|
25.7.2022 |
MT |
Il-Ġurnal Uffiċjali tal-Unjoni Ewropea |
C 283/72 |
Avviż minn qabel ta’ konċentrazzjoni
(Il-Każ M.10818 — TOTALENERGIES / GIP / CLEARWAY ENERGY GROUP / SUNPOWER GROUP)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2022/C 283/08)
1.
Fit-18 ta’ Lulju 2022, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
TotalEnergies SE (“TotalEnergies”, Franza), |
|
— |
Global Infrastructure Management, LLC (“GIP”, l-Istati Uniti tal-Amerka), |
|
— |
Clearway Energy Group, LLC (“CEG”, l-Istati Uniti tal-Amerka) u s-sussidjarji tiegħu (flimkien, “Clearway Energy Group”), |
|
— |
SunPower Corporation (“SPWR”, l-Istati Uniti tal-Amerka) u s-sussidjarji tagħha (“SunPower Group”). |
TotalEnergies u GIP jakkwistaw indirettament, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll bi sħab ta’ Clearway Energy Group u SunPower Group.
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma:|
— |
TotalEnergies: kumpanija tal-enerġija kkwotata fil-Borża u involuta fuq skala globali fl-industrija taż-żejt u l-gass. TotalEnergies hija wkoll attiva globalment fl-enerġija rinnovabbli, fis-setturi tal-ġenerazzjoni tal-enerġija, u fin-negozji tan-newtralità tal-karbonju, |
|
— |
GIP: maniġer ta’ fondi tal-infrastruttura indipendenti globali ffukata primarjament fuq l-investiment fit-trasport, l-enerġija, l-infrastruttura diġitali u s-setturi tal-iskart/tal-ilma, |
|
— |
Clearway Energy Group: investitur fl-infrastruttura tal-enerġija li jiffoka fuq investimenti fl-Istati Uniti tal-Amerka, |
|
— |
SunPower Group: fornitur tat-teknoloġija solari u tas-servizzi tal-enerġija fl-Istati Uniti tal-Amerka u l-Kanada. |
3.
Wara eżami preliminari, il-Kummissjoni tqis li t-tranżazzjoni notifikata tista’ tkun koperta mill-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż mill-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stipulata fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni sa mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tkun speċifikata:
M.10818 — TOTALENERGIES / GIP / CLEARWAY ENERGY GROUP / SUNPOWER GROUP
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).