|
2.9.2021 |
GA |
Iris Oifigiúil an Aontais Eorpaigh |
L 309/1 |
RIALACHÁN TARMLIGTHE (AE) 2021/1429 ÓN gCOIMISIÚN
an 31 Bealtaine 2021
lena leasaítear Rialachán (AE) 2018/956 ó Pharlaimint na hEorpa agus ón gComhairle a mhéid a bhaineann leis na sonraí maidir le feithiclí nua tromshaothair a bhfuil faireachán agus tuairisciú le déanamh ag na Ballstáit orthu
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2018/956 ó Pharlaimint na hEorpa agus ón gComhairle an 28 Meitheamh 2018 maidir le faireachán agus tuairisciú a dhéanamh ar astaíochtaí CO2 ó fheithiclí nua tromshaothair agus ar ídiú breosla na bhfeithiclí sin (1), agus go háirithe Airteagal 11(1)(a) de,
De bharr an mhéid seo a leanas:
|
(1) |
Chun gur féidir anailís chríochnúil a dhéanamh i gcomhréir le hAirteagal 10 de Rialachán (AE) 2018/956, tá gá le sonraí lenar féidir feithiclí tromshaothair atá cláraithe mar“fheithiclí sainchuspóireacha” a aithint mar a shainítear i bpointe 2.2 de Chuid A d’Iarscríbhinn I de Rialachán (AE) 2018/858 ó Pharlaimint na hEorpa agus ón gComhairle (2) agus chun meánastaíochtaí sonracha CO2 monaróra a chinneadh chun críocha Rialachán (AE) 2019/1242 ó Pharlaimint na hEorpa agus ón gComhairle (3). Cláraítear sonraí den sórt sin i mír 51 de dheimhniú comhréireachta feithicle nuachláraithe tromshaothair. Dá bhrí sin, is gá coigeartú a dhéanamh ar na riachtanais sonraí a shonraítear i gCuid A d’Iarscríbhinn I a ghabhann le Rialachán (AE) 2018/956 maidir le sonraí a bhfuil faireachán agus tuairisciú le déanamh ag na Ballstáit orthu. |
|
(2) |
Ba cheart, dá bhrí sin, Rialachán (AE) 2018/956 a leasú dá réir, |
TAR ÉIS AN RIALACHÁN SEO A GHLACADH:
Airteagal 1
Leasú ar Rialachán (AE) 2018/956
I gCuid A d’Iarscríbhinn I a ghabhann le Rialachán (AE) 2018/956, cuirtear isteach an pointe (o) seo a leanas:
|
“(o) |
maidir le feithiclí sainchuspóireacha arna gclárú go dtí an 30 Meitheamh 2021, agus maidir le feithiclí sainchuspóireacha arna gclárú ón 1 Iúil 2021, i ngach cás, a n-ainmniú mar a shainítear i mír 51 den deimhniú comhréireachta.”. |
Airteagal 2
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 31 Bealtaine 2021.
Thar ceann an Choimisiúin
An tUachtarán
Ursula VON DER LEYEN
(1) IO L 173, 9.7.2018, lch. 1.
(2) Rialachán (AE) 2018/858 ó Pharlaimint na hEorpa agus ón gComhairle an 30 Bealtaine 2018 maidir le ceadú mótarfheithiclí agus a leantóirí, agus córas, comhpháirteanna agus aonad teicniúil ar leithligh atá ceaptha le haghaidh feithiclí den sórt sin, agus faireachas margaidh orthu, lena leasaítear Rialacháin (CE) Uimh. 715/2007 agus (CE) Uimh. 595/2009 agus lena n-aisghairtear Treoir 2007/46/CE (IO L 151, 14.6.2018, lch. 1).
(3) Rialachán (AE) 2019/1242 ó Pharlaimint na hEorpa agus ón gComhairle an 20 Meitheamh 2019 lena socraítear caighdeáin feidhmíochta maidir le hastaíochtaí CO2 d’fheithiclí nua tromshaothair agus lena leasaítear Rialachán (CE) Uimh. 595/2009 agus (AE) 2018/956 ó Pharlaimint na hEorpa agus ón gComhairle agus Treoir 96/53/CE ón gComhairle (IO L 198, 25.7.2019, lch. 202).