(1)

Tá feidhm faoi láthair ag dleacht frithdhumpála (‘an dleacht leathnaithe’) ar allmhairí isteach san Aontas de pháirteanna riachtanacha rothair de thionscnamh Dhaon-Phoblacht na Síne (“an PRC”) mar thoradh ar an leathnú le Rialachán (CE) Uimh. 71/97.

(2)

De bhun Airteagal 3 de Rialachán (CE) Uimh. 71/97, ba cheart scéim díolúine a bhunú chun díolúine a údarú maidir le hallmhairí páirteanna riachtanacha rothair nach dtéann timpeall ar an dleacht frithdhumpála (“an Scéim Díolúine”). Déantar an Scéim Díolúine a rialú le hAirteagal 13(4) den bhun-Rialachán. Faoin Scéim Díolúine díolmhaítear comhghabhálaithe nach bhfuil páirteach i gcleachtais a théann timpeall ar an mbeart frithdhumpála ar rothair chun páirteanna rothair ón tSín a allmhairiú saor ó dhleacht frithdhumpála.

(3)

Rinneadh foráil maidir leis an gcreat dlíthiúil chun an Scéim Díolúine a oibriú i Rialachán (CE) Uimh. 88/97 ón gCoimisiún (3) (“an Rialachán Díolúine”) arna leasú le Rialachán (AE) Uimh. 512/2013 ón gCoimisiún (4), Rialachán Cur Chun Feidhme (AE) 2015/831 ón gCoimisiún (5) agus Rialachán Cur Chun Feidhme (AE) 2020/1296 ón gCoimisiún (6).

(4)

Faoi mar a fhoráiltear in aithris (44) de Rialachán (CE) Uimh. 71/97, coinníonn an Coimisiún an córas díolúine faoi athbhreithniú i gcónaí ionas gur féidir é a oiriúnú nuair is gá chun an taithí a fuarthas trí oibriú an chórais sin a chur san áireamh.

(5)

Is é is cuspóir don Rialachán Cur Chun Feidhme seo ón gCoimisiún lena leasaítear an Rialachán Díolúine an Rialachán sin a oiriúnú agus a fheabhsú bunaithe ar an taithí agus na forbairtí is déanaí a tharla tar éis an leasaithe is déanaí le Rialachán Cur Chun Feidhme (AE) 2020/1296 ón gCoimisiún.

(6)

D’fhonn deimhneacht dhlíthiúil agus trédhearcacht a fheabhsú, ba cheart an sainmhíniú ar “ghabhálaí” a chur isteach agus ba cheart coigeartuithe foirmiúla eile a thabhairt isteach chun foclaíocht an Rialacháin Díolúine a chuíchóiriú agus chun na tagairtí do ghníomhartha eile de chuid an Aontais a thabhairt cothrom le dáta don leagan is déanaí díobh, lena n-áirítear struchtúr TARIC a leagtar amach in Iarscríbhinn III.

(7)

Thairis sin, ba cheart Iarscríbhinn I lena liostaítear na páirtithe faoi scrúdú de bhun Airteagal 6 den Rialachán díolúine agus Iarscríbhinn II lena liostaítear na páirtithe faoi scrúdú de bhun Airteagal 7 den Rialachán díolúine a nuashonrú. Mar sin féin, tráth ghlacadh an Rialacháin seo, tá na páirtithe a liostaítear faoi chód breise TARIC 8605, A576 agus C009 faoi réir athmheasúnaithe ar an údarú díolúine a bronnadh orthu. Beidh toradh an athmheasúnaithe sin faoi réir acht dlíthiúil ar leithligh.

(8)

Faoin Scéim Díolúine, mar a leagtar amach in Airteagal 5(2) den Rialachán Díolúine, féadfaidh údaráis inniúla na mBallstát íocaíocht na dleachta leathnaithe a chur ar fionraí faoi réir ráthaíocht na dleachta leathnaithe a sholáthar. Mar sin féin, níl an fhoráil seo éigeantach agus ón taithí a fuarthas trí Scéim na Díolúine a chur chun feidhme, tugann an Coimisiún dá aire go gcruthaíonn sé sin fadhbanna féideartha maidir le hidirdhealú agus bearnaí maidir le forálacha an Rialacháin Díolúine a fhorfheidhmiú.

(9)

I bhfianaise an mhéid sin, measann an Coimisiún gur gá foráil éigeantach ráthaíochta a thabhairt isteach i gcás ina dtugtar fionraí lena n-áirithítear cóir chomhionann agus forfheidhmiú cuí.

(10)

Ina theannta sin, i gcás ina dtarraingíonn an t-iarratasóir siar an iarraidh ar dhíolúine (“an iarraidh”), nó i gcás ina gcinnfear ina dhiaidh sin go bhfuil an iarraidh do-ghlactha nó go ndiúltófar di, ní fhéadfar an dleacht leathnaithe atá faoi réir fionraí a aisghabháil. Go háirithe, ní rialaítear éifeachtaí tharraingt siar na hiarrata go sonrach sa Rialachán Díolúine arna leasú. Measann an Coimisiún gur cheart, le foráil éigeantach na ráthaíochta, go n-áiritheofaí aisghabháil na dleachta leathnaithe freisin i gcásanna ina mbeidh an iarraidh neamh-inghlactha, diúltaithe agus aistarraingthe ina dhiaidh sin.

(11)

Ina theannta sin, measann an Coimisiún gurb iomchuí rialáil a dhéanamh go sainráite ar éifeachtaí tharraingt siar na hiarrata. Dá bhrí sin, i gcás tarraingthe siar, ba cheart a mheas nár taisceadh an iarraidh agus ba cheart íocaíocht na dleachta leathnaithe a chur ar fionraí. Bheadh an cur chuige sin cosúil le hAirteagal 5(8) den bhun-Rialachán.

(12)

I gcomhar leis sin, measann an Coimisiún thairis sin gurb iomchuí béim a chur ar éifeachtaí sealadacha na fionraí, i gcomparáid le héifeachtaí fadtéarmacha na díolúine. Chuige sin, ba cheart tagairtí do dhíolúine a chúpláil nó tagairtí do fhionraí a chur ina n-ionad, i gcás inar gá.

(13)

Tar éis athbhreithniú a dhéanamh ar an taithí a fuarthas le linn na Scéime Díolúine a fheidhmiú, measann an Coimisiún gur gá leasuithe áirithe a thabhairt isteach chun feidhmiú cuí agus forfheidhmiú na scéime a áirithiú.

(14)

Ar an gcéad dul síos, tugann an Coimisiún dá aire go bhforáiltear leis an Rialachán Díolúine go bhféadfaí iarratas a dhéanamh arís ar an Scéim Díolúine tar éis 12 mhí ó dhiúltú d’iarraidh nó ó chúlghairm na díolúine. Níl an tréimhse ama sin fada go leor chun an oibríocht cóimeála a ailíniú leis na coinníollacha chun tairbhe a bhaint as an Scéim Díolúine, go háirithe iad siúd a liostaítear in Airteagal 4, in Airteagal 5 agus in Airteagal 8.

(15)

Dá bhrí sin, ba cheart foráil a dhéanamh sa Rialachán Díolúine do thréimhse ama níos faide 36 mhí ar a laghad sular féidir le hiarratasóir iarraidh ar dhíolúine a chur isteach an athuair. Thairis sin, ba cheart feidhm a bheith ag an tréimhse fordhúnta 36 mhí maidir le hiarrataí a diúltaíodh ag céim na hinghlacthachta.

(16)

Ina theannta sin, tugann an Coimisiún dá aire go bhfuil sé ríthábhachtach go mbeadh an fhéidearthacht ann a fhíorú go gcomhlíonann páirtithe díolmhaithe rialacha frithimchéimniúcháin i ndáil le páirteanna riachtanacha rothair a allmhairiú.

(17)

Dá bhrí sin, ba cheart go gceanglófaí leis an Rialachán Díolúine ar pháirtithe díolmhaithe nó ar pháirtithe atá faoi scrúdú taifead a choinneáil ar na páirteanna riachtanacha rothair a sheachadtar dóibh, agus ar an úsáid a bhaintear as na páirteanna sin, ar feadh tréimhse is faide ná na 3 bliana dá bhforáiltear faoi láthair, a chomhfhreagraíonn do 5 bliana ar a laghad. Chuimseofaí leis an gcreat ama sin fad na n-imscrúduithe frith-imchéimniúcháin agus na n-imeachtaí eile i réimsí éagsúla beartais, amhail imeachtaí custaim nó frith-chalaoise.

(18)

Maidir le forfheidhmiú, tugann an Coimisiún dá aire, nuair a thionscnaítear athbhreithniú ar an bpáirtí díolmhaithe, go bhfuil an díolúine fós i bhfeidhm le linn na n-imeachtaí athbhreithnithe. I gcás ina gcúlghairfear an díolúine, ní féidir an dleacht leathnaithe nár íocadh le linn an athbhreithniúcháin a aisghabháil.

(19)

Dá bhrí sin, i gcás den sórt sin, ba cheart a shonrú sa Rialachán Díolúine gur cheart allmhairí de pháirteanna riachtanacha rothair de chuid na bpáirtithe atá faoi athbhreithniú a bheith faoi réir clárúcháin le linn na tréimhse a ndéantar an t-imscrúdú ar athbhreithniú, go dtí go bhfaighfear torthaí an athbhreithnithe sin, chun a áirithiú go bhféadfaí bearta a chur i bhfeidhm ina dhiaidh sin ar na hallmhairí sin ó dháta clárúcháin den sórt sin ar aghaidh, más rud é go ndéantar an díolúine a chúlghairm mar thoradh ar an athbhreithniú.

(20)

Tugann an Coimisiún dá aire freisin, nuair a chinntear go bhfuil páirtí díolmhaithe ag dearbhú go míchruinn gur de thionscnamh na Síne atá na táirgí, go bhfuil tionchar díreach aige sin ar chomhlíonadh oibleagáidí páirtithe díolmhaithe, go háirithe na hoibleagáidí faoi Airteagal 8 den Rialachán Díolúine.

(21)

Dá bhrí sin, i gcásanna den sórt sin, ba cheart go bhforálfaí leis an Scéim Díolúine do thionscnamh athbhreithnithe ar an díolúine arna deonú do pháirtí ar cinneadh gur dhearbhaigh sé go míchruinn gur de thionscnamh na Síne atá páirteanna allmhairithe rothar.

(22)

Ina theannta sin, ba cheart go ndéanfaí an díolúine a chúlghairm mar thoradh ar dhearbhuithe míchearta custaim arís agus arís eile maidir le haon chodanna rothair ag páirtí díolmhaithe.

(23)

Ba cheart díolúine a chúlghairm freisin nuair a fhaightear amach go bhfuil páirtí díolmhaithe páirteach i gcleachtais a théann timpeall ar an dleacht leathnaithe, inter alia tríd an mbonn a bhaint d’éifeachtaí ceartaitheacha na dleachta trí chainníochtaí suntasacha a allmhairiú. Tugann Airteagal 14(c) den Rialachán Díolúine le tuiscint go mbainfear an bonn d’éifeachtaí ceartaitheacha na dleachta nuair a dhearbhaíonn páirtí 300 aonad nó níos mó in aghaidh gach cineál páirteanna riachtanacha rothair le haghaidh saorchúrsaíochta nó nuair a sheachadtar don pháirtí iad.

(24)

Chun deimhneacht dhlíthiúil agus trédhearcacht a áirithiú, ba cheart an tairseach sin a shoiléiriú sa Rialachán Díolúine.

(25)

Thairis sin measann an Coimisiún gurb iomchuí léirmhíniú na tairsí a bhunaítear in Airteagal 14(c) a shoiléiriú. I ndáil leis sin, leis an tairseach de níos lú ná 300 aonad de réir chineál na gcodanna riachtanacha rothar ar bhonn míosúil ba cheart tagairt a dhéanamh don mheán míosúil aonad de chodanna riachtanacha rothar le linn tréimhsí 12 mhí dar tús dáta theacht i bhfeidhm an údaraithe úsáide deiridh ábhartha. In aon chás, ní féidir iomlán tréimhse amháin nó níos mó tréimhsí a bheith níos faide ná tréimhse bhailíochta an údaraithe úsáide deiridh ábhartha.

(26)

Maidir le húdaruithe úsáide deiridh arna ndeonú ag údaráis ábhartha na mBallstát, tugann an Coimisiún dá aire go mbainfeadh páirtí díolmhaithe nach sroicheann an tairseach chun an Scéim Díolúine thuasluaite a chur i bhfeidhm tairbhe fós as an díolúine a deonaíodh, in ainneoin nach gcomhlíonann sé ceann de na ceanglais maidir le hinghlacthacht na hiarrata.

(27)

Dá bhrí sin, ba cheart go gceadófaí leis an Rialachán Díolúine go ndéanfaí díolúintí a chúlghairm do pháirtithe a bhfuil a n-allmhairí faoi bhun na tairsí a luaitear in Airteagal 14(c) den Rialachán Díolúine.

(28)

Ina theannta sin, is féidir le páirtí atá faoi scrúdú, de réir na rialacha atá ann faoi láthair, iarratas a dhéanamh ar údarú úsáide deiridh agus tairbhe a bhaint as an dá stádas, in ainneoin go bhfuil an dá uirlis comheisiatach.

(29)

Dá bhrí sin, ba cheart go n-eisiafadh catagóir na bpáirtithe atá incháilithe d’údarú úsáide deiridh páirtí díolmhaithe agus páirtí faoi scrúdú faoin Scéim Díolúine.

(30)

Thairis sin measann an Coimisiún gur fiú a thabhairt chun cuimhne gur soiléiríodh le Rialachán (AE) Uimh. 512/2013 ón gCoimisiún dá dtagraítear in aithris (3) nach bhfuil codanna rothar a úsáidtear chun rothair a bhfuil mótar cúnta feistithe a orthu a chóimeáil faoi réir na dleachta frithdhumpála ná na dleachta frithdhumpála leathnaithe agus dá bhrí sin tá oibríochtaí cóimeála na rothar sin lasmuigh de raon feidhme Rialachán (CE) Uimh. 71/97 agus de raon feidhme an Rialacháin Díolúine freisin dá réir sin.

(31)

Ar chúiseanna deimhneachta dlíthiúla agus i gcomhréir leis na nósanna imeachta lena rialaítear gníomhartha cur chun feidhme, lena n-áirítear in imeachtaí cosanta trádála, ba cheart a lua sa Rialachán Díolúine gur cheart gur rialachán ón gCoimisiún arna ghlacadh i gcomhréir leis an nós imeachta scrúdúcháin dá dtagraítear in Airteagal 5 de Rialachán (AE) Uimh. 182/2011 ó Pharlaimint na hEorpa agus ón gComhairle (7) a bheadh sa chinneadh chun an t-imscrúdú athbhreithnithe a thabhairt chun críche.

(32)

I gcomhréir le prionsabal an dea-riaracháin, beidh feidhm a luaithe is féidir ag na leasuithe ar an Rialachán Díolúine dá bhforáiltear sa Rialachán seo maidir le gach imscrúdú nua agus le gach imscrúdú atá ar feitheamh.

(33)

Dá bhrí sin, ba cheart Rialachán (CE) Uimh. 88/97 a leasú dá réir sin.

(34)

Tá na bearta dá bhforáiltear sa Rialachán seo i gcomhréir leis an tuairim ón gCoiste arna bhunú le hAirteagal 15(1) de Rialachán (AE) 2016/1036,

(1)

In Airteagal 1, cuirtear an méid seo a leanas in ionad na sainmhínithe ar “dhleacht leathnaithe”, “oibríocht cóimeála” agus “páirtí díolmhaithe” faoi seach:

(*1)  Rialachán (AE) 2016/1036 ó Pharlaimint na hEorpa agus ón gComhairle an 8 Meitheamh 2016 maidir le cosaint i gcoinne allmhairí dumpáilte ó thíortha nach baill den Aontas Eorpach iad (IO L 176, 30.6.2016, lch. 21).” "

(2)

Cuirtear an sainmhíniú ar “chomhghabhálaí” le hAirteagal 1 mar a leanas:

(3)

Cuirtear an sainmhíniú ar ‘éifeacht cheartaitheach beart’ le hAirteagal 1 mar a leanas:

(4)

Cuirtear an méid seo a leanas in ionad theideal Airteagal 2:

(5)

Cuirtear an méid seo a leanas in ionad Airteagal 2(2):

(6)

Cuirtear an méid seo a leanas in ionad an tseolta a shonraítear in Airteagal 3(1):

(7)

Cuirtear an méid seo a leanas in ionad Airteagal 3(2):

(8)

Cuirtear an méid seo a leanas in ionad Airteagal 4(1) (b):

(9)

Cuirtear an méid seo a leanas in ionad Airteagal 4(1)(c):

(10)

Cuirtear an méid seo a leanas in ionad Airteagal 4(4):

(11)

Cuirtear an méid seo a leanas in ionad Airteagal 5:

(*2)  Rialachán (AE) Uimh. 952/2013 ó Pharlaimint na hEorpa agus ón gComhairle an 9 Deireadh Fómhair 2013 lena leagtar síos Cód Custaim an Aontais (IO L 269, 10.10.2013, lch. 1)."

(12)

Cuirtear an méid seo a leanas in ionad Airteagal 6(2):

(13)

Cuirtear an méid seo a leanas in ionad Airteagal 7:

(14)

Cuirtear an méid seo a leanas in ionad Airteagal 8(1)(a):

(15)

Cuirtear an méid seo a leanas in ionad Airteagal 8(2):

(16)

Cuirtear an méid seo a leanas in ionad Airteagal 9:

(17)

Cuirtear an méid seo a leanas in ionad Airteagal 10:

(18)

Cuirtear an méid seo a leanas in ionad Airteagal 13:

(19)

Cuirtear an méid seo a leanas in ionad na chéad mhíre d’Airteagal 14:

“I gcás ina ndéanfaidh duine seachas páirtí díolmhaithe nó páirtí faoi scrúdú de bhun Airteagal 5 páirteanna riachtanacha rothair a allmhairiú le haghaidh saorchúrsaíochta, amhail ó dháta theacht i bhfeidhm an Rialacháin Thagartha, díolmhófar iad ó chur i bhfeidhm na dleachta leathnaithe má dhearbhaítear iad i gcomhréir le struchtúr TARIC in Iarscríbhinn III agus faoi réir na gcoinníollacha a leagtar síos in Airteagal 254 de Chód Custaim an Aontais, a mbeidh feidhm mutatis mutandis acu, más rud é:”

(20)

Cuirtear an méid seo a leanas in ionad Airteagal 14(b):

(21)

Cuirtear an méid seo a leanas in ionad na chéad abairte d’Airteagal 14(c):

“ar bhonn míosúil, dearbhaíonn páirtí níos lú ná 300 aonad ar an meán de réir gach cineál codanna riachtanacha rothair le haghaidh saorchúrsaíochta nó seachadtar don pháirtí sin iad. Ní rachaidh an teorainn ama chun an meán sin a ríomh thar 12 mhí, i gcás ina dtosaíonn an chéad tréimhse ó dháta theacht i bhfeidhm an údaraithe úsáide deiridh lena mbaineann, agus ní rachaidh sé thar a thréimhse bhailíochta i gcás ar bith.”

(22)

Cuirtear an méid seo a leanas in ionad Airteagal 15(2):

(23)

In Airteagal 15(3), cuirtear an focal “déanfaidh” in ionad “féadfaidh”.

(24)

In Airteagal 18, cuirtear an focal “Aontas” in ionad an fhocail “Comhphobail”.

(25)

Cuirtear Iarscríbhinn I, Iarscríbhinn II agus Iarscríbhinn III a ghabhann leis an Rialachán seo in ionad Iarscríbhinn I, Iarscríbhinn II agus Iarscríbhinn III.

(26)

Aisghairtear Iarscríbhinn IV.