(1)

Le Rialachán (AE) 2020/1706 ón gComhairle (1), osclaítear bainistiú tharaif-chuótaí uathrialaitheacha an Aontais le haghaidh táirgí iascaigh áirithe le linn na tréimhse 2021-2023 agus foráiltear maidir leis an mbainistiú sin. Cinneadh méideanna iomchuí le haghaidh gach taraif-chuóta chun a áirithiú go mbeidh soláthar leordhóthanach chuig tionscal an Aontais le haghaidh na tréimhse sin.

(2)

Faoi láthair, braitheann soláthairtí táirgí iascaigh áirithe san Aontas ar allmhairí ó thríú tíortha. Le deacáidí beaga anuas, d’éirigh an tAontas níos spleáiche ar allmhairí chun tomhaltas táirgí iascaigh ann a shásamh. I dtreo nach gcuirfear táirgeadh táirgí iascaigh an Aontais i gcontúirt agus chun soláthar leordhóthanach a áirithiú chuig tionscal próiseála an Aontais, ba cheart dleachtanna allmhairiúcháin a chur ar fionraí i gcás scuideanna Patagónacha, scadáin atá leasaithe faoi sháile, scadáin reoite, filléid reoite agus flapaí scadán, filléid phéirsí mara agus speicis éagsúla éisc reoite laistigh de tharaif-chuótaí ar mhéid iomchuí.

(3)

Tá feidhm shealadach ag an gComhaontú Trádála agus Comhair (2) idir an tAontas agus an Ríocht Aontaithe ón 1 Eanáir 2021. Leis an gComhaontú Trádála agus Comhair, foráiltear maidir le rochtain le haghaidh táirgí iascaigh tionscnaimh atá saor ó dhleacht agus saor ó chuóta. Na Tíortha agus na Críocha thar Lear de chuid na Breataine, áfach, níl siad comhlachaithe leis an Aontas a thuilleadh ná ní bhaineann a n-onnmhairí táirgí iascaigh chuig an Aontas leas as laghduithe taraife a thuilleadh.

(4)

Thairis sin, na prótacail bhreise leis an Íoslainn (3) agus an Iorua (4), ar prótacail iad lena bhforáiltear maidir le cuótaí le haghaidh táirgí áirithe éisc agus iascaigh, chuaigh siad in éag an 30 Aibreán 2021. Ós rud é nár tugadh an chaibidlíocht le haghaidh cuótaí nua i gcrích sula ndeachaigh na prótacail bhreise in éag, d’fhéadfadh sé go gcruthódh sé sin easpa táirgí iascaigh atá saor ó dhleacht lena bpróiseáil san Aontas.

(5)

Ba cheart, dá bhrí sin, Rialachán (AE) 2020/1706 a leasú dá réir.

(6)

D’fhonn iarmhairtí tharraingt siar na Ríochta Aontaithe as an Aontas a leigheas a mhéid a bhaineann le cailliúint stádas fabhrach na dTíortha agus na gCríoch thar Lear agus d’fhonn na hiarmhairtí a bhaineann le dul in éag na bprótacal breise leis an Iorua agus an Íoslainn a leigheas, ba cheart an Rialachán seo a theacht i bhfeidhm mar ábhar práinne agus ba cheart feidhm a bheith aige, le héifeacht cúlghabhálach, ón 1 Eanáir 2021,

(1)

cuirtear an méid seo a leanas in ionad Airteagal 4(4), pointe (b):

(2)

déantar an Iarscríbhinn a leasú i gcomhréir leis an Iarscríbhinn a ghabhann leis an Rialachán seo.