1.   Aon duine nó eintiteas a dhéanfaidh iarratas ar chlárú mar athbhreithneoir seachtrach le haghaidh Bannaí Glasa Eorpacha de bhun Airteagal 23 de Rialachán (AE) 2023/2631, íocfaidh sé táille EUR 40 000 le ESMA.

2.   An t-athbhreithneoir seachtrach tríú tír a dhéanfaidh iarratas ar chlárú mar athbhreithneoir seachtrach le haghaidh Bannaí Glasa Eorpacha de bhun Airteagal 39 de Rialachán (AE) 2023/2631, íocfaidh sé táille EUR 10 000 le ESMA.

3.   An t-athbhreithneoir seachtrach tríú tír a dhéanfaidh iarratas ar aitheantas de bhun Airteagal 42(1) de Rialachán (AE) 2023/2631, íocfaidh sé táille EUR 40 000 le ESMA.

4.   An t-athbhreithneoir seachtrach ar Bhannaí Glasa Eorpacha a dhéanfaidh iarratas – tar éis a chláraithe – ar údarú mar athbhreithneoir seachtrach formhuiniúcháin de bhun Airteagal 43(1) de Rialachán (AE) 2023/2631, íocfaidh sé táille EUR 20 000 le ESMA.

1.   An t-athbhreithneoir seachtrach ag a bhfuil láimhdeachas bliantúil arna ghiniúint ar leibhéal an ghrúpa atá faoi bhun EUR 5 000 000, beidh sé díolmhaithe ó tháille mhaoirseachta bhliantúil a íoc le ESMA. Beidh feidhm ag an díolúine sin go dtí deireadh an tríú bliain féilire iomlán tar éis an chlárúcháin nó an aitheantais de réir mar is infheidhme. Tar éis an dáta sin, íocfaidh na hathbhreithneoirí seachtracha sin táille mhaoirseachta bhliantúil a ríomhfar i gcomhréir le mír 2.

2.   Ríomhfaidh ESMA an costas maoirseachta bliantúil iomlán agus an táille mhaoirseachta bhliantúil le haghaidh athbhreithneoir seachtrach ar leith mar a leanas:

3.   De mhaolú ar mhíreanna 1 agus 2, beidh táille mhaoirseachta na chéad bhliana cothrom leis an táille dá dtagraítear in Airteagal 1(1) nó, i gcás inarb infheidhme, leis an táille dá dtagraítear in Airteagal 1(2) nó, i gcás inarb infheidhme, leis an táille dá dtagraítear in Airteagal 1(3), arna iolrú faoin líon laethanta idir clárú nó aitheantas agus deireadh na bliana agus arna roinnt ar an líon iomlán laethanta sa bhliain sin.

4.   Athbhreithneoir seachtrach a chlárófar nó a aithneofar le linn mhí na Nollag, ní íocfaidh sé táille mhaoirseachta na chéad bhliana.

1.   Coimeádfaidh athbhreithneoirí seachtracha cuntais iniúchta ina ndéantar idirdhealú soiléir idir an t-ioncam a ghintear ó sheirbhísí athbhreithnithe sheachtraigh agus a n-ioncam eile.

2.   Is éard a bheidh i láimhdeachas athbhreithneora sheachtraigh is infheidhme le haghaidh bliain ar leith (n) dá dtagraítear in Airteagal 2(2) suim ioncam an athbhreithneora sheachtraigh sin a ghintear ó sholáthar seirbhísí athbhreithnithe sheachtraigh ar bhonn chuntais iniúchta na bliana sin (n-2).

3.   Chun comhéifeacht láimhdeachais gach athbhreithneora sheachtraigh a ríomh, roinnfidh ESMA láimhdeachas an athbhreithneora sheachtraigh sin is infheidhme sa bhliain (n-2) ar láimhdeachas na n-athbhreithneoirí seachtracha uile is infheidhme sa bhliain (n-2) lúide láimhdeachais na n-athbhreithneoirí seachtracha atá díolmhaithe ó tháille mhaoirseachta bhliantúil a íoc de bhun Airteagal 2(1). I gcás nach bhfuil cuntais iniúchta athbhreithneora sheachtraigh ar leith ar fáil le haghaidh na bliana (n–2), úsáidfidh ESMA cuntais iniúchta an athbhreithneora sheachtraigh sin le haghaidh na bliana (n–1).

4.   I gcás nach raibh an t-athbhreithneoir seachtrach ag oibriú le linn na bliana (n–2) nó (n–1) ina hiomláine, ríomhfaidh ESMA láimhdeachas an athbhreithneora sheachtraigh sin is infheidhme i gcomhréir le mír 2 trí na luachanna arna ríomh i leith líon na míonna ina raibh an t-athbhreithneoir seachtrach ag oibriú sa bhliain (n–2) nó (n–1) a eachtarshuí go dtí an bhliain iomlán (n–2) nó (n–1).

5.   Soláthróidh athbhreithneoirí seachtracha na cuntais iniúchta dá dtagraítear i mír 1 do ESMA ar bhonn bliantúil. Déanfaidh siad na doiciméid sin a chur faoi bhráid ESMA trí mheán leictreonach tráth nach déanaí ná an 30 Meán Fómhair gach bliain (n-1). Soláthróidh athbhreithneoir seachtrach a chláraítear nó a aithnítear tar éis an 30 Meán Fómhair a chuntais iniúchta do ESMA láithreach tar éis a chláraithe nó a aitheanta, agus faoi dheireadh bhliain an chlárúcháin nó an aitheantais.

6.   Maidir le hioncam a ghintear ó sheirbhísí athbhreithnithe sheachtraigh a thuairiscítear in airgeadra eile seachas an euro, déanfaidh ESMA an t-ioncam sin a chomhshó go euro trí úsáid a bhaint as an meánráta malairte eachtraí euro is infheidhme i dtaca leis an tréimhse inar taifeadadh an t-ioncam. Chun na críche sin, úsáidfidh ESMA ráta tagartha malairte eachtraí euro arna fhoilsiú ag an mBanc Ceannais Eorpach.

1.   Beidh na táillí clárúcháin, aitheantais agus údarúcháin dlite tráth a dhéanfaidh an t-athbhreithneoir seachtrach iarratas ar chlárú, ar aitheantas nó ar údarú, agus íocfar iad ina n-iomláine laistigh de 30 lá ón dáta a eiseofar sonrasc ESMA.

2.   Ní aisíocfaidh ESMA aon táille clárúcháin, aitheantais ná údarúcháin le hathbhreithneoirí seachtracha a chinneann a n-iarratas ar chlárú, ar aitheantas nó ar údarú a tharraingt siar

1.   An táille mhaoirseachta bhliantúil dá dtagraítear in Airteagal 2, beidh sí dlite ag tús gach bliana féilire agus íocfar í ina hiomláine le ESMA sna chéad 3 mhí den bhliain sin. Soláthróidh ESMA sonrasc do gach athbhreithneoir seachtrach ina sonrófar an táille mhaoirseachta atá dlite 30 lá roimh an dáta íocaíochta deiridh ar a dhéanaí.

2.   Ní aisíocfaidh ESMA aon táille mhaoirseachta bhliantúil íoctha i gcás ar bith.

1.   Ní ghearrfaidh ESMA ach na táillí dá dtagraítear in Airteagail 1 agus 2.

2.   Aisíocfaidh ESMA leis na húdaráis inniúla náisiúnta na costais iarbhír a thabhófar mar gheall ar chúraimí a dhéanamh de bhun Rialachán (AE) 2023/2631, agus go háirithe na costais iarbhír a thabhófar mar gheall ar aon chúraim a dhéanamh de bhun Airteagal 55(4) nó Airteagal 56(5) den Rialachán sin. Áireofar leis na costais atá le haisíoc na costais sheasta uile agus na costais athraitheacha uile a bhaineann leis an gcúnamh a thugtar do ESMA.