30.1.2010   

MT

Il-Ġurnal Uffiċjali tal-Unjoni Ewropea

L 26/26


DEĊIŻJONI TAL-KUMMISSJONI

tas-27 ta’ Jannar 2010

dwar il-kontribut finanzjarju tal-Unjoni għal programm għall-kontroll ta’ organiżmi li jagħmlu ħsara lill-pjanti u prodotti għall-pjanti fid-dipartimenti Franċiżi lil hinn mix-xtut għall-2010

(notifikata bid-dokument numru C(2010) 320)

(It-test bil-Franċiż biss hu awtentiku)

(2010/52/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 247/2006 tat-30 ta’ Jannar 2006 li jistabbilixxi miżuri speċifiċi għall-agrikultura fir-reġjuni l-aktar il-bogħod tal-Unjoni (1) u b’mod partikolari l-ewwel sentenza tal-ewwel subparagrafu tal-Artikolu 17(3),

Billi:

(1)

Id-Deċiżjoni tal-Kummissjoni 2007/609/KE tal-10 ta’ Settembru 2007 dwar it-tifsira tal-miżuri eliġibbli għall-finanzjament tal-Komunità fil-programmi għall-kontroll ta’ organiżmi ta’ ħsara għall-pjanti u prodotti tal-pjanti f’dipartimenti Franċiżi barra mill-pajjiż, fl-Azores u Madeira (2) tiddefinixxi l-miżuri eliġibbli għall-kontribut finanzjarju tal-Unjoni għall-programmi għall-kontroll ta’ organiżmi li jagħmlu ħsara lill-pjanti u l-prodotti tal-pjanti fid-dipartimenti Franċiżi lil hinn mix-xtut, fl-Ażores u fil-Madeira.

(2)

L-awtoritajiet Franċiżi ppreżentaw programm lill-Kummissjoni għall-2010 li jistipula l-miżuri tas-saħħa tal-pjanti fid-dipartimenti Franċiżi lil hinn mix-xtut. Dan il-programm jispeċifika l-għanijiet li jridu jinkisbu, ir-riżultati mistennija, il-miżuri li jridu jiġu mwettqa, id-dewmien tagħhom u l-ispiża tagħhom bil-ħsieb tal-possibilità ta’ kontribut finanzjarju Komunitarju. Il-miżuri stipulati f’dak il-programm jissodisfaw ir-rekwiżiti tad-Deċiżjoni 2007/609/KE. Il-Kummissjoni għalhekk tikkunsidra li ntlaħqu r-rekwiżiti tal-Artikolu 17(1) tar-Regolament (KE) Nru 247/2006.

(3)

Skont l-Artikolu 3(2)(a) tar-Regolament tal-Kunsill (KE) Nru 1290/2005 tal-21 ta’ Ġunju 2005 dwar l-iffinanzjar tal-politika agrikola komuni (3), il-miżuri tas-saħħa tal-pjanti għandhom jiġu ffinanzjati mill-Fond Ewropew għall-Garanzija Agrikola. Għall-fini tal-kontroll finanzjarju ta’ dawk il-miżuri, l-Artikoli 9, 36 u 37 ta’ dak ir- Regolament għandhom japplikaw.

(4)

Skont l-Artikolu 75 tar-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 fir-rigward tar-Regolament Finanzjarju applikabbli għall-baġit generali tal-Komunitajiet Ewropej (4) u Artikolu 90(1) tar-Regolament tal-Kummissjoni (KE, Euratom) Nru 2342/2002 tat-23 ta’ Diċembru 2002 li jippreskrivi regoli ddettaljati għall-implimentazzjoni tar-Regolament tal-Kunsill (KE, Euratom) Nru 1605/2002 fuq ir-Regolament Finanzjarju li jgħodd għall-baġit ġenerali tal-Komunitajiet Ewropej (5), l-impenn tan-nefqa mill-baġit tal-Unjoni għandu jiġi ppreċedut minn deċiżjoni ta’ finanzjar adottata mill-istituzzjoni jew l-awtoritajiet li għaliha jkunu ġew iddelegati l-poteri, filwaqt li jiġu stabbiliti l-elementi essenzjali tal-azzjoni li tinvolvi n-nefqa.

(5)

Id-deċiżjoni preżenti tikkostitwixxi deċiżjoni ta’ finanzjar għan-nefqa provduta fit-talbiet ta’ kofinanzjar ippreżentati mill-Istati Membri.

(6)

Il-miżuri stipulati f’din id-deċiżjoni huma konformi mal-opinjoni tal-Kumitat Permanenti dwar is-Saħħa tal-Pjanti,

ADOTTAT DIN ID-DEĊIŻJONI:

Artikolu 1

Kontribut finanzjarju tal-Unjoni lil Franza għall-programm uffiċjali għall-kontroll ta’ organiżmi li jagħmlu ħsara lill-pjanti u l-prodotti tal-pjanti fid-dipartimenti Franċiżi lil hinn mix-xtut għall-2010, kif speċifikat fil-Parti A tal-Anness, huwa approvat.

Għandu jkun limitat għal 60 % tal-ispiża eliġibbli totali, kif speċifikat fil-Parti B tal-Anness, b’massimu ta’ EUR 240 000 (eskluża l-VAT).

Artikolu 2

1.   Għandhom jiġu mħallsa EUR 100 000 bil-quddiem fi żmien 60 jum minn wara li tasal talba ta’ ħlas minn Franza.

2.   Il-bilanċ tal-kontribut finanzjarju għandu jitħallas sakemm ikun intbagħat rapport finali ta’ implimentazzjoni dwar il-programm lill-Kummissjoni f’forma elettronika sa mhux aktar tard mill-15 ta’ Marzu 2011.

Dan ir-rapport għandu jkun fih:

(a)

valutazzjoni teknika konċiża tal-programm sħiħ, inkluż il-grad ta’ kisba tal-għanijiet fiżiċi u kwalitattivi u l-progress miksub, u evalwazzjoni tal-impatt immedjat fitosanitarju u ekonomiku, kif ukoll

(b)

dikjarazzjoni tal-ispiża finanzjarja li tindika n-nefqa proprja mqassma skont is-sottoprogramm u l-miżura.

3.   Fir-rigward tat-tqassim indikattiv tal-baġit speċifikat fil-Parti B tal-Anness, Franza tista’ taġġusta l-finanzjament bejn il-miżuri differenti fl-istess sottoprogramm f’limitu ta’ 15 % tal-kontribut tal-Unjoni għal dan is-sottoprogramm, sakemm l-ammont totali tal-ispejjeż eliġibbli skedati fil-programm ma jinqabiżx u li b’hekk l-għanijiet ewlenin tal-programm ma jiġux kompromessi.

Hija għandha tgħarraf lill-Kummissjoni bi kwalunkwe aġġustament li jsir.

Artikolu 3

Din id-Deċiżjoni għandha tapplika mill-1 ta’ Jannar 2010.

Artikolu 4

Din id-Deċiżjoni hija indirizzata lir-Repubblika ta’ Franza.

Magħmul fi Brussell, is-27 ta’ Jannar 2010.

Għall-Kummissjoni

Androulla VASSILIOU

Membru tal-Kummissjoni


(1)   ĠU L 42, 14.2.2006, p. 1.

(2)   ĠU L 242, 15.9.2007, p. 20.

(3)   ĠU L 209, 11.8.2005, p. 1.

(4)   ĠU L 248, 16.9.2002, p. 1.

(5)   ĠU L 357, 31.12.2002, p. 1.


ANNESS

PROGRAMM U TQASSIM INDIKATTIV TAL-BAĠIT GĦALL-2010

PARTI A

Programm

Il-programm għandu jikkonsisti f’erba’ sottoprogrammi:

(1)

sottoprogramm interdipartimentali:

Miżura 1: żvilupp ta’ metodi ta’ detezzjoni għal organiżmi li jagħmlu l-ħsara bbażati fuq reazzjoni katina ta’ polymerase (PCR)

(2)

sottoprogramm għad-dipartiment ta’ Martinique:

Miżura 2: stħarriġiet fitosanitarji u taħriġ ta’ bdiewa tal-imxietel

(3)

sottoprogramm għad-dipartiment ta’ Guyane:

Miżura 3: tmexxija ta’ sistema agrikola fitosanitarja ta’ twissija għall-produzzjoni tar-ross;

(4)

sottoprogramm għad-dipartiment ta’ Guadeloupe:

(a)

Miżura 4.1: tmexxija ta’ netwerk ta’ stħarriġ għall-ferminelli;

(b)

Miżura 4.2: stħarriġiet fitosanitarji fil-produzzjoni tat-tadam;

(c)

Miżura 4.3: tmexxija tar-riskju tal-introduzzjoni ta’ organiżmi li jagħmlu l-ħsara mill-attività turistika.

PARTI B

Tqassim indikattiv tal-baġit b’indikazzjoni tar-riżultati varji mistennija

(F’EURO)

Sottoprogrammi

Riżultati

(S: forniment ta’ servizzi, R: riċerka jew xogħol ta’ studju)

Spejjeż eliġibbli

Kontribut finanzjarju

Kontribut finanzjarju massimu tal-Unjoni

Sottoprogramm inter-DOM

 

Mżura 1

Metodu ta’ PCR kwantitattiv (R)

120 000

48 000

72 000

Subtotal

120 000

48 000

72 000

Martinique

 

Miżura 2

Stħarriġiet fitosanitarji u taħriġ ta’ bdiewa tal-imxietel (S)

110 000

44 000

66 000

Subtotal

110 000

44 000

66 000

Guyane

 

Mżura 3

Tmexxija ta’ sistema fitosanitarja agrikola ta’ twissija (S)

119 500

47 800

71 700

Subtotal

119 500

47 800

71 700

Guadeloupe

 

Miżura 4.1

Tmexxija ta’ netwerk ta’ stħarriġ għall-ferminelli (S)

15 500

6 200

9 300

Miżura 4.2

stħarriġiet fitosanitarji fil-produzzjoni tat-tadam (S)

20 000

8 000

12 000

Miżura 4.3

Azzjonijiet ta’ komunikazzjoni lill-pubbliku dwar ir-riskji ta’ introduzzjoni ta’ organiżmi li jagħmlu ħsara (S)

15 000

6 000

9 000

Subtotal

50 500

20 200

30 300

Total

400 000

160 000

240 000