|
1.6.2022 |
GA |
Iris Oifigiúil an Aontais Eorpaigh |
C 217/28 |
Réamhfhógra faoi chomhchruinniú
(Cás M.10698 – MITSUI / INDOMOBIL / PTL / JV)
Cás a d’fhéadfaí a chur faoin nós imeachta simplithe
(Téacs atá ábhartha maidir le LEE)
(2022/C 217/05)
1.
An 20 Bealtaine 2022, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).Is leis na gnóthais seo a leanas a bhaineann an fógra sin:
|
— |
Mitsui & Co. Ltd. (“Mitsui”, an tSeapáin), |
|
— |
PTS Investments LLC (“PTS Investments”, Stáit Aontaithe Mheiriceá), fochuideachta faoi lánúinéireacht ag Penske Truck Leasing Co., L.P (“PTL”, Stáit Aontaithe Mheiriceá) faoi rialú deiridh Penske Corporation (“Penske”,Stáit Aontaithe Mheiriceá), |
|
— |
PT CSM Corporatama (“Indorent”, an Indinéis) a bhaineann le PT Indomobil Sukses Internasional, Tbk (“Indomobil”, an Indinéis), agus, |
|
— |
JV (an Indinéis). |
Gheobhaidh Mitsui, PTS Investments agus Indorent rialú comhpháirteach ar JV de réir bhrí Airteagail 3(1)(b) agus 3(4) den Rialachán um Chumaisc.
Is trí cheannach scaireanna i gcuideachta nuabhunaithe, ar cuideachta í atá ina comhfhiontar, atáthar ag déanamh an chomhchruinnithe.
2.
Is iad seo a leanas gníomhaíochtaí gnó na ngnóthas lena mbaineann agus an chomhfhiontair nuabhunaithe:|
— |
Mitsui: cuideachta trádála, bainistíochta gnó agus forbartha tionscadail, atá gníomhach in earnálacha éagsúla, lena n-áirítear na hearnálacha seo a leanas: (i) táirgí iarainn agus cruach; (ii) acmhainní mianracha agus miotail; (iii) tionscadail bhonneagair; (iv) soghluaisteacht; (v) ceimiceáin bhunúsacha; (vi) ceimiceáin feidhmíochta; (vii) fuinneamh; (viii) acmhainní bia; (ix) seirbhísí tomhaltóirí; agus (x) TF agus forbairt cumarsáide/chorparáideach, |
|
— |
PTS Investments: fochuideachta faoi lánúinéireacht ag PTL, a chuireann seirbhísí iompair agus seirbhísí slabhra soláthair ar fáil, |
|
— |
Indorent: fochuideachta faoi lánúinéireacht ag Indomobil, monaróir gluaisteán agus gluaisrothar. Cuireann Indorent seirbhísí iompair agus seirbhísí cíosa feithicle le haghaidh custaiméirí corparáideacha ar fáil, |
|
— |
JV: comhfhiontar láithreán úrnua a bhunófar agus a fheidhmeoidh sa ghnó tráchtála léasaithe feithiclí san Indinéis. |
3.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart faoinar tugadh fógra a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.De bhun an Fhógra ón gCoimisiún maidir le nós imeachta simplithe i ndáil le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara gur cás é seo ab fhéidir a chóireáil faoin nós imeachta a leagtar amach san Fhógra.
4.
Iarrann an Coimisiún ar thríú páirtithe leasmhara aon bharúil a bheadh acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta a fhoilsithe seo. Ba cheart an tagairt seo a leanas a lua i gcónaí:
M.10698 – MITSUI / INDOMOBIL / PENSKE / JV
Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála seo thíos:
R-phost: COMP-MERGER-REGISTRY@ec.europa.eu
Facs +32 22964301
Seoladh poist:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) IO L 24, 29.1.2004, lch. 1 (an “Rialachán um Chumaisc”).