|
3.5.2022 |
MT |
Il-Ġurnal Uffiċjali tal-Unjoni Ewropea |
C 180/15 |
Avviż minn qabel ta’ konċentrazzjoni
(Il-Każ M.10683 – APPLIED / TEMASEK / JV)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2022/C 180/06)
1.
Fil-25 ta’ April 2022, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
Franklin Investments Pte. Ltd (“Franklin”, Singapore) li finalment hija kkongtrollata minn Temasek Holdings (Private) Limited (“Temasek”, Singapore), |
|
— |
Applied Materials Inc. (“Applied”, l-Istati Uniti tal-Amerka), kumpanija pubblika bi sjieda ta’ ishma mifruxa ħafna u mhux ikkontrollata minn xi terza perzuna, |
|
— |
kumpanija maħluqa ġdida, Valaya Pte. Ltd, (joint venture, “JV”, Singapore). |
|
— |
Franklin u Applied jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll bi sħab tal-joint venture. |
Il-konċentrazzjoni qed issir permezz ta’ xiri ta’ ishma f’kumpanija maħluqa ġdida li tikkostitwixxi f’impriża bi sħab (joint venture).
2.
L-attivitajiet kummerċjali tal-impriżi kkonċernati huma:|
— |
Applied hija fornitur globali ta’ tagħmir tal-manifattura, servizzi u software għall-industriji tas-semikondutturi, tal-wiri u dawk relatati, |
|
— |
Franklin hija kumpanija azzjonista ta’ investiment globali, |
|
— |
il-JV se tkun attiva fir-riċerka u l-iżvilupp, il-manifattura u l-kummerċjalizzazzjoni ta’ kisjiet speċjalizzati użati għat-trab tal-kisi u l-partijiet, prinċipalment għal applikazzjonijiet farmaċewtiċi u tal-avjazzjoni kummerċjali. |
4.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.
5.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni sa mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja tiġi speċifikata dejjem:
M.10683 – APPLIED / TEMASEK / JV
Il-kummenti jistgħu jintbagħtu lill-Kummissjoni permezz tal-email, permezz tal-fax jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet)”.