<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.7-->
  <head>
    <title>2022-08-202208C101202005880-00-TRA-DOC-MT-CONCL-C-0588-20-202201176-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="23/01/2023 13:47:27" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="CNC" name="TypeDoc"/>
    <meta content="EtsKOoAjJmev+G9EftezgjjNf+bP9LZ9z+PrC0T/LTKyFqz0kHF8PkNBQnH+xlOEdgklkwQLdAmj90Ef+8qC1Tz/02cKxCVe9LqCsBVUnh4RRrqPU2Dc2Dtaf3ToGDPgR/0ogdEcmrpYP0REsvjfdt/wxHoCcg5BPQBEs/i7Xvw=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="vellaka" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="5de71773-98bd-4d48-a545-9faef3a5e66d" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0588" name="NumeroOrdre"/>
    <meta content="2020" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="vellaka" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="CNC_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 22/02/2022 15:12:30" name="Created"/>
    <meta content="" name="Canevas3_Vademecum"/>
    <meta content="2022-04-11T10:58:49Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="fc39cfd5c3e54c4d8cba03130f6f8ea1" name="DocumentIdentifier"/>
    <meta content="0588" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId25" style="first"/>
      <div id="rId21" style="even">Konklużjonijiet Medina – Kawża C‑588/20</div>
      <div id="rId22" style="default">Daimler (Kartelli – Trakkijiet għall-ġbir tal-iskart domestiku)</div>
    </div>
    <p class="C36Centre" id="para-1" title="page-1">
      KONKLUŻJONIJIET TAL-AVUKATA ĠENERALI
    </p>
    <p class="C36Centre" id="para-2" title="page-1">
      MEDINA
    </p>
    <p class="C36Centre" id="para-3" title="page-1">
      ippreżentati fl‑24 ta’ Frar 2022  (<span class="note footnote notemarker">
<a id="c-1" href="#t-1">1</a>
</span>)
      
    </p>
    <p class="C38Centregrasgrandespacement" id="para-4" title="page-1">
      Kawża C-588/20
    </p>
    <p class="C37Centregras" id="para-5" title="page-1">
      Landkreis Northeim
    </p>
    <p class="C37Centregras" id="para-6" title="page-1">
      vs
    </p>
    <p class="C37Centregras" id="para-7" title="page-1">
      Daimler AG,
    </p>
    <p class="C37Centregras" id="para-8" title="page-1">
      intervenjenti fil-kawża:
    </p>
    <p class="C37Centregras" id="para-9" title="page-1">
      Iveco Magirus AG,
    </p>
    <p class="C37Centregras" id="para-10" title="page-1">
      TRATON SE, qabel MAN SE,
    </p>
    <p class="C37Centregras" id="para-11" title="page-1">
      MAN Truck &amp; Bus AG,
    </p>
    <p class="C37Centregras" id="para-12" title="page-1">
      MAN Truck &amp; Bus Deutschland GmbH,
    </p>
    <p class="C37Centregras" id="para-13" title="page-1">
      Schönmackers Umweltdienste GmbH &amp; Co.KG
    </p>
    <p class="C39Centreespacement" id="para-14" title="page-1">
      (talba għal deċiżjoni preliminari mil-Landgericht Hannover (il-Qorti Reġjonali ta’ Hannover, il-Ġermanja))
    </p>
    <p class="C71Indicateur" id="para-15" title="page-1">
      “Talba għal deċiżjoni preliminari – Kompetizzjoni – Talba għal kumpens għal dannu kkawżat minn prattika misjuba li hija kuntrarja għall-Artikolu 101 TFUE – Akkordji – Deċiżjoni tal-Kummissjoni li sabet ksur – Proċedura għar-riżolviment – Prodotti kkonċernati mill-ksur – Trakkijiet – Vetturi speċjalizzati – Trakkijiet għall-ġbir tal-iskart”
    </p>
    <p class="C02AlineaAltA" id="para-16" title="page-1">
      
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Dan ir-rinviju mil-Landgericht Hannover (il-Qorti Reġjonali ta’ Hannover, il-Ġermanja) jirrigwarda l-interpretazzjoni tad-Deċiżjoni tal-Kummissjoni tad‑19 ta’ Lulju 2016, C(2016) 4673 finali, li tirrigwarda proċediment skont l-Artikolu 101 [TFUE] u l-Artikolu 53 tal-Ftehim ŻEE (Il-Każ AT.39824 – Trakkijiet) (iktar ’il quddiem “id-Deċiżjoni”)  (<span class="note footnote notemarker">
<a id="c-2" href="#t-2">2</a>
</span>). F’dik id-deċiżjoni, il-Kummissjoni imponiet l-iktar multa għolja ta’ kartell f’każ s’issa: jiġifieri, EUR 2.93 biljun (u, globalment, EUR 3.81 biljun  (<span class="note footnote notemarker">
<a id="c-3" href="#t-3">3</a>
</span>)) fuq produtturi ta’ trakkijiet talli ħadmu flimkien sabiex iżidu prezzijiet fuq trakkijiet artifiċjalment u r-riperkussjoni tal-ispejjeż ta’ konformità ma’ regoli ta’ emissjonijiet iktar stretti matul perijodu ta’ 14‑il sena. Ir-rinviju qam fil-kuntest ta’ dik imsejħa “azzjoni ta’ segwiment” bejn il-Landkreis Northeim (id-Distrett Amministrattiv ta’ Northeim, il-Ġermanja, iktar ’il quddiem “id-Distrett ta’ Northeim”) u Daimler AG (iktar ’il quddiem “Daimler”). Id-Distrett ta’ Northeim qiegħed ifittex kumpens minn Daimler ta’ ħsara kkawżata minn prattika pprojbita skont l-Artikolu 101(1) TFUE u l-Artikolu 53 tal-Ftehim dwar iż-Żona Ekonomika Ewropea (iktar ’il quddiem il- “Ftehim ŻEE”) rigward trakkijiet għall-ġbir tal-iskart li xtara mingħand Daimler.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Il-qorti tar-rinviju tfittex li taċċerta, essenzjalment, jekk id-Deċiżjoni għandhiex tiġi interpretata bħala li tfisser li vetturi speċjalizzati, b’mod partikolari trakkijiet għall-ġbir tal-iskart, jaqgħu fis-sens tat-tifsira ta’ “prodotti kkonċernati mill-ksur” għall-finijiet ta’ dik id-deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">I.</p>
</td>
<td valign="top">
<p class="normal">Il-fatti li jagħtu lok għall-kwistjoni fil-proċeduri prinċipali u d-domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3.</p>
</td>
<td valign="top">
<p class="normal">Fl‑2006 u fl‑2007, id-Distrett ta’ Northeim (korp irregolat mid-dritt pubbliku) xtara żewġ trakkijiet għall-ġbir tal-iskart domestiku mingħand Daimler għall-prezz ta’ EUR 146 740.00 u EUR 146 586.58 rispettivament, wara sejħa għall-offerti għal kull xirja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4.</p>
</td>
<td valign="top">
<p class="normal">Fid‑19 ta’ Lulju 2016, fil-kuntest ta’ proċedura għar-riżolviment, il-Kummissjoni Ewropea adottat id-Deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5.</p>
</td>
<td valign="top">
<p class="normal">Permezz ta’ dik id-deċiżjoni, il-Kummissjoni sabet li diversi manifatturi ta’ trakkijiet internazzjonali, inklużi Daimler, MAN u Iveco Magirus, kienu kisru l-Artikolu 101 TFUE u l-Artikolu 53 tal-Ftehim ŻEE. Il-ksur kien jikkonsisti f’arranġamenti kollużivi dwar il-prezzijiet u ż-żidiet fil-prezz gross fiż-Żona Ekonomika Ewropea (iktar ’il quddiem iż-ŻEE) għat-trakkijiet li jiżnu bejn 6 u 16‑il tunnellata (iktar ’il quddiem it-“trakkijiet medji”) jew jiżnu iktar minn 16‑il tunnellata (iktar ’il quddiem it-“trakkijiet tqal”) u r-riperkussjoni tal-ispejjeż għall-introduzzjoni ta’ teknoloġiji tal-emissjoni għal tali trakkijiet meħtieġa għall-istandards EURO 3 sa 6. Il-ksur kopra ż-ŻEE sħiħa u dan mis‑17 ta’ Jannar 1997 sat‑18 ta’ Jannar 2011 (iktar ’il quddiem il-“kartell”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6.</p>
</td>
<td valign="top">
<p class="normal">Wara l-adozzjoni tad-Deċiżjoni, id-Distrett ta’ Northeim ressaq rikors għad-danni kontra Daimler quddiem il-Landgericht Hannover (il-Qorti Reġjonali ta’ Hannover). Dak ir-rikors ifittex kumpens għall-ħsara pekunjarja mġarrba minn dak id-distrett bħala riżultat tal-prattiki antikompetittivi li kienet involuta fihom Daimler. Dik l-azzjoni tikkostitwixxi, rigward dik l-impriża, “azzjoni ta’ segwiment” (azzjoni għad-danni miġjuba f’qorti nazzjonali wara deċiżjoni finali tal-Kummissjoni ssib ksur tal-Artikolu 101 TFUE u l-Artikolu 53 tal-Ftehim ŻEE).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7.</p>
</td>
<td valign="top">
<p class="normal">Id-Distrett ta’ Northeim jadotta l-fehma li t-trakkijiet għall-ġbir tal-iskart, li akkwista mingħand Daimler, huma koperti mid-definizzjoni ta’ ‘trakkijiet’ fid-Deċiżjoni. Dik il-fehma hija bbażata fuq il-formulazzjoni ta’ dik id-deċiżjoni, li ma teskludix espressament vetturi speċjalizzati  (<span class="note footnote notemarker">
<a id="c-4" href="#t-4">4</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8.</p>
</td>
<td valign="top">
<p class="normal">B’kuntrast, Daimler targumenta quddiem il-qorti tar-rinviju li dawk it-trakkijiet għall-ġbir tal-iskart ma humiex koperti mid-Deċiżjoni għax huma vetturi speċjalizzati. Hija tiġġustifika dan fuq ir-raġuni li, qabel id-Deċiżjoni, il-Kummissjoni speċifikat il-kamp ta’ applikazzjoni tal-investigazzjonijiet tagħha f’talba għall-informazzjoni tat‑30 ta’ Ġunju 2015 (iktar ’il quddiem “it-talba għall-informazzjoni tal‑2015”) mibgħuta lil Daimler, tgħid illi t-terminu “trakk” ma jkoprix trakkijiet użati, vetturi speċjalizzati (pereżempju vetturi militari, vetturi tat-tifi tan-nar), “żidiet” mibjugħa mill-ġdid, servizzi ta’ wara l-bejgħ u servizzi oħra u garanziji.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9.</p>
</td>
<td valign="top">
<p class="normal">F’dak il-kuntest u fid-dawl tar-rekwiżiti tal-Artikolu 16(1) tar-Regolament (KE) Nru 1/2003  (<span class="note footnote notemarker">
<a id="c-5" href="#t-5">5</a>
</span>), li jgħid li, fejn qrati nazzjonali jiddeċiedu fuq ftehim, deċiżjonijiet jew prattiki li jaqgħu fil-kamp ta’ applikazzjoni tal-Artikolu 101 jew l-Artikolu 102 TFUE li huma diġà s-suġġett ta’ deċiżjoni tal-Kummissjoni, huma ma jistgħux jieħdu deċiżjonijiet li jmorru kontra d-deċiżjoni adottata mill-Kummissjoni, il-qorti tar-rinviju għandha dubji dwar liem prodotti huma koperti mill-kartell inkwistjoni fil-proċeduri prinċipali. B’mod iktar speċifiku, fid-dawl tal-fatt li, fuq livell nazzjonali, il-ġurisprudenza dwar jekk vetturi speċjalizzati huma koperti mit-terminu “trakkijiet” kif mfissra fid-Deċiżjoni ma hijiex uniformi, il-qorti tar-rinviju tistaqsi jekk trakkijiet għall-ġbir tal-iskart humiex esklużi mill-prodotti koperti minn dak il-kartell.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10.</p>
</td>
<td valign="top">
<p class="normal">F’dak ir-rigward, il-qorti tar-rinviju tinnota, l-ewwel, li, fil-premessa 5 tad-Deċiżjoni, il-Kummissjoni sabet, li “il-prodotti kkonċernati mill-ksur huma trakkijiet li jiżnu bejn 6 u 16-il tunnellata (‘trakkijiet medji’) u trakkijiet li jiżnu ’l fuq minn 16-il tunnellata (‘trakkijiet tqal’), kemm bħala trakkijiet riġidi, kif ukoll trakkijiet tratturi” [traduzzjoni mhux uffiċjali]; u, t-tieni, li “trakkijiet għall-użu militari” huma esklużi mill-kamp ta’ applikazzjoni tad-Deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11.</p>
</td>
<td valign="top">
<p class="normal">F’dawk iċ-ċirkustanzi, il-qorti tar-rinviju tikkunsidra, minn naħa, li l-formulazzjoni użata mill-Kummissjoni biex jiġu deskritti l-prodotti kkonċernati mill-ksur tista’ tinftiehem bħala li tkopri, bħala prinċipju, trakkijiet “normali” biss, bl-eċċezzjoni ta’ dawk intiżi għall-użu militari, u li, fin-nuqqas ta’ dikjarazzjoni espressa, vetturi speċjalizzati, inklużi trakkijiet għall-ġbir tal-iskart, huma esklużi mill-kunċett ta’ “trakkijiet” użat mill-Kummissjoni, peress illi jaqgħu fi ħdan il-kunċett ta’ “oġġetti oħra”  (<span class="note footnote notemarker">
<a id="c-6" href="#t-6">6</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12.</p>
</td>
<td valign="top">
<p class="normal">Min-naħa l-oħra, skont dik il-qorti, l-istess formulazzjoni tista’ wkoll tinftiehem bħala li tfisser li l-kunċett ta’ “trakkijiet” ikopri t-tipi kollha ta’ trakkijiet, jiġifieri, li jinkludi t-tipi kollha ta’ vetturi speċjalizzati, bl-eċċezzjoni ta’ trakkijiet għall-użu militari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13.</p>
</td>
<td valign="top">
<p class="normal">Imbagħad, il-qorti tar-rinviju hija inċerta dwar l-effett tat-talba għall-informazzjoni tal‑2015 dwar id-determinazzjoni tal-prodotti kkonċernati mill-ksur. B’mod partikolari, il-qorti tar-rinviju hija inċerta jekk il-fatt li l-Kummissjoni ddikjarat li, għall-finijiet ta’ dik it-talba, il-kunċett ta’ trakkijiet ma jkoprix trakkijiet użati jew vetturi speċjalizzati (b’mod partikolari vetturi militari, vetturi għat-tifi tan-nar) jimplika li din ta’ hawn fuq hija sempliċiment lista ta’ eżempji u ma hijiex lista eżawrjenti ta’ vetturi speċjalizzati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14.</p>
</td>
<td valign="top">
<p class="normal">Fl-aħħar, il-qorti tar-rinviju tinnota li d-Deċiżjoni hija adottata wara proċedura għar-riżolviment li ġiet mibdija mill-Kummissjoni wara talbiet magħmula lil dik l-istituzzjoni mill-partijiet involuti f’dik il-proċedura. F’dak il-kuntest, dik il-qorti hija inċerta rigward l-effett tal-fatt li l-kamp ta’ applikazzjoni tal-kondotta antikompetittiva huwa determinat fil-kuntest ta’ tali proċedura.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15.</p>
</td>
<td valign="top">
<p class="normal">F’dawk iċ-ċirkustanzi, il-Landgericht Hannover (il-Qorti Reġjonali ta’ Hannover) iddeċidiet li tissospendi l-proċeduri u tagħmel d-domanda preliminari segwenti lill-Qorti tal-Ġustizzja:</p>
</td>
</tr>
</table>
    <p class="C02AlineaAltA" id="para-33" title="page-5">
      “Id-deċiżjoni tal-[Kummissjoni] tad-19 ta’ Lulju 2016 adottata fil-kuntest ta’ proċedura skont l-Artikolu 101 TFUE u l-Artikolu 53 tal-Ftehim ŻEE (Każ AT.39824 – Trakkijiet) għandha tiġi interpretata fis-sens li vetturi apposta jew [speċjalizzati], b’mod partikolari trakkijiet taż-żibel, huma wkoll koperti mill-konstatazzjonijiet ta’ din id-deċiżjoni tal-Kummissjoni?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16.</p>
</td>
<td valign="top">
<p class="normal">Osservazzjonijiet bil-miktub ġew issottomessi mid-Distrett ta’ Northeim, Schönmackers Umweltdienste GmbH &amp; Co.KG (iktar ’il quddiem “Schönmackers”), Daimler, TRATON SE (qabel “MAN”), Iveco Magirus, il-Gvern Awstrijak u l-Kummissjoni. Dawk il-partijiet kollha (ħlief għall-Gvern Awstrijak) ħadu wkoll l-opportunità li jippreżentaw sottomissjonijiet orali waqt seduta quddiem il-Qorti tal-Ġustizzja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">II.</p>
</td>
<td valign="top">
<p class="normal">Analiżi</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Sommarju qasir tal-argumenti tal-partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17.</p>
</td>
<td valign="top">
<p class="normal">Id-Distrett ta’ Northeim issottometta, l-ewwel, li t-talba għal-deċiżjoni preliminari hija inammissibbli peress li Daimler ma għamlitx użu tad-dritt tagħha li tressaq rikors jikkontesta d-Deċiżjoni quddiem il-Qorti Ġenerali fit-terminu impost u għalhekk hija ma setgħetx tiddubita l-legalità ta’ dik id-deċiżjoni billi tressaq proċeduri fil-qrati nazzjonali kontra l-miżuri domestiċi li jimplimentaw dik id-deċiżjoni. Qrati nazzjonali huma marbuta mill-validità ta’ miżura tal-Unjoni, sabiex ma jkunx iktar possibbli li ssir talba għal deċiżjoni preliminari dwar il-validità tad-Deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18.</p>
</td>
<td valign="top">
<p class="normal">Schönmackers, li intervjeniet insostenn tal-forma ta’ ordni mfittxa mid-Distrett ta’ Northeim, issottomettiet li ma jidhirx li l-qorti tar-rinviju tikkunsidra li r-risposta għad-domanda preliminari hija meħtieġa sabiex tirrisolvi l-kwistjoni fil-proċeduri prinċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19.</p>
</td>
<td valign="top">
<p class="normal">Sussidjarjament, id-Distrett ta’ Northeim u Schönmackers jargumentaw, essenzjalment, li t-talba għall-informazzjoni tal-Kummissjoni ma għandha l-ebda effett fuq l-interpretazzjoni tad-Deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20.</p>
</td>
<td valign="top">
<p class="normal">It-tieni, id-Distrett ta’ Northeim u Schönmackers jikkunsidraw li ma hemm xejn fid-Deċiżjoni li ssostni l-konklużjoni li t-trakkijiet għall-ġbir tal-iskart huma esklużi mill-kamp ta’ applikazzjoni ta’ dik id-deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21.</p>
</td>
<td valign="top">
<p class="normal">Barra minn hekk, skont id-Distrett ta’ Northeim, kemm trakkijiet kif ukoll vetturi speċjalizzati jaqgħu fi ħdan il-kategorija ta’ vettura N fis-sens tat-tifsira tar-Regolament (UE) Nru 2018/858  (<span class="note footnote notemarker">
<a id="c-7" href="#t-7">7</a>
</span>). Dik il-konstatazzjoni hija sostnuta wkoll permezz tal-fatt li l-kamp ta’ applikazzjoni tar-Regolament Nru 2019/631  (<span class="note footnote notemarker">
<a id="c-8" href="#t-8">8</a>
</span>) u dak tar-Regolament Nru 2018/956  (<span class="note footnote notemarker">
<a id="c-9" href="#t-9">9</a>
</span>) ikopri, b’mod ġenerali, vetturi kummerċjali fil-kategorija N.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22.</p>
</td>
<td valign="top">
<p class="normal">Imbagħad, id-Distrett ta’ Northeim jissottometti li, kif jidher mill-Artikolu 4 tad-Direttiva 2006/126/KE  (<span class="note footnote notemarker">
<a id="c-10" href="#t-10">10</a>
</span>), id-distinzjoni skont il-kategoriji ta’ vetturi hija magħmula esklużivament fuq il-bażi tal-piż tal-vetturi, in-numru massimu ta’ persuni li jistgħu jiġu ttrasportati f’dik il-vettura u l-età minima minn meta’ persuna tista’ tiġi awtorizzata li ssuq il-vettura.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23.</p>
</td>
<td valign="top">
<p class="normal">Barra minn hekk, skont id-Distrett ta’ Northeim, il-fatt li trakkijiet għall-ġbir tal-iskart jaqgħu fi ħdan il-kategorija ta’ “trakkijiet” tidher, b’mod partikolari, mil-lista ta’ vetturi bil-mutur u l-karrijiet tagħhom imfassla mill-Kraftfahrt-Bundesamt (l-Awtorità Federali tat-Trasport bil-Mutur, il-Ġermanja). Vettura għall-ġbir tal-iskart hija kklassifikata hemm bħala “trakk għall-ġbir tal-iskart domestiku”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24.</p>
</td>
<td valign="top">
<p class="normal">Daimler, sostnuta minn MAN u Iveco Magirus, tisħaq li vetturi speċjalizzati ma humiex trakkijiet għall-finijiet tad-Deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25.</p>
</td>
<td valign="top">
<p class="normal">Dawk l-impriżi essenzjalment jargumentaw, l-ewwel, li fil-lingwaġġ ta’ kuljum issir distinzjoni bejn trakkijiet u vetturi speċjalizzati, “trakkijiet” bħala vetturi ddisinjati u mibnija prinċipalment għat-trasport ta’ oġġetti, filwaqt li “vetturi speċjalizzati” huma vetturi mibnija u mgħammra għal skop partikolari. It-tieni, Daimler, MAN u Iveco Magirus josservaw li t-terminu “trakk” huwa mfisser u użat f’atti leġiżlattivi varji tad-dritt sekondarju tal-Unjoni. Skont dawk l-impriżi, id-definizzjoni mogħtija fid-dritt tal-Unjoni tifforma l-bażi tal-konstatazzjonijiet fid-Deċiżjoni. It-tielet, Daimler, MAN u Iveco Magirus essenzjalment jikkunsidraw li, mittieħda globalment, il-formulazzjoni tad-Deċiżjoni ma ssostnix il-konklużjoni li vetturi speċjalizzati huma koperti minnha. Ir-raba’, skont Daimler, MAN u Iveco Magirus, permezz tar-raġuni għall-iskop intiż tagħhom, tagħmir u karatteristiċi speċjali tagħhom, it-trakkijiet għall-ġbir tal-iskart inkwistjoni fil-proċeduri prinċipali ma humiex intiżi għat-trasport ta’ oġġetti iżda huma ddisinjati speċjalment għall-użu fis-settur tal-ġbir tal-iskart u għalhekk ma humiex koperti mid-Deċiżjoni. Il-ħames, Iveco Magirus tisħaq li ma huwiex ċar, wisq inqas ovvju, għad-destinatarji tad-Deċiżjoni li, f’rikors għad-danni, qorti nazzjonali tista’ tikkunsidra li dik id-deċiżjoni tikkonċerna wkoll vetturi speċjalizzati. Is-sitt, Iveco Magirus tisħaq, essenzjalment, li l-prinċipju ta’ protezzjoni ġudizzjarja effettiva stabbilita fl-ewwel paragrafu tal-Artikolu 47 tal-Karta dwar id-Drittijiet Fundamentali tal-Unjoni Ewropea jeżiġi, fil-każ li dubji jippersistu rigward l-kamp ta’ applikazzjoni materjali tad-Deċiżjoni, li hija tiġi interpretata b’mod ristrett u li vetturi speċjalizzati għaldaqstant ma jistgħux jiġu meqjusa bħala trakkijiet għall-finijiet ta’ dik id-deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26.</p>
</td>
<td valign="top">
<p class="normal">Il-Gvern Awstrijak u l-Kummissjoni essenzjalment issottomettew li t-trakkijiet għall-ġbir tal-iskart huma fost il-prodotti koperti mill-kartell u mid-Deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">Evalwazzjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Ammissibbiltà</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27.</p>
</td>
<td valign="top">
<p class="normal">Id-Distrett ta’ Northeim, ir-rikorrent fil-proċeduri prinċipali, u Schönmackers essenzjalment jissottomettu li kemm ir-rinviju għal deċiżjoni preliminari u d-domanda preliminari huma inammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28.</p>
</td>
<td valign="top">
<p class="normal">Jien nikkunsidra li dawk l-argumenti għandhom jiġu miċħuda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29.</p>
</td>
<td valign="top">
<p class="normal">Hija ġurisprudenza stabbilita li fejn id-domandi preliminari jikkonċernaw l-interpretazzjoni tad-dritt tal-Unjoni, kif inhu l-każ hawnhekk, il-Qorti tal-Ġustizzja hija bħala prinċipju meħtieġa li tagħti deċiżjoni  (<span class="note footnote notemarker">
<a id="c-11" href="#t-11">11</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30.</p>
</td>
<td valign="top">
<p class="normal">F’dan il-każ, il-qorti tar-rinviju hija invokata għal azzjoni ta’ segwiment għad-danni, miġjuba fuq il-bażi ta’ deċiżjoni tal-Kummissjoni. F’dik id-deċiżjoni, il-Kummissjoni sabet li diversi impriżi, inkluż Daimler, MAN u Iveco Magirus, kienu pparteċipaw f’kartell ta’ trakkijiet u kisru l-Artikolu 101 TFUE u l-Artikolu 53 tal-Ftehim ŻEE  (<span class="note footnote notemarker">
<a id="c-12" href="#t-12">12</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31.</p>
</td>
<td valign="top">
<p class="normal">Fid-deċiżjoni tar-rinviju, il-qorti tar-rinviju tispjega li r-rikorrent fil-proċeduri prinċipali (id-Distrett ta’ Northeim), li akkwista żewġ trakkijiet għall-ġbir tal-iskart, jikkunsidra li dawk it-trakkijiet huma fost il-prodotti kkonċernati mill-ksur. Għall-kuntrarju, Daimler tissottometti quddiem il-qorti tar-rinviju li dawk it-trakkijiet huma vetturi speċjalizzati u għalhekk ma jaqgħux fi ħdan il-kamp ta’ applikazzjoni materjali tad-Deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32.</p>
</td>
<td valign="top">
<p class="normal">Huwa ċar li l-qorti tar-rinviju hija inċerta dwar il-kamp ta’ applikazzjoni materjali korrett tad-Deċiżjoni u ma tistax tiddeċiedi fil-proċeduri prinċipali jekk dawk iż-żewġ trakkijiet għall-ġbir tal-iskart humiex koperti mid-Deċiżjoni jew le.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33.</p>
</td>
<td valign="top">
<p class="normal">Isegwi li l-interpretazzjoni tal-kamp ta’ applikazzjoni tad-Deċiżjoni mfittxa mill-qorti tar-rinviju hija meħtieġa għal dik il-qorti sabiex tistabbilixxi jekk ir-rikors għad-danni huwiex fondat jew le.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34.</p>
</td>
<td valign="top">
<p class="normal">Rigward l-argument tad-Distrett ta’ Northeim fil-punt 17 ta’ dawn il-konklużjonijiet, huwa biżżejjed li jiġi nnotat li jsegwi mid-deċiżjoni għar-rinviju li Daimler hija waħda mill-konvenuti fil-proċeduri prinċipali f’rikors għad-danni introdott mid-Distrett ta’ Northeim bħala azzjoni ta’ segwiment fuq il-bażi tad-Deċiżjoni u Daimler ma tikkontestax il-validità ta’ dik id-deċiżjoni quddiem il-qorti tar-rinviju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35.</p>
</td>
<td valign="top">
<p class="normal">Barra minn hekk, kuntrarjament għad-deċiżjonijiet tal-Kummissjoni li jordnaw l-irkupru ta’ għajnuna mill-Istat inkompatibbli mas-suq intern, deċiżjoni tal-Kummissjoni li ssib l-eżistenza ta’ kartell, bħal dik inkwistjoni hawnhekk, ma tinvolvix il-ħtieġa ta’ kwalunkwe miżura nazzjonali biex tiġi implementata dik id-deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36.</p>
</td>
<td valign="top">
<p class="normal">Isegwi li hija biss l-interpretazzjoni tad-Deċiżjoni li hija inkwistjoni hawnhekk.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37.</p>
</td>
<td valign="top">
<p class="normal">Fl-aħħar, il-Qorti tal-Ġustizzja diġà ġiet imsejħa sabiex tinterpreta deċiżjonijiet tal-Kummissjoni fil-qasam tad-dritt tal-kompetizzjoni, peress li huma atti ta’ istituzzjoni tal-Unjoni fis-sens tat-tifsira tal-Artikolu 267 TFUE  (<span class="note footnote notemarker">
<a id="c-13" href="#t-13">13</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Sustanza</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">a)</p>
</td>
<td valign="top">
<p class="normal">Introduzzjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38.</p>
</td>
<td valign="top">
<p class="normal">L-ewwel nett, kif il-ġudikatura tal-Unjoni diġà ddeċidiet, “fil-kuntest tal-Artikolu 101(1) TFUE, definizzjoni preliminari tas-suq rilevanti ma hijiex meħtieġa meta l-ftehim inkwistjoni minnu nnifsu jkollu għan antikompetittiv, jiġifieri meta l-Kummissjoni setgħet korrettament tikkonkludi, mingħajr definizzjoni preliminari tas-suq, li l-ftehim inkwistjoni kien iwassal għal distorsjoni tal-kompetizzjoni u li kien jista’ jaffettwa b’mod sinjifikattiv il-kummerċ bejn l-Istati Membri. Dan huwa, b’mod partikolari, il-każ [tal-ftehimiet] l-iktar gravi, espliċitament ipprojbiti bl‑Artikolu 101(1)(a) sa (e) TFUE”  (<span class="note footnote notemarker">
<a id="c-14" href="#t-14">14</a>
</span>). Jien nikkunsidra li dan ta’ hawn fuq huwa, fi kwalunkwe każ, korrett rigward kartell bħal dak inkwistjoni fil-proċeduri prinċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39.</p>
</td>
<td valign="top">
<p class="normal">F’dan il-każ, huwa stabbilit li l-kartell ippreżenta l-karatteristiċi kollha ta’ ftehim u/jew prattika miftiehma, fis-sens tat-tifsira tal-Artikolu 101(1) TFUE u l-Artikolu 53(1) tal-Ftehim ŻEE, li kellu bħala l-għan tiegħu l-prevenzjoni, restrizzjoni u/jew distorsjoni ta’ kompetizzjoni fir-rigward ta’ trakkijiet fi ħdan iż-ŻEE  (<span class="note footnote notemarker">
<a id="c-15" href="#t-15">15</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40.</p>
</td>
<td valign="top">
<p class="normal">Barra minn hekk, il-ġudikatura tal-Unjoni għamlitha wkoll ċara li “s-suq intiż minn deċiżjoni tal-Kummissjoni li tikkonstata ksur tal-Artikolu 101 TFUE huwa ddeterminat mill-ftehimiet u mill-attivitajiet tal-akkordju”  (<span class="note footnote notemarker">
<a id="c-16" href="#t-16">16</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41.</p>
</td>
<td valign="top">
<p class="normal">Fil-fatt, isegwi mill-ġudikatura tal-Unjoni li “ma hijiex il-Kummissjoni li arbitrarjament [tagħżel] is-suq rilevanti iżda l-membri tal-kartell […] li deliberatament ikkonċentraw il-kondotta antikompetittiva tagħhom fuq [il-prodotti kkonċernati]”  (<span class="note footnote notemarker">
<a id="c-17" href="#t-17">17</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42.</p>
</td>
<td valign="top">
<p class="normal">Fid-dawl ta’ dawn il-kunsiderazzjonijiet, u minħabba n-natura tal-proċedura tar-rinviju preliminari, ma huwiex kompitu tal-Qorti tal-Ġustizzja li tiddefinixxi s-suq rilevanti tal-prodott f’dan il-każ, lanqas ma għandha tivverifika jekk il-Kummissjoni ddefinietx is-suq rilevanti tal-prodott.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43.</p>
</td>
<td valign="top">
<p class="normal">Dak li l-Qorti tal-Ġustizzja hija meħtieġa li tagħmel f’dan il-każ huwa li tevalwa l-kamp ta’ applikazzjoni tad-Deċiżjoni, jiġifieri, biex tistabbilixxi liema prodotti huma “kkonċernati mill-ksur” misjuba mill-Kummissjoni fid-Deċiżjoni. B’mod partikolari, għandha tiddetermina jekk isegwix mid-Deċiżjoni li vetturi speċjalizzati, b’mod partikolari trakkijiet għall-ġbir tal-iskart, humiex inklużi fost il-prodotti kkonċernati mill-ksur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44.</p>
</td>
<td valign="top">
<p class="normal">Għandu jiġi nnotat mill-bidu li d-definizzjoni varji tal-kunċetti ta’ “trakk” u “vettura speċjalizzata”, li jidhru f’diversi atti leġiżlattivi sekondarji tal-Unjoni (bħad-Direttiva 97/27/KE  (<span class="note footnote notemarker">
<a id="c-18" href="#t-18">18</a>
</span>)), li għalihom għamlu referenza l-partijiet huma irrilevanti, peress li l-Kummissjoni ma striħatx fuq tali atti/definizzjonijiet fid-Deċiżjoni u tinkludi d-definizzjoni tagħha stess tal-prodotti kkonċernati mill-ksur, li huwa rilevanti għall-evalwazzjoni ta’ dan il-każ. Għalhekk, il-Qorti tal-Ġustizzja għandha tibbaża r-raġunament tagħha biss fuq id-definizzjonijiet speċifiċi u l-formulazzjoni tad-Deċiżjoni nnifisha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">b)</p>
</td>
<td valign="top">
<p class="normal">Il-kamp ta’ applikazzjoni tad-Deċiżjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45.</p>
</td>
<td valign="top">
<p class="normal">Hija ġurisprudenza stabbilita li “[g]ħall-interpretazzjoni ta’ dispożizzjoni ta’ dritt [tal-Unjoni], għandhom jiġu kkunsidrati mhux biss il-kliem tagħha iżda wkoll il-kuntest tagħha u l-għanijiet li l-leġiżlazzjonali li minnha hija tagħmel parti trid tilħaq”  (<span class="note footnote notemarker">
<a id="c-19" href="#t-19">19</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46.</p>
</td>
<td valign="top">
<p class="normal">Madankollu, il-Qorti tal-Ġustizzja ma tistax tinterpreta dik id-dispożizzjoni kontra l-formulazzjoni ċara u preċiża tagħha  (<span class="note footnote notemarker">
<a id="c-20" href="#t-20">20</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1)</p>
</td>
<td valign="top">
<p class="normal">Il-formulazzjoni tad-Deċiżjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47.</p>
</td>
<td valign="top">
<p class="normal">L-ewwel, huwa stabbilit li d-definizzjoni ta’ “trakkijiet” fid-Deċiżjoni tikkorrispondi ma’ dik fid-dikjarazzjoni ta’ oġġezzjonijiet, l-unika differenza hija li fid-Deċiżjoni l-Kummissjoni espressament eskludiet trakkijiet għall-użu militari (kieku dan ma kienx il-każ, l-impriżi kienu preżumibbilment jappellaw id-Deċiżjoni fuq dik il-bażi).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48.</p>
</td>
<td valign="top">
<p class="normal">L-Artikolu 1 tad-Deċiżjoni jipprovdi: “[b]illi kkolludew dwar il-prezzijiet u ż-żidiet fil-prezz gross fiż-ŻEE għat-trakkijiet medji u tqal; u ż-żmien u r-riperkussjoni tal-ispejjeż għall-introduzzjoni ta’ teknoloġiji tal-emissjonijiet għal trakkijiet medji u tqal meħtieġa għall-istandards EURO 3 sa 6, is-segwenti impriżi kisru l-Artikolu 101 TFUE u l-Artikolu 53 tal-Ftehim ŻEE waqt il-perijodi indikati: […] c) Daimler AG, mis‑17 ta’ Jannar 1997 sat‑18 ta’ Jannar 2011” [traduzzjoni mhux uffiċjali] (iktar ’il quddiem “il-ksur”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49.</p>
</td>
<td valign="top">
<p class="normal">L-Artikolu 1 għandu jinqara flimkien mal-premessa 5 ta’ dik id-deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50.</p>
</td>
<td valign="top">
<p class="normal">Il-premessa 5 tgħid: “[i]l-prodotti kkonċernati mill-ksur huma trakkijiet li jiżnu bejn 6 u 16‑il tunnellata (‘trakkijiet medji’) u trakkijiet li jiżnu ’l fuq minn 16‑il tunnellata (‘trakkijiet tqal’), kemm bħala trakkijiet riġidi, kif ukoll trakkijiet tratturi (minn hawn ’il-quddiem, trakkijiet medji u tqal se jissejħu ‘trakkijiet’ b’mod kollettiv). [In-nota ta’ qiegħ il-paġna 5 hawnhekk taqra: ‘[i]t-trakkijiet għall-użu militari huma esklużi.’] Dan il-każ ma jirrigwardax servizzi ta’ wara l-bejgħ, servizzi oħra u garanziji għat-trakkijiet, il-bejgħ ta’ trakkijiet użati u oġġetti jew servizzi oħra mibjugħa mid-destinatarji ta’ din id-deċiżjoni” [traduzzjoni mhux uffiċjali].</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51.</p>
</td>
<td valign="top">
<p class="normal">Il-formulazzjoni tad-Deċiżjoni turi biċ-ċar li hija tkopri l-bejgħ ta’ kull trakk medju u tqil, kemm jekk trakkijiet riġidi jew trakkijiet tratturi  (<span class="note footnote notemarker">
<a id="c-21" href="#t-21">21</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52.</p>
</td>
<td valign="top">
<p class="normal">Skont il-formulazzjoni ta’ dik id-deċiżjoni, trakkijiet għall-użu militari biss huma espressament esklużi. Flimkien ma’ trakkijiet għall-użu militari, id-Deċiżjoni ma tkoprix servizzi ta’ wara l-bejgħ, servizzi oħra u garanziji għat-trakkijiet, il-bejgħ ta’ trakkijiet użati u oġġetti jew servizzi oħra  (<span class="note footnote notemarker">
<a id="c-22" href="#t-22">22</a>
</span>) mibjugħa mid-destinatarji ta’ dik id-deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53.</p>
</td>
<td valign="top">
<p class="normal">Sa fejn huma kkonċernati l-vetturi speċjalizzati, peress li d-Deċiżjoni teskludi biss mill-kamp ta’ applikazzjoni tagħha trakkijiet għall-użu militari, għandha tiġi kkunsidrata li tkopri t-trakkijiet kollha li jiżnu bejn 6 u 16‑il tunnellata u ’l fuq minn 16‑il tunnellata, inkluż vetturi speċjalizzati (bl-unika eċċezzjoni tat-trakkijiet għall-użu militari).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54.</p>
</td>
<td valign="top">
<p class="normal">Jekk il-Kummissjoni xtaqet li teżenta xi tipi oħra ta’ trakkijiet, bħal trakkijiet għall-ġbir tal-iskart, mill-kamp ta’ applikazzjoni tad-Deċiżjoni, kienet issemmihom espliċitament.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55.</p>
</td>
<td valign="top">
<p class="normal">Fil-fehma tiegħi, dan huwa l-uniku qari tad-Deċiżjoni li jirrispetta l-prinċipji ta’ ċarezza legali u ta’ ċertezza legali. Dawk iż-żewġ prinċipji jimxu id f’id.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56.</p>
</td>
<td valign="top">
<p class="normal">L-ewwel, il-prinċipju ta’ ċarezza legali jeżiġi li atti adottati minn istituzzjonijiet tal-Unjoni, bħal deċiżjonijiet tal-Kummissjoni f’każijiet ta’ kompetizzjoni, ikunu ċari u inekwivoki.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57.</p>
</td>
<td valign="top">
<p class="normal">It-tieni, il-prinċipju ġenerali ta’ ċertezza legali, li huwa prinċipju fundamentali tad-dritt tal-Unjoni, jeżiġi, b’mod partikolari, li “liġi tkun ċara u preċiża, sabiex l-individwi jkunu jistgħu jagħrfu d-drittijiet u l-obbligi tagħhom mingħajr ambigwità u jimxu skont dan it-tagħrif”  (<span class="note footnote notemarker">
<a id="c-23" href="#t-23">23</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58.</p>
</td>
<td valign="top">
<p class="normal">F’dak ir-rigward, il-Qorti tal-Ġustizzja kienet diġà sostniet li r-rekwiżit taċ-ċertezza legali għandu jiġi osservat b’mod iktar strett fil-każ ta’ regoli tal-Unjoni li jistgħu jwasslu għal konsegwenzi finanzjarji, sabiex dawk ikkonċernati jkunu jistgħu jkunu jafu preċiżament il-limitu tal-obbligi li dawk ir-regoli jimponu fuqhom  (<span class="note footnote notemarker">
<a id="c-24" href="#t-24">24</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59.</p>
</td>
<td valign="top">
<p class="normal">Barra minn hekk, dan il-qari tad-Deċiżjoni huwa xieraq peress li esklużjonijiet, bħal ma hija dik fid-Deċiżjoni li teskludi biss trakkijiet għall-użu militari, għandhom jiġu interpretati b’mod strett.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60.</p>
</td>
<td valign="top">
<p class="normal">Nikkunsidra, kif jagħmel id-Distrett ta’ Northeim, li d-deċiżjoni sabiex tiġi inkluża n-nota ta’ qiegħ il-paġna rigward it-trakkijiet għall-użu militari immedjatament wara d-deskrizzjoni tat-trakkijiet koperti mid-Deċiżjoni fil-premessa 5 tagħha turi biċ-ċar li l-Kummissjoni kienet ikkunsidrat li vetturi speċjalizzati kienu fost il-prodotti koperti mid-Deċiżjoni u ma setgħux jiġu kklassifikati, pereżempju, bħala “oġġetti oħra mibjugħa mill-membri tal-kartell”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61.</p>
</td>
<td valign="top">
<p class="normal">Barra minn hekk, isegwi wkoll minn paragun sistematiku ma’ partijiet oħra tad-Deċiżjoni li dik id-deċiżjoni tkopri wkoll vetturi speċjalizzati (minbarra trakkijiet għall-użu militari).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62.</p>
</td>
<td valign="top">
<p class="normal">Naqbel mal-Kummissjoni li huwa rilevanti li jiġi nnotat li l-kartell li fih Daimler ipparteċipat inkluda arranġamenti antikompetittivi relatati ma’ listi tal-prezz gross li jindikaw il-prezzijiet tal-komponenti varji, kif ukoll konfiguraturi ta’ trakkijiet, li jifformaw il-bażi proprja ta’ numru kbir ta’ konfigurazzjonijiet ta’ vetturi individwali. Dan kien ukoll innotat fis-sentenza KZR 35/19 tal-Bundesgerichtshof (il-Qorti Federali tal-Ġustizzja, il-Ġermanja)  (<span class="note footnote notemarker">
<a id="c-25" href="#t-25">25</a>
</span>). Peress li kull trakk kien jixraq il-ħtiġijiet tal-konsumatur, il-kondotta antikompetittiva għaldaqstant kienet tirrigwarda wkoll preċiżament l-elementi varji u l-komponenti tat-trakkijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63.</p>
</td>
<td valign="top">
<p class="normal">Ma hemm xejn fid-dokumenti quddiem il-Qorti tal-Ġustizzja u, b’mod partikolari, fid-Deċiżjoni, li jissuġġerixxi li, b’differenza għal trakkijiet oħra, trakkijiet għall-ġbir tal-iskart ma kinux ikkonċernati mill-kartell.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64.</p>
</td>
<td valign="top">
<p class="normal">Il-fatt li trakk għall-ġbir tal-iskart jista’ jkun fih komponenti differenti minn dawk ta’ trakkijiet intiżi għal użu differenti ma jfissirx li ma baqax iktar trakk u, wisq inqas, li ma huwiex trakk kopert mid-Deċiżjoni. B’kuntrast, l-argumenti tal-Gvern Awstrijak u l-Kummissjoni fis-sens li l-maġġoranza tal-karatteristiċi u komponenti ta’ trakkijiet għall-ġbir tal-iskart huma, bħala prinċipju, identiċi għal dawk ta’ tipi oħra ta’ trakkijiet huma iktar konvinċenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65.</p>
</td>
<td valign="top">
<p class="normal">F’dak ir-rigward, il-mekkaniżmu tal-kartell inkwistjoni deskritt mill-Kummissjoni fil-premessi 27 u 28 tad-Deċiżjoni (“Mekkaniżmi ta’ ffissar tal-prezzijiet u listi tal-prezz gross”) u l-premessi 46 sa 60 tagħha (“Deskrizzjoni tal-kondotta”) ma jippermettix il-konklużjoni li vetturi speċjalizzati huma esklużi mill-prodotti kkonċernati mill-ksur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66.</p>
</td>
<td valign="top">
<p class="normal">Jidher mill-premessa 28 tad-Deċiżjoni li l-listi tal-prezz gross użati mill-impriżi kkonċernati inkludew il-prezzijiet tal-mudelli kollha tat-trakkijiet medji u tqal u l-għażliet kollha inkorporati fil-fabbrikazzjoni (għal tagħmir speċjalizzat) li l-manifattur rispettiv offra. Barra minn hekk, kif jidher mill-premessa 46 ta’ dik id-deċiżjoni, l-impriżi kkonċernati skambjaw listi tal-prezz gross u konfiguraturi kompjuterizzati ta’ trakkijiet li fihom l-mudelli u l-għażliet kollha, li kienu jagħmluha possibbli sabiex jiġu kkalkolati l-prezzijiet gross għal kwalunkwe xejra ta’ trakk. Imbagħad, il-premessa 48 tad-Deċiżjoni tindika espliċitament li l-iskambju ta’ konfiguraturi ta’ trakk għenu għall-paragun ta’ offerti tagħhom ma’ dawk ta’ kompetituri u għalhekk seta’ jinftiehem minn dawk il-konfiguraturi liema extras kienu jkunu kompatibbli ma’ liema trakkijiet, u liema għażliet ikunu parti mit-tagħmir standard jew extra. Fl-aħħar, jidher mill-premessa 56 ta’ dik id-deċiżjoni li l-informazzjoni skambjata bejn l-impriżi li kisru l-Artikolu 101 TFUE kienet tirrigwarda jew il-mudelli ta’ trakkijiet bażiċi jew it-trakkijiet u l-għażliet disponibbli (ta’ spiss dan kien jiġi indikat separatament fit-tabelli skambjati bejn l-impriżi)  (<span class="note footnote notemarker">
<a id="c-26" href="#t-26">26</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67.</p>
</td>
<td valign="top">
<p class="normal">Isegwi mid-dokumenti quddiem il-Qorti tal-Ġustizzja, u b’mod partikolari d-Deċiżjoni, li l-listi tal-prezz gross u l-konfiguraturi kienu jikkonċernaw partijiet u komponenti, li jintużaw ukoll fuq vetturi speċjalizzati (bħal trakkijiet għall-ġbir tal-iskart).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68.</p>
</td>
<td valign="top">
<p class="normal">Bħala konsegwenza, extras fakultattivi u għażliet ta’ konfigurazzjoni kienu wkoll parti mill-kartell u għalhekk kienu koperti mid-Deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69.</p>
</td>
<td valign="top">
<p class="normal">Għalhekk, naqbel mal-Bundesgerichtshof (il-Qorti Federali tal-Ġustizzja), li diġà kellha l-opportunità li tiddeċiedi fuq l-istess domanda inkwistjoni f’dan il-każ u li ddeċidiet  (<span class="note footnote notemarker">
<a id="c-27" href="#t-27">27</a>
</span>) li d-Deċiżjoni ma fiha xejn li jsostni l-konklużjoni li “vetturi speċjalizzati” ma humiex fost il-prodotti kkonċernati mill-ksur. Għall-kuntrarju, jidher mill-premessi 28 u 46 sa 48 ta’ dik id-deċiżjoni li l-ksur inkwistjoni kien jikkonċerna t-tagħmir u mudelli speċjali u standard kollha u l-għażliet inkorporati fil-fabbrikazzjoni offruti mill-manifattur rispettiv.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70.</p>
</td>
<td valign="top">
<p class="normal">Fil-punt 34 ta’ dik is-sentenza, il-Bundesgerichtshof (il-Qorti Federali tal-Ġustizzja) essenzjalment iddeċidiet li l-qorti tal-appell ma wettqitx żball ta’ liġi meta ddeċidiet li kien hemm kawżalità li tagħti lok għal responsabbiltà għad-danni wkoll għax-xirjiet ta’ trakk tal-konkos, żewġ trakkijiet tar-rimi u trakk ċatt. Hija sostniet ukoll li l-qorti tal-appell ġustament ma kkonkludietx mid-Deċiżjoni li dawk it-trakkijiet ma kinux koperti mill-ftehim tal-kartell. Skont id-Deċiżjoni, li hija vinkolanti fuq qrati nazzjonali, trakkijiet bejn 6 u 16‑il tunnellata u dawk ’il fuq minn 16‑il tunnellata, kemm trakkijiet tratturi u riġidi, huma koperti mid-Deċiżjoni. Hija ddeċidiet li it-trakkijiet għall-użu militari biss, servizzi ta’ wara l-bejgħ, servizzi oħra u garanziji għat-trakkijiet, il-bejgħ ta’ trakkijiet użati u oġġetti jew servizzi oħra mibjugħa mill-impriżi kkonċernati kienu esklużi mill-kamp ta’ applikazzjoni tad-Deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71.</p>
</td>
<td valign="top">
<p class="normal">Fil-punt 35 ta’ dik is-sentenza, il-Bundesgerichtshof (il-Qorti Federali tal-Ġustizzja) ukoll iddeċidiet li l-appell ma kixifx xi sottomissjonijiet jew istanzi fattwali li kienu jsostnu l-argument li t-tliet tipi ta’ trakkijiet ta’ hawn fuq, mingħajr il-karatteristika tas-superstruttura ta’ trakk tar-rimi jew ta’ trakk tal-konkos, huma differenti mill-mudelli bażiċi jew “tipi ta’ referenza” li għalihom għamlu referenza l-impriża intimata u l-intervenjenti u li fi kwalunkwe każ kienu s-suġġett tal-ftehim tal-lista ta’ prezzijiet u preċiżament ifformaw il-bażi għal numru kbir ta’ konfigurazzjonijiet ta’ vetturi individwali. Bħala riżultat, iddeċidiet ukoll li l-argumenti tal-impriżi bbażati fuq it-talba għall-informazzjoni tal‑2015 kienu irrilevanti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72.</p>
</td>
<td valign="top">
<p class="normal">Barra minn hekk, diversi qrati Ġermaniżi oħra diġà waslu għall-istess konklużjoni. Huma ddeċidew li vetturi speċjalizzati, b’mod partikolari trakkijiet għall-ġbir tal-iskart, huma koperti mid-Deċiżjoni. Dawk il-qrati tal-ewwel u tat-tieni istanza, meta ddeterminaw il-fatti, qajmu argumenti analogi għal dawk li jien qiegħda nagħmel f’dawn il-konklużjonijiet u bbażaw dik il-konklużjoni inter alia fuq is-segwenti kunsiderazzjonijiet: (i) il-fatt li fil-fehma tagħhom il-formulazzjoni tad-Deċiżjoni kienet ċara u ma kinitx teskludi kwalunkwe vettura speċjalizzata ħlief trakkijiet għall-użu militari; (ii) il-kriterju stabbilit fid-Deċiżjoni biex jiġi ddeterminat jekk trakk partikolari jaqax fil-kamp ta’ applikazzjoni huwa mill-piż tiegħu; (iii) l-argumenti tal-impriżi li vetturi speċjalizzati, bħal trakkijiet tat-tifi tan-nar, trakkijiet tar-rimi, Custom Tailored Trucks (CTTs) jew trakkijiet għall-ġbir tal-iskart, ma humiex koperti mid-Deċiżjoni ma jsibu l-ebda sostenn mill-formulazzjoni tad-Deċiżjoni; (iv) sal-punt li t-talba għall-informazzjoni tal‑2015 semmiet li vetturi speċjalizzati ma kinux koperti minn dik it-talba, dak l-approċċ ma kienx fi kwalunkwe każ riprodott fid-Deċiżjoni nnifisha; (v) indipendentement mill-argumenti tal-impriżi, f’ħafna każijiet ir-rikorrenti f’azzjoni ta’ segwiment fil-fatt ma kinux xtraw, pereżempju, trakkijiet tat-tifi tan-nar jew trakkijiet tar-rimi mill-impriża intimata, iżda pjuttost xażi ta’ trakk ma’ liem, fejn xieraq, il-partijiet tas-superstruttura tat-tifi tan-nar kienu mbagħad imwaħħla minn impriżi terzi  (<span class="note footnote notemarker">
<a id="c-28" href="#t-28">28</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">73.</p>
</td>
<td valign="top">
<p class="normal">Jien nikkunsidra li dawk l-argumenti tal-qrati Ġermaniżi huma konvinċenti u applikabbli wkoll mutatis mutandis għal trakkijiet għall-ġbir tal-iskart. Fil-fatt, peress li x-xażi huwa ġeneralment identiku għal tali użi, bid-differenza prinċipali tirrigwarda l-karozzerija (superstruttura) ta’ trakk, isegwi li ma huwiex possibbli li tiġi ddefinita fid-deċiżjoni b’mod utli u preċiż subkategorija ta’ “vetturi speċjalizzati”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">74.</p>
</td>
<td valign="top">
<p class="normal">Għalhekk, peress li d-Deċiżjoni ma ssemmi l-ebda eċċezzjoni jew restrizzjoni oħra dwar it-trakkijiet koperti mill-ksur, il-formulazzjoni ċara u espliċita ta’ dik id-deċiżjoni, bid-Deċiżjoni espliċitament ibbażata biss fuq il-kriterju tal-piż ta’ trakk, tkopri kull trakk medju u tqil, bl-esklużjoni ta’ dawk għall-użu militari. Bħala riżultat, tkopri vetturi speċjalizzati u, b’mod partikolari, it-trakkijiet għall-ġbir tal-iskart inkwistjoni fil-proċeduri prinċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2)</p>
</td>
<td valign="top">
<p class="normal">Il-kuntest u l-għanijiet tar-regoli li minnhom tifforma parti d-dispożizzjoni inkwistjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">75.</p>
</td>
<td valign="top">
<p class="normal">Kif imsemmi fil-punt 45 ta’ dawn il-konklużjonijiet, fl-interpretazzjoni tad-Deċiżjoni huwa wkoll meħtieġ li jiġi meqjus il-kuntest li fih isseħħ u l-għanijiet tar-regoli li minnhom tifforma parti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">76.</p>
</td>
<td valign="top">
<p class="normal">Naqbel mal-Gvern Awstrijak li sabiex jiġu esklużi vetturi speċjalizzati mill-kamp ta’ applikazzjoni tad-Deċiżjoni minħabba li x-xażi użat għall-għamla ta’ tali trakkijiet għandha tagħmir addizzjonali biss ma huwiex konsistenti la mal-iskema ġenerali jew l-ispirtu jew għan tad-Deċiżjoni. Fil-fatt, it-trakkijiet kollha, kemm jekk huma trakkijiet bażiċi jew trakkijiet b’karozzerija speċjali, huma bħala prinċipju mibnija fuq l-istess xażi. Vetturi speċjalizzati użati għal skopijiet bħal tifi tan-nar, ġbir ta’ skart, tneħħija ta’ borra jew tindif ta’ toroq għandhom bħala tagħmir standard ix-xażi tat-trakk immanifatturat mill-impriżi kkonċernati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3)</p>
</td>
<td valign="top">
<p class="normal">Ir-raġunijiet għalfejn trakkijiet għall-użu militari huma esklużi mill-“prodotti kkonċernati”</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">77.</p>
</td>
<td valign="top">
<p class="normal">Fil-kuntest tal-proċedura amministrattiva u tad-diskussjonijiet li jfittxu li jintlaħaq kompromess, l-impriżi ppreżentaw argumenti lill-Kummissjoni fis-sens li trakkijiet għall-użu militari għandhom jiġu esklużi mill-kamp ta’ applikazzjoni tad-Deċiżjoni. Il-Kummissjoni inkludiet dawk l-argumenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">78.</p>
</td>
<td valign="top">
<p class="normal">Huwa importanti li jiġi indikat li trakkijiet għall-użu militari huma speċjalment mgħammra fid-dawl tal-użu tagħhom u, kif spjegat il-Kummissjoni waqt is-seduta, ma setgħetx tistabbilixxi b’ċertezza li l-prezzijiet ta’ trakkijiet għall-użu militari kienu bbażati fuq il-prezzijiet gross, li kienu skambjati bejn l-impriżi, jew li l-konfiguraturi, li kienu wkoll skambjati, inkludew tali trakkijiet għall-użu militari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">79.</p>
</td>
<td valign="top">
<p class="normal">Isegwi li huwa ċar għalfejn kien xieraq li jiġu esklużi trakkijiet għall-użu militari (u tali trakkijiet biss) mill-kamp ta’ applikazzjoni tad-Deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">80.</p>
</td>
<td valign="top">
<p class="normal">Barra minn hekk, nikkunsidrah rilevanti li nistqarr li waqt il-proċedura amministrattiva sħiħa fl-ebda punt waħda mill-impriżi ssottomettiet li trakkijiet għall-ġbir tal-iskart għandhom jiġu kkunsidrati biex jiġu esklużi mill-kartell.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">c)</p>
</td>
<td valign="top">
<p class="normal">It-talba għall-informazzjoni tal‑2015 ma hijiex rilevanti għad-determinazzjoni tal-“prodotti kkonċernati mill-ksur” f’deċiżjoni tal-Kummissjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">81.</p>
</td>
<td valign="top">
<p class="normal">Isegwi mill-Artikolu 18 tar-Regolament (KE) Nru 1/2003, intitolat “Talba għall-informazzjoni”, inter alia li “Sabiex tagħmel id-doveri assenjati lilha min dan ir-Regolament, il-Kummissjoni tista’, permezz ta’ talba sempliċi jew ta’ deċiżjoni, tirrikjedi l-impriża […] tipprovdi l-informazzjoni kollha neċessarja […] Meta tintbagħat talba sempliċi għall-informazzjoni li xi impriża […] il-Kummissjoni ħa ssemmi il-bażi legali u ir-raġuni għat-talba […]”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">82.</p>
</td>
<td valign="top">
<p class="normal">Nikkunsidra, kif jagħmlu l-Gvern Awstrijak u l-Kummissjoni, li l-kontenut ta’ talba għall-informazzjoni mibgħuta fil-kuntest ta’ proċedura amministrattiva ma jistax ikollu l-effett li jillimita l-kamp ta’ applikazzjoni ta’ deċiżjoni finali sussegwenti tal-Kummissjoni jew jintuża biex jiddetermina l-“prodotti kkonċernati mill-ksur” f’deċiżjoni tal-Kummissjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">83.</p>
</td>
<td valign="top">
<p class="normal">Kif innotat il-Qorti tal-Ġustizzja, “talba għall-informazzjoni tikkostitwixxi miżura ta’ investigazzjoni li hija ġeneralment użata fil-kuntest tal-fażi ta’ istruzzjoni li tippreċedi l-adozzjoni tad-dikjarazzjoni tal-oġġezzjonijiet u għandha biss bħala għan li tippermetti lill-Kummissjoni tiġbor l-informazzjoni u d-dokumenti neċessarji sabiex tivverifika r-realtà u l-portata ta’ sitwazzjoni ta’ fatt u ta’ dritt stabbilit”  (<span class="note footnote notemarker">
<a id="c-29" href="#t-29">29</a>
</span>). Huwa ċar mill-punti ta’ hawn fuq ta’ dawn il-konklużjonijiet li l-għan ta’ tali talbiet ma huwiex biex jiddefinixxu jew jispeċifikaw il-prodotti koperti mill-kondotta antikompetittiva, li hija rriżervata għad-dikjarazzjoni tal-oġġezzjonijiet u d-deċiżjoni finali tal-Kummissjoni. Kif iddikjarat biċ-ċar it-talba għall-informazzjoni tal‑2015, kienet biss intiża sabiex tiddetermina l-bejgħ rilevanti għall-finijiet tal-ikkalkolar tal-multa fid-dawl tad-diskrezzjoni tal-Kummissjoni f’dak ir-rigward  (<span class="note footnote notemarker">
<a id="c-30" href="#t-30">30</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">84.</p>
</td>
<td valign="top">
<p class="normal">Hemm distinzjoni ċara bejn li tfittex fatti għall-finijiet ta’ kalkolazzjoni ta’ multa, minn naħa, u d-determinazzjoni tal-kamp ta’ applikazzjoni ta’ deċiżjoni tal-Kummissjoni min-naħa l-oħra. Peress li Daimler, Iveco Magirus, TRATON u MAN ifittxu li jċajpru dik il-linja, dawk l-argumenti għandhom jiġu miċħuda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">85.</p>
</td>
<td valign="top">
<p class="normal">Tali talbiet għall-informazzjoni jfittxu li jiksbu informazzjoni addizzjonali u ma jistgħux b’mod ċar jimpedixxu l-Kummissjoni milli tiddefinixxi jew b’mod iktar dejjaq jew iktar wiesgħa s-suq rilevanti jew, fi kliem ieħor, it-tipi ta’ “prodotti kkonċernati mill-ksur”. Fil-fatt, dan jista’ jirriżulta li jkun meħtieġ preċiżament fid-dawl tar-risposti tal-impriżi għat-talba għall-informazzjoni tal-2015.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">86.</p>
</td>
<td valign="top">
<p class="normal">F’dan il-kuntest, huwa importanti li jiġi nnotat li, l-ewwel, talba għall-informazzjoni ma tifformax parti mid-deċiżjoni tal-Kummissjoni u, it-tieni, ma hijiex att legali tal-Kummissjoni (bħala istituzzjoni tal-Unjoni), iżda pjuttost hija dokument proċedurali abbozzat mit-tim li kien qiegħed jieħu ħsieb il-każ (tad-Direttorat Ġenerali għall-Kompetizzjoni). F’dan il-każ, huwa għalhekk irrilevanti għall-finijiet ta’ determinazzjoni tal-punt u l-kamp ta’ applikazzjoni tal-ksur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">87.</p>
</td>
<td valign="top">
<p class="normal">B’kuntrast, id-Deċiżjoni hija bbażata fuq il-fatti kollha stabbiliti fil-proċedura amministrattiva, hija tikkostitwixxi konklużjoni formali ta’ dik il-proċedura u hija adottata mill-Kummissjoni bħala istituzzjoni tal-Unjoni (mill-Kulleġġ tal-Kummissarji).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">88.</p>
</td>
<td valign="top">
<p class="normal">Id-Deċiżjoni ddefiniet biċ-ċar, fl-Artikolu 1 u l-premessa 5 tagħha, il-prodotti li kienu s-suġġett tal-kondotta antikompetittiva. Il-Kummissjoni ddefiniet il-prodotti kkonċernati mill-ksur fuq il-bażi tal-evidenza fil-pussess tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">89.</p>
</td>
<td valign="top">
<p class="normal">Isegwi li għall-finijiet biex jiġu stabbiliti liema prodotti huma kkonċernati mill-ksur huwa biss il-kontenut ta’ dik id-deċiżjoni li huwa rilevanti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">d)</p>
</td>
<td valign="top">
<p class="normal">In-nuqqas ta’ kunsiderazzjoni tal-bejgħ tal-vetturi speċjalizzati fl-ikkalkolar tal-multa ma għandu l-ebda impatt fuq l-interpretazzjoni ta’ hawn fuq</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">90.</p>
</td>
<td valign="top">
<p class="normal">Bil-kontra tal-argumenti ta’ Daimler, MAN u Iveco Magirus, il-fatt li, fil-kalkolazzjoni tal-multa, il-Kummissjoni ma kkunsidratx il-bejgħ tal-vetturi speċjalizzati ma għandha l-ebda impatt fuq l-interpretazzjoni tiegħi tad-Deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">91.</p>
</td>
<td valign="top">
<p class="normal">Il-Kummissjoni ħadet il-bejgħ li l-impriżi ddikjaraw fir-risposti tagħhom għat-talba għall-informazzjoni tal‑2015 bħala bażi għall-kalkolazzjoni tagħha. Vetturi speċjalizzati kienu esklużi minn dak il-kalkolu, minkejja li mhux kompletament  (<span class="note footnote notemarker">
<a id="c-31" href="#t-31">31</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">92.</p>
</td>
<td valign="top">
<p class="normal">Kif indikat fil-premessa 112 tad-Deċiżjoni, il-Kummissjoni applikat il-punt 37 tal-Linji Gwida dwar il-Metodu ta’ Kif Jiġu Stabbiliti l-Multi  (<span class="note footnote notemarker">
<a id="c-32" href="#t-32">32</a>
</span>), li tippermettilha li ma timxix mal-metodoloġija tal-Linji Gwida, biex taġġusta b’mod uniformi l-proporzjon tal-valur tal-bejgħ ta’ kull impriża għall-finijiet tal-kalkolazzjoni tal-ammonti varjabbli u addizzjonali tal-multi. Il-Kummissjoni spjegat li hija għamlet dan fil-kuntest tad-diskrezzjoni tagħha, inter alia għal raġunijiet ta’ proporzjonalità. Bħala riżultat il-valuri tal-bejgħ li użat il-Kummissjoni kienu kunsiderevolment iktar baxxi, fi kwalunkwe każ, mill-valuri tal-bejgħ attwali direttament jew indirettament affettwati mill-kartell.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">93.</p>
</td>
<td valign="top">
<p class="normal">Bħala prinċipju, il-valur tal-bejgħ huwa wieħed mill-fatturi li l-Kummissjoni tuża biex tikkalkola l-multi (ara l-ispjegazzjonijiet tal-Kummissjoni ta’ dak il-prinċipju fil-premessi 108 u 109 tad-Deċiżjoni), l-oħra hija t-tul ta’ żmien tal-ksur  (<span class="note footnote notemarker">
<a id="c-33" href="#t-33">33</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">94.</p>
</td>
<td valign="top">
<p class="normal">Nikkunsidra li l-Kummissjoni aġixxiet fi ħdan id-diskrezzjoni tagħha f’dan ir-rigward  (<span class="note footnote notemarker">
<a id="c-34" href="#t-34">34</a>
</span>), meta eskludiet vetturi speċjalizzati biex tistabbilixxi l-valur tal-bejgħ. Il-Kummissjoni ħadet inkunsiderazzjoni b’mod uniformi għall-impriżi kollha kkonċernati, u favur dawk l-impriżi, valur ta’ bejgħ iktar baxx mill-massimu li d-diskrezzjoni tagħha ppermettietha li tinvoka.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">95.</p>
</td>
<td valign="top">
<p class="normal">Bħala regola ġenerali, il-kalkolazzjoni ta’ multi mill-Kummissjoni mhux dejjem hija kompletament ibbażata fuq il-bejgħ affettwat mill-kartell  (<span class="note footnote notemarker">
<a id="c-35" href="#t-35">35</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">e)</p>
</td>
<td valign="top">
<p class="normal">Il-proċedura għar-riżolviment ma timplikax interpretazzjoni differenti</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">96.</p>
</td>
<td valign="top">
<p class="normal">Bil-kontra tal-argumenti ta’ Daimler, MAN u Iveco Magirus, il-fatt li d-Deċiżjoni kienet adottata fil-kuntest ta’ proċedura għar-riżolviment ma taffettwax id-determinazzjoni tal-iskop tal-kondotta antikompetittiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">97.</p>
</td>
<td valign="top">
<p class="normal">Kif jidher mill-Avviż dwar proċeduri ta’ riżolviment  (<span class="note footnote notemarker">
<a id="c-36" href="#t-36">36</a>
</span>), il-Kummissjoni ma tinnegozjax il-kwistjoni tal-eżistenza ta’ ksur tad-dritt ta’ kompetizzjoni mal-impriżi kkonċernati mill-proċedura għar-riżolviment. Pjuttost l-impriżi jammettu l-parteċipazzjoni tagħhom fil-kartell bi ksur tal-Artikolu 101 TFUE u r-responsabbiltà tagħhom f’dak ir-rigward. Meta deċiżjoni hija adottata bħala riżultat ta’ proċedura għar-riżolviment, il-Kummissjoni tnaqqas l-ammont tal-multa imposta fuq id-destinatarji tad-deċiżjoni b’10%.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">f)</p>
</td>
<td valign="top">
<p class="normal">Konklużjoni preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">98.</p>
</td>
<td valign="top">
<p class="normal">Isegwi mill-kunsiderazzjonijiet preċedenti li r-regoli proċedurali invokati mill-partijiet huma hemm sabiex jistabbilixxu l-proċedura li għandha tiġi segwita mill-Kummissjoni u mill-partijiet ikkonċernati. Dawk ir-regoli ma jistgħux ġeneralment, jew fil-każ speċifiku fil-proċeduri prinċipali f’dak il-każ, jaffettwaw il-kamp ta’ applikazzjoni materjali tal-ksur misjub mill-Kummissjoni fid-Deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">g)</p>
</td>
<td valign="top">
<p class="normal">Xiri tat-trakkijiet inkwistjoni “wara sejħa għall-offerti” ma timplikax interpretazzjoni differenti</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">99.</p>
</td>
<td valign="top">
<p class="normal">Il-ksur misjub mill-Kummissjoni fid-Deċiżjoni jkopri wkoll xiri mwettaq fil-kuntest ta’ kuntratti pubbliċi (sejħa għal offerti), għall-inqas sal-punt li x-xerrejja tat-trakkijiet kienu korpi rregolati mid-dritt pubbliku. Il-kondotta antikompetittiva seħħet inter alia fil-kuntest tal-preparazzjoni ta’ sejħiet għal offerti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">100.</p>
</td>
<td valign="top">
<p class="normal">Kif innotat mill-Gvern Awstrijak, minbarra kumpanniji privati kbar ta’ trasport, awtoritajiet kontraenti pubbliċi huma l-klijenti prinċipali għax-xiri tat-trakkijiet ikkonċernati mill-ksur (inter alia għall-finijiet ta’ tindif tat-toroq, tneħħija ta’ borra, ġbir ta’ ilma tad-drenaġġ, kostruzzjoni pubblika u servizzi ta’ manutenzjoni komunali oħra).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">101.</p>
</td>
<td valign="top">
<p class="normal">Ma hemm l-ebda distinzjoni magħmula bejn bejgħ dirett u bejgħ magħmul wara sejħa għall-offerti fid-Deċiżjoni. Id-Deċiżjoni hija prinċipalment ibbażata fuq listi tal-prezz gross u konfiguraturi u dik il-bażi tikkonċerna l-bejgħ kollu, irrispettivament minn jekk kienx bejgħ dirett jew ir-riżultat ta’ sejħa għall-offerti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">102.</p>
</td>
<td valign="top">
<p class="normal">Isegwi mill-kunsiderazzjonijiet preċedenti kollha li l-formulazzjoni tad-Deċiżjoni dwar il-kamp ta’ applikazzjoni tal-ksur u l-“prodotti kkonċernati mill-ksur” hija ċara, li tkopri wkoll vetturi speċjalizzati (ħlief trakkijiet għall-użu militari) u, b’mod partikolari, trakkijiet għall-ġbir tal-iskart, u l-ebda mill-argumenti mressqa mill-partijiet jaffettwaw dik il-konklużjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">III.</p>
</td>
<td valign="top">
<p class="normal">Konklużjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">103.</p>
</td>
<td valign="top">
<p class="normal">Nipproponi li l-Qorti tal-Ġustizzja tirrispondi d-domanda preliminari magħmula mil-Landgericht Hannover (il-Qorti Reġjonali ta’ Hannover, il-Ġermanja) kif ġej:</p>
</td>
</tr>
</table>
    <p class="C02AlineaAltA" id="para-138" title="page-21">
      Id-Deċiżjoni tal-Kummissjoni tad‑19 ta’ Lulju 2016, C(2016) 4673 finali, li tirrigwarda proċediment skont l-Artikolu 101 [TFUE] u l-Artikolu 53 tal-Ftehim ŻEE (Każ AT.39824 – Trakkijiet) għandha tiġi interpretata fis-sens li vetturi speċjalizzati, bl-eċċezzjoni ta’ trakkijiet għall-użu militari, u b’mod partikolari trakkijiet għall-ġbir tal-iskart, huma koperti mill-konstatazzjonijiet ta’ dik id-deċiżjoni.
    </p>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">1</a>
</span>) Lingwa oriġinali: l-Ingliż.</p>
<p class="note footnote">(<span class="note footnote notemarker">
<a id="t-2" href="#c-2">2</a>
</span>) ĠU 2017, C 108, p. 6. Sommarju tad-Deċiżjoni hija disponibbli pubblikament fuq: https://eur-lex.europa.eu/legal-content/EN/TXT/?uri=CELEX%3A52017XC0406%2801%29.</p>
<p class="note footnote">(<span class="note footnote notemarker">
<a id="t-3" href="#c-3">3</a>
</span>) Il-Kummissjoni imponiet l-ammont ta’ qabel fuq dawk l-impriżi li ddeċidew li jirrisolvu. Hija mbagħad imponiet ukoll multa ta’ EUR 880 523 000 fuq Scania, li kienet iddeċidiet li ma tirrisolvix dan il-każ ta’ kartell. MAN irċeviet immunità sħiħa ta’ li kixfet l-eżistenza tal-kartell, b’hekk evitat multa ta’ madwar EUR 1.2 biljun.</p>
<p class="note footnote">(<span class="note footnote notemarker">
<a id="t-4" href="#c-4">4</a>
</span>) Trakkijiet għall-użu militari biss huma espressament esklużi.</p>
<p class="note footnote">(<span class="note footnote notemarker">
<a id="t-5" href="#c-5">5</a>
</span>) Regolament tal-Kunsill (KE) Nru 1/2003 tas‑16 ta’ Diċembru 2002 fuq l-implimentazzjoni tar-regoli tal-kompetizzjoni mniżżlin fl-Artikoli [101 u 102 TFUE] (ĠU Edizzjoni Speċjali bil-Malti, Kapitolu 8, Vol. 2, p. 205).</p>
<p class="note footnote">(<span class="note footnote notemarker">
<a id="t-6" href="#c-6">6</a>
</span>) Il-premessa 5 tad-Deċiżjoni tipprovdi: “il-każ ma jirrigwardax servizzi ta’ wara l-bejgħ, servizzi oħra u garanziji għat-trakkijiet, il-bejgħ ta’ trakkijiet użati u oġġetti jew servizzi oħra mibjugħa mid-destinatarji ta’ din id-deċiżjoni” [traduzzjoni mhux uffiċjali] (enfasi miżjuda).</p>
<p class="note footnote">(<span class="note footnote notemarker">
<a id="t-7" href="#c-7">7</a>
</span>) Regolament (UE) 2018/858 tal-Parlament Ewropew u tal-Kunsill tat‑30 ta’ Mejju 2018 dwar l-approvazzjoni u s-sorveljanza tas-suq ta’ vetturi bil-mutur u t-trejlers tagħhom, u ta’ sistemi, komponenti u unitajiet tekniċi separati maħsuba għal tali vetturi, li jemenda r-Regolamenti (KE) Nru 715/2007 u (KE) Nru 595/2009 u li jħassar id-Direttiva 2007/46/KE (ĠU 2018, L 151, p. 1).</p>
<p class="note footnote">(<span class="note footnote notemarker">
<a id="t-8" href="#c-8">8</a>
</span>) Regolament (UE) 2019/631 tal-Parlament Ewropew u tal-Kunsill tas‑17 ta’ April 2019 li jistabbilixxi standards ta’ rendiment fir-rigward tal-emissjonijiet ta’ CO2 tal-karozzi ġodda tal-passiġġieri u tal-vetturi kummerċjali ħfief ġodda, u li jħassar ir-Regolamenti (KE) Nru 443/2009 u (UE) Nru 510/2011 (ĠU 2019, L 111, p. 13).</p>
<p class="note footnote">(<span class="note footnote notemarker">
<a id="t-9" href="#c-9">9</a>
</span>) Regolament (UE) 2018/956 tal-Parlament Ewropew u tal-Kunsill tat‑28 ta’ Ġunju 2018 dwar il-monitoraġġ u r-rappurtar tal-emissjonijiet ta’ CO2 u tal-konsum ta’ fjuwil minn vetturi heavy-duty ġodda (ĠU 2018, L 173, p. 1).</p>
<p class="note footnote">(<span class="note footnote notemarker">
<a id="t-10" href="#c-10">10</a>
</span>) Direttiva 2006/126/KE tal-Parlament Ewropew u tal-Kunsill tal‑20 ta’ Diċembru 2006 dwar il-Liċenzji tas-Sewqan (ĠU 2006, L 403, p. 18).</p>
<p class="note footnote">(<span class="note footnote notemarker">
<a id="t-11" href="#c-11">11</a>
</span>) Sentenza tal‑4 ta’ Diċembru 2018, Minister for Justice and Equality u Commissioner of An Garda Síochána (C‑378/17, EU:C:2018:979, punt 26 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-12" href="#c-12">12</a>
</span>) Ara l-punt 5 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-13" href="#c-13">13</a>
</span>) Ara s-sentenzi tal‑20 ta’ Mejju 2010, Todaro Nunziatina &amp; C. (C‑138/09, EU:C:2010:291), u tat‑13 ta’ Ġunju 2019, Copebi (C‑505/18, EU:C:2019:500).</p>
<p class="note footnote">(<span class="note footnote notemarker">
<a id="t-14" href="#c-14">14</a>
</span>) Sentenza tat‑28 ta’ Ġunju 2016, Portugal Telecom vs Il‑Kummissjoni (T‑208/13, EU:T:2016:368, punt 176 u l-ġurisprudenza ċċitata; mhux appellata).</p>
<p class="note footnote">(<span class="note footnote notemarker">
<a id="t-15" href="#c-15">15</a>
</span>) Ara d-Deċiżjoni, premessa 69. Id-Deċiżjoni ma ġietx appellata u għandha s-saħħa ta’ res judicata.</p>
<p class="note footnote">(<span class="note footnote notemarker">
<a id="t-16" href="#c-16">16</a>
</span>) Sentenza tas‑27 ta’ Frar 2014, InnoLux vs Il‑Kummissjoni (T‑91/11, EU:T:2014:92, punt 131 u l-ġurisprudenza ċċitata; l-appell għall-Qorti tal-Ġustizzja ġie miċħud).</p>
<p class="note footnote">(<span class="note footnote notemarker">
<a id="t-17" href="#c-17">17</a>
</span>) Sentenza tal‑15 ta’ Ġunju 2005, Tokai Carbon et vs Il‑Kummissjoni (T‑71/03, T‑87/03 u T‑91/03, mhux ippubblikata, EU:T:2005:220, punt 90; l-appell għall-Qorti tal-Ġustizzja ġie miċħud).</p>
<p class="note footnote">(<span class="note footnote notemarker">
<a id="t-18" href="#c-18">18</a>
</span>) Direttiva 97/27/KE tal-Parlament Ewropew u tal-Kunsill tat‑22 ta’ Lulju 1997 dwar il-masses u d-dimensjonijiet ta’ ċerti kategoriji ta’ vetturi bil-mutur u l-karrijiet tagħhom u li temenda d-Direttiva 70/156/KEE (ĠU Edizzjoni Speċjali bil-Malti, Kapitolu 13, Vol. 19, p. 200).</p>
<p class="note footnote">(<span class="note footnote notemarker">
<a id="t-19" href="#c-19">19</a>
</span>) Ara s-sentenza tas‑7 ta’ Ġunju 2005, VEMW et (C‑17/03, EU:C:2005:362, punt 41 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-20" href="#c-20">20</a>
</span>) Ara f’dak is-sens, is-sentenza tal‑15 ta’ Lulju 2010, Il‑Kummissjoni vs Ir‑Renju Unit (C‑582/08, EU:C:2010:429, punt 51 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-21" href="#c-21">21</a>
</span>) Ara wkoll, b’konnessjoni mal-istess deċiżjoni tal-Kummissjoni, is-sentenzi tad‑29 ta’ Lulju 2019, Tibor-Trans (C‑451/18, EU:C:2019:635, punt 8), u tas‑6 ta’ Ottubru 2021, Sumal (C‑882/19, EU:C:2021:800). Ara wkoll il-konklużjonijiet tal-Avukat Ġenerali Rantos fil-kawża pendenti Volvo u DAF Trucks (C‑267/20, ECLI:EU:C:2021:884).</p>
<p class="note footnote">(<span class="note footnote notemarker">
<a id="t-22" href="#c-22">22</a>
</span>) Kif spjegat il-Kummissjoni waqt is-seduta, bl-espressjoni “oġġetti jew servizzi oħra” hija sempliċiment fittxet li tkopri kull ħaġa li ma hijiex trakk. Fil-fatt, uħud mill-impriżi kkonċernati, bħal Renault, jipproduċu numru kbir ta’ vetturi tal-passiġġieri u dawk il-vetturi kellhom ovvjament jiġu esklużi mill-kamp ta’ applikazzjoni tad-Deċiżjoni.</p>
<p class="note footnote">(<span class="note footnote notemarker">
<a id="t-23" href="#c-23">23</a>
</span>) Sentenza tat‑3 ta’ Ġunju 2008, Intertanko et (C‑308/06, EU:C:2008:312, punt 69).</p>
<p class="note footnote">(<span class="note footnote notemarker">
<a id="t-24" href="#c-24">24</a>
</span>) Ara s-sentenza tat‑8 ta’ Marzu 2017, Euro Park Service (C‑14/16, EU:C:2017:177, punt 38).</p>
<p class="note footnote">(<span class="note footnote notemarker">
<a id="t-25" href="#c-25">25</a>
</span>) Ser nindirizza dik is-sentenza fil-punt 69 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-26" href="#c-26">26</a>
</span>) Il-premessa 56 taqra kif ġej: “il-laqgħat li involvew il-Livell Ġermaniż saru iktar formalizzati u l-informazzjoni dwar iż-żieda fil-prezz gross li ma kienx disponibbli fil-qasam pubbliku kien normalment inkluż fi spread sheet maqsuma skont il-mudell standard tat-trakk għal kull produttur […] Dawn l-iskambji seħħew diversi darbiet fis-sena […] L-informazzjoni dwar iż-żieda futura tal-prezz gross skambjata kienet tirreferi jew għall-mudelli bażiċi tat-trakk biss jew għat-trakkijiet u l-għażliet disponibbli (ta’ spiss din kienet tiġi indikata separatament fit-tabelli skambjati), u normalment l-ebda prezzijiet netti jew żidiet fil-prezz nett ma kienu skambjati. Informazzjoni dwar żidiet intiżi futuri fil-prezz gross skambjata fuq il-livell tas-Sussidjarji Ġermaniżi kienet, fuq livelli differenti, tintbagħat lill-Kwartieri Ġenerali rispettivi” [traduzzjoni mhux uffiċjali].</p>
<p class="note footnote">(<span class="note footnote notemarker">
<a id="t-27" href="#c-27">27</a>
</span>) Fil-punti 34 u 35 tas-sentenza tagħha tat‑23 ta’ Settembru 2020, KZR 35/19, ECLI:DE:BGH:2020:230920UKZR35.19.0.</p>
<p class="note footnote">(<span class="note footnote notemarker">
<a id="t-28" href="#c-28">28</a>
</span>) Ara inter alia s-sentenzi tal-Landgericht Stuttgart (il-Qorti Reġjonali ta’ Stuttgart, il-Ġermanja) tas‑6 ta’ Ġunju 2019, 30 O 88/18 (punti 59 et seq. u l-ġurisprudenza ċċitata; http://lrbw.juris.de/cgi-bin/laender_rechtsprechung/document.py?Gericht=bw&amp;nr=28244), 30 O 124/18 (punti 58 et seq. u l-ġurisprudenza ċċitata; http://lrbw.juris.de/cgi-bin/laender_rechtsprechung/document.py?Gericht=bw&amp;nr=28238), u 30O 38/17 (punti 77 et seq. u l-ġurisprudenza ċċitata; http://lrbw.juris.de/cgi-bin/laender_rechtsprechung/document.py?Gericht=bw&amp;nr=28241); sentenza tal-istess qorti nazzjonali tat‑23 ta’ Diċembru 2019, 30 O 132/18 (punti 31 et seq. u l-ġurisprudenza ċċitata); kif ukoll is-sentenza tal-Oberlandesgericht Stuttgart (il-Qorti Reġjonali Superjuri ta’ Stuttgart, il-Ġermanja) tal‑4 ta’ April 2019, 2 U 101/18 (punti 112 et seq. u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-29" href="#c-29">29</a>
</span>) Sentenza tal‑10 ta’ Marzu 2016, HeidelbergCement vs Il‑Kummissjoni (C‑247/14 P, EU:C:2016:149, punt 37).</p>
<p class="note footnote">(<span class="note footnote notemarker">
<a id="t-30" href="#c-30">30</a>
</span>) Ara sentenzi tat‑3 ta’ Settembru 2009, Papierfabrik Koehler vs Il‑Kummissjoni (C‑322/07 P, C‑327/07 P u C‑338/07 P, EU:C:2009:500, punt 112), u tad‑19 ta’ Diċembru 2012, Heineken Nederland u Heineken vs Il‑Kummissjoni (C‑452/11 P, mhux ippubblikata, EU:C:2012:829, punt 92).</p>
<p class="note footnote">(<span class="note footnote notemarker">
<a id="t-31" href="#c-31">31</a>
</span>) Kif il-Kummissjoni spjegat waqt is-seduta, fi kwalunkwe każ, xi vetturi speċjalizzati ġew inklużi fil-valur ta’ bejgħ, peress illi l-partijiet ma setgħux jeskludu kompletament bejgħ ta’ vetturi speċjalizzati minn dawk il-valuri. L-impriżi konċernati kkonfermaw li dan kien hekk f’ċertu każijiet, peress li kien jiddependi mill-approċċ ta’ kull impriża għall-kisba tad-data rilevanti u kien marbut ma’ kemm huwa faċli jew diffiċli li tiġi estratta d-data tal-bejgħ rilevanti.</p>
<p class="note footnote">(<span class="note footnote notemarker">
<a id="t-32" href="#c-32">32</a>
</span>) Il-Linji Gwida dwar il-metodu ta’ kif jiġu stabbiliti l-multi imposti skont l-Artikolu 23(2)(a) tar-Regolament Nru 1/2003 (ĠU 2006, C 210, p. 2).</p>
<p class="note footnote">(<span class="note footnote notemarker">
<a id="t-33" href="#c-33">33</a>
</span>) Il-Kummissjoni tieħu wkoll inkunsiderazzjoni numru ta’ fatturi bħal pereżempju n-natura tal-ksur, is-sehem mis-suq globali tal-impriżi kkonċernati kollha, l-kamp ta’ applikazzjoni ġeografiku tal-ksur u jekk il-ksur ġiex implimentat jew le. Ara l-punti 19 sa 26 tal-Linji Gwida dwar il-metodu ta’ kif jiġu stabbiliti l-multi.</p>
<p class="note footnote">(<span class="note footnote notemarker">
<a id="t-34" href="#c-34">34</a>
</span>) Ara s-sentenza tat‑28 ta’ Ġunju 2005, Dansk Rørindustri et vs Il‑Kummissjoni (C‑189/02 P, C‑202/02 P, C‑205/02 P sa C‑208/02 P, EU:C:2005:408, punt 172).</p>
<p class="note footnote">(<span class="note footnote notemarker">
<a id="t-35" href="#c-35">35</a>
</span>) L-ewwel, il-Kummissjoni ma hijiex obbligata li tieħu inkunsiderazzjoni l-bejgħ effettivament affettwat mill-kartell (sentenza tal‑11 ta’ Lulju 2013, Team Relocations et vs Il‑Kummissjoni (C‑444/11 P, mhux ippubblikata, EU:C:2013:464, punti 76 u 77)). It-tieni, il-Kummissjoni ma hijiex obbligata li tieħu inkunsiderazzjoni l-bejgħ kollu kkonċernat (sentenza tal‑14 ta’ Marzu 2013, Dole Food u Dole Germany vs Il‑Kummissjoni (T‑588/08, EU:T:2013:130, punt 620 et seq.); ikkonfermata fl-appell permezz tas-sentenza tad‑19 ta’ Marzu 2015, Dole Food u Dole Fresh Fruit Europe vs Il‑Kummissjoni (C‑286/13 P, EU:C:2015:184, punti 150 et seq.)) u s-sentenza tas‑17 ta’ Settembru 2014, Pilkington Group et vs Il‑Kummissjoni (T‑72/09, mhux ippubblikata EU:T:2014:1094, punti 209 et seq.; l-appell għall-Qorti tal-Ġustizzja ġie miċħud).</p>
<p class="note footnote">(<span class="note footnote notemarker">
<a id="t-36" href="#c-36">36</a>
</span>) Avviż tal-Kummissjoni dwar il-mod ta’ proċedimenti ta’ riżolviment ta’ tilwim bil-għan li jiġu adottati Deċiżjonijiet skond l-Artikolu 7 u l-Artikolu 23 tar-Regolament tal-Kunsill (KE) Nru 1/2003 fil-każijiet tal-kartelli (ĠU 2008 C 167, p. 1).</p>
</body>
</html>
