1.   Beidh bonneagar taighde dáilte ann ar a dtabharfar an ‘Bonneagar Eorpach um Thaighde ar an Uileloscadh’, dá ngairtear ‘EHRI’ anseo feasta.

2.   Beidh foirm dhlíthiúil de Chuibhreannas don Bhonneagar Taighde Eorpach (ERIC) ag EHRI arna ionchorprú faoi fhorálacha Rialachán (CE) Uimh. 723/2009 agus tabharfar ‘EHRI-ERIC’ air.

3.   Beidh oifig chláraithe EHRI-ERIC in Amstardam na hÍsiltíre.

1.   Is é an príomhchúram a bheidh ar EHRI-ERIC EHRI a bhunú agus a oibriú chun barr feabhais a chumasú i dtaighde, doiciméadacht, oideachas agus cuimhneachán trasnáisiúnta maidir leis an Uileloscadh.

2.   Oibreoidh EHRI-ERIC go dlúth leis an bpobal eolaíochta, cartlainne agus oideachais. Agus a phríomhchúram á shaothrú aige agus i gcomhréir le forálacha na reachtanna seo, déanfaidh EHRI-ERIC na gníomhaíochtaí seo a leanas agus comhordóidh sé iad:

3.   Beidh Lároifig EHRI-ERIC freagrach as gníomhaíochtaí EHRI-ERIC a chomhordú. Saothróidh EHRI-ERIC a ghníomhaíochtaí uile ar bhealach eiticiúil agus trédhearcach agus seachnóidh sé coinbhleachtaí leasa eagraíochtúla nó pearsanta a d’fhéadfadh a bheith ann.

4.   Saothróidh EHRI-ERIC a phríomhchúram ar bhonn neamheacnamaíoch, áfach, gan dochar do na rialacha is infheidhme maidir le Státchabhair, féadfaidh sé gníomhaíochtaí eacnamaíocha teoranta a dhéanamh ar choinníoll go bhfuil dlúthbhaint acu lena phríomhchúram agus nach gcuireann siad baint amach an phríomhchúraim sin i mbaol. Aon ioncam a ghintear ó ghníomhaíochtaí eacnamaíocha teoranta den sórt sin, úsáidfidh EHRI-ERIC é chun tacaíocht bhreise a thabhairt dá chúraimí agus dá ghníomhaíochtaí.

1.   Beidh EHRI-ERIC ann go ceann tréimhse ama éiginnte.

2.   Déanfar EHRI-ERIC a fhoirceannadh tar éis cinneadh ón gComhthionól Ginearálta i gcomhréir le hAirteagal 20(6)(i) de na reachtanna seo.

3.   Gan moill mhíchuí agus in aon chás laistigh de 10 lá oibre tar éis ghlacadh an chinnidh maidir le foirceannadh, tabharfaidh EHRI-ERIC fógra don Choimisiún Eorpach faoin gcinneadh.

4.   I dtaca le sócmhainní a bheidh fágtha tar éis íocaíocht fhiacha EHRI-ERIC, déanfar iad a chionroinnt ar na Comhaltaí i gcomhréir lena ranníocaíochtaí bliantúla carntha le EHRI-ERIC le 5 bliana as a chéile roimh an mbliain ina ndearnadh an cinneadh foirceannadh a dhéanamh.

5.   Gan moill mhíchuí agus in aon chás laistigh de 10 lá oibre ó dhúnadh an nós imeachta foirceanta, tabharfaidh EHRI-ERIC fógra faoi sin don Choimisiún Eorpach.

6.   Tiocfaidh deireadh le EHRI-ERIC an lá a fhoilseoidh an Coimisiún Eorpach an fógra iomchuí in Iris Oifigiúil an Aontais Eorpaigh.

1.   Beidh EHRI-ERIC faoi dhliteanas i leith a chuid fiach.

2.   Níl na Comhaltaí faoi dhliteanas comhpháirteach i leith fhiacha EHRI-ERIC.

3.   Beidh dliteanas airgeadais na gComhaltaí i leith fhiacha EHRI-ERIC teoranta dá ranníocaíocht bhliantúil féin sa bhliain iomlán dheireanach d’oibriú.

4.   Beidh árachas iomchuí ag EHRI-ERIC chun na rioscaí a bhaineann go sonrach lena oibriú a chumhdach.

1.   I dtaca le gníomhaíochtaí agus torthaí EHRI-ERIC, déanfaidh painéal neamhspleách ar a mbeidh saineolaithe idirnáisiúnta arna gceapadh ag an gComhthionól Ginearálta ar bhonn domhanda meastóireacht orthu gach 3 bliana, gan ceanglas a bheith ann gur gá a bheith bunaithe i dTír is Comhalta ná i dTír is Breathnóir.

2.   Déanfaidh an painéal saineolaithe meastóireacht ar ghníomhaíochtaí eolaíocha EHRI-ERIC agus tarchuirfidh sé torthaí na meastóireachta chuig an gComhthionól Ginearálta.

3.   Cuideoidh Coiste na gComhordaitheoirí Náisiúnta leis an bpainéal an mheastóireacht eolaíoch a dhéanamh tríd an bhfaisnéis uile is gá a sholáthar faoi ghníomhaíochtaí na Nód Náisiúnta.

1.   Deonóidh EHRI-ERIC rochtain fhisiciúil agus fhíorúil dá úsáideoirí ar acmhainní agus ar shaineolas atá ábhartha don Uileloscadh. Féadfaidh an Mol Lárnach nó na Nóid Náisiúnta acmhainní agus saineolas ábhartha a óstáil. I gceachtar cás, soláthraítear d’úsáideoirí pointe iontrála aonair arna bhainistiú ag an Mol Lárnach.

2.   Nuair is féidir, soláthrófar rochtain ar bhonn rochtain leathan — i.e. rochtain neamhshrianta, saor in aisce agus oscailte d’aon duine. I gcásanna inar gá rochtain a shrianadh ar chúiseanna a bhaineann le hacmhainneacht, déanfar an roghnú ar bhonn barr feabhais.

3.   Cuirfear faisnéis faoi dheiseanna rochtana, nósanna imeachta agus critéir mheastóireachta ar fáil go poiblí ar shuíomh gréasáin EHRI-ERIC.

4.   Beidh Beartas Rochtana EHRI-ERIC ina ábhar do dhoiciméad rialála sonrach, faoi réir formheas ón gComhthionól Ginearálta.

1.   Éascaitheoir i leith taighde a bheidh in EHRI-ERIC agus spreagfaidh sé go ginearálta an oiread saor-rochtana agus is féidir ar shonraí agus ar thorthaí taighde.

2.   Spreagfaidh EHRI-ERIC úsáideoirí chun a dtorthaí taighde a chur ar fáil trí stór EHRI-ERIC agus/nó trí stórtha eile laistigh de thréimhse réasúnta agus i gcomhréir leis na prionsabail maidir le Sonraí FAIR (So-aimsitheacht, Inrochtaineacht, Idir-inoibritheacht agus In-athúsáidteacht) agus laistigh de thréimhse réasúnta.

3.   Ceanglóidh EHRI-ERIC ar a Úsáideoirí úsáid EHRI-ERIC a aithint.

4.   Úsáidfidh EHRI-ERIC na cainéil is iomchuí agus is forleithne chun a spriocphobail a shroicheadh, lena n-áirítear suíomh gréasáin, nuachtlitreacha, na meáin, na meáin shóisialta, ceardlanna, láithreacht ag comhdhálacha, ailt in irisí agus irisleabhair, agus ábhar le cur i gcló agus le craoladh chomh maith le cainéil eile de réir mar is iomchuí.

1.   Tuigfear an téarma ‘maoin intleachtúil’ i gcomhréir le hAirteagal 2 den Choinbhinsiún lena mbunaítear an Eagraíocht Dhomhanda um Maoin Intleachtúil a síníodh an 14 Iúil 1967.

2.   Faoi réir aon chonartha idir EHRI-ERIC agus tríú páirtí, beidh cearta maoine intleachtúla arna gcruthú, arna bhfáil nó arna bhforbairt ag tríú páirtí faoi úinéireacht an tríú páirtí sin.

3.   Faoi réir aon chonartha idir EHRI-ERIC agus tríú páirtí, beidh cearta maoine intleachtúla arna gcruthú, arna bhfáil nó arna bhforbairt ag EHRI-ERIC faoi úinéireacht EHRI-ERIC.

4.   Féadfaidh EHRI-ERIC aon bheartas breise maidir le maoin intleachtúil a ghlacadh a bheidh le formheas ag an gComhthionól Ginearálta.

1.   Beidh an nós imeachta roghnúcháin le haghaidh phoist foirne EHRI-ERIC trédhearcach agus neamh-idirdhealaitheach agus urramófar leo comhionannas deiseanna.

2.   Cloífidh conarthaí fostaíochta le dlíthe náisiúnta na tíre ina bhfuil an fhoireann fostaithe nó na tíre ina bhfuil siad ag obair, de réir mar a fhéadfar a chinneadh leis an dlí is infheidhme.

3.   Leagfar amach rialacha mionsonraithe maidir le hearcaíocht foirne sna rialacha cur chun feidhme agus glacfaidh an Comhthionól Ginearálta iad.

1.   Le beartas EHRI-ERIC um sholáthar urramófar prionsabail na trédhearcachta, an neamh-idirdhealaithe agus na hiomaíochta.

2.   Glacfaidh EHRI-ERIC a rialacha agus a nósanna imeachta soláthair féin, a bheidh le formheas ag an gComhthionól Ginearálta.

1.   Is é an Béarla an teanga oibre a bheidh ag EHRI-ERIC.

1.   Coinneofar na reachtanna cothrom le dáta agus beidh siad ar fáil go poiblí ar shuíomh gréasáin EHRI-ERIC agus ag an oifig chláraithe.

2.   Déanfar aon leasú ar na reachtanna a léiriú go soiléir le nóta ina sonrófar an mbaineann an leasú le gné fhíor-riachtanach nó neamhriachtanach de na reachtanna i gcomhréir le hAirteagal 11 de Rialachán (CE) Uimh. 723/2009.

1.   Féadfaidh na heintitis seo a leanas teacht chun bheith ina gComhaltaí de EHRI-ERIC nó a bheith ina mBreathnóirí gan cearta vótála:

2.   Déanfar ligean isteach Comhaltaí agus Breathnóirí nua agus déanfar tarraingt siar agus foirceannadh comhaltais agus breathnadóireachta i gcomhréir le hAirteagail 14 agus 15.

3.   Beidh ar a laghad Ballstát amháin agus dhá thír eile, ar Ballstáit nó Tíortha Comhlachaithe iad, san áireamh i gcomhaltaí EHRI-ERIC.

4.   Beidh tromlach na gceart vótála sa Chomhthionól Ginearálta ag na Ballstáit nó ag na Tíortha Comhlachaithe go comhpháirteach. Cinnfidh an Comhthionól Ginearálta aon mhodhnú ar chearta vótála is gá chun a áirithiú go gcomhlíonfaidh EHRI-ERIC leis an gceanglas sin i gcónaí.

5.   Féadfaidh eintiteas poiblí amháin nó eintiteas príobháideach amháin, nó níos mó ná sin, ag a bhfuil misean seirbhíse poiblí, ionadaíocht a dhéanamh d’aon Chomhalta nó d’aon Bhreathnóir dá dtagraítear i mír 1(a) go (c), ar comhalta nó breathnóir é a roghnóidh an t-eintiteas as féin agus a cheapfar i gcomhréir lena rialacha agus nósanna imeachta féin. Cuirfidh gach Comhalta nó gach Breathnóir an Comhthionól Ginearálta ar an eolas i scríbhinn faoi aon athrú ar a eintitis a bhfuil ionadaíocht á déanamh acu, faoi na cearta agus na hoibleagáidí sonracha a tarmligeadh chuige nó faoi aon athrú ábhartha eile.

6.   Liostaítear Comhaltaí agus Breathnóirí EHRI-ERIC agus a n-eintitis a bhfuil ionadaíocht á déanamh acu in Iarscríbhinn I. Is é an Oifig Lárnach a choinneoidh Iarscríbhinn I cothrom le dáta.

1.   Eintitis dá dtagraítear in Airteagal 13(1) atá toilteanach a bheith ina gComhaltaí EHRI-ERIC, cuirfidh siad iarratas i scríbhinn faoi bhráid Chathaoirleach an Chomhthionóil Ghinearálta agus faoi bhráid an Stiúrthóra. Tabharfar tuairisc san iarratas sin ar an gcaoi a rannchuideoidh an t-eintiteas le cúraimí agus gníomhaíochtaí EHRI-ERIC a thuairiscítear in Airteagal 2 agus ar an gcaoi a gcomhlíonfaidh sé na hoibleagáidí dá dtagraítear in Airteagal 16(2).

2.   Beidh ligean isteach na n-eintiteas mar Chomhaltaí nua faoi réir fhormheas an Chomhthionóil Ghinearálta, de réir na rialacha vótála a dtugtar tuairisc orthu in Airteagal 20(6)(c) agus tar éis comhairle a fháil ón mBord Comhairleach.

3.   Eintitis dá dtagraítear in Airteagal 13(1) atá toilteanach rannchuidiú le EHRI-ERIC, ach nach bhfuil in ann dul isteach mar Chomhaltaí go fóill, féadfaidh siad iarratas a dhéanamh ar stádas Breathnóra. Cuirfidh na heintitis sin iarratas i scríbhinn faoi bhráid Chathaoirleach an Chomhthionóil Ghinearálta agus faoi bhráid an Stiúrthóra. Tabharfar tuairisc san iarratas sin ar an gcaoi a rannchuideoidh an t-iarratasóir le cúraimí agus gníomhaíochtaí EHRI-ERIC a thuairiscítear in Airteagal 2 agus ar an gcaoi a gcomhlíonfaidh sé na hoibleagáidí dá dtagraítear in Airteagal 17(2).

4.   Beidh ligean isteach Breathnóirí nó síneadh le stádas Breathnóra faoi réir fhormheas an Chomhthionóil Ghinearálta, de réir na rialacha vótála a dtugtar tuairisc orthu in Airteagal 20(6)(c) agus tar éis comhairle a fháil ón mBord Comhairleach.

5.   I gcás ina vótálfaidh an Comhthionól Ginearálta chun iarratasóir a ligean isteach mar Bhreathnóir, beidh sé teoranta do thréimhse 3 bliana. Féadfaidh breathnóirí iarratas a dhéanamh uair amháin ar shíneadh a chur lena stádas Breathnóra ar feadh na tréimhse céanna.

6.   Eintiteas a mheasann go mbeidh rannpháirtíocht fhadtéarmach aige in EHRI-ERIC, ach nach bhfuil in ann a bheith ina Chomhalta, féadfar stádas Breathnóra Bhuain a bhronnadh air i gcásanna eisceachtúla. Beidh na cearta agus na hoibleagáidí céanna ag Breathnóirí Buana agus atá ag Comhaltaí dá bhforáiltear in Airteagal 16, cé is moite den cheart vótála ag an gComhthionól Ginearálta.

1.   Ní fhéadfaidh Comhalta tarraingt siar laistigh de na chéad 5 bliana dá chomhaltas mura gcomhaontóidh an Comhthionól Ginearálta a mhalairt go heisceachtúil. Déanfar an tarraingt siar ag deireadh bliana airgeadais.

2.   Faoi réir 16(1), féadfaidh Comhalta a chomhaltas a tharraingt siar tráth ar bith tar éis réamhfhógra 12 mhí i scríbhinn a thabhairt do Chathaoirleach an Chomhthionóil Ghinearálta. Tiocfaidh an tarraingt siar i bhfeidhm ag deireadh na chéad bhliana airgeadais eile ina mbeidh fógra um tharraingt siar tugtha, is é sin an 31 Nollaig an bhliain dár gcionn.

3.   Ní fhéadfaidh Breathnóirí EHRI-ERIC tarraingt siar laistigh de na chéad 3 bliana dá mbreathnóireacht mura gcomhaontóidh an Comhthionól Ginearálta a mhalairt go heisceachtúil. Tar éis na tréimhse 3 bliana, féadfaidh Breathnóir EHRI-ERIC tarraingt siar ag deireadh bliana airgeadais trí fhógra 6 mhí i scríbhinn maidir le tarraingt siar a thabhairt do Chathaoirleach an Chomhthionóil Ghinearálta.

4.   Féadfaidh an Comhthionól Ginearálta comhaltas nó stádas breathnóra a fhoirceannadh má chomhlíontar na coinníollacha seo a leanas:

5.   Saineoidh an Comhthionól Ginearálta sna rialacha nós imeachta cad is sárú tromchúiseach ar oibleagáid ann.

6.   Leanfaidh Comhaltaí agus Breathnóirí dá dtáillí comhaltais nó breathnóra a íoc agus de gach oibleagáid airgeadais agus eile a chomhlíonadh go dtí go dtiocfaidh an tarraingt siar nó an foirceannadh i bhfeidhm.

7.   D’ainneoin Airteagal 15(1), Airteagal 15(2) agus Airteagal 15(3), féadfaidh Comhaltaí agus Breathnóirí dá dtagraítear in Airteagal 13(1)(b) agus (c) tarraingt siar as EHRI-ERIC tar éis athruithe ar Rialachán (CE) Uimh. 723/2009 a dhéanfadh difear ábhartha dá gcearta agus dá n-oibleagáidí i ndáil le EHRI-ERIC. Leis na hathruithe sin, meastar go ndéantar difear ábhartha dá gcearta agus dá n-oibleagáidí i gcás ina bhfuil an méid seo a leanas i gceist leo nó i gcás ina bhforchuireann siad an méid seo a leanas ar an gcomhalta nó ar an mbreathnóir sonrach sin:

Féadfaidh an comhalta nó an breathnóir dá ndéantar difear (nach Ballstát é), tarraingt siar as EHRI-ERIC tar éis réamhfhógra 6 mhí i scríbhinn a thabhairt do Chathaoirleach an Chomhthionóil Ghinearálta.

1.   Beidh sé de cheart ag Comhaltaí:

2.   Déanfaidh gach Comhalta an méid seo a leanas:

3.   Féadfaidh an Comhthionól Ginearálta a chinneadh cearta vótála Comhalta a chur ar fionraí má tá an Comhalta sin i riaráiste 12 mhí nó níos mó maidir lena oibleagáidí faoi Airteagal 16(2)(d) a chomhlíonadh, go dtí go n-íocfar na ranníocaíochtaí ina n-iomláine.

1.   Beidh sé de cheart ag Breathnóirí:

2.   Déanfaidh gach Breathnóir an méid seo a leanas:

3.   Féadfaidh an Comhthionól Ginearálta a chinneadh cearta Breathnóra a chur ar fionraí má tá an Breathnóir sin i riaráiste 12 mhí nó níos mó maidir lena oibleagáidí faoi Airteagal 17(2)(b) a chomhlíonadh, go dtí go n-íocfar na ranníocaíochtaí ina n-iomláine.

1.   Féadfaidh EHRI-ERIC comhaontuithe comhair a dhéanamh le Comhpháirtithe Comhoibritheacha i dtíortha nach Comhalta ná Breathnóir EHRI-ERIC iad.

2.   Chun sástacht an Chomhthionóil Ghinearálta, ní mór do Chomhpháirtithe Comhoibritheacha rannchuidiú le cúraimí agus gníomhaíochtaí EHRI-ERIC a chomhlíonadh.

3.   Tabharfaidh Stiúrthóir EHRI-ERIC an comhaontú comhair i gcrích tar éis formheas a fháil ón gComhthionól Ginearálta. Bunófar leis an gcomhaontú comhair na téarmaí agus na coinníollacha faoina bhféadfaidh an Comhpháirtí Comhoibritheach dul i dteagmháil le EHRI-ERIC agus gealltanas a thabhairt maidir leis na cúraimí agus na gníomhaíochtaí a leagtar amach in Airteagal 2.

1.   Beidh na comhlachtaí seo a leanas i struchtúr rialachais EHRI-ERIC:

2.   Féadfaidh an Comhthionól Ginearálta coistí breise a bhunú de réir mar is gá d’fheidhmiú cuí EHRI-ERIC.

1.   Is é an Comhthionól Ginearálta an comhlacht rialaithe is airde de chuid EHRI-ERIC a bhfuil cumhacht chinnteoireachta iomlán aige. Beidh an Comhthionól Ginearálta comhdhéanta d’ionadaithe na gComhaltaí agus na mBreathnóirí.

2.   Ainmneoidh gach Comhalta suas le beirt ionadaithe, ach ní bheidh an vóta ach ag ionadaí amháin. Ainmneoidh gach Breathnóir suas le beirt ionadaithe, ach ní bheidh aon chearta vótála acu. Féadfaidh suas le beirt saineolaithe cúnamh a thabhairt d’ionadaithe na gComhaltaí agus na mBreathnóirí.

3.   Tiocfaidh an Comhthionól Ginearálta le chéile uair sa bhliain ar a laghad i ngnáthchruinniú.

4.   Beidh an Comhthionól Ginearálta freagrach as treoir agus maoirseacht fhoriomlán EHRI-ERIC i gcomhréir le forálacha na reachtanna seo agus déanfaidh sé cinneadh maidir le haon ábhar is gá chun misean EHRI-ERIC a chomhlíonadh.

5.   Maidir le gach mír, déanfaidh an Comhthionól Ginearálta a dhícheall teacht ar chomhthoil. Mura féidir teacht ar chomhthoil, déanfaidh an Comhthionól Ginearálta cinntí i gcomhréir leis an gcóras vótála mar a shainítear i míreanna 6, 7 agus 8. I gcás comhaltaí a staonann ón vótáil, measfar iad a bheith as láthair gan aon éifeacht ar an gcóram is gá chun an cruinniú a bheith ann faoi Airteagal 20(11).

6.   Beidh tromlach dhá thrian de na vótaí arna gcaitheamh ag na Comhaltaí a bheidh ag freastal ar an gcruinniú ag teastáil le haghaidh na gcinntí seo a leanas:

7.   Beidh aontoilíocht na vótaí arna gcaitheamh ag na Comhaltaí a bheidh ag freastal ar an gcruinniú ag teastáil le haghaidh na gcinntí seo a leanas:

Nuair nach féidir cinneadh a dhéanamh maidir leis na hathruithe ar an tSamhail Airgeadais, ar ranníocaíochtaí Comhaltaí agus Breathnóirí, ar an bplean airgeadais 5 bliana nó ar leasuithe ar reachtanna EHRI-ERIC ag dhá bhallóid as a chéile ag cruinnithe ar leithligh, déanfar an cinneadh le tromlach trí cheathrú ag an tríú ballóid a eagrófar ag cruinniú as a chéile.

8.   Déanfar gach ábhar eile nach sainítear gur gá tromlach dhá thrian nó aontoilíocht na vótaí arna gcaitheamh ina leith a chinneadh trí thromlach simplí de na vótaí arna gcaitheamh.

9.   Toghfaidh an Comhthionól Ginearálta Cathaoirleach agus Leas-Chathaoirleach as measc ionadaithe na gComhaltaí ar feadh téarma 3 bliana, tréimhse is féidir a athnuachan ar feadh suas le 3 bliana, uair amháin. Is é an Cathaoirleach a chomórfaidh cruinnithe an Chomhthionóil Ghinearálta nó, má bhíonn sé nó sí as láthair, is é an Leas-Chathaoirleach a chomórfaidh iad. Ní bheidh aon chearta vótála breise ag an gCathaoirleach ná ag an Leas-Chathaoirleach.

10.   Féadfaidh leath de na Comhaltaí ar a laghad cruinniú urghnách den Chomhthionól Ginearálta a iarraidh.

11.   Beidh córam dhá thrian de na Comhaltaí ag teastáil chun cruinniú bailí den Chomhthionól Ginearálta a bheith ann. Mura mbeidh córam ann, tionólfar an cruinniú arís eile laistigh de mhí amháin tar éis cuireadh nua, agus beidh an clár oibre céanna ann. Beidh córam ann ag an athchruinniú má bhíonn leath de na Comhaltaí i láthair.

12.   Féadfar gnáthchruinnithe agus cruinnithe urghnácha den Chomhthionól Ginearálta a thionól ar an láthair nó go fíorúil.

13.   Más rud é, ar chúiseanna práinne, nach féidir cinneadh sonrach a chur siar chuig an gcéad ghnáthchruinniú nó chuig an gcéad chruinniú urghnách eile den Chomhthionól Ginearálta, féadfaidh an Cathaoirleach iarraidh ar chinneadh a chur isteach trí nós imeachta i scríbhinn.

14.   Glacfaidh an Comhthionól Ginearálta a rialacha nós imeachta féin.

1.   Ceapfaidh an Comhthionól Ginearálta Stiúrthóir ar feadh téarma 5 bliana. Féadfar an ceapachán a athnuachan uair amháin go ceann tréimhse bhreise suas le 5 bliana.

2.   Is é an Stiúrthóir príomhoifigeach feidhmiúcháin agus ionadaí dlíthiúil EHRI-ERIC.

3.   Déanfaidh an Stiúrthóir foireann na Lároifige a cheapadh agus a bhriseadh as a post.

4.   Beidh an Stiúrthóir freagrach as an méid seo a leanas:

1.   Bunóidh an Comhthionól Ginearálta Coiste na gComhordaitheoirí Náisiúnta.

2.   Ceapfaidh gach Nód Náisiúnta Comhordaitheoir Náisiúnta amháin de réir a rialacha agus a nósanna imeachta féin. Freastalóidh an Comhordaitheoir Náisiúnta ar chruinnithe Choiste na gComhordaitheoirí Náisiúnta thar ceann an Nóid Náisiúnta agus déanfaidh sé ionadaíocht ar gach institiúid a bhfuil baint acu leis an Nód Náisiúnta.

3.   Toghfaidh Coiste na gComhordaitheoirí Náisiúnta Cathaoirleach agus Leas-Chathaoirleach as measc a Chomhaltaí ar feadh tréimhse trí bliana, tréimhse nach féidir a athnuachan.

4.   Déanfaidh Coiste na gComhordaitheoirí Náisiúnta an méid seo a leanas:

5.   Formheasfaidh an Comhthionól Ginearálta rialacha nós imeachta Choiste na gComhordaitheoirí Náisiúnta.

1.   Bunóidh an Comhthionól Ginearálta Bord Comhairleach neamhspleách. Beidh an Bord Comhairleach comhdhéanta d’eolaithe, de scoláirí agus de shaineolaithe oirirce a aithnítear go hidirnáisiúnta, agus ionadaithe na bpáirtithe leasmhara ó na disciplíní éagsúla lena mbíonn EHRI-ERIC rannpháirteach. Ceapfaidh an Comhthionól Ginearálta comhaltaí an Bhoird Chomhairligh ar bhonn domhanda, gan ceanglas a bheith ann gur gá a bheith bunaithe i dtír is Comhalta ná i dtír is Breathnóir agus gníomhóidh siad ar a dteideal pearsanta agus coinbhleachtaí leasa eagraíochtúla agus pearsanta le EHRI-ERIC á seachaint san am céanna.

2.   Déanfaidh an Bord Comhairleach an méid seo a leanas:

3.   Is é an Comhthionól Ginearálta a cheapfaidh an Bord Comhairleach le haghaidh téarmaí in-athnuaite 3 bliana bunaithe ar thograí an Stiúrthóra.

4.   Toghfaidh an Bord Comhairleach Cathaoirleach agus Leas-Chathaoirleach as a Chomhaltaí. Comórfaidh an Cathaoirleach cruinnithe uile an Bhoird Chomhairligh agus déanfaidh sé nó sí cathaoirleacht orthu.

5.   Tiocfaidh an Bord Comhairleach le chéile uair amháin sa bhliain ar a laghad.

6.   Féadfaidh an Bord Comhairleach é féin a roinnt ina choistí speisialaithe chun aghaidh a thabhairt ar riachtanais nó ar pheirspictíochtaí sonracha EHRI-ERIC.

7.   Formheasfaidh an Comhthionól Ginearálta rialacha nós imeachta an Bhoird Chomhairligh.

1.   Féadfaidh an Comhthionól Ginearálta a chinneadh Coiste Stiúrtha a bhunú.

2.   Beidh an Coiste Stiúrtha comhdhéanta den Stiúrthóir, de Chathaoirleach Choiste na gComhordaitheoirí Náisiúnta agus de dhaoine oirirce a bhfuil saineolas ábhartha acu arna dtoghadh ag Coiste na gComhordaitheoirí Náisiúnta.

3.   Soláthróidh an Coiste Stiúrtha saineolas don Stiúrthóir maidir leis na réimsí éagsúla a bhfuil forbairt á déanamh ag EHRI-ERIC orthu agus tabharfaidh sé comhairle maidir le forbairt straitéise agus seirbhíse.

4.   Beidh an Stiúrthóir ina Chathaoirleach ar an gCoiste Stiúrtha.

1.   Is iad na nithe seo a leanas a bheidh in acmhainní CTAO ERIC:

2.   Úsáidfear ranníocaíochtaí agus acmhainní chun na cúraimí agus na gníomhaíochtaí a leagtar amach in Airteagal 2 de na reachtanna seo a shaothrú.

1.   Tosóidh bliain airgeadais EHRI-ERIC an 1 Eanáir agus críochnóidh sí an 31 Nollaig gach bliain.

2.   Beidh tuarascáil ar bhainistíocht bhuiséadach agus airgeadais na bliana airgeadais ag gabháil le cuntais EHRI-ERIC.

3.   Beidh EHRI-ERIC faoi réir cheanglais dhlí na tíre ina bhfuil a oifig chláraithe a mhéid a bhaineann le cuntais a ullmhú, a chomhdú, a iniúchadh agus a fhoilsiú.

4.   Áiritheoidh EHRI-ERIC go n-úsáidfear a chuid acmhainní i gcomhréir le prionsabail na bainistíochta fónta airgeadais.

5.   Féadfaidh EHRI-ERIC a rialacha airgeadais breise féin a ghlacadh, rialacha a bheidh le formheas ag an gComhthionól Ginearálta.

1.   Díolúintí CBL bunaithe ar Airteagal 143(1)(g) agus ar Airteagal 151(1)(b) de Threoir 2006/112/CE ón gComhairle agus i gcomhréir le hAirteagail 50 agus 51 de Rialachán Cur Chun Feidhme (AE) Uimh. 282/2011 ón gComhairle, beidh siad teoranta do cheannacháin earraí nó seirbhísí a dhéanfaidh EHRI-ERIC agus a Chomhaltaí, mar a shainítear in Airteagal 9(1) de Rialachán (CE) Uimh. 723/2009 ón gComhairle an 25 Meitheamh 2009 maidir le creat dlíthiúil an Chomhphobail le haghaidh Cuibhreannas don Bhonneagar Taighde Eorpach (ERIC), atá le húsáid go hoifigiúil agus go heisiach ag EHRI-ERIC, ar choinníoll go ndéanfar ceannacháin den sórt sin le haghaidh ghníomhaíochtaí neamheacnamaíocha EHRI-ERIC i gcomhréir lena ghníomhaíochtaí agus lena n-aghaidh sin amháin. Beidh díolúintí CBL teoranta do cheannacháin ar mó a luach ná EUR 300 gan CBL san áireamh.

2.   Díolúintí ó dhleacht mháil, bunaithe ar Airteagal 11 de Threoir (AE) 2020/262 ón gComhairle, beidh siad teoranta do cheannacháin a dhéanfaidh EHRI-ERIC, ar ceannacháin iad atá le húsáid go hoifigiúil agus go heisiach ag EHRI-ERIC ar choinníoll go ndéanfar ceannacháin den sórt sin le haghaidh ghníomhaíochtaí neamheacnamaíocha EHRI-ERIC i gcomhréir lena ghníomhaíochtaí, agus lena n-aghaidh sin amháin, agus gur mó luach an cheannacháin ná EUR 300 gan CBL san áireamh.

3.   Ní chumhdaítear ceannacháin a dhéanfaidh baill foirne leis na díolúintí thuas.

1.   Déanfaidh EHRI-ERIC foinse oscailte, rochtain oscailte agus na Prionsabail maidir le Sonraí FAIR a chur chun cinn.

2.   Beidh bailiú agus úsáid shonraí EHRI-ERIC faoi réir dlíthe Eorpacha agus náisiúnta maidir le cosaint sonraí pearsanta.

3.   Taighde a dhéantar agus úsáid á baint as ábhar a chuirtear ar fáil trí EHRI-ERIC, soláthróidh EHRI-ERIC treoraíocht d’úsáideoirí chun a áirithiú go ndéanfar an taighde sin laistigh de chreat lena n-aithnítear cearta úinéirí sonraí agus príobháideachas daoine aonair.

4.   Áiritheoidh EHRI-ERIC go n-aontóidh úsáideoirí leis na téarmaí agus na coinníollacha lena rialaítear rochtain agus go bhfuil socruithe slándála oiriúnacha i bhfeidhm maidir le stóráil inmheánach agus láimhseáil.

5.   Saineoidh EHRI-ERIC socruithe chun imscrúdú a dhéanamh ar líomhaintí maidir le sáruithe slándála agus nochtaí rúndachta i ndáil le sonraí taighde.

6.   Áiritheoidh EHRI-ERIC go dtabharfar aitheantas do sholáthraithe sonraí, d’údair sonraí agus do lógó EHRI-ERIC ar bhealach iomchuí.

7.   Glacfaidh EHRI-ERIC beartas sonraí, a bheidh le formheas ag an gComhthionól Ginearálta.

1.   Cuirfidh EHRI-ERIC tuarascáil bhliantúil ar ghníomhaíochtaí ar fáil, tuarascáil ina mbeidh gnéithe eolaíocha, oibríochtúla agus airgeadais dá chuid gníomhaíochtaí go háirithe. Déanfaidh an Comhthionól Ginearálta an tuarascáil a fhormheas agus tarchuirfear í chuig an gCoimisiún Eorpach agus chuig na húdaráis phoiblí ábhartha laistigh de 6 mhí ó dheireadh na bliana airgeadais comhfhreagraí. Cuirfear an tuarascáil sin ar fáil go poiblí.

2.   Cuirfidh EHRI-ERIC an Coimisiún Eorpach ar an eolas faoi aon imthosca a d’fhéadfadh cur i gcrích chúraimí EHRI-ERIC a chur i mbaol go mór nó bac a chur ar EHRI-ERIC na ceanglais a leagtar síos i Rialachán (CE) Uimh. 723/2009 a chomhlíonadh.

1.   Rialófar feidhmiú inmheánach EHRI-ERIC leis na nithe seo a leanas:

1.   I gcás ina mbeidh díospóid nó easaontas ann idir na Comhaltaí a eascraíonn as na reachtanna nó a bhaineann leo, tiocfaidh an Comhthionól Ginearálta le chéile a luaithe is féidir le réasún chun dul i gcomhairle le chéile de mheon macánta agus chun an díospóid a réiteach go cairdiúil.

2.   Beidh dlínse ag Cúirt Bhreithiúnais an Aontais Eorpaigh i dtaca le dlíthíocht i measc na gComhaltaí agus na mBreathnóirí i ndáil le EHRI-ERIC, idir Comhaltaí agus Breathnóirí agus EHRI-ERIC, agus i dtaca le haon dlíthíocht lena bhfuil an tAontas ina pháirtí.

3.   Beidh feidhm ag reachtaíocht an Aontais Eorpaigh maidir le dlínse i ndáil le díospóidí idir EHRI-ERIC agus tríú páirtithe. I gcásanna nach gcumhdaítear le reachtaíocht an Aontais, is faoi dhlí an Stáit ina bhfuil oifig chláraithe EHRI-ERIC a chinnfear an dlínse inniúil chun na díospóidí sin a réiteach.

1.   Gairfidh an tír óstach cruinniú bunreachtúil den Chomhthionól Ginearálta a luaithe is féidir tar éis theacht i bhfeidhm an chinnidh ón gCoimisiún lena mbunaítear EHRI-ERIC.

2.   Sula dtionólfar an chéad chruinniú agus tráth nach déanaí ná 45 lá féilire tar éis theacht i bhfeidhm an chinnidh ón gCoimisiún Eorpach lena mbunaítear EHRI-ERIC, tabharfaidh an tír óstach fógra do na comhaltaí agus na breathnóirí bunaidh faoi aon ghníomhaíocht dhlíthiúil phráinneach shonrach is gá a dhéanamh thar ceann EHRI-ERIC. Mura rud é go ndéanann comhalta bunaidh agóid laistigh de 5 lá oibre tar éis dó an fógra a fháil, déanfaidh duine arna údarú go cuí ag an tír óstach an ghníomhaíocht dhlíthiúil.