19.12.2017   

MT

Il-Ġurnal Uffiċjali tal-Unjoni Ewropea

C 438/49


Notifika minn qabel ta’ konċentrazzjoni

(Il-Każ M.8451 — Tronox/Cristal)

(Test b'rilevanza għaż-ŻEE)

(2017/C 438/13)

1.

Fil-15 ta’ Novembru 2017, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) u wara referenza skont l-Artikolu 4(5) tar-Regolament dwar l-Għaqdiet li bih Tronox Limited tal-Awstralja, takkwista fis-sens tal-Artikolu 3(1)(b) tar-Regolament dwar l-Għaqdiet, il-kontroll ta’ partijiet minn The National Titanium Dioxide Company Ltd (“Cristal”) tal-Arabja Sawdija permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—

Tronox hija attiva mad-dinja kollha fl-estrazzjoni, il-produzzjoni u l-kummerċjalizzazzjoni ta’ minerali u kimiki inorganiċi;

—

Cristal hija attiva madwar id-dinja kollha fil-qasam tal-minjieri u l-manifattura ta’ pigmenti relatati mat-titanju u sustanzi kimiċi.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni b’faks (+32 22964301), b’email lil COMP-MERGER-REGISTRY@ec.europa.eu jew bil-posta, bin-numru ta’ referenza M.8451 — Tronox/Cristal, fl-indirizz li ġej:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)  ĠU L 24, 29.1.2004, p. 1 (ir-“Regolament dwar l-Għaqdiet”).