|
26.7.2023 |
GA |
Iris Oifigiúil an Aontais Eorpaigh |
L 187/26 |
RIALACHÁN CUR CHUN FEIDHME (AE) 2023/1537 ÓN gCOIMISIÚN
an 25 Iúil 2023
lena leagtar síos rialacha maidir le cur i bhfeidhm Rialachán (AE) 2022/2379 ó Pharlaimint na hEorpa agus ón gComhairle a mhéid a bhaineann le staidreamh i ndáil le húsáid táirgí cosanta plandaí a bheidh le tarchur le haghaidh na bliana tagartha 2026 le linn an chórais idirthréimhsigh 2025-2027 agus a mhéid a bhaineann le staidreamh i ndáil le táirgí cosanta plandaí a chuirtear ar an margadh
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2022/2379 ó Pharlaimint na hEorpa agus ón gComhairle an 23 Samhain 2022 maidir le staidreamh ar ionchur agus aschur talmhaíochta, lena leasaítear Rialachán (CE) Uimh. 617/2008 ón gCoimisiún agus lena n-aisghairtear Rialacháin (CE) Uimh. 1165/2008, (CE) Uimh. 543/2009 agus (CE) Uimh. 1185/2009 ó Pharlaimint na hEorpa agus ón gComhairle agus Treoir 96/16/CE ón gComhairle (1), agus go háirithe Airteagail 4(6), 5(10), 9(4) agus 14(1) de,
De bharr an mhéid seo a leanas:
|
(1) |
Le Rialachán (AE) 2022/2379 bunaítear creat comhtháite chun staidreamh Eorpach, a mhéid a bhaineann le hionchur agus aschur talmhaíochta. |
|
(2) |
Tá feidhm ag rialacha idirthréimhseacha maidir leis an topaic mhionsonraithe, úsáid táirgí cosanta plandaí sa talmhaíocht, do na blianta 2025, 2026 agus 2027, mar a leagtar síos in Airteagal 14(1) de Rialachán (AE) 2022/2379. Faoi na rialacha sin, níl sonraí maidir leis na húsáidí le seoladh ach aon uair amháin, le haghaidh na bliana tagartha 2026. |
|
(3) |
Ba cheart staidreamh maidir le táirgí cosanta plandaí a chur ar an margadh a bhailiú go bliantúil ón mbliain tagartha 2025 ar aghaidh. |
|
(4) |
Is gá na ceanglais maidir le sonraí a shonrú chun staidreamh a tháirgeadh maidir le hionchur agus aschur talmhaíochta a mhéid a bhaineann le táirgí cosanta plandaí chun sonraí inchomparáide a sholáthar idir na Ballstáit agus chun comhchuibhiú a bhaint amach. |
|
(5) |
Le Rialachán (AE) 2022/2379 suitear go bhfuil sonraí staidrimh lena gcumhdaítear gné an táirgthe orgánaigh fíor-riachtanach chun faireachán a dhéanamh ar dhul chun cinn an phlean gníomhaíochta maidir le táirgeadh orgánach a fhorbairt san Aontas. Is cuid thábhachtach de na sonraí sin é táirgí cosanta plandaí a úsáid i dtáirgeadh orgánach. |
|
(6) |
De bhun Airteagal 5(10) de Rialachán (AE) 2022/2379, sonraítear leis an Rialachán seo gnéithe teicniúla na sonraí atá le soláthar. Is éard atá sna heilimintí sin liosta na n-athróg, tuairiscí ar na hathróga, na haonaid bhreathnóireachta, na ceanglais bheachtais atá le cur i bhfeidhm, na rialacha modheolaíochta atá le cur i bhfeidhm, agus na sprioc-amanna chun na sonraí a tharchur. |
|
(7) |
Ba cheart cumhdach na dtacar sonraí a shonrú thar na ceanglais in Airteagal 4(1) agus 4(5) de Rialachán (AE) 2022/2379, i gcás inarb iomchuí, chun neamhréireachtaí idir na Ballstáit a sheachaint. Is gá, go háirithe, de bhun Airteagal 14(1) de Rialachán (AE) 2022/2379, de mhaolú ar Airteagal 4(5), pointe (b), liosta coiteann barr a shonrú do na Ballstáit uile chun faisnéis a sholáthar maidir le húsáid táirgí cosanta plandaí. Leis an liosta, mar aon le féarthailte buana, ba cheart 75 % den limistéar talmhaíochta a úsáidtear ar leibhéal an Aontais a chumhdach. Is féidir leis na Ballstáit an liosta sin a chomhlánú le barra atá ábhartha go náisiúnta. |
|
(8) |
Ba cheart na tréimhsí tagartha a luaitear in Airteagal 9(4) de Rialachán (AE) 2022/2379 a shonrú a thuilleadh. |
|
(9) |
Féadfar athbhreithniú a dhéanamh ar chumhdach na dtacar sonraí chun staidreamh maidir le húsáid táirgí cosanta plandaí le haghaidh cóireáil síolta agus stórála a chur san áireamh a luaithe a mheastar é a bheith indéanta ó thaobh na teicneolaíochta de. |
|
(10) |
Chun an staidreamh maidir le táirgí cosanta plandaí a choimeád comhsheasmhach le nuashonruithe tráthrialta ar liosta na substaintí gníomhacha formheasta, ní mór iad a ailíniú le Rialachán Cur Chun Feidhme (AE) Uimh. 540/2011 ón gCoimisiún (2). |
|
(11) |
Tá gá le staidreamh maidir le táirgí cosanta plandaí chun faireachán a dhéanamh ar an gComhbheartas Talmhaíochta agus ar na beartais ábhartha lena dtacaítear le húsáid inbhuanaithe táirgí cosanta plandaí, amhail na Spriocanna Forbartha Inbhuanaithe agus an Comhaontú Glas, agus a spriocanna gaolmhara. |
|
(12) |
Tá na bearta dá bhforáiltear sa Rialachán seo i gcomhréir leis an tuairim ón gCoiste um an gCóras Staidrimh Eorpach arna bhunú le hAirteagal 7 de Rialachán (CE) Uimh. 223/2009 ó Pharlaimint na hEorpa agus ón gComhairle (3). |
TAR ÉIS AN RIALACHÁN SEO A GHLACADH:
Airteagal 1
Ceanglais maidir le sonraí
(1) Soláthróidh na Ballstáit sonraí i réimse an staidrimh maidir le táirgí cosanta plandaí dá dtagraítear in Airteagal 5(1), pointe (e) de Rialachán (AE) 2022/2379 i bhfoirm tacair sonraí chomhiomlánaithe.
(2) Cumhdófar leis an staidreamh an méid seo a leanas:
|
(a) |
gach substaint ghníomhach mar a shonraítear i bpointí (i) agus (ii) den Airteagal seo agus atá sna táirgí cosanta plandaí a chuirtear ar an margadh de réir bhrí Airteagal 3, pointe 9 de Rialachán (CE) Uimh. 1107/2009 ó Pharlaimint na hEorpa agus ón gComhairle (4), lena n-áirítear na substaintí sin a chuirtear ar an margadh faoi chead trádála comhthreomhaire dá dtagraítear in Airteagal 52 den Rialachán sin:
|
|
(b) |
úsáid na substaintí gníomhacha dá dtagraítear i bpointe (a) ag úsáideoirí gairmiúla sa talmhaíocht. |
(3) Tarchuirfear na sonraí chuig an gCoimisiún (Eurostat) ar an leibhéal náisiúnta.
Airteagal 2
Tacair sonraí
(1) Sonraítear inneachar sonraí na dtacar sonraí in Iarscríbhinn I do na topaicí mionsonraithe
|
(1) |
Táirgí cosanta plandaí a chuirtear ar an margadh; |
|
(2) |
Úsáid táirgí cosanta plandaí sa talmhaíocht. |
(2) Le haghaidh gach tacair sonraí, sonraítear an méid seo a leanas i Roinn I in Iarscríbhinn I:
|
(1) |
tuairisc ar an inneachar sonraí; |
|
(2) |
na hathróga atá le soláthar maidir le táirgeadh orgánach; |
|
(3) |
na sprioc-amanna i gcomhair tharchur na sonraí chuig an gCoimisiún (Eurostat); |
|
(4) |
na tréimhsí tagartha; |
|
(5) |
na haonaid tomhais. |
(3) Le haghaidh gach tacair sonraí, sonraítear an méid seo a leanas i Roinn II in Iarscríbhinn I, i gcás inarb iomchuí:
|
(1) |
tuairisc ar na haonaid tomhais; |
|
(2) |
ceanglais theicniúla a d’fhéadfadh a bheith ann maidir leis na hathróga. |
Airteagal 3
Ceanglais cháilíochta
Nuair a bhaileofar sonraí bunaithe ar shamplaí staidrimh, áiritheoidh na Ballstáit go mbeidh na torthaí ualaithe ionadaíoch ar an daonra staidrimh laistigh den aonad geografach ábhartha. I gcás nach bhfuil ceanglais bheachtais infheidhme, mar shampla mar gheall ar fhoinsí seachas suirbhéanna staidrimh, déanfar cáilíocht an staidrimh a áirithiú ar mhodhanna eile ionas go mbeidh siad ionadaíoch ar an raon feidhme a dtugann siad tuairisc air, agus comhlíonfaidh siad na critéir cháilíochta a leagtar síos in Airteagal 12(1) de Rialachán (CE) Uimh. 223/2009.
Airteagal 4
Aicmithe
Déanfar na substaintí gníomhacha dá dtagraítear in Airteagal 1(2) a thuairisciú trí úsáid a bhaint as an aicmiú a leagtar amach in Iarscríbhinn II.
Airteagal 5
Tuairiscí
Chun críocha an Rialacháin seo, beidh feidhm ag na tuairiscí ar théarmaí mar a leagtar amach in Iarscríbhinn III iad.
Airteagal 6
Córas idirthréimhseach
Beidh feidhm ag forálacha an Rialacháin seo maidir leis na tréimhsí tagartha 2025-2027. Ní bheidh feidhm ag rialacha an chórais idirthréimhsigh a bhunaítear in Airteagal 14(1) de Rialachán (AE) 2022/2379 don tréimhse 2025-2027 ach amháin maidir le sonraí faoin topaic mhionsonraithe, úsáid táirgí cosanta plandaí sa talmhaíocht.
Airteagal 7
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm aige ón 1 Eanáir 2025.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 25 Iúil 2023.
Thar ceann an Choimisiúin
An tUachtarán
Ursula VON DER LEYEN
(1) IO L 315, 7.12.2022, lch. 1.
(2) Rialachán Cur Chun Feidhme (AE) Uimh. 540/2011 ón gCoimisiún an 25 Bealtaine 2011 lena gcuirtear chun feidhme Rialachán (CE) Uimh. 1107/2009 ó Pharlaimint na hEorpa agus ón gComhairle a mhéid a bhaineann le liosta na substaintí gníomhacha formheasta (IO L 153, 11.6.2011, lch. 1).
(3) Rialachán (CE) Uimh. 223/2009 ó Pharlaimint na hEorpa agus ón gComhairle an 11 Márta 2009 maidir le staidreamh Eorpach agus lena n-aisghairtear Rialachán (CE, Euratom) Uimh. 1101/2008 ó Pharlaimint na hEorpa agus ón gComhairle maidir le tarchur sonraí atá faoi réir rúndachta staidrimh chuig Oifig Staidrimh na gComhphobal Eorpach, Rialachán (CE) Uimh. 322/97 ón gComhairle maidir le Staidreamh Comhphobail, agus Cinneadh 89/382/CEE, Euratom ón gComhairle lena mbunaítear Coiste um Chláir Staidrimh na gComhphobal Eorpach (IO L 87, 31.3.2009, lch. 164).
(4) Rialachán (CE) Uimh. 1107/2009 ó Pharlaimint na hEorpa agus ón gComhairle an 21 Deireadh Fómhair 2009 maidir le táirgí cosanta plandaí a chur ar an margadh agus lena n-aisghairtear Treoir 79/117/CEE agus Treoir 91/414/CEE ón gComhairle (IO L 309, 24.11.2009, lch. 1).
IARSCRÍBHINN I
TACAR SONRAÍ 1
Táirgí cosanta plandaí a chuirtear ar an margadh
|
Réimse: |
e. |
Staidreamh ar tháirgí cosanta plandaí |
|
Topaic: |
i. |
Táirgí cosanta plandaí |
|
Topaic mhionsonraithe: |
i.1 |
Táirgí cosanta plandaí a chuirtear ar an margadh |
ROINN I
Inneachar sonraí
Cumhdófar leis na sonraí na substaintí gníomhacha go léir i ngach táirge cosanta plandaí a chuirtear ar an margadh sna Ballstáit le linn na tréimhse tagartha, lena n-áirítear na substaintí sin a chuirtear ar an margadh faoi chead trádála comhthreomhaire (1) agus/nó faoi údaruithe éigeandála (2).
|
Catagóirí táirgí cosanta plandaí |
Sprioc-am |
|
An 31 Nollaig bliain N+1 |
|
|
Substaintí gníomhacha i dtáirgí cosanta plandaí a chuirtear ar an margadh, iomlán |
Q |
|
N |
: |
An bhliain dá dtagraíonn na sonraí |
|
Q |
: |
Cainníocht na substaintí gníomhacha a chuirtear ar an margadh (kg) |
|
Tréimhse thagartha |
: |
Bliain féilire |
|
Tréimhsiúlacht |
: |
Bliantúil |
|
Leibhéal geografach |
: |
Náisiúnta |
ROINN II
Tuairisc ar na haonaid tomhais
Cainníocht na substaintí gníomhacha: is é sin cainníocht na substaintí gníomhacha sna táirgí cosanta plandaí a chuirtear ar an margadh, mar a shainmhínítear in Airteagal 1(2)(a).
Ceanglais theicniúla a bhaineann leis na hathróga
Déanfar na sonraí a dtugtar tuairisc orthu sa tábla thuas a tharchur: de réir substaint ghníomhach aonair, de réir aicmí ceimiceacha, de réir catagóirí táirgí agus de réir mórghrúpaí, mar a léirítear in Iarscríbhinn II.
TACAR SONRAÍ 2
Úsáid táirgí cosanta plandaí sa talmhaíocht
|
Réimse: |
e. |
Staidreamh ar tháirgí cosanta plandaí |
|
Topaic: |
i. |
Táirgí cosanta plandaí |
|
Topaic mhionsonraithe: |
i.2 |
Úsáid táirgí cosanta plandaí sa talmhaíocht |
ROINN I
Inneachar sonraí
Cumhdófar leis na sonraí na limistéir barr don liosta coiteann barr, ar ghabháltais talmhaíochta sna Ballstáit, a chóireáiltear le táirgí cosanta plandaí, agus cainníochtaí na substaintí gníomhacha uile a úsáidtear le linn na tréimhse tagartha, lena n-áirítear iad siúd a úsáidtear faoi údaruithe éigeandála (3).
|
Saintréithe barr |
Sprioc-am |
|
|
An 31 Nollaig bliain N+1 |
||
|
Limistéar atá faoi chóireáil |
Cainníocht na substainte gníomhaí |
|
|
Cruithneacht bhog agus speilt |
NAT, OAT |
NQS, OQS |
|
Cruithneacht chrua (dúram) |
NAT, OAT |
NQS, OQS |
|
Eorna |
NAT, OAT |
NQS, OQS |
|
Grán buí agus meascán coba arbhair Indiaigh |
NAT, OAT |
NQS, OQS |
|
Arbhar Indiach glas |
NAT, OAT |
NQS, OQS |
|
Síolta ráibe agus síolta ráibe tornapa |
NAT, OAT |
NQS, OQS |
|
Síol lus na gréine |
NAT, OAT |
NQS, OQS |
|
Prátaí (lena n-áirítear prátaí síl) |
NAT, OAT |
NQS, OQS |
|
Biatas siúcra (seachas síol) |
NAT, OAT |
NQS, OQS |
|
Úlla |
NAT, OAT |
NQS, OQS |
|
Fíonchaora le haghaidh fíona |
NAT, OAT |
NQS, OQS |
|
Fíonchaora boird |
NAT, OAT |
NQS, OQS |
|
Oráistí |
NAT, OAT |
NQS, OQS |
|
Ológa |
NAT, OAT |
NQS, OQS |
|
Cabáistí |
NAT, OAT |
NQS, OQS |
|
Cairéid |
NAT, OAT |
NQS, OQS |
|
Oinniúin |
NAT, OAT |
NQS, OQS |
|
Trátaí amuigh |
NAT, OAT |
NQS, OQS |
|
Trátaí faoi ghloine nó faoi chlúdach ard inrochtana |
NAT, OAT |
NQS, OQS |
|
Sútha talún amuigh |
NAT, OAT |
NQS, OQS |
|
Sútha talún faoi ghloine nó faoi chlúdach ard inrochtana |
NAT, OAT |
NQS, OQS |
|
N |
: |
An bhliain dá dtagraíonn na sonraí |
|
NAT |
: |
Limistéar neamhorgánach atá faoi chóireáil (ha) |
|
OAT |
: |
Limistéar orgánach (limistéar atá á thiontú agus limistéar deimhnithe) atá faoi chóireáil (ha) |
|
NQS |
: |
Cainníocht na substaintí gníomhacha uile a úsáidtear ar limistéar neamhorgánach (kg) |
|
OQS |
: |
Cainníocht na substaintí gníomhacha go léir a úsáidtear ar limistéar orgánach (limistéar atá á thiontú agus limistéar deimhnithe) (kg) |
|
Tréimhse thagartha |
: |
Bliain an fhómhair |
|
Tréimhsiúlacht |
: |
2026 |
|
Leibhéal geografach |
: |
Náisiúnta |
ROINN II
Tuairisc ar na haonaid tomhais
Limistéar atá faoi chóireáil (ha): is é sin limistéar fisiciúil an bhairr atá le sábháil, i mbliain an fhómhair, a chóireáiltear uair amháin ar a laghad le linn na tréimhse tagartha le substaint ghníomhach ar leith a aicmítear mar a léirítear in Iarscríbhinn II, go neamhspleách ar an líon uaireanta a cuireadh an tsubstaint ar an limistéar.
Limistéar neamhorgánach atá faoi chóireáil (ha): is é sin limistéar atá faoi chóireáil, seachas limistéir atá deimhnithe mar limistéir orgánacha nó limistéir atá á dtiontú.
Limistéar orgánach atá faoi chóireáil (ha): is é sin limistéar atá faoi chóireáil agus a dheimhnítear a bheith orgánach nó atá á thiontú de réir Rialachán (AE) 2018/848 ó Pharlaimint na hEorpa agus ón gComhairle (4).
Cainníocht na substainte gníomhaí (kg): is é sin méid gach ceann de na substaintí gníomhacha, mar a shainmhínítear in Airteagal 1(2)(a), a aicmítear mar a léirítear in Iarscríbhinn II, a úsáidtear ar an mbarr le linn na tréimhse tagartha.
An chainníocht a úsáidtear ar limistéar neamhorgánach (kg): is é sin an méid substaintí gníomhacha a úsáidtear ar bharra a shábháiltear ó limistéir neamhorgánacha.
An chainníocht a úsáidtear ar limistéar orgánach (kg): is é sin an méid substaintí gníomhacha a úsáidtear ar bharra ó limistéir orgánacha (atá deimhnithe mar limistéir orgánacha nó limistéir atá á dtiontú).
Ceanglais theicniúla a bhaineann leis na hathróga
Déanfar na sonraí a dtugtar tuairisc orthu sa tábla thuas a tharchur: de réir substaint ghníomhach aonair, de réir aicmí ceimiceacha, de réir catagóirí táirgí agus de réir mórghrúpaí, mar a léirítear in Iarscríbhinn II.
Cumhdófar leis na sonraí na substaintí gníomhacha uile sna táirgí cosanta plandaí uile a úsáidtear sna Ballstáit le linn na tréimhse tagartha, lena n-áirítear iad siúd a úsáidtear faoi údaruithe éigeandála. Áireofar leis na sonraí gach cóireáil ó chur/ó phlandú go deireadh an fhómhair.
Baileofar na sonraí maidir leis an limistéar atá faoi chóireáil ar bhealach lena bhféadfar na sonraí limistéir agus cainníochta de réir bairr (gan comhaireamh dúbailte) a bheith ar fáil freisin ar leibhéal an chomhiomlánaithe in aicmí ceimiceacha, i gcatagóirí táirgí agus i mórghrúpaí.
Áireofar leis na sonraí na substaintí gníomhacha uile i ngach táirge cosanta plandaí a úsáidtear ar ghabháltais talmhaíochta (ní chuirtear san áireamh a n-úsáid i saoráidí stórála agus chun síolta a chur).
(1) Mar a shainmhínítear in Airteagal 52 de Rialachán (CE) Uimh. 1107/2009.
(2) Mar a shainmhínítear in Airteagal 53 de Rialachán (CE) Uimh. 1107/2009.
(3) Mar a shainmhínítear in Airteagal 53 de Rialachán (CE) Uimh. 1107/2009.
(4) Rialachán (AE) 2018/848 ó Pharlaimint na hEorpa agus ón gComhairle an 30 Bealtaine 2018 maidir le táirgeadh orgánach agus lipéadú táirgí orgánacha agus lena leasaítear Rialachán (CE) Uimh. 834/2007 ón gComhairle (IO L 150, 14.6.2018, lch. 1).
IARSCRÍBHINN II
AICMIÚ SUBSTAINTÍ GNÍOMHACHA A ÁIRÍTEAR SNA TÁIRGÍ COSANTA PLANDAÍ
|
Mórghrúpaí |
Catagóirí táirgí |
Aicmí ceimiceacha (1) |
|
Iomlán na substaintí gníomhacha i dtáirgí cosanta plandaí |
|
|
|
Fungaicídí agus baictéiricídí |
|
|
|
|
Fungaicídí neamhorgánacha |
|
|
|
|
Comhdhúile copair |
|
|
|
Sulfar neamhorgánach |
|
|
|
Fungaicídí neamhorgánacha eile |
|
|
Fungaicídí bunaithe ar charbamáití agus ar dhéthiacarbamáití |
|
|
|
|
Fungaicídí carbanaláite |
|
|
|
Fungaicídí carbamáite |
|
|
|
Fungaicídí déthiacarbamáite |
|
|
|
Fungaicídí eile bunaithe ar charbamáití agus ar dhéthiacarbamáití |
|
|
Fungaicídí bunaithe ar bheinsimíodasóil |
|
|
|
|
Fungaicídí beinsimíodasóil |
|
|
|
Fungaicídí eile bunaithe ar bheinsimíodasóil |
|
|
Fungaicídí bunaithe ar imíodasóil agus ar thrí-asóil |
|
|
|
|
Fungaicídí conasóil |
|
|
|
Fungaicídí imíodasóil |
|
|
|
Fungaicídí eile bunaithe ar imíodasóil agus ar thrí-asóil |
|
|
Fungaicídí bunaithe ar mhorfóilíní |
|
|
|
|
Fungaicídí morfóilín |
|
|
|
Fungaicídí eile bunaithe ar mhorfóilíní |
|
|
Fungaicídí de thionscnamh micribhitheolaíoch nó luibheolaíoch |
|
|
|
|
Fungaicídí micribhitheolaíocha |
|
|
|
Fungaicídí luibheolaíocha |
|
|
|
Fungaicídí eile de thionscnamh micribhitheolaíoch nó luibheolaíoch |
|
|
Baictéiricídí |
|
|
|
|
Baictéiricídí neamhorgánacha |
|
|
|
Baictéiricídí eile |
|
|
Fungaicídí agus baictéiricídí eile |
|
|
|
|
Fungaicídí nítrigine alafataí |
|
|
|
Fungaicídí aimíde |
|
|
|
Fungaicídí anailíde |
|
|
|
Fungaicídí aramatacha |
|
|
|
Fungaicídí décharbocsaimíde |
|
|
|
Fungaicídí déníotranailín |
|
|
|
Fungaicídí dénítrifeanóil |
|
|
|
Fungaicídí orgánafosfair |
|
|
|
Fungaicídí ocsasóil |
|
|
|
Fungaicídí feinilpioróil |
|
|
|
Fungaicídí tailimíde |
|
|
|
Fungaicídí pirimidín |
|
|
|
Fungaicídí cuineoilín |
|
|
|
Fungaicídí cuineoin |
|
|
|
Fungaicídí stróbalúracha |
|
|
|
Fungaicídí úiré |
|
|
|
Fungaicídí neamhaicmithe |
|
Luibhicídí, gas-scriostóirí agus scriostóirí caonaigh |
|
|
|
|
Luibhicídí bunaithe ar fhíteahormóin fheanocsacha |
|
|
|
|
Luibhicídí feanocsacha |
|
|
|
Luibhicídí eile bunaithe ar fhíteahormóin fheanocsacha |
|
|
Luibhicídí bunaithe ar thrí-aisíní agus ar thrí-aisíonóin |
|
|
|
|
Luibhicídí trí-aisín |
|
|
|
Luibhicídí trí-aisíonóin |
|
|
|
Luibhicídí eile bunaithe ar thrí-aisíní agus ar thrí-aisíonóin |
|
|
Luibhicídí bunaithe ar aimídí agus ar anailídí |
|
|
|
|
Luibhicídí aimíde |
|
|
|
Luibhicídí anailíde |
|
|
|
Luibhicídí clóraicéatanailíde |
|
|
|
Luibhicídí eile bunaithe ar aimídí agus ar anailídí |
|
|
Luibhicídí bunaithe ar charbamáití agus ar bhios-carbamáití |
|
|
|
|
Luibhicídí bios-carbamáite |
|
|
|
Luibhicídí carbamáite |
|
|
|
Luibhicídí eile bunaithe ar charbamáití agus ar bhios-carbamáití |
|
|
Luibhicídí bunaithe ar dhíorthaigh dhéníotranailín |
|
|
|
|
Luibhicídí déníotranailín |
|
|
|
Luibhicídí eile bunaithe ar dhíorthaigh dhéníotranailín |
|
|
Luibhicídí bunaithe ar dhíorthaigh úiré, úraicile nó shulfóiniolúiré |
|
|
|
|
Luibhicídí sulfóiniolúiré |
|
|
|
Luibhicídí úraicile |
|
|
|
Luibhicídí úiré |
|
|
|
Luibhicídí eile bunaithe ar dhíorthaigh úiré, úraicile nó shulfóiniolúiré |
|
|
Luibhicídí eile |
|
|
|
|
Luibhicídí aralocsaifeanocsa-próipianacha |
|
|
|
Luibhicídí beinseafúráin |
|
|
|
Luibhicídí aigéid bheansóigh |
|
|
|
Luibhicídí déphiridiliam |
|
|
|
Luibhicídí cioglaiheacsáindé-óin |
|
|
|
Luibhicídí dé-aisín |
|
|
|
Luibhicídí décharbocsaimíde |
|
|
|
Luibhicídí éitir défheinile |
|
|
|
Luibhicídí imíodasóilíonóin |
|
|
|
Luibhicídí neamhorgánacha |
|
|
|
Luibhicídí iseacsasóil |
|
|
|
Luibhicídí nítríle |
|
|
|
Luibhicídí orgánafosfair |
|
|
|
Luibhicídí feinilpiorasóil |
|
|
|
Luibhicídí pireadaisíonóin |
|
|
|
Luibhicídí piridíoncarbocsaimíde |
|
|
|
Luibhicídí aigéid phiridíoncarbocsailigh |
|
|
|
Luibhicídí aigéid phiridiolocsaicéitigh |
|
|
|
Luibhicídí cuineoilín |
|
|
|
Luibhicídí tiaidé-aisín |
|
|
|
Luibhicídí tiacarbamáite |
|
|
|
Luibhicídí trí-asóil |
|
|
|
Luibhicídí trí-asóilíonóin |
|
|
|
Luibhicídí trí-asólóin |
|
|
|
Luibhicídí tríchéatóin |
|
|
|
Luibhicídí neamhaicmithe |
|
Feithidicídí agus acairicídí |
|
|
|
|
Feithidicídí bunaithe ar phireatróidí |
|
|
|
|
Feithidicídí pireatróide |
|
|
|
Feithidicídí eile bunaithe ar phireatróidí |
|
|
Feithidicídí bunaithe ar hidreacarbóin chlóirínithe |
|
|
|
|
Feithidicídí dé-aimíde antrainilí |
|
|
|
Feithidicídí eile bunaithe ar hidreacarbóin chlóirínithe |
|
|
Feithidicídí eile bunaithe ar charbamáití agus ar charbamáit ocsaíme |
|
|
|
|
Feithidicídí carbamáite ocsaíme |
|
|
|
Feithidicídí carbamáite |
|
|
|
Feithidicídí eile bunaithe ar bunaithe ar charbamáití agus ar charbamáit ocsaíme |
|
|
Feithidicídí bunaithe ar orgánafosfáití |
|
|
|
|
Feithidicídí orgánafosfair |
|
|
|
Feithidicídí eile bunaithe ar orgánafosfáití |
|
|
Feithidicídí de thionscnamh micribhitheolaíoch nó luibheolaíoch |
|
|
|
|
Feithidicídí micribhitheolaíocha |
|
|
|
Feithidicídí luibheolaíocha |
|
|
|
Feithidicídí eile de thionscnamh micribhitheolaíoch nó luibheolaíoch |
|
|
Acairicídí |
|
|
|
|
Acairicídí piorasóil |
|
|
|
Acairicídí teatraisín |
|
|
|
Acairicídí eile |
|
|
Feithidicídí eile |
|
|
|
|
Feithidicídí arna dtáirgeadh trí choipeadh |
|
|
|
Feithidicídí beansóilúiré |
|
|
|
Feithidicídí carbasáite |
|
|
|
Feithidicídí diaisilhiodraisín |
|
|
|
Rialaitheoirí fáis feithidí |
|
|
|
Feithidicídí nítreaguainidín |
|
|
|
Feithidicídí orgánastáin |
|
|
|
Feithidicídí ocsáidé-aisín |
|
|
|
Feithidicídí éitir feinile |
|
|
|
Feithidicídí piorasóil (feinile) |
|
|
|
Feithidicídí piridín |
|
|
|
Feithidicídí piridilmeitiolaimín |
|
|
|
Feithidicídí eistir suilfíte |
|
|
|
Feithidicídí aigéid theatrónaigh |
|
|
|
Fearamóin léipidipteire slabhra dhírigh (SCLPS) mealltóirí feithidí |
|
|
|
Mealltóirí feithidí eile |
|
|
|
Feithidicídí-acairicídí neamhaicmithe |
|
Moiliscicídí |
|
|
|
|
Moiliscicídí |
|
|
|
|
Moiliscicídí |
|
Rialaitheoirí fáis plandaí |
|
|
|
|
Rialaitheoirí fiseolaíocha fáis plandaí |
|
|
|
|
Rialaitheoirí fiseolaíocha fáis plandaí |
|
|
|
Rialaitheoirí fiseolaíocha fáis plandaí eile |
|
|
Táirgí frithphéactha |
|
|
|
|
Táirgí frithphéactha |
|
|
|
Táirgí frithphéactha eile |
|
|
Rialaitheoirí fáis plandaí eile |
|
|
|
|
Rialaitheoirí fáis plandaí eile |
|
Táirgí cosanta plandaí eile |
|
|
|
|
Olaí plandúla |
|
|
|
|
Olaí plandúla |
|
|
Steirileáin ithreach (lena n-áirítear néimeataicídí) |
|
|
|
|
Bróimíd mheitile |
|
|
|
Néimeataicídí bitheolaíocha |
|
|
|
Néimeataicídí orgánafosfair |
|
|
|
Steirileáin ithreach eile |
|
|
Creimiricídí |
|
|
|
|
Creimiricídí |
|
|
Na táirgí cosanta plandaí eile uile |
|
|
|
|
Díghalráin |
|
|
|
Éarthaigh |
|
|
|
Táirgí cosanta plandaí eile |
(1) Tá feidhm aige freisin maidir le táirgí cosanta plandaí de thionscnamh micribhitheolaíoch nó luibheolaíoch, chun críoch comhchuibhithe.
IARSCRÍBHINN III
TUAIRISCÍ
Is táirge é táirge cosanta plandaí san fhoirm ina soláthraítear don úsáideoir é, arb éard atá ann substaintí gníomhacha, teorantóirí nó sineirgígh nó a bhfuil substaintí gníomhacha, teorantóirí nó sineirgígh ann, agus tá sé ceaptha le haghaidh ceann de na húsáidí a thuairiscítear in Airteagal 2(1) de Rialachán (CE) Uimh. 1107/2009.
Substaintí gníomhacha: ciallaíonn sé sin substaintí gníomhacha dá dtagraítear in Airteagal 2(2) de Rialachán (CE) Uimh. 1107/2009.
Cur ar an margadh: ciallaíonn sé sin cur ar an margadh mar a shainmhínítear i bpointe 9 d’Airteagal 3 de Rialachán (CE) Uimh. 1107/2009.
Barra: ciallaíonn sé sin barra talmhaíochta, mar a thuairiscítear i Rialachán Cur Chun Feidhme (AE) 2023/1538 (1).
Aicmiú substaintí gníomhacha a áirítear sna táirgí cosanta plandaí: substaintí gníomhacha a chomhiomlánú de réir mórghrúpaí, catagóirí táirgí agus aicmí ceimiceacha.
Bliain an fhómhair: An bhliain féilire ina gcuirtear tús leis an bhfómhar, lena n-áirítear an tréimhse ina ndéantar na bearta ullmhúcháin uile (amhail saothrú, plandáil, agus úsáid leasachán agus táirgí cosanta plandaí) chun an fómhar sin a áirithiú, le linn na bliana féilire roimhe sin freisin.
(1) Rialachán Cur Chun Feidhme (AE) 2023/1538 ón gCoimisiún an 25 Iúil 2023 lena leagtar síos rialacha maidir le cur i bhfeidhm Rialachán (AE) 2022/2379 ó Pharlaimint na hEorpa agus ón gComhairle a mhéid a bhaineann le staidreamh ar tháirgeadh barr (féach leathanach 40 den Iris Oifigiúil).