|
Il-Ġurnal Uffiċjali |
MT Is-serje L |
|
2025/471 |
11.3.2025 |
REGOLAMENT DELEGAT TAL-KUMMISSJONI (UE) 2025/471
tat-2 ta’ Settembru 2024
li jemenda r-Regolament Delegat (UE) 2023/137 fir-rigward tal-applikazzjoni ta’ ċerti rekwiżiti tat-trażmissjoni tad-data
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1893/2006 tal-Parlament Ewropew u tal-Kunsill tal-20 ta’ Diċembru 2006 li jistabbilixxi l-klassifikazzjoni tal-istatistika ta’ attivitajiet ekonomiċi tan-NACE Reviżjoni 2 u li jemenda r-Regolament tal-Kunsill (KEE) Nru 3037/90 kif ukoll ċerti Regolamenti tal-KE dwar setturi speċifiċi tal-istatistika (1), u b’mod partikolari l-Artikolu 6(2) tiegħu,
Billi:
|
(1) |
Ir-Regolament (KE) Nru 1893/2006 stabbilixxa klassifikazzjoni statistika komuni tal-attivitajiet ekonomiċi fl-Unjoni (“NACE Rev. 2”), li beda japplika fl-1 ta’ Jannar 2008. |
|
(2) |
Wara li bdiet tapplika n-NACE Rev. 2, il-globalizzazzjoni u d-diġitalizzazzjoni biddlu progressivament il-mod li bih ħafna attivitajiet ekonomiċi jipprovdu l-oġġetti u s-servizzi madwar id-dinja. |
|
(3) |
Bħala riżultat ta’ dawk il-bidliet, in-NACE Rev. 2 kellha tiġi aġġornata, biex tibqa’ komparabbli u konsistenti mal-istandards għall-klassifikazzjoni tal-attivitajiet ekonomiċi użati fil-livell internazzjonali. Għaldaqstant, ir-Regolament Delegat tal-Kummissjoni (UE) 2023/137 (2) emenda r-Regolament (KE) Nru 1893/2006 u stabbilixxa l-klassifikazzjoni aġġornata (“NACE Rev. 2.1”). |
|
(4) |
Biex l-utenti jkunu jistgħu jivvalutaw il-bidliet dettaljati tal-kontenut fin-NACE, u biex iqabblu l-verżjoni preċedenti tal-klassifikazzjoni mal-verżjoni aġġornata tagħha, fl-1 ta’ Awwissu 2023 ġiet ipprovduta tabella ta’ korrispondenza flimkien ma’ xi noti ta’ spjegazzjoni (3) għall-utenti tal-klassifikazzjoni (4). |
|
(5) |
Korp kbir ta’ leġiżlazzjoni jistabbilixxi rekwiżiti tat-trażmissjoni tad-data li jirreferu għal taqsimiet, diviżjonijiet, gruppi jew klassijiet speċifiċi tan-NACE. Sabiex il-fornituri tad-data jkunu jistgħu jadattaw għar-rekwiżiti regolatorji emendati, l-applikazzjoni tal-klassifikazzjoni aġġornata (NACE Rev. 2.1) ġiet differita fir-rigward ta’ ċerti rekwiżiti tat-trażmissjoni tad-data stabbiliti f’diversi atti legali tal-Unjoni. Sabiex ir-rekwiżiti tat-trażmissjoni tad-data jiġu allinjati aħjar mal-fattibbiltà prattika, iż-żmien tal-applikazzjoni tan-NACE Rev. 2.1 jenħtieġ li jiġi emendat aktar għal ċerti dominji statistiċi. |
|
(6) |
Peress li l-granularità tal-klassifikazzjoni aġġornata hija simili għal dik tal-verżjoni oriġinali tal-klassifikazzjoni, l-emenda tar-Regolament Delegat (UE) 2023/137 stabbilita f’dan ir-Regolament ma timponi l-ebda piż addizzjonali sinifikanti fuq l-Istati Membri jew fuq ir-rispondenti. |
|
(7) |
Għaldaqstant, jenħtieġ li r-Regolament Delegat (UE) 2023/137 jiġi emendat skont dan, |
ADOTTAT DAN IR-REGOLAMENT:
Artikolu 1
Fl-Artikolu 2 tar-Regolament Delegat (UE) 2023/137, il-paragrafu 2 huwa sostitwit b’dan li ġej:
“2. B’deroga mill-paragrafu 1, dan ir-Regolament għandu japplika kif ġej:
|
(a) |
għar-Regolament tal-Kunsill (KE) Nru 530/1999 (*1), fir-rigward ta’:
|
|
(b) |
għar-Regolament (KE) Nru 2150/2002 tal-Parlament Ewropew u tal-Kunsill (*2), mill-1 ta’ Jannar 2026 fir-rigward tat-trażmissjoni tad-data relatata ma’ kull perjodu ta’ referenza li jibda f’dik id-data jew wara; |
|
(c) |
għar-Regolament (KE) Nru 450/2003 tal-Parlament Ewropew u tal-Kunsill (*3), mill-1 ta’ Jannar 2027 fir-rigward tat-trażmissjoni tad-data relatata ma’ kull perjodu ta’ referenza li jibda f’dik id-data jew wara; |
|
(d) |
għar-Regolament (KE) Nru 138/2004 tal-Parlament Ewropew u tal-Kunsill (*4), mill-1 ta’ Jannar 2028 fir-rigward tat-trażmissjoni tad-data relatata ma’ kull perjodu ta’ referenza li jibda f’dik id-data jew wara; |
|
(e) |
għar-Regolament (KE) Nru 1552/2005 tal-Parlament Ewropew u tal-Kunsill (*5), mill-1 ta’ Jannar 2030 fir-rigward tat-trażmissjoni tad-data relatata ma’ kull perjodu ta’ referenza li jibda f’dik id-data jew wara; |
|
(f) |
għar-Regolament (KE) Nru 453/2008 tal-Parlament Ewropew u tal-Kunsill (*6), mill-1 ta’ Jannar 2026 fir-rigward tat-trażmissjoni tad-data relatata ma’ kull perjodu ta’ referenza li jibda f’dik id-data jew wara; |
|
(g) |
għar-Regolament (KE) Nru 1099/2008 tal-Parlament Ewropew u tal-Kunsill (*7), mill-1 ta’ Jannar 2027 fir-rigward tat-trażmissjoni tad-data relatata ma’ kull perjodu ta’ referenza li jibda f’dik id-data jew wara; |
|
(h) |
għar-Regolament (KE) Nru 1338/2008 tal-Parlament Ewropew u tal-Kunsill (*8), fir-rigward ta’:
|
|
(i) |
għar-Regolament (UE) Nru 691/2011 tal-Parlament Ewropew u tal-Kunsill (*9), fir-rigward ta’:
|
|
(j) |
għar-Regolament (UE) Nru 70/2012 tal-Parlament Ewropew u tal-Kunsill (*10), mill-1 ta’ Jannar 2026 fir-rigward tat-trażmissjoni tad-data relatata ma’ kull perjodu ta’ referenza li jibda f’dik id-data jew wara; |
|
(k) |
għar-Regolament (UE) Nru 549/2013 tal-Parlament Ewropew u tal-Kunsill (*11), fir-rigward tal-Anness B, dan għandu japplika għat-trażmissjonijiet tad-data mill-1 ta’ Settembru 2029; |
|
(l) |
għall-Artikolu 2 tar-Regolament (UE) 2018/1091 tal-Parlament Ewropew u tal-Kunsill (*12), mill-1 ta’ Jannar 2030 fir-rigward tat-trażmissjoni tad-data relatata ma’ kull perjodu ta’ referenza li jibda f’dik id-data jew wara; |
|
(m) |
għar-Regolament (UE) 2019/1700 tal-Parlament Ewropew u tal-Kunsill (*13), fir-rigward ta’:
|
|
(n) |
għar-Regolament (UE) 2019/2152 tal-Parlament Ewropew u tal-Kunsill (*14), fir-rigward ta’:
|
|
(o) |
għall-Artikolu 2 tar-Regolament (UE) 2022/2379 tal-Parlament Ewropew u tal-Kunsill (*15), mill-1 ta’ Jannar 2030 fir-rigward tat-trażmissjoni tad-data relatata ma’ kull perjodu ta’ referenza li jibda f’dik id-data jew wara. |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Settembru 2024.
Għall-Kummissjoni
Il-President
Ursula VON DER LEYEN
(1) ĠU L 393, 30.12.2006, p. 1, ELI: http://data.europa.eu/eli/reg/2006/1893/oj.
(2) Ir-Regolament Delegat tal-Kummissjoni (UE) 2023/137 tal-10 ta’ Ottubru 2022 li jemenda r-Regolament (KE) Nru 1893/2006 tal-Parlament Ewropew u tal-Kunsill li jistabbilixxi l-klassifikazzjoni tal-istatistika ta’ attivitajiet ekonomiċi tan-NACE Reviżjoni 2 (ĠU L 19, 20.1.2023, p. 5, ELI: http://data.europa.eu/eli/reg_del/2023/137/oj).
ELI: http://data.europa.eu/eli/reg_del/2025/471/oj
ISSN 1977-074X (electronic edition)