|
Iris Oifigiúil |
GA Sraith L |
|
2024/1325 |
13.5.2024 |
RIALACHÁN CUR CHUN FEIDHME (AE) 2024/1325 ÓN gCOIMISIÚN
an 8 Bealtaine 2024
maidir le hullmhóid chianacóbalaimín (vitimín B12) arna táirgeadh le Ensifer adhaerens CGMCC 21299 a údarú mar bhreiseán beathaithe le haghaidh gach speicis ainmhíoch
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1831/2003 ó Pharlaimint na hEorpa agus ón gComhairle an 22 Meán Fómhair 2003 maidir le breiseáin lena n-úsáid i gcothú ainmhithe (1), agus go háirithe Airteagal 9(2) de,
De bharr an mhéid seo a leanas:
|
(1) |
Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú. |
|
(2) |
I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas maidir le hullmhóid chianacóbalaimín (vitimín B12) arna táirgeadh le Ensifer adhaerens CGMCC 21299 a údarú. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas. |
|
(3) |
Baineann an t-iarratas sin le hullmhóid chianacóbalaimín (vitimín B12) arna táirgeadh le Ensifer adhaerens CGMCC 21299 a údarú mar bhreiseán beathaithe le haghaidh gach speicis ainmhíoch, ullmhóid atá le haicmiú i gcatagóir na mbreiseán ‘breiseáin chothaitheacha’ agus san fheidhmghrúpa ‘vitimíní, próivitimíní agus substaintí atá dea-shainithe ó thaobh ceimiceán de, a bhfuil éifeacht chomhchosúil acu’. |
|
(4) |
Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 22 Márta 2024 (2) go bhfuil an ullmhóid chianacóbalaimín (vitimín B12) arna táirgeadh le Ensifer adhaerens CGMCC 21299 sábháilte do gach speiceas ainmhíoch, do thomhaltóirí agus don chomhshaol, faoi na coinníollacha úsáide atá beartaithe. Tháinig an tÚdarás ar an gconclúid thairis sin go meastar gur íagróir craicinn agus riospráide í an ullmhóid chianacóbalaimín (vitimín B12) arna táirgeadh le Ensifer adhaerens CGMCC 21299, mar gheall ar láithreacht nicile inti. Meastar gur riosca iad ionanálú na hullmhóide agus a nochtadh don chraiceann. Ní raibh an tÚdarás in ann teacht ar chonclúid i dtaobh an bhféadfadh an ullmhóid a bheith ina greannaitheoir súl. Tháinig an tÚdarás ar an gconclúid go bhfuil an ullmhóid éifeachtúil chun riachtanais chothaitheacha ainmhithe a chomhlíonadh nuair a thugtar i mbeatha í. Ní mheasann an tÚdarás go bhfuil gá le ceanglais shonracha maidir le faireachán iarmhargaidh. D’fhíoraigh sé freisin an tuarascáil ar an modh anailíse ar an mbreiseán beathaithe in ábhar beatha arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003. |
|
(5) |
I bhfianaise an mhéid thuas, measann an Coimisiún go gcomhlíonann an ullmhóid chianacóbalaimín (vitimín B12) arna táirgeadh le Ensifer adhaerens CGMCC 21299 na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na substainte sin a údarú. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. |
|
(6) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Údarú
Maidir leis an ullmhóid a shonraítear san Iarscríbhinn, ullmhóid a bhaineann le catagóir na mbreiseán ‘breiseáin chothaitheacha’ agus leis an bhfeidhmghrúpa ‘vitimíní, próivitimíní agus substaintí atá dea-shainithe ó thaobh ceimiceán de, a bhfuil éifeacht chomhchosúil acu’, údaraítear an ullmhóid sin mar bhreiseán beathaithe i gcothú ainmhithe, faoi réir na gcoinníollacha a leagtar síos san Iarscríbhinn sin.
Airteagal 2
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 8 Bealtaine 2024.
Thar ceann an Choimisiúin
An tUachtarán
Ursula VON DER LEYEN
(1) IO L 268, 18.10.2003, lch. 29. ELI: http://data.europa.eu/eli/reg/2003/1831/oj.
(2) EFSA Journal [Iris EFSA]. 2024;22(4),e8752.
IARSCRÍBHINN
|
Uimhir aitheantais an bhreiseáin beathaithe |
Breiseán |
Comhdhéanamh, foirmle cheimiceach, tuairisc, modh anailíse |
Speiceas nó catagóir ainmhí |
Uasteorainn aoise |
Íoschion |
Uaschion |
Forálacha eile |
Deireadh na tréimhse údaraithe |
||||
|
mg de shubstaint ghníomhach/kg d’ábhar beatha iomlán ina bhfuil cion taise 12 % |
||||||||||||
|
Catagóir: breiseáin chothaitheacha. Feidhmghrúpa: vitimíní, próivitimíní agus substaintí atá dea-shainithe ó thaobh ceimiceán de, a bhfuil éifeacht chomhchosúil acu |
||||||||||||
|
3a837 |
‘Cianacóbalaimín’ nó ‘Vitimín B12’ |
Comhdhéanamh an bhreiseáin Ullmhóid le ≤ 1 % cianacóbalaimín Nicil: uasmhéid 0.5 mg/kg Foirm sholadach Tréithriú na substainte gníomhaí Cianacóbalaimín Foirmle cheimiceach: C63H88CoN14O14P Uimhir CAS: 68-19-9 Íonacht: 96 % ar a laghad Arna táirgeadh trí choipeadh le Ensifer adhaerens CGMCC 21299 Modh anailíse (1) Maidir le cianacóbalaimín (vitimín B12) a chainníochtú san ullmhóid de bhreiseán beathaithe agus i mbeatha chumaisc: leachtchrómatagrafaíocht ardfheidhmíochta phas-aisiompaithe cúpláilte le brath speictreafótaiméadrach (HPLC-UV). |
Gach speiceas ainmhíoch |
- |
- |
- |
|
2 päivänä kesäkuuta 2034 |
||||
(1) Tá sonraí faoi na modhanna anailíse le fáil ag an seoladh seo a leanas sa tSaotharlann Tagartha: https://ec.europa.eu/jrc/en/eurl/feed-additives/evaluation-reports.
ELI: http://data.europa.eu/eli/reg_impl/2024/1325/oj
ISSN 1977-0839 (electronic edition)