Cásanna neamhchomhlíonta

Raon na rátaí comhréidhe

Catagóir 1: Mainneachtain maidir lena áirithiú go n-urramaítear na deiseanna iascaireachta arna leithdháileadh ar na Ballstáit de bhun Airteagail 16 go 17 de Rialachán (AE) Uimh. 1380/2013

1.1

Mainneachtain maidir leis na rialacha maidir le ceadúnas agus údarú iascaireachta a urramú.

10-50 %

1.2

Mainneachtain maidir le faireachán a dhéanamh ar an úsáid a bhaintear as deiseanna iascaireachta, go háirithe, trí mhainneachtain maidir le taifead na sonraí uile atá cláraithe sa logleabhar iascaireachta, sna dearbhuithe trasloingsithe, sna dearbhuithe maidir le gabhálacha a thabhairt i dtír, sna nótaí díolacháin, nó sna dearbhuithe glactha freagrachta agus/nó trí mhainneachtain maidir le faireachán a dhéanamh ar an iarracht iascaireachta, agus trí mhainneachtain maidir lena áirithiú go gcuirtear na sonraí sin isteach go cruinn, go hiomlán agus go tráthúil.

10-50 %

1.3

Mainneachtain maidir le fógra a thabhairt don Choimisiún faoi na sonraí comhiomlánaithe maidir le gabhálacha a thugtar i dtír agus leis an iarracht iascaireachta.

10-50 %

1.4

Mainneachtain maidir le hiascaigh a dhúnadh nuair a ídítear cuótaí, lena n-áirítear cuótaí faoi chomhaontuithe comhpháirtíochta maidir le hiascaigh inbhuanaithe (SFPAnna) agus eagraíochtaí réigiúnacha bainistithe iascaigh (ERBInna), agus/nó iarracht iascaireachta

10-50 %

Catagóir 2: Mainneachtain maidir le bearta caomhnaithe a urramú agus/nó speicis íogaire agus gnáthóga íogaire a chosaint chun gníomhaíochtaí iascaireachta agus dobharshaothraithe atá inbhuanaithe ó thaobh an chomhshaoil de a bhaint amach go fadtéarmach mar a leagtar amach in Airteagal 2 de Rialachán (AE) Uimh. 1380/2013

2.1

Mainneachtain maidir le doiciméadú mionsonraithe cruinn a áirithiú i dtaobh na dturas iascaireachta uile agus maidir le hacmhainn leordhóthanach agus modhanna leordhóthanacha a áirithiú chun faireachán a dhéanamh ar chomhlíonadh na hoibleagáide gabhálacha a thabhairt i dtír i gcomhréir le prionsabal na héifeachtúlachta agus na comhréireachta

10-50 %

2.2

Mainneachtain maidir leis an toirmeasc a chur chun feidhme ar na speicis éisc nó sliogéisc dá dtagraítear in Iarscríbhinn IV a ghabhann le Treoir 92/43/CEE a ghabháil, a choinneáil ar bord, a thrasloingsiú nó a thabhairt i dtír (ach amháin i gcás ina ndeonaítear maoluithe faoi Airteagal 16 den Treoir sin).

10-50 %

2.3

Mainneachtain maidir leis an toirmeasc a chur chun feidhme ar na mamaigh mhuirí nó na reiptílí muirí dá dtagraítear in Iarscríbhinní II agus IV a ghabhann le Treoir 92/43/CEE agus na speicis d’éanlaith mhara a chumhdaítear le Treoir 2009/147/CE a ghabháil, a choinneáil ar bord, a thrasloingsiú nó a thabhairt i dtír.

10-50 %

2.4

Mainneachtain maidir le sonraí eolaíocha a bhailiú maidir le foghabhálacha speiceas íogair agus speiceas áirithe d’éanlaith mhara.

10-50 %

2.5

I gcás inarb ábhartha, i gcomhréir leis an gcomhairle eolaíoch is fearr atá ar fáil, mainneachtain maidir le faireachán agus measúnú a dhéanamh ar éifeachtacht na mbeart maolaithe arna gcur chun feidhme.

10-50 %

2.6

Mainneachtain maidir le cosc a chur ar imscaradh an trealaimh iascaireachta a shonraítear in Iarscríbhinn II a ghabhann le Rialachán (AE) 2019/1241 maidir le Bearta Teicniúla chun gnáthóga íogaire a chosaint.

10-50 %

2.7

Mainneachtain maidir leis na rialacha maidir le taighde eolaíoch a urramú.

10-50 %

2.8

Mainneachtain maidir le pleananna bainistíochta eascann a bhunú agus a chur chun feidhme.

2-25 %

2.9

Mainneachtain maidir le bearta caomhnaithe eascann a urramú (laghdú ar an iarracht iascaireachta i gcás inarb infheidhme agus spriocanna a bhaint amach).

2-25 %

2.10

Mainneachtain maidir le tuairisciú don Choimisiún maidir le faireachán ar na bearta caomhnaithe eascann agus le héifeachtacht agus toradh na mbeart sin.

2-25 %

2.11

Mainneachtain maidir le tuarascáil bhliantúil a chur faoi bhráid an Choimisiúin i ndáil le cur chun feidhme na rialacha maidir le teascadh eití siorca.

2-25 %

Catagóir 3: Mainneachtain maidir leis an gcaidreamh seachtrach iascaigh a sheoladh i gcomhréir le hoibleagáidí idirnáisiúnta agus cuspóirí beartais agus prionsabail mar a leagtar amach in Airteagal 28 de Rialachán (AE) Uimh. 1380/2013

3.1

Mainneachtain maidir lena áirithiú go bhfuil soithí iascaireachta de chuid an Aontais atá faoi bhratach Ballstáit agus a oibríonn lasmuigh d’uiscí an Aontais in ann doiciméadú mionsonraithe cruinn a thabhairt i ndáil leis na gníomhaíochtaí iascaireachta agus próiseála uile.

10-50 %

3.2

Mainneachtain maidir lena áirithiú go bhfuil soithí iascaireachta de chuid an Aontais atá lasmuigh d’uiscí an Aontais údaraithe i gcomhréir le forálacha ábhartha Rialachán (AE) 2017/2403 maidir le Bainistiú Inbhuanaithe ar an gCabhlach Iascaireachta Seachtrach.

10-50 %

Catagóir 4: Mainneachtain maidir lena áirithiú go bhfuil acmhainn iascaireachta an chabhlaigh ag teacht leis na hacmhainní nádúrtha mar a cheanglaítear le hAirteagal 22 de Rialachán (AE) Uimh. 1380/2013

4.1

Mainneachtain maidir le bearta a chur i bhfeidhm chun acmhainn iascaireachta an chabhlaigh a choigeartú do na deiseanna iascaireachta, agus treochtaí agus an chomhairle eolaíoch is fearr á gcur san áireamh, agus é mar chuspóir cothromaíocht chobhsaí sheasmhach a bhaint amach eatarthu.

10-50 %

4.2

Mainneachtain maidir le measúnuithe ar leith a tharraingt suas le haghaidh na gcabhlach sna réigiúin is forimeallaí agus le haghaidh soithí a oibríonn lasmuigh d’uiscí an Aontais amháin.

10-50 %

4.3

Mainneachtain maidir lena áirithiú go ndéantar an ceadúnas iascaireachta sonrach agus na húdaruithe iascaireachta sonracha a tharraingt siar roimh aon imeacht ón gcabhlach le tacaíocht ó chabhair phoiblí agus nach ndéantar an acmhainn a tarraingíodh siar a ionadú.

10-50 %

4.4

Mainneachtain maidir lena áirithiú go n-urramaítear uasteorainn na hacmhainne iascaireachta a leagtar amach in Iarscríbhinn II a ghabhann le Rialachán (AE) Uimh. 1380/2013 maidir leis an gComhbheartas Iascaigh.

10-50 %

4.5

Mainneachtain maidir leis an scéim iontrála/imeachta a chur chun feidhme sa chaoi go ndéantar iontráil acmhainne nua sa chabhlach gan cabhair phoiblí a chúiteamh le scoir acmhainne roimh ré gan cabhair phoiblí den mhéid céanna ar a laghad.

10-50 %

4.6

Mainneachtain maidir leis an bhfaisnéis atá le taifeadadh i gclár cabhlaigh an Aontais mar a leagtar amach in Airteagal 24(1) de Rialachán (AE) Uimh. 1380/2013 maidir leis an gComhbheartas Iascaigh agus sa Rialachán Cur Chun Feidhme ón gCoimisiún maidir le clár cabhlaigh iascaireachta an Aontais a chur faoi bhráid an Choimisiúin.

10-50 %

4.7

Mainneachtain maidir le hacmhainn iascaireachta agus cumhacht innill na soithí iascaireachta a rialú agus faireachán a dhéanamh orthu.

10-50 %

Catagóir 5: Mainneachtain maidir le rannchuidiú le cuspóir CBI chun sonraí eolaíocha a bhailiú mar a leagtar amach in Airteagal 2(4) de Rialachán (AE) Uimh. 1380/2013

5.1

Mainneachtain maidir le sonraí bitheolaíocha, comhshaoil, teicniúla agus socheacnamaíocha a bhailiú agus a bhainistiú.

10-50 %

5.2

Mainneachtain maidir le gníomhaíochtaí bailithe sonraí a chomhordú le Ballstáit eile sa réigiún céanna.

2-25 %

5.3

Mainneachtain maidir le cur chun feidhme cuí chúraimí na gcomhfhreagraithe náisiúnta a áirithiú.

2-5 %

5.4

Mainneachtain maidir le tuarascáil bhliantúil a chur isteach ar chur chun feidhme na bpleananna oibre náisiúnta chun sonraí a bhailiú sna hearnálacha iascaigh agus dobharshaothraithe.

2-10 %

5.5

Mainneachtain maidir leis na rialacha maidir le húsáid sonraí a chomhlíonadh.

2-25 %

Catagóir 6: Mainneachtain maidir le córas rialaithe éifeachtach a oibriú chun a áirithiú go gcomhlíontar rialacha CBI mar a cheanglaítear le hAirteagal 36(3) de Rialachán (AE) Uimh. 1380/2013

6.1

Mainneachtain maidir le rialú na ngníomhaíochtaí a dhéanann aon duine nádúrtha nó dlítheanach laistigh de raon feidhme an chomhbheartais iascaigh ina gcríoch agus sna huiscí iascaireachta faoina gceannasacht nó faoina ndlínse.

10-50 %

6.2

Mainneachtain maidir le rochtain ar uiscí agus acmhainní agus gníomhaíochtaí a rialú lasmuigh d’uiscí an Aontais a dhéanann soithí iascaireachta de chuid an Aontais atá faoi bhratach Ballstáit.

10-50 %

6.3

Mainneachtain maidir le bearta iomchuí a ghlacadh agus acmhainní leordhóthanacha airgeadais, daonna agus teicniúla a leithdháileadh le haghaidh rialaithe, cigireachta agus forfheidhmithe.

10-50 %

6.4

Mainneachtain maidir lena áirithiú go ndéantar rialú, cigireacht agus forfheidhmiú ar bhonn neamh-idirdhealaitheach maidir le hearnálacha, soithí nó daoine, agus go ndéanfar iad ar bhonn bainistithe riosca.

10-50 %

6.5

Mainneachtain maidir le comhlíonadh na rialacha a bhaineann leis na Cláir Náisiúnta Gníomhaíochta um Rialú agus cláir rialaithe agus chigireachta arna mbunú ag an gCoimisiún a áirithiú.

10-50 %

6.6

Mainneachtain maidir le comhlíonadh na rialacha maidir le margaíocht, inrianaitheacht, céad-díol agus meá táirgí iascaigh agus dobharshaothraithe a áirithiú.

10-50 %

6.7

Mainneachtain maidir leis na bearta arna gcinneadh ag an gCoimisiún a chur chun feidhme chun a áirithiú go gcomhlíonfaidh na Ballstáit cuspóirí CBI, a bhaineann le pleananna gníomhaíochta arna mbunú i ndiaidh fíoruithe nó cigireachtaí uathrialacha, lena n-áirítear dúnadh iascach, fíorú, tuarascálacha cigireachta agus iniúchóireachta uathrialacha, asbhaint agus aistrithe cuótaí, bearta iarrachta iascaireachta agus éigeandála.

10-50 %

6.8

Mainneachtain maidir leis na ceanglais maidir le hanailís, bailíochtú, rochtain, malartú sonraí agus faisnéis a chomhlíonadh.

2-25 %

Catagóir 7: Mainneachtain maidir le córas éifeachtach cigireachta agus forfheidhmithe a oibriú mar a cheanglaítear le hAirteagal 36(3) de Rialachán (AE) Uimh. 1380/2013

7.1

Mainneachtain maidir le faireachas éifeachtach agus cigireachtaí éifeachtacha a dhéanamh.

10-50 %

7.2

Mainneachtain maidir le comhoibriú leis an gCoimisiún chun cur i gcrích chúraimí oifigigh an Choimisiúin a éascú le linn a misean fíoraithe, cigireachtaí féinrialaitheacha agus iniúchtaí.

2-50 %

7.3

Mainneachtain maidir leis na critéir a leagan síos chun a thromchúisí atá an sárú ar rialacha CBI a chinneadh.

10-50 %

7.4

Mainneachtain maidir lena áirithiú go nglacfar go córasach bearta iomchuí agus smachtbhannaí éifeachtacha, comhréireacha agus athchomhairleacha mar aon le smachtbhannaí a ghabhann leo mar gheall ar sháruithe ar rialacha CBI.

10-50 %

7.5

Mainneachtain maidir leis an gcóras pointí a chur i bhfeidhm i gcás sáruithe tromchúiseacha ag sealbhóirí ceadúnas iascaireachta agus ag máistrí.

10-50 %

7.6

Mainneachtain maidir le clár náisiúnta na sáruithe a bhainistiú.

10-50 %

Catagóir 8: Mainneachtain maidir le gníomhú i gcoinne iascaireacht neamhdhleathach, neamhrialáilte agus neamhthuairiscithe (NNN) dá bhforáiltear le hAirteagal 36(1) de Rialachán (AE) Uimh. 1380/2013

8.1

Mainneachtain maidir le bearta a dhéanamh chun a áirithiú go ndéantar iascaireacht NNN a chosc, a dhíspreagadh agus a dhíchur i gcomhréir le Rialachán (CE) Uimh. 1005/2008

5-50 %

8.2

Mainneachtain maidir le fíoruithe a dhéanamh a bhaineann leis an scéim deimhniúcháin gabhála

10-50 %

8.3

Mainneachtain maidir le rialacha a urramú a bhaineann le hOibreoirí Eacnamaíocha Formheasta (AEOPanna)

10-50 %

Catagóir 9: Mainneachtain maidir leis na rialacha a urramú a bhaineann le comheagrú na margaí i dtáirgí iascaigh agus dobharshaothraithe arna mbunú chun rannchuidiú le cuspóirí CBI mar a leagtar amach in Airteagal 35(1) de Rialachán (AE) Uimh. 1380/2013 a bhaint amach

9.1

Mainneachtain maidir leis na critéir maidir le haitheantas a thabhairt d’eagraíochtaí táirgeoirí agus d’eagraíochtaí idirchraoibhe a chomhlíonadh

10-50 %

9.2

Mainneachtain maidir le seiceálacha riachtanacha a dhéanamh ar chomheagraíochtaí aitheanta

10-50 %