26.7.2023   

MT

Il-Ġurnal Uffiċjali tal-Unjoni Ewropea

L 187/26


REGOLAMENT TA’ IMPLIMENTAZZJONI TAL-KUMMISSJONI (UE) 2023/1537

tal-25 ta’ Lulju 2023

li jistabbilixxi r-regoli għall-applikazzjoni tar-Regolament (UE) 2022/2379 tal-Parlament Ewropew u tal-Kunsill fir-rigward tal-istatistika dwar l-użu tal-prodotti għall-protezzjoni tal-pjanti li għandha tiġi trażmessa għas-sena ta’ referenza 2026 matul ir-reġim tranżitorju 2025–2027 u fir-rigward tal-istatistika dwar il-prodotti għall-protezzjoni tal-pjanti mqiegħda fis-suq

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2022/2379 tal-Parlament Ewropew u tal-Kunsill tat-23 ta’ Novembru 2022 dwar l-istatistika dwar l-input u l-output agrikoli, li jemenda r-Regolament tal-Kummissjoni (KE) Nru 617/2008 u li jħassar ir-Regolamenti (KE) Nru 1165/2008, (KE) Nru 543/2009 u (KE) Nru 1185/2009 tal-Parlament Ewropew u tal-Kunsill u d-Direttiva tal-Kunsill 96/16/KE (1), u b’mod partikolari l-Artikoli 4(6), 5(10), 9(4) u 14(1) tiegħu,

Billi:

(1)

Ir-Regolament (UE) 2022/2379 jistabbilixxi qafas integrat għall-iżvilupp, il-produzzjoni u d-disseminazzjoni tal-istatistika Ewropea fir-rigward tal-inputs u l-outputs agrikoli.

(2)

Ir-regoli tranżitorji dwar is-suġġett dettaljat tal-użu tal-prodotti għall-protezzjoni tal-pjanti fl-agrikoltura japplikaw għas-snin 2025, 2026 u 2027, kif stabbilit fl-Artikolu 14(1) tar-Regolament (UE) 2022/2379. Skont dawn ir-regoli, id-data dwar l-użi għandha tintbagħat darba biss, għas-sena ta’ referenza 2026.

(3)

L-istatistika dwar it-tqegħid fis-suq ta’ prodotti għall-protezzjoni tal-pjanti jenħtieġ li tinġabar kull sena mis-sena ta’ referenza 2025 ’il quddiem.

(4)

Jeħtieġ li jiġu speċifikati r-rekwiżiti tad-data għall-produzzjoni tal-istatistika dwar l-inputs u l-outputs agrikoli fir-rigward tal-prodotti għall-protezzjoni tal-pjanti sabiex tiġi prodotta data komparabbli bejn l-Istati Membri u biex tinkiseb l-armonizzazzjoni.

(5)

Ir-Regolament (UE) 2022/2379 jistabbilixxi li d-data statistika li tkopri d-dimensjoni tal-produzzjoni organika hija essenzjali għall-monitoraġġ tal-progress tal-pjan ta’ azzjoni għall-iżvilupp tal-produzzjoni organika fl-Unjoni. L-użu tal-prodotti għall-protezzjoni tal-pjanti fil-produzzjoni organika huwa parti importanti minn dik id-data.

(6)

Skont l-Artikolu 5(10) tar-Regolament (UE) 2022/2379, dan ir-Regolament jispeċifika l-elementi tekniċi tad-data li għandha tiġi pprovduta. Dawk l-elementi jikkonsistu fil-lista ta’ varjabbli, id-deskrizzjonijiet tal-varjabbli, l-unitajiet ta’ osservazzjoni, ir-rekwiżiti ta’ preċiżjoni li għandhom jiġu applikati, ir-regoli metodoloġiċi li għandhom jiġu applikati, u l-iskadenzi għat-trażmissjoni tad-data.

(7)

Il-kopertura tas-settijiet tad-data jenħtieġ li tiġi speċifikata lil hinn mir-rekwiżiti fl-Artikoli 4(1) u 4(5) tar-Regolament (UE) 2022/2379, fejn xieraq, biex jiġu evitati inkonsistenzi bejn l-Istati Membri. B’mod partikolari, huwa meħtieġ, skont l-Artikolu 14(1) tar-Regolament (UE) 2022/2379, b’deroga mill-Artikolu 4(5), il-punt (b), li tiġi speċifikata lista komuni ta’ għelejjel għall-Istati Membri kollha biex jipprovdu informazzjoni dwar l-użu ta’ prodotti għall-protezzjoni tal-pjanti. Il-lista, flimkien mal-artijiet bil-ħaxix permanenti, jenħtieġ li tkopri 75 % tal-erja agrikola utilizzata fil-livell tal-Unjoni. Din il-lista tista’ tiġi kkomplementata mill-Istati Membri b’għelejjel nazzjonali rilevanti.

(8)

Il-perjodi ta’ referenza msemmija fl-Artikolu 9(4) tar-Regolament (UE) 2022/2379 jenħtieġ li jiġu speċifikati aktar.

(9)

Il-kopertura tas-settijiet tad-data tista’ tiġi kkunsidrata mill-ġdid biex tinkludi statistika dwar l-użu tal-prodotti għall-protezzjoni tal-pjanti għat-trattament taż-żrieragħ u tal-ħżin malli jitqies fattibbli mil-lat tekniku.

(10)

Sabiex l-istatistika dwar il-prodotti għall-protezzjoni tal-pjanti tinżamm konsistenti mal-aġġornamenti regolari tal-lista ta’ sustanzi attivi approvati, jeħtieġ li tiġi allinjata mar-Regolament ta’ Implimentazzjoni tal-Kummissjoni (UE) Nru 540/2011 (2).

(11)

L-istatistika dwar il-prodotti għall-protezzjoni tal-pjanti hija meħtieġa għall-monitoraġġ tal-Politika Agrikola Komuni u l-politiki rilevanti li jappoġġaw l-użu sostenibbli tal-prodotti għall-protezzjoni tal-pjanti, bħall-Għanijiet ta’ Żvilupp Sostenibbli u l-Patt Ekoloġiku, u l-miri relatati tagħhom.

(12)

Il-miżuri previsti f’dan ir-Regolament huma f’konformità mal-opinjoni tal-Kumitat tas-Sistema Ewropea tal-Istatistika kif stabbilit permezz tal-Artikolu 7 tar-Regolament (KE) Nru 223/2009 tal-Parlament Ewropew u tal-Kunsill (3),

ADOTTAT DAN IR-REGOLAMENT:

Artikolu 1

Rekwiżiti tad-data

1.   L-Istati Membri għandhom jipprovdu d-data rigward il-qasam tal-istatistika dwar il-prodotti għall-protezzjoni tal-pjanti msemmija fl-Artikolu 5(1), il-punt (e) tar-Regolament (UE) 2022/2379 fil-forma ta’ settijiet tad-data aggregati.

2.   L-istatistika għandha tkopri:

(a)

is-sustanzi attivi kollha kif speċifikati fil-punti (i) u (ii) ta’ dan l-Artikolu u li jinsabu fil-prodotti għall-protezzjoni tal-pjanti mqiegħda fis-suq skont it-tifsira tal-Artikolu 3, il-punt 9 tar-Regolament (KE) Nru 1107/2009 tal-Parlament Ewropew u tal-Kunsill (4), inklużi dawk imqiegħda fis-suq skont permess għall-kummerċ parallel kif imsemmi fl-Artikolu 52 ta’ dak ir-Regolament:

(i)

is-sustanzi attivi elenkati fir-Regolament ta’ Implimentazzjoni (UE) Nru 540/2011;

(ii)

is-sustanzi attivi li jinsabu fi prodotti għall-protezzjoni tal-pjanti mqiegħda fis-suq f’sitwazzjonijiet ta’ emerġenza msemmija fl-Artikolu 53 tar-Regolament (KE) Nru 1107/2009, għajr dawk imsemmija fil-punt (i), u irrispettivament mill-istatus tal-approvazzjoni tagħhom;

(b)

l-użu tas-sustanzi attivi msemmija fil-punt (a) mill-utenti professjonali fl-agrikoltura.

3.   Id-data għandha tiġi trażmessa lill-Kummissjoni (Eurostat) fil-livell nazzjonali.

Artikolu 2

Settijiet tad-data

1.   Il-kontenut tad-data tas-settijiet tad-data huwa speċifikat fl-Anness I għas-suġġetti dettaljati

(1)

Prodotti għall-protezzjoni tal-pjanti mqiegħda fis-suq;

(2)

Użu tal-prodotti għall-protezzjoni tal-pjanti fl-agrikoltura.

2.   Għal kull sett tad-data, it-Taqsima I fl-Anness I tispeċifika:

(1)

deskrizzjoni tal-kontenut tad-data;

(2)

il-varjabbli li għandhom jiġu pprovduti dwar il-produzzjoni organika;

(3)

l-iskadenzi għat-trażmissjoni tad-data lill-Kummissjoni (Eurostat);

(4)

il-perjodi ta’ referenza;

(5)

l-unitajiet tal-kejl.

3.   Għal kull sett tad-data, it-Taqsima II fl-Anness I tispeċifika, fejn xieraq:

(1)

deskrizzjoni tal-unitajiet tal-kejl;

(2)

rekwiżiti tekniċi possibbli relatati mal-varjabbli.

Artikolu 3

Rekwiżiti tal-kwalità

Meta l-ġbir tad-data jitwettaq abbażi ta’ kampjuni statistiċi, l-Istati Membri għandhom jiżguraw li r-riżultati ponderati jkunu rappreżentattivi għall-popolazzjoni statistika fl-unità ġeografika rilevanti. Meta r-rekwiżiti ta’ preċiżjoni ma jkunux applikabbli, pereżempju minħabba sorsi oħra għajr stħarriġ statistiku, il-kwalità tal-istatistika għandha tiġi żgurata b’mezzi oħra sabiex tkun rappreżentattiva tal-ambitu li tiddeskrivi, u għandha tissodisfa l-kriterji ta’ kwalità stabbiliti fl-Artikolu 12(1) tar-Regolament (KE) Nru 223/2009.

Artikolu 4

Klassifikazzjonijiet

Is-sustanzi attivi msemmija fl-Artikolu 1(2) għandhom jiġu rrappurtati bl-użu tal-klassifikazzjoni stabbilita fl-Anness II.

Artikolu 5

Deskrizzjonijiet

Għall-finijiet ta’ dan ir-Regolament, għandhom japplikaw id-deskrizzjonijiet tat-termini kif stabbiliti fl-Anness III.

Artikolu 6

Reġim tranżizzjonali

Id-dispożizzjonijiet ta’ dan ir-Regolament għandhom japplikaw għall-perjodi ta’ referenza 2025-2027. Ir-regoli tar-reġim tranżizzjonali stabbilit fl-Artikolu 14(1) tar-Regolament (UE) 2022/2379 għall-perjodu 2025-2027 għandhom japplikaw biss għad-data dwar is-suġġett dettaljat tal-użu tal-prodotti għall-protezzjoni tal-pjanti fl-agrikoltura.

Artikolu 7

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-1 ta’ Jannar 2025.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-25 ta’ Lulju 2023.

Għall-Kummissjoni

Il-President

Ursula VON DER LEYEN


(1)   ĠU L 315, 7.12.2022, p. 1.

(2)  Ir-Regolament ta’ Implimentazzjoni tal-Kummissjoni (UE) Nru 540/2011 tal-25 ta’ Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill f’dak li għandu x’jaqsam mal-lista ta’ sustanzi attivi approvati (ĠU L 153, 11.6.2011, p. 1).

(3)  Ir-Regolament (KE) Nru 223/2009 tal-Parlament Ewropew u tal-Kunsill tal-11 ta’ Marzu 2009 dwar l-Istatistika Ewropea u li jħassar ir-Regolament (Euratom, KE) Nru 1101/2008 tal-Parlament Ewropew u tal-Kunsill dwar it-trażmissjoni ta’ data suġġetta għall-kunfidenzjalità statistika lill-Uffiċċju tal-Istatistika tal-Komunitajiet Ewropej, ir-Regolament tal-Kunsill (KE) Nru 322/97 u d-Deċiżjoni tal-Kunsill 89/382/KEE, Euratom li tistabbilixxi Kumitat dwar il-Programmi tal-Istatistika tal-Komunitajiet Ewropej (ĠU L 87, 31.3.2009, p. 164).

(4)  Ir-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (ĠU L 309, 24.11.2009, p. 1).


ANNESS I

SETT TAD-DATA 1

Prodotti għall-protezzjoni tal-pjanti mqiegħda fis-suq

Qasam:

e.

Statistika dwar il-prodotti gћall-protezzjoni tal-pjanti

Suġġett:

i.

Prodotti għall-protezzjoni tal-pjanti

Suġġett dettaljat:

i.1

Prodotti għall-protezzjoni tal-pjanti mqiegħda fis-suq

TAQSIMA I

Kontenut tad-data

Id-data għandha tkopri s-sustanzi attivi kollha fil-prodotti kollha għall-protezzjoni tal-pjanti mqiegħda fis-suq fl-Istati Membri matul il-perjodu ta’ referenza, inklużi dawk li jitqiegħdu fis-suq taħt permess kummerċjali parallel (1) u/jew taħt awtorizzazzjonijiet ta’ emerġenza (2).

Kategoriji tal-prodotti għall-protezzjoni tal-pjanti

Skadenza

il-31 ta’ Diċembru tas-sena N + 1

Sustanzi attivi fil-prodotti għall-protezzjoni tal-pjanti mqiegħda fis-suq, total

Q

N

:

Is-sena li d-data tirreferi għaliha

Q

:

Kwantità tas-sustanzi attivi mqiegħda fis-suq (kg)

Perjodu ta’ referenza

:

Sena kalendarja

Perjodiċità

:

Annwali

Livell ġeografiku

:

Nazzjonali

TAQSIMA II

Deskrizzjoni tal-unitajiet tal-kejl

Kwantità tas-sustanzi attivi: tirreferi għall-kwantità tas-sustanzi attivi fil-prodotti għall-protezzjoni tal-pjanti mqiegħda fis-suq, kif definit fl-Artikolu 1(2)(a).

Rekwiżiti tekniċi relatati mal-varjabbli

Id-data deskritta fit-tabella ta’ hawn fuq għandha tiġi trażmessa: b’sustanza attiva waħda, skont il-klassijiet kimiċi, skont il-kategoriji tal-prodotti u skont il-gruppi ewlenin, kif muri fl-Anness II.

SETT TAD-DATA 2

Użu tal-prodotti għall-protezzjoni tal-pjanti fl-agrikoltura

Qasam:

e.

Statistika dwar il-prodotti gћall-protezzjoni tal-pjanti

Suġġett:

i.

Prodotti għall-protezzjoni tal-pjanti

Suġġett dettaljat:

i.2

Użu tal-prodotti għall-protezzjoni tal-pjanti fl-agrikoltura

TAQSIMA I

Kontenut tad-data

Id-data għandha tkopri l-erjas tal-għelejjel għal-lista komuni tal-għelejjel f’azjendi agrikoli fl-Istati Membri, ttrattati bi prodotti għall-protezzjoni tal-pjanti u l-kwantitajiet tas-sustanzi attivi kollha użati matul il-perjodu ta’ referenza, inklużi dawk użati taħt awtorizzazzjoni ta’ emerġenza (3).

Karatteristiċi tal-għelejjel

Skadenza

il-31 ta’ Diċembru tas-sena N + 1

Erja ttrattata

Kwantità tas-sustanza attiva

Qamħ komuni u farru

NAT, OAT

NQS, OQS

Qamħ durum

NAT, OAT

NQS, OQS

Xgħir

NAT, OAT

NQS, OQS

Żerriegħa tal-qamħirrum u taħlita taċ-ċifċiegħ tal-qamħirrum

NAT, OAT

NQS, OQS

Qamħirrum aħdar

NAT, OAT

NQS, OQS

Lift u żrieragħ tal-lift tan-nevew

NAT, OAT

NQS, OQS

Żerriegħa tal-ġirasol

NAT, OAT

NQS, OQS

Patata (inkluża patata taż-żrigħ)

NAT, OAT

NQS, OQS

Pitrava zokkrija (għajr iż-żerriegħa)

NAT, OAT

NQS, OQS

Tuffieħ

NAT, OAT

NQS, OQS

Għeneb għall-inbid

NAT, OAT

NQS, OQS

Għeneb għall-ikel

NAT, OAT

NQS, OQS

Larinġ

NAT, OAT

NQS, OQS

Żebbuġ

NAT, OAT

NQS, OQS

Kaboċċi

NAT, OAT

NQS, OQS

Zunnarija

NAT, OAT

NQS, OQS

Basal

NAT, OAT

NQS, OQS

Tadam li jitkabbar fuq barra

NAT, OAT

NQS, OQS

Tadam taħt għata tal-ħġieġ jew għolja aċċessibbli

NAT, OAT

NQS, OQS

Frawli li jitkabbar fuq barra

NAT, OAT

NQS, OQS

Frawli tas-serer jew għata għolja aċċessibli

NAT, OAT

NQS, OQS

N

:

Is-sena li d-data tirreferi għaliha

NAT

:

Erja mhux organika ttrattata (ettari)

OAT

:

Erja organika (erja taħt konverżjoni u erja ċċertifikata) trattata (ettari)

NQS

:

Kwantità tas-sustanzi attivi kollha użati f’erja mhux organika (kg)

OQS

:

Kwantità tas-sustanzi attivi kollha użati f’erja organika (żona taħt konverżjoni u żona ċċertifikata) (kg)

Perjodu ta’ referenza

:

Sena tal-ħsad

Perjodiċità

:

2026

Livell ġeografiku

:

Nazzjonali

TAQSIMA II

Deskrizzjoni tal-unitajiet tal-kejl

Erja ttrattata (ettari): tirreferi għaż-żona fiżika tal-għalla li għandha tinħasad, fis-sena tal-ħsad, trattata mill-inqas darba matul il-perjodu ta’ referenza b’sustanza attiva partikolari kklassifikata kif muri fl-Anness II, indipendentement min-numru ta’ applikazzjonijiet.

Erja mhux organika ttrattata (ettari): tirreferi għal erja ttrattata, esklużi żoni ċċertifikati organiċi jew taħt konverżjoni.

Erja mhux organika ttrattata (ettari): tirreferi għall-erja ttrattata li hija ċċertifikata organika jew taħt konverżjoni skont ir-Regolament (UE) 2018/848 tal-Parlament Ewropew u tal-Kunsill (4).

Kwantità tas-sustanza attiva (kg): tirreferi għall-ammont ta’ kull waħda mis-sustanzi attivi, kif definiti fl-Artikolu 1(2)(a), klassifikati kif muri fl-Anness II, użati fuq l-għalla matul il-perjodu ta’ referenza.

Kwantità użata f’erja mhux organika (kg): tirreferi għall-ammont ta’ sustanzi attivi, użati fuq għelejjel maħsuda minn erjas mhux organiċi.

Kwantità użata f’erja organika (kg): tirreferi għall-ammont ta’ sustanzi attivi użati fuq għelejjel minn erjas organiċi (iċċertifikati organiċi jew taħt konverżjoni).

Rekwiżiti tekniċi relatati mal-varjabbli

Id-data deskritta fit-tabella ta’ hawn fuq għandha tiġi trażmessa: b’sustanza attiva waħda, skont il-klassijiet kimiċi, skont il-kategoriji tal-prodotti u skont il-gruppi ewlenin, kif muri fl-Anness II.

Id-data għandha tkopri s-sustanzi attivi kollha fil-prodotti kollha għall-protezzjoni tal-pjanti użati fl-Istati Membri matul il-perjodu ta’ referenza, inklużi dawk użati taħt awtorizzazzjonijiet ta’ emerġenza. Id-data għandha tinkludi t-trattamenti kollha miż-żrigħ/mit-tħawwil sa tmiem il-ħsad.

Id-data dwar l-erja ttrattata għandha tinġabar b’mod li jippermetti li d-data dwar l-erja u l-kwantità skont l-għalla (mingħajr għadd doppju) tkun disponibbli wkoll fil-livell ta’ aggregazzjoni fi klassijiet kimiċi, kategoriji ta’ prodotti u gruppi ewlenin.

Id-data għandha tinkludi s-sustanzi attivi kollha fil-prodotti kollha għall-protezzjoni tal-pjanti użati fl-azjendi agrikoli (l-użu fil-faċilitajiet tal-ħżin u għaż-żrigħ taż-żrieragħ huwa eskluż).


(1)  Kif definit fl-Artikolu 52 tar-Regolament (KE) Nru 1107/2009.

(2)  Kif definit fl-Artikolu 53 tar-Regolament (KE) Nru 1107/2009.

(3)  Kif definit fl-Artikolu 53 tar-Regolament (KE) Nru 1107/2009.

(4)  Ir-Regolament (UE) 2018/848 tal-Parlament Ewropew u tal-Kunsill tat-30 ta’ Mejju 2018 dwar il-produzzjoni organika u t-tikkettar ta’ prodotti organiċi u li jħassar ir-Regolament tal-Kunsill (KE) Nru 834/2007 (ĠU L 150, 14.6.2018, p. 1).


ANNESS II

Klassifikazzjoni tas-sustanzi attivi inklużi fil-prodotti għall-protezzjoni tal-pjanti

Gruppi ewlenin

Kategoriji tal-prodotti

Klassijiet kimiċi (1)

Total tas-sustanzi attivi fi prodotti għall-protezzjoni tal-pjanti

 

 

Fungiċidi u batteriċidi

 

 

 

Fungiċidi inorganiċi

 

 

 

Komposti tar-ram

 

 

Kubrit inorganiku

 

 

Fungiċidi inorganiċi oħra

 

Fungiċidi bbażati fuq il-karbamati u d-ditijokarbamati

 

 

 

Fungiċidi tal-karbanilat

 

 

Fungiċidi tal-karbamat

 

 

Fungiċidi tad-ditijokarbamat

 

 

Fungiċidi oħra bbażati fuq il-karbamatiu d-ditijokarbamati

 

Fungiċidi bbażati fuq il-benżimidażoli

 

 

 

Fungiċidi tal-benżimidażol

 

 

Fungiċidi oħra bbażati fuq il-benżimidażoli

 

Fungiċidi bbażati fuq l-imidażoli u t-triażoli

 

 

 

Fungiċidi tal-konażol

 

 

Fungiċidi tal-imidażol

 

 

Fungiċidi oħra bbażati fuq l-imidażoli u t-triażoli

 

Fungiċidi bbażati fuq il-morfolini

 

 

 

Fungiċidi tal-morfolin

 

 

Fungiċidi oħra bbażati fuq il-morfolini

 

Fungiċidi ta’ oriġini mikrobijoloġika jew botanika

 

 

 

Fungiċidi mikrobijoloġiċi

 

 

Fungiċidi botaniċi

 

 

Fungiċidi oħra ta’ oriġini mikrobijoloġika jew botanika

 

Batteriċidi

 

 

 

Batteriċidi inorganiċi

 

 

Batteriċidi oħra

 

Fungiċidi u batteriċidi oħrajn

 

 

 

Fungiċidi tan-nitroġenu alifatiku

 

 

Fungiċidi tal-ammid

 

 

Fungiċidi tal-anilid

 

 

Fungiċidi aromatiċi

 

 

Fungiċidi tad-dikarbossimmid

 

 

Fungiċidi tad-dinitroanilina

 

 

Fungiċidi tad-dinitrofenol

 

 

Fungiċidi organofosforiċi

 

 

Fungiċidi tal-ossażol

 

 

Fungiċidi tal-fenilpirrol

 

 

Fungiċidi tal-ftalimmid

 

 

Fungiċidi tal-pirimidina

 

 

Fungiċidi tal-kinolina

 

 

Fungiċidi tal-kinon

 

 

Fungiċidi tal-istrobilurina

 

 

Fungiċidi tal-urea

 

 

Fungiċidi mhux klassifikati

Erbiċidi, prodotti għall-irmondar u prodotti li joqtlu l-muski

 

 

 

Erbiċidi bbażati fuq il-fenossifitoormoni

 

 

 

Erbiċidi tal-fenossi

 

 

Erbiċidi oħra bbażati fuq il-fenossifitoormoni

 

Erbiċidi bbażati fuq it-triażini u t-triażinoni

 

 

 

Erbiċidi tat-triażina

 

 

Erbiċidi tat-triażinon

 

 

Erbiċidi oħra bbażati fuq it-triażini u t-triażinoni

 

Erbiċidi bbażati fuq l-ammidi u l-anilidi

 

 

 

Erbiċidi tal-ammid

 

 

Erbiċidi tal-anilide

 

 

Erbiċidi tal-kloroaċetanilide

 

 

Erbiċidi oħra bbażati fuq l-ammidi u l-anilidi

 

Erbiċidi bbażati fuq il-karbamati u l-biskarbamati

 

 

 

Erbiċidi tal-biskarbamat

 

 

Erbiċidi tal-karbamat

 

 

Erbiċidi oħra bbażati fuq il-karbamati u l-biskarbamati

 

Erbiċidi bbażati fuq id-derivattivi tad-dinitroanilina

 

 

 

Erbiċidi tad-dinitroanilina

 

 

Erbiċidi oħra bbażati fuq id-derivattivi tad-dinitroanilina

 

Erbiċidi bbażati fuq id-derivattivi tal-urea, tal-uraċil jew tas-sulfonilurea

 

 

 

Erbiċidi tas-sulfonilurea

 

 

Erbiċidi tal-uraċil

 

 

Erbiċidi tal-urea

 

 

Erbiċidi oħra bbażati fuq id-derivattivi tal-urea, tal-uraċil jew tas-sulfonilurea

 

Erbiċidi oħra

 

 

 

Erbiċidi tal-arilossifenossi-propjoniku

 

 

Erbiċidi tal-benżofuran

 

 

Erbiċidi tal-aċidu benżojku

 

 

Erbiċidi tal-bipridilju

 

 

Erbiċidi taċ-ċikloeżandjon

 

 

Erbiċidi tad-diażina

 

 

Erbiċidi tad-dikarbossimid

 

 

Erbiċidi tal-etere tad-difenil

 

 

Erbiċidi tal-imidażolinon

 

 

Erbiċidi inorganiċi

 

 

Erbiċidi tal-isossażol

 

 

Erbiċidi tan-nitril

 

 

Erbiċidi organofosforiċi

 

 

Erbiċidi tal-fenilpirażol

 

 

Erbiċidi tal-piridażinon

 

 

Erbiċidi tal-piridinkarbossammid

 

 

Erbiċidi tal-aċidu piridinkarbossiliku

 

 

Erbiċidi tal-aċidu piridilossiaċetiku

 

 

Erbiċidi tal-kinolina

 

 

Erbiċidi tat-tijadiażina

 

 

Erbiċidi tat-tijokarbamat

 

 

Erbiċidi tat-triażol

 

 

Erbiċidi tat-triażolinon

 

 

Erbiċidi tat-triażolon

 

 

Erbiċidi tat-triketon

 

 

Erbiċidi mhux klassifikati

Insettiċidi u akariċidi

 

 

 

Insettiċidi bbażati fuq il-piretrojdi

 

 

 

Insettiċidi tal-piretrojde

 

 

Insettiċidi oħra bbażati fuq il-piretrjodi

 

Insettiċidi bbażati fuq l-idrokarburi klorinati

 

 

 

Insettiċidi tad-diammid antraniliku

 

 

Insettiċidi oħra bbażati fuq l-idrokarburu klorinati

 

Insettiċidi bbażati fuq il-karbamati u l-ossimakarbamat

 

 

 

Insettiċidi tal-ossikarbamat

 

 

Insettiċidi tal-karbamat

 

 

Insettiċidi oħra bbażati fuq il-karbamat u l-ossikarbamat

 

Insettiċidi bbażati fuq l-organofosfati

 

 

 

Insettiċidi organofosforiċi

 

 

Insettiċidi oħra bbażati fuq l-organofosfati

 

Insettiċidi ta’ oriġini mikrobijoloġika jew botanika

 

 

 

Insettiċidi mikrobikoloġiċi

 

 

Insettiċidi botaniċi

 

 

Insettiċidi oħra ta’ oriġini mikrobijoloġika jew botanika

 

Akariċidi

 

 

 

Akariċidi tal-pirażol

 

 

Akariċidi tat-tetrażina

 

 

Akariċidi oħra

 

Insettiċidi oħra

 

 

 

Insettiċidi prodotti bil-fermentazzjoni

 

 

Insettiċidi tal-benżojlurea

 

 

Insettiċidi tal-karbażat

 

 

Insettiċidi tad-diażilidrażina

 

 

Regolaturi tat-tkabbir tal-insetti

 

 

Insettiċidi tan-nitrogwanidina

 

 

Insettiċidi tal-organotin

 

 

Insettiċidi tal-ossadiażina

 

 

Insettiċidi tal-fenil-etere

 

 

Insettiċidi tal-pirażol (fenil-)

 

 

Insettiċidi tal-piridina

 

 

Insettiċidi tal-piridilmetilammina

 

 

Insettiċidi tal-ester tas-sulfit

 

 

Insettiċidi tal-aċidu tetroniku

 

 

Feromoni tal-pesti lepidopteri b’katina dritta (sclps) li jattiraw l-insetti

 

 

Attrattanti oħra tal-insetti

 

 

Insettiċidi-akariċidi mhux klassifikati

Molluskiċidi

 

 

 

Molluskiċidi

 

 

 

Molluskiċidi

Regolaturi tat-tkabbir tal-pjanti

 

 

 

Regolaturi tat-tkabbir tal-pjanti fiżjoloġiċi

 

 

 

Regolaturi tat-tkabbir tal-pjanti fiżjoloġiċi

 

 

Regolaturi oħra tat-tkabbir tal-pjanti fiżjoloġiċi

 

Prodotti kontra t-tinbit

 

 

 

Prodotti kontra t-tinbit

 

 

Prodotti oħra kontra t-tinbit

 

Regolaturi tat-tkabbir tal-pjanti oħrajn

 

 

 

Regolaturi tat-tkabbir tal-pjanti oħrajn

Prodotti oħrajn għall-protezzjoni tal-pjanti

 

 

 

Żjut veġetali

 

 

 

Żjut veġetali

 

Sterilanti tal-ħamrija (inkluż in-nematiċidi)

 

 

 

Bromur tal-metil

 

 

Nematiċidi bijoloġiċi

 

 

Nematiċidi organofosforiċi

 

 

Sterilanti oħra tal-ħamrija

 

Rodentiċidi

 

 

 

Rodentiċidi

 

Il-prodotti l-oħrajn kollha għall-protezzjoni tal-pjanti

 

 

 

Diżinfettanti

 

 

Repellenti

 

 

Prodotti oħrajn għall-protezzjoni tal-pjanti


(1)  Tapplika wkoll għal prodotti għall-protezzjoni tal-pjanti ta’ oriġini mikrobijoloġika jew botanika, għal skopijiet ta’ armonizzazzjoni


ANNESS III

DESKRIZZJONIJIET

Prodott għall-protezzjoni tal-pjanti huwa prodott fil-forma li fiha jiġi fornut lill-utent, li jikkonsisti minn jew li fih sustanzi attivi, aġenti protettivi jew sinerġisti, u huwa maħsub għal wieħed mill-użi deskritti fl-Artikolu 2(1) tar-Regolament (KE) Nru 1107/2009.

Sustanzi attivi: tfisser sustanzi attivi kif imsemmi fl-Artikolu 2(2) tar-Regolament (KE) Nru 1107/2009.

Tqegħid fis-suq: tfisser tqegħid fis-suq kif definit fil-punt 9 tal-Artikolu 3 tar-Regolament (KE) Nru 1107/2009.

Għelejjel: tfisser għelejjel agrikoli, kif deskritt fir-Regolament ta’ Implimentazzjoni tal-Kummissjoni (UE) 2023/1538 (1).

Klassifikazzjoni tas-sustanzi attivi inklużi fil-prodotti għall-protezzjoni tal-pjanti: aggregazzjoni ta’ sustanzi attivi minn gruppi maġġuri, kategoriji ta’ prodotti u klassijiet kimiċi.

Sena tal-ħsad: Is-sena kalendarja li fiha jibda l-ħsad, inkluż il-perjodu li matulu jittieħdu l-miżuri preparatorji kollha (bħall-ħdim tar-raba’, it-tħawwil, u l-applikazzjoni ta’ fertilizzanti u prodotti għall-protezzjoni tal-pjanti) biex jiġi żgurat dak il-ħsad, anke matul is-sena kalendarja preċedenti.


(1)  Ir-Regolament ta’ Implimentazzjoni tal-Kummissjoni (UE) 2023/1538 tal-25 ta’ Lulju 2023 li jistabbilixxi r-regoli għall-applikazzjoni tar-Regolament (UE) 2022/2379 tal-Parlament Ewropew u tal-Kunsill fir-rigward tal-istatistika dwar il-produzzjoni tal-għelejjel (ara paġna 40 ta’ dan il-ĠU).