|
15.10.2009 |
MT |
Il-Ġurnal Uffiċjali tal-Unjoni Ewropea |
L 270/18 |
DEĊIŻJONI TAL-KUMMISSJONI
tal-14 ta’ Ottubru 2009
dwar il-proroga tal-mandat tal- Grupp Ewropew għall-Etika fix-Xjenza u t-Teknoloġiji l-Ġodda u tal-perjodu tal-ħatra tal-membri tiegħu
(2009/757/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Billi:
|
(1) |
Il-mandat tal-Grupp Ewropew għall-Etika fix-Xjenza u t-Teknoloġiji l-Ġodda (il-GEE) ġġedded permezz tad-Deċiżjoni tal-Kummissjoni 2005/383/KE (1). |
|
(2) |
Il-ħatra tal-membri tal-GEE ġġeddet għal perjodu ta’ erba’ snin permezz tad-Deċiżjoni tal-Kunsill 2005/754/KE (2). |
|
(3) |
Il-mandat kurrenti tal-GEE u l-perjodu kurrenti tal-ħatra tal-membri tiegħu għalhekk jaslu fi tmiemhom fl-20 ta’ Ottubru 2009. |
|
(4) |
Huwa xieraq li l-Kummissjoni l-ġdida tirrevedi kemm is-suġġett tal-mandat tal-GEE kif ukoll il-ħatra tal-membri tiegħu. |
|
(5) |
Sabiex il-GEE jkun jista’ jibqa’ jiffunzjona sakemm jittieħdu deċiżjonijiet ġodda dwar il-mandat tiegħu u dwar il-ħatra tal-membri tiegħu, il-mandat kurrenti tal-GEE u l-perjodu kurrenti tal-ħatra tal-membri tiegħu għandhom jiġu pprorogati. |
IDDEĊIDIET KIF ĠEJ:
Artikolu 1
Il-mandat kurrenti tal-GEE, kif provdut għalih fid-Deċiżjoni tal-Kummissjoni 2005/383/KE, qiegħed b’dan jiġi pprorogat sakemm dik id-deċiżjoni tiġi sostitwita.
Il-perjodu kurrenti tal-ħatra tal-membri tal-GEE, kif provdut għalih fid-Deċiżjoni 2005/754/KE, qiegħed b’dan jiġi pprorogat sakemm dik id-deċiżjoni tiġi sostitwita.
Artikolu 2
Din id-Deċiżjoni għandha tidħol fis-seħħ fil-21 ta’ Ottubru 2009.
Magħmul fi Brussell, l-14 ta’ Ottubru 2009.
Għall-Kummissjoni
José Manuel BARROSO
Il-President