComhairle an 20 Iúil 2020 lena leasaítear Cinneadh (CBES) 2017/2370 chun tacú le Cód Iompair na Háige agus neamhleathadh diúracán balaistíoch faoi chuimsiú chur chun feidhme Straitéis an Aontais Eorpaigh i gCoinne Leathadh Arm Ollscriosta (IO L 234 I, 21.7.2020, lch. 1).