|
22.9.2022 |
GA |
Iris Oifigiúil an Aontais Eorpaigh |
L 245/14 |
RIALACHÁN CUR CHUN FEIDHME (AE) 2022/1629 ÓN gCOIMISIÚN
an 21 Meán Fómhair 2022
lena mbunaítear bearta chun Ceratocystis platani (J.M. Walter) Engelbr. & T.C. Harr. a imshrianadh laistigh de limistéir chríochaithe áirithe
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2016/2031 ó Pharlaimint na hEorpa agus ón gComhairle an 26 Deireadh Fómhair 2016 maidir le bearta cosantacha i gcoinne lotnaidí plandaí, lena leasaítear Rialacháin (AE) Uimh. 228/2013, (AE) Uimh. 652/2014 agus (AE) Uimh. 1143/2014 ó Pharlaimint na hEorpa agus ón gComhairle agus lena n-aisghairtear Treoracha 69/464/CEE, 74/647/CEE, 93/85/CEE, 98/57/CE, 2000/29/CE, 2006/91/CE agus 2007/33/CE ón gComhairle (1), agus go háirithe Airteagal 28(1), pointí (d) agus (e), agus Airteagal 28(2) de,
De bharr an mhéid seo a leanas:
|
(1) |
Le Rialachán Cur Chun Feidhme (AE) 2019/2072 ón gCoimisiún (2), i gCuid B d’Iarscríbhinn II, leagtar síos liosta lotnaidí coraintín de chuid an Aontais is eol a bheith ann i gcríoch an Aontais. |
|
(2) |
Áirítear Ceratocystis platani (J.M. Walter) Engelbr. & T.C. Harr. (“an lotnaid shonraithe”) ar an liosta sin, toisc gur eol é a bheith ann i gcodanna áirithe de chríoch an Aontais, agus go mbíonn tionchar suntasach aige ar phlandaí Platanus L. (“na plandaí sonraithe”) agus ar adhmad Platanus L. (“an adhmad sonraithe”), arb iad príomhóstaigh na lotnaide sin. |
|
(3) |
Léirítear leis na suirbhéanna a rinneadh de bhun Airteagal 19 de Rialachán (AE) 2016/2031 nach bhfuil sé indéanta a thuilleadh an lotnaid shonraithe a dhíothú i limistéir chríochaithe áirithe. |
|
(4) |
Dá bhrí sin, ba cheart bearta a bhunú chun an lotnaid shonraithe a imshrianadh laistigh de na limistéir chríochaithe sin, limistéir ina mbeidh criosanna ionfhabhtaithe agus criosanna maolánacha. Ba cheart na bearta sin a bheith i gcomhréir leis an bhfianaise theicniúil agus eolaíoch atá ar fáil maidir leis na plandaí sonraithe agus an adhmad sonraithe. |
|
(5) |
Ba cheart do na húdaráis inniúla feasacht an phobail a mhúscailt chun a áirithiú go mbeidh an pobal i gcoitinne agus oibreoirí gairmiúla a mbaineann na bearta imshrianta sna limistéir chríochaithe leo ar an eolas faoi na bearta atá curtha i bhfeidhm agus faoi theorannú na limistéar críochaithe chun na críche sin. |
|
(6) |
Mar sin féin, má aimsítear an lotnaid shonraithe i gcrios maolánach timpeall ar chrios ionfhabhtaithe atá faoi réir bearta chun an lotnaid shonraithe a imshrianadh, ba cheart don údarás inniúil limistéar críochaithe nua a bhunú dá thoradh sin, limistéar ina dtabharfaí faoi dhíothú. |
|
(7) |
Suirbhéanna bliantúla ar láithreacht na lotnaide sonraithe, mar a leagtar amach in Airteagal 22 de Rialachán (AE) 2016/2031 agus Rialachán Cur Chun Feidhme (AE) 2020/1231 ón gCoimisiún (3), ba cheart iad a dhéanamh chun a áirithiú go mbraithfear an lotnaid shonraithe go luath i limistéir de chríoch an Aontais nach eol an lotnaid shonraithe a bheith i láthair iontu. Ba cheart na suirbhéanna sin a bheith bunaithe ar an gcárta suirbhé lotnaide ar an lotnaid shonraithe a fhoilsíonn an tÚdarás Eorpach um Shábháilteacht Bia, toisc go gcuirtear san áireamh ann na forbairtí eolaíochta agus teicniúla is déanaí. |
|
(8) |
Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Ábhar
Leis an Rialachán seo, bunaítear bearta chun Ceratocystis platani (J.M. Walter) Engelbr. & T.C. Harr. a imshrianadh laistigh de na limistéir chríochaithe sin nach bhfuil sé indéanta é a dhíothú uathu.
Airteagal 2
Sainmhínithe
Chun críocha an Rialacháin seo, tá feidhm ag na sainmhínithe seo a leanas:
|
(1) |
ciallaíonn “an lotnaid shonraithe”Ceratocystis platani (J.M. Walter) Engelbr. & T.C. Harr.; |
|
(2) |
ciallaíonn “na plandaí sonraithe” plandaí den ghéineas Platanus L. seachas síolta; |
|
(3) |
ciallaíonn “an t-adhmad sonraithe” adhmad den ghéineas Platanus L.; |
|
(4) |
ciallaíonn “an limistéar críochaithe le haghaidh imshrianadh” limistéar a liostaítear in Iarscríbhinn I, limistéar nach féidir an lotnaid shonraithe a dhíothú uaidh; |
|
(5) |
ciallaíonn “an cárta suirbhé lotnaide” an foilseachán “Cárta suirbhé lotnaide ar Ceratocystis platani” (4) de chuid an Údaráis Eorpaigh um Shábháilteacht Bia. |
Airteagal 3
Limistéir chríochaithe le haghaidh imshrianadh a bhunú
Bunóidh na húdaráis inniúla na limistéir chríochaithe le haghaidh imshrianadh na lotnaide sonraithe, limistéir ina mbeidh crios ionfhabhtaithe agus crios maolánach a bhfuil leithead 1 km ar a laghad aige timpeall an chreasa ionfhabhtaithe.
Airteagal 4
Bearta laistigh de na limistéir chríochaithe le haghaidh imshrianadh
1. Sna criosanna ionfhabhtaithe, áiritheoidh na húdaráis inniúla na rudaí seo a leanas:
|
(a) |
go mbainfear plandaí sonraithe agus adhmad sonraithe atá ionfhabhtaithe leis an lotnaid shonraithe roimh an gcéad séasúr fáis eile, agus cuirfear i bhfeidhm bearta iomchuí chun leathadh na lotnaide sonraithe ag an stumpa, ag min sáibh, ag codanna adhmaid agus ag smionagar ithreach ar an láithreán leagtha a chosc agus áiritheofar a scriosadh ag saoráidí cóireála iomchuí; |
|
(b) |
go gcuirfear toirmeasc ar ghluaiseacht adhmaid shonraithe a dhéanfaí de thoradh plandaí sonraithe atá ionfhabhtaithe leis an lotnaid shonraithe a bhaint den chrios ionfhabhtaithe, seachas sna cásanna seo a leanas:
|
|
(c) |
go gcuirfear toirmeasc ar phlandú plandaí sonraithe sna criosanna ionfhabhtaithe atá i gceist, seachas na plandaí sin is eol iad a bheith frithsheasmhach in aghaidh na lotnaide sonraithe; |
|
(d) |
go gcuirfear toirmeasc ar bhaint agus iompar ithreach ó chrios ionfhabhtaithe go criosanna eile, ach amháin má cuireadh i bhfeidhm cóireáil iomchuí roimhe sin chun a áirithiú go mbeidh sé saor ón lotnaid shonraithe; |
|
(e) |
go ndéanfar uirlisí prúnála agus innealra a ghlanadh agus a dhíghalrú sula ndéanfaidh siad teagmháil leis na plandaí sonraithe nó a n-ithir, agus i ndiaidh na teagmhála sin; agus |
|
(f) |
go gcóireálfar loit phrúnála le cóireálacha coisctheacha iomchuí, i gcás prúnáil plandaí sonraithe. |
2. Sna criosanna maolánacha, áiritheoidh na húdaráis inniúla na rudaí seo a leanas:
|
(a) |
go gcuirfear toirmeasc ar phlandú plandaí sonraithe sa chrios maolánach, seachas na plandaí sin is eol iad a bheith frithsheasmhach in aghaidh na lotnaide sonraithe; |
|
(b) |
go ndéanfar uirlisí prúnála agus innealra a ghlanadh agus a dhíghalrú sula ndéanfaidh siad teagmháil leis na plandaí sonraithe nó a n-ithir, nó le hadhmad sonraithe, agus i ndiaidh na teagmhála sin; agus |
|
(c) |
go gcóireálfar loit phrúnála le cóireálacha coisctheacha iomchuí, i gcás prúnáil plandaí sonraithe. |
3. I gcás ina ndeimhnítear go hoifigiúil go bhfuil an lotnaid shonraithe ann sa chrios maolánach, beidh feidhm ag Airteagail 17 agus 18 de Rialachán (AE) 2016/2031.
4. Laistigh de na limistéir chríochaithe le haghaidh imshrianadh, déanfaidh na húdaráis inniúla feasacht an phobail a mhúscailt maidir le bagairt na lotnaide sonraithe agus maidir leis na bearta a ghlacfar chun a leathadh lasmuigh de na limistéir sin a chosc.
Cuirfidh na húdaráis inniúla an pobal i gcoitinne agus na hoibreoirí gairmiúla lena mbaineann ar an eolas faoi theorannú an limistéir chríochaithe le haghaidh imshrianadh.
Airteagal 5
Suirbhéanna
1. Déanfaidh na húdaráis inniúla na suirbhéanna dá bhforáiltear i míreanna 2 agus 3, agus an fhaisnéis dá dtagraítear ar an gcárta suirbhé lotnaide á cur san áireamh.
2. Déanfaidh siad suirbhéanna rioscabhunaithe bliantúla ar láithreacht na lotnaide sonraithe i limistéir de chríoch an Aontais nach eol an lotnaid shonraithe a bheith i láthair iontu ach ina bhféadfadh sí a bheith bunaithe.
3. I gcriosanna maolánacha na limistéar críochaithe le haghaidh imshrianadh, déanfaidh siad suirbhéanna bliantúla, dá dtagraítear in Airteagal 19(1) de Rialachán (AE) 2016/2031, chun láithreacht na lotnaide sonraithe a bhrath.
Áireofar sna suirbhéanna sin:
|
(a) |
scrúduithe amhairc ar na plandaí sonraithe chun an lotnaid shonraithe a bhrath; agus |
|
(b) |
sampláil agus tástáil, i gcás ina bhfuil amhras ann go bhfuil an lotnaid shonraithe ann. |
Beidh na suirbhéanna sin níos déine ná na suirbhéanna dá dtagraítear i mír 2, agus déanfar níos mó scrúduithe amhairc agus, i gcás inarb iomchuí, sampláil agus tástáil mar chuid de na suirbhéanna sin.
Airteagal 6
Tuairisciú
Faoin 30 Aibreán gach bliain, cuirfidh na Ballstáit faoi bhráid an Choimisiúin agus faoi bhráid na mBallstát eile torthaí na suirbhéanna a rinneadh, sa bhliain féilire roimhe sin, de bhun:
|
(a) |
Airteagal 5(2) den Rialachán seo, agus úsáid á baint as ceann de na teimpléid a leagtar amach in Iarscríbhinn I a ghabhann le Rialachán Cur Chun Feidhme (AE) 2020/1231; |
|
(b) |
Airteagal 5(3) den Rialachán seo, agus úsáid á baint as ceann de na teimpléid a leagtar amach in Iarscríbhinn II a ghabhann leis an Rialachán seo. |
Airteagal 7
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 21 Meán Fómhair 2022.
Thar ceann an Choimisiúin
An tUachtarán
Ursula VON DER LEYEN
(1) IO L 317, 23.11.2016, lch. 4.
(2) Rialachán Cur Chun Feidhme (AE) 2019/2072 ón gCoimisiún an 28 Samhain 2019 lena mbunaítear coinníollacha aonfhoirmeacha maidir le cur chun feidhme Rialachán (AE) 2016/2031 ó Pharlaimint na hEorpa agus ón gComhairle, a mhéid a bhaineann le bearta cosanta i gcoinne lotnaidí plandaí, agus lena n-aisghairtear Rialachán (CE) Uimh. 690/2008 ón gCoimisiún agus lena leasaítear Rialachán Cur Chun Feidhme (AE) 2018/2019 ón gCoimisiún (IO L 319, 10.12.2019, lch. 1).
(3) Rialachán Cur Chun Feidhme (AE) 2020/1231 ón gCoimisiún an 27 Lúnasa 2020 maidir leis an bhformáid agus na treoracha le haghaidh na dtuarascálacha bliantúla ar thorthaí na suirbhéanna agus maidir le formáid na gclár ilbhliantúil suirbhéireachta agus na socruithe praiticiúla, dá bhforáiltear faoi seach in Airteagail 22 agus 23 de Rialachán (AE) 2016/2031 ó Pharlaimint na hEorpa agus ón gComhairle (IO L 280, 28.8.2020, lch. 1).
(4) Pest survey card on Ceratocystis platani [Cárta suirbhé lotnaide ar Ceratocystis platani]. Foilseachán tacaíochta EFSA 2021:EN-6822. doi:10.2903/sp.efsa.2021.EN-6822. Le fáil ar líne: https://arcg.is/15CyXW
IARSCRÍBHINN I
Liosta na limistéar críochaithe le haghaidh imshrianadh dá dtagraítear in Airteagal 2
An Fhrainc
|
Uimhir/ainm an limistéir chríochaithe (DA) |
Crios an DA |
Réigiún |
Bardais nó teorannuithe eile riaracháin/geografacha |
||
|
Crios ionfhabhtaithe |
Aude (11) |
100 m ar gach taobh den chanáil sna bardais seo a leanas: Alzonne; Argeliers; Argens-Minervois; Azille; Blomac; Bram; Carcassonne; Castelnaudary; Caux-et-Sauzens; Ginestas; Homps; La Redorte; Lasbordes; Marseillette; Mirepeisset; Montréal; Moussan; Narbonne; Ouveillan; Paraza; Pexiora; Pezens; Puichéric; Roubia; Saint-Martin-Lalande; Saint-Nazaire-d’Aude; Sainte-Eulalie; Sallèle d’Aude; Trèbes; Ventenac-en-Minervois; Villalier; Villedubert; Villemoustaussou; Villepinte; Villesèquelande |
||
|
Hérault (34) |
100 m ar gach taobh den chanáil sna bardais seo a leanas: Agde; Béziers; Capestang; Cers; Colombiers; Cruzy; Nissan-lez-Ensérune; Olonzac; Poilhes; Portiragnes; Quarante; Vias; Villeneuve-les-Béziers |
||||
|
Crios maolánach |
Aude (11) |
1 km thart ar an gcrios ionfhabhtaithe sna bardais seo a leanas: Alzonne; Argeliers; Argens-Minervois; Arzens; Azille; Badens; Bages; Baraigne; Barbaira; Berriac; Blomac; Bouilhonnac; Bram; Canet; Capendu; Carcassonne; Castelnau d’Aude; Castelnaudary; Caux-et-Sauzens; Conques sur Orbiel; Cuxac d’Aude; Floure; Fonties d’Aude; Ginestas; Gruissan; Homps; La Redorte; Labastide-d-Anjou; Lasbordes; Lézignan Corbières; Marseillette; Mas-saintes-Puelles; Mirepeisset; Mireval Lauragais; Montferrand; Montréal; Moussan; Narbonne; Ouveillan; Paraza; Pennautier; Pexiora; Peyriac de Mer; Pezens; Port-la-Nouvelle; Puichéric; Raissac d’Aude; Roquecourbe Minervois; Roubia; Rustiques; Saint-Couat d’Aude; Sainte-Eulalie; Sainte-Valière; Saint-Marcel sur Aude; Saint-Martin-Lalande; Saint-Nazaire-d’Aude; Sallèle d’Aude; Sigean; Tourouzelle; Trèbes; Ventenac Cabardès; Ventenac-en-Minervois; Villalier; Villedubert; Villemoustaussou; Villepinte; Villesèquelande |
|||
|
Hérault (34) |
1 km thart ar an gcrios ionfhabhtaithe sna bardais seo a leanas: Agde; Béziers; Capestang; Cers; Colombiers; Cruzy; Marseillan; Montady; Montels; Montouliers; Nissan-lez-Ensérune; Olonzac; Poilhes; Portiragnes; Quarante; Sauvian; Sérignan; Vias; Villeneuve-les-Béziers |
||||
|
Crios ionfhabhtaithe |
Hautes-Pyrénées (65) |
Andrest; Ansost; Artagnan; Aureilhan; Aurensan; Auriébat; Barbachen; Bazet; Bazillac; Bordères-sur-l’Échez; Bours; Caixon; Camalès; Escondeaux; Estirac; Gayan; Gensac; Horgues; Lafitole; Lagarde; Laloubère; Larreule; Liac; Marsac; Maubourguet; Monfaucon; Nouilhan; Odos; Oursbelille; Pujo; Rabastens-de-Bigorre; Saint-Lézer; Sarniguet; Sarriac-Bigorre; Sauveterre; Ségalas; Séméac; Siarrouy; Sombrun; Soues; Talazac; Tarbes; Tostat; Ugnouas; Vic-en-Bigorre; Villenave-près-Marsac |
||
|
Gers (32) |
Haget |
||||
|
Crios maolánach |
Hautes-Pyrénées (65) |
Castelnau-Rivière-Basse; Caussade-Rivière; Hères; Labatut-Rivière; Villefranque 1 km thart ar an gcrios ionfhabhtaithe sna bardais seo a leanas: Barbazan-Debat; Boulin; Buzon; Castéra-Lou; Chis; Dours; Ibos; Juillan; Lacassagne; Lahitte-Toupières; Lascazères; Lescurry; Louey; Momères; Mingot; Orleix; Orois; Pintac; Saint-Martin; Salles-Adour; Sanous; Sarrouilles; Tarasteix |
|||
|
Gers (32) |
Armentieux; Jû-Belloc; Ladevèze-Ville; Tieste-Uragnoux 1 km thart ar an gcrios ionfhabhtaithe sna bardais seo a leanas: Beccas; Betplan; Cazeaux-Villecomtal; Malabat; Marciac; Montégut-Arros; Saint-Justin; Sembouès; Villecomtal-Sur-Arros |
||||
|
Pyrénées-Atlantique (Région Nouvelle-Aquitaine) |
1 km thart ar an gcrios ionfhabhtaithe sna bardais seo a leanas: Castéide-Doat; Labatut; Lamayou; Moncaup; Montaner; Monségur |
||||
|
Crios ionfhabhtaithe |
Bouches du Rhône (13) |
Aix-en-Provence; Allauch; Arles; Aubagne; Auriol; Barbentane; Berre-l’Etang; Cabannes; Cadolive; Carry-le-Rouet; Ceyreste; Châteaurenard; Cornillon-Confoux; Cuges-les-Pins; Eygalières; Eyguières; Eyragues; Fuveau; Gémenos; Gignac-la-Nerthe; Grans; Graveson; Gréasque; Istres; Jouques; La Bouilladisse; La Ciotat; La Destrousse; La Fare-les-Oliviers; La Penne-sur-Huveaune; Lamanon; Lambesc; Le Tholonet; Les Pennes-Mirabeau; Maillane; Mallemort; Marignane; Marseille; Martigues; Mas-Blanc-des-Alpilles; Maussane-les-Alpilles; Meyrargues; Meyreuil; Mollégès; Mouriès; Noves; Orgon; Pélissanne; Peyrolles-en-Provence; Plan-de-Cuques; Plan-d’Orgon; Port-de-Bouc; Port-Saint-Louis-du-Rhône; Puyloubier; Rognonas; Roquevaire; Saint-Andiol; Saint-Chamas; Saint-Etienne-du-Grès; Saint-Martin-de-Crau; Saint-Rémy-de-Provence; Saint-Victoret; Salon-de-Provence; Sénas; Simiane-Collongue; Tarascon; Trets; Velaux; Venelles; Ventabren; Verquiéres; Vitrolles |
||
|
Var (83) |
Cogolin; Draguignan; Hyères; La Garde; La Londe-les-Maures; La Seyne-sur-Mer; Le Beausset; Le Luc; Les Arcs; Pignans; Saint-Cyr-sur-Mer; Saint-Maximin-la-Sainte-Baume; Saint-Tropez; Saint-Zacharie; Toulon |
||||
|
Vaucluse (84) |
Althen-des-Paluds; Apt; Avignon; Beaumes-de-Venise; Bédarrides; Bonnieux; Cadenet; Caderousse; Camaret-sur-Aigues; Carpentras; Caumont-sur-Durance; Cavaillon; Châteauneuf-de-Gadagne; Châteauneuf-du-Pape; Courthézon; Entraigues-sur-la-Sorgue; Fontaine-se-Vaucluse; Gargas; Gignac; Gigondas; Gordes; Goult; Jonquerettes; Jonquières; La Tour-d’Aigues; Lagnes; Lapalud; Lauris; Le Pontet; Le Thor; L’Isle-sur-la-Sorgue; Loriol-du-Comtat; Lourmarin; Malaucène; Mazan; Mérindol; Modène; Mondragon; Monteux; Morières-lès-Avignon; Oppède; Orange; Pernes-les-Fontaines; Pertuis; Piolenc; Robion; Saignon; Saint-Didier; Saint-Saturnin-lès-Apt; Saint-Saturnin-lès-Avignon; Sarrians; Saumane-de-Vaucluse; Sorgues; Travaillan; Vedène; Velleron; Venasque; Villelaure; Violes |
||||
|
Crios maolánach |
Bouches du Rhône (13) |
Alleins; Aureille; Aurons; Beaurecueil; Belcodène; Bouc-Bel-Air; Boulbon; Cabriès; Carnoux-en-Provence; Cassis; Charleval; Châteauneuf-le-Rouge; Châteauneuf-les-Martigues; Coudoux; Eguilles; Ensuès-la-Redonne; Fontvieille; Fos-sur-Mer; Gardanne; La Barben; La Roque-d’Anthéron; Lançon-Provence; Le Puy-Sainte-Réparade; Le Rove; Les Baux-de-Provence; Mimet; Miramas; Paradou; Peynier; Peypin; Rognac; Rognes; Roquefort-la-Bédoule; Rousset; Saint-Antonin-sur-Bayon; Saint-Cannat; Saintes-Maries-de-la-Mer; Saint-Estève-Janson; Saint-Marc-Jaumegarde; Saint-Mitre-les-Remparts; Saint-Paul-lès-Durance; Saint-Pierre-de-Mézoargues; Saint-Savournin; Sausset-les-Pins; Septèmes-les-Vallons; Vauvenargues; Vernègues |
|||
|
Var (83) |
Ampus; Bandol; Besse-sur-Issole; Bormes-les-Mimosas; Bras; Brue-Auriac; Cabasse; Carnoules; Carqueiranne; Cavalaire-sur-Mer; Châteaudouble; Collobrières; Evenos; Figanières; Flassans-sur-Issole; Flayosc; Gassin; Gonfaron; Grimaud; La Cadiere-d’Azur; La Crau; La Croix-Valmer; La Farlède; La Mole; La Motte; La Valette-du-Var; Le Cannet-des-Maures; Le Castellet; Le Muy; Le Pradet; Le Revest-les-Eaux; Le Thoronet; Les Mayons; Lorgues; Nans-les-Pins; Ollières; Ollioules; Pierrefeu-du-Var; Plan-d’Aups-Sainte-Baume; Pourcieux; Pourrières; Puget-Ville; Ramatuelle; Rians; Riboux; Rougiers; Sainte-Maxime; Saint-Mandrier-sur-Mer; Sanary-sur-Mer; Seillons-Source-d’Argens; Signes; Six-Fours-les-Plages; Taradeau; Tourves; Trans-en-Provence; Vidauban |
||||
|
Vaucluse (84) |
Ansouis; Aubignan; Auribeau; Beaumettes; Beaumont-de-Pertuis; Beaumont-du-Ventoux; Bedoin; Blauvac; Bollène; Buoux; Cabrieres-d’Avignon; Cairanne; Caromb; Caseneuve; Castellet; Cheval-Blanc; Crestet; Crillon-le-Brave; Cucuron; Entrechaux; Grambois; Joucas; La Bastidonne; La Motte-d’Aigues; La Roque-Alric; La Roque-sur-Pernes; Lacoste; Lafare; Lagarde-d’Apt; Lamotte-du-Rhône; Le Barroux; Le Beaucet; Lioux; Malemort-du-Comtat; Maubec; Ménerbes; Méthamis; Mirabeau; Mormoiron; Mornas; Murs; Puget; Puyvert; Rasteau; Roussillon; Rustrel; Sablet; Saint-Christol; Sainte-Cécile-les-Vignes; Saint-Hippolyte-le-Graveyron; Saint-Léger-du-Ventoux; Saint-Martin-de-Castillon; Saint-Martin-de-la-Brasque; Saint-Pantaléon; Saint-Pierre-de-Vassols; Sannes; Sault; Seguret; Sérignan-du-Comtat; Sivergues; Suzette; Taillades; Uchaux; Vacqueyras; Vaison-la-Romaine; Vaugines; Viens; Villars |
||||
|
Alpes-de-Haute-Provence (04) |
Simiane-la-Rotonde |
||||
|
Ardèche (07) |
Bourg-Saint-Andéol; Saint-Just-d’Ardèche; Saint-Marcel-d’Ardèche |
||||
|
Drôme (26) |
Mollans-sur-Ouvèze; Pierrelatte; Rochegude; Saint-Paul-Trois-Châteaux; Suze-la-Rousse |
||||
|
Gard (30) |
Aramon; Beaucaire; Chusclan; Codolet; Fourques; Laudun-l’Ardoise; Les Angles; Montfaucon; Pont-Saint-Esprit; Roquemaure; Saint-Alexandre; Saint-Etienne-des-Sorts; Saint-Geniès-de-Comolas; Saint-Gilles; Sauveterre; Vallabrègues; Vénéjan; Villeneuve-lès-Avignon |
IARSCRÍBHINN II
Teimpléid chun torthaí na suirbhéanna bliantúla arna ndéanamh de bhun Airteagal 6, pointe (b), a thuairisciú
CUID A
1. Teimpléad chun torthaí na suirbhéanna bliantúla a thuairisciú
2. Treoracha maidir leis an teimpléad a líonadh isteach
Má líontar an teimpléad seo isteach, ná líontar isteach an teimpléad i gCuid B den Iarscríbhinn seo.
|
Le haghaidh cholún 1: |
Tabhair ainm an limistéir gheografaigh, uimhir na ráige nó aon fhaisnéis lenar féidir an limistéar críochaithe (DA) seo a shainaithint mar aon le dáta a bhunaithe. |
||||||
|
Le haghaidh cholún 2: |
Tabhair méid an DA roimh thús an tsuirbhé. |
||||||
|
Le haghaidh cholún 3: |
Tabhair méid an DA i ndiaidh an tsuirbhé. |
||||||
|
Le haghaidh cholún 4: |
Tabhair an cur chuige: Imshrianadh (C). Úsáid an oiread rónna agus is gá, ag brath ar an líon DAnna in aghaidh na lotnaide agus na cineálacha cur chuige a bhfuil na limistéir sin faoina réir. |
||||||
|
Le haghaidh cholún 5: |
Tabhair crios an DA ina ndearnadh an suirbhé, agus úsáid á baint as an oiread rónna agus is gá: Crios ionfhabhtaithe (IZ) nó crios maolánach (BZ), i rónna ar leith. I gcás inarb infheidhme, tabhair limistéar an BZ ina ndearnadh an suirbhé (e.g. an 20 km deiridh in aice leis an BZ, thart timpeall ar phlandlanna, etc.) i rónna éagsúla. |
||||||
|
Le haghaidh cholún 6: |
Tabhair líon agus tuairisc na suíomhanna suirbhéireachta, trí cheann amháin de na hiontrálacha seo a leanas a roghnú le haghaidh na tuairisce:
|
||||||
|
Le haghaidh cholún 7: |
Tabhair na limistéir riosca a sainaithníodh bunaithe ar bhitheolaíocht na lotnaide/lotnaidí, ar láithreacht plandaí óstacha, ar dhálaí éicea-aeráide agus ar láithreacha riosca. |
||||||
|
Le haghaidh cholún 8: |
Tabhair na limistéir riosca a áiríodh sa suirbhé, ó na cinn sin a sainaithníodh i gcolún 7. |
||||||
|
Le haghaidh cholún 9: |
Tabhair plandaí, torthaí, síolta, ithir, ábhar pacáistíochta, adhmad, innealra, feithiclí, uisce, eile, agus an cás ar leith á shonrú. |
||||||
|
Le haghaidh cholún 10: |
Tabhair liosta na speiceas/na ngéineas plandaí a ndearnadh suirbhé orthu, agus úsáid á baint as ró amháin in aghaidh an speicis/an ghéinis planda. |
||||||
|
Le haghaidh cholún 11: |
Tabhair na míonna den bhliain a ndearnadh an suirbhé lena linn. |
||||||
|
Le haghaidh cholún 12: |
Tabhair mionsonraí an tsuirbhé, ag brath ar cheanglais dlí shonracha gach lotnaide. Tabhair le fios le N/B nuair nach mbaineann faisnéis colúin áirithe le hábhar. |
||||||
|
Le haghaidh cholúin 13 agus 14: |
Tabhair na torthaí, más infheidhme, agus an fhaisnéis atá ar fáil á tabhairt sna colúin chomhfhreagracha. Ciallaíonn “éiginnte” na samplaí anailísithe sin nach bhfuarthas aon toradh ina leith mar gheall ar thosca éagsúla (e.g méid faoi bhun an leibhéil braite, sampla neamhphróiseáilte – sampla neamh-shainaitheanta, seansampla). |
||||||
|
Le haghaidh cholún 15: |
Tabhair fógraí ráigeanna na bliana ina ndearnadh an suirbhé le haghaidh torthaí sa BZ. Ní gá uimhir fógra na ráige a áireamh agus cinneadh déanta ag an údarás inniúil gur cheann de na cásanna dá dtagraítear in Airteagal 14(2), Airteagal 15(2) nó Airteagal 16 de Rialachán (AE) 2016/2031 atá i gceist leis an toradh. Sa chás sin, tabhair an chúis nach dtugtar an fhaisnéis sin i gcolún 16 (“Nótaí”). |
CUID B
1. Teimpléad chun torthaí na suirbhéanna bliantúla bunaithe ar staidreamh a thuairisciú
2. Treoracha maidir leis an teimpléad a líonadh isteach
Má líontar an teimpléad seo isteach, ná líontar isteach an teimpléad i gCuid A den Iarscríbhinn seo.
Mínigh na toimhdí foluiteacha le haghaidh dhearadh an tsuirbhé in aghaidh na lotnaide. Tabhair achoimre agus bonn cirt leis na rudaí seo a leanas:
|
— |
an spriocdhaonra, an t-aonad eipidéimeolaíoch agus na haonaid iniúchta, |
|
— |
modh an bhraite agus íogaireacht an mhodha, |
|
— |
an fachtóir/na fachtóirí riosca, lena léirítear na leibhéil riosca agus na rioscaí comhfhreagracha gaolmhara agus na sciartha de dhaonra an phlanda óstaigh.
|