(1)

Le Rialachán (CE) Uimh. 1831/2003 déantar foráil maidir le breiseáin a údarú lena n-úsáid i gcothú ainmhithe agus maidir leis an bhforas agus na nósanna imeachta chun an t-údarú sin a dheonú, a mhodhnú agus a athnuachan.

(2)

Údaraíodh ullmhóid arb é atá inti Bacillus velezensis ATCC PTA-6737, a sainaithníodh go tacsanomaíoch roimhe seo mar Bacillus subtilis ATCC PTA-6737, ar feadh tréimhse 10 mbliana mar bhreiseán beathaithe le haghaidh turcaithe lena ramhrú agus turcaithe a thógtar le haghaidh pórúcháin le Rialachán Cur Chun Feidhme (AE) Uimh. 787/2013 ón gCoimisiún (2), le haghaidh bainbh scoite agus Suidae scoite seachas Sus scrofa domesticus le Rialachán Cur Chun Feidhme (AE) Uimh. 306/2013 ón gCoimisiún (3), le haghaidh cránacha le Rialachán Cur Chun Feidhme (AE) 2017/2276 ón gCoimisiún (4) agus le haghaidh sicíní lena ramhrú, sicíní a thógtar le bheith ina mbéaróga agus mionspeicis éanlaithe clóis seachas mionspeicis éanlaithe clóis le haghaidh breithe le Rialachán Cur Chun Feidhme (AE) 2023/366 ón gCoimisiún (5).

(3)

I gcomhréir le hAirteagal 14(1) de Rialachán (CE) Uimh. 1831/2003, cuireadh iarratas isteach chun údarú na hullmhóide Bacillus velezensis ATCC PTA-6737 a athnuachan mar bhreiseán beathaithe le haghaidh turcaithe lena ramhrú agus turcaithe a thógtar le haghaidh pórúcháin, agus iarradh ann go n-aicmeofaí an breiseán i gcatagóir na mbreiseán ‘breiseáin zóiteicniúla’ agus san fheidhmghrúpa ‘cobhsaitheoirí fhlóra na stéige’. Áiríodh san iarratas sin togra chun coinníollacha an údaraithe bhunaidh a leasú, arb é atá ann méadú ar íostiúchan an oibreáin ghníomhaigh san ullmhóid ó 1 × 1010 CFU/g breiseán go 8 × 1010 CFU/g breiseán agus an fhéidearthacht an breiseán a úsáid in éineacht leis an gcoicideastat halafuganón a chur leis. Bhí na sonraí agus na doiciméid a cheanglaítear faoi Airteagal 14(2) de Rialachán (CE) Uimh. 1831/2003 ag gabháil leis an iarratas sin.

(4)

I gcomhréir le hAirteagal 14(1) de Rialachán (CE) Uimh. 1831/2003, cuireadh iarratas eile isteach chun údarú na hullmhóide Bacillus velezensis ATCC PTA-6737 a athnuachan mar bhreiseán beathaithe le haghaidh bainbh scoite, Suidae scoite seachas Sus scrofa domesticus, agus cránacha, agus iarradh ann go n-aicmeofaí an breiseán i gcatagóir na mbreiseán ‘breiseáin zóiteicniúla’ agus san fheidhmghrúpa ‘cobhsaitheoirí fhlóra na stéige’. Áiríodh san iarratas sin togra chun coinníollacha na n-údaruithe bunaidh a leasú, arb é atá ann méadú ar íostiúchan an oibreáin ghníomhaigh san ullmhóid ó 1 × 1010 CFU/g breiseán go 8 × 1010 CFU/g breiseán, agus, a mhéid a bhaineann lena húsáid le haghaidh cránacha, deireadh a chur leis an srian maidir lena húsáid le haghaidh cránacha ó 3 seachtaine roimh an mbreith go dtí na tréimhse iomláine lachta. Bhí na sonraí agus na doiciméid a cheanglaítear faoi Airteagal 14(2) de Rialachán (CE) Uimh. 1831/2003 ag gabháil leis an iarratas sin.

(5)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas ar údarú maidir le húsáidí nua na hullmhóide Bacillus velezensis ATCC PTA-6737. Bhain an t-iarratas sin le húdarú na hullmhóide mar bhreiseán beathaithe a leathnú chuig gach Suidae, cráin agus mionspeiceas mucúil atáirgthe atá ag fás, rud arb ionann é agus úsáid nua le haghaidh muca lena ramhrú de gach speiceas Suidae, bainbh diúil de gach speiceas Suidae agus cránacha de mhionspeicis Suidae. Iarradh san iarratas go n-aicmeofaí an breiseán sin sa chatagóir ‘breiseáin zóiteicniúla’ agus san fheidhmghrúpa ‘cobhsaitheoirí fhlóra na stéige’ agus bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis.

(6)

I gcomhréir le hAirteagal 13(3) de Rialachán (CE) Uimh. 1831/2003, cuireadh iarratas isteach chun modhnú a dhéanamh ar théarmaí údarú na hullmhóide Bacillus velezensis ATCC PTA-6737 mar a leagtar síos i Rialachán Cur Chun Feidhme (AE) 2023/366 a mhéid a bhaineann le húsáid sicíní lena ramhrú, sicíní a thógtar le bheith ina mbéaróga agus mionspeicis éanlaithe clóis seachas mionspeicis éanlaithe clóis le haghaidh breithe. Bhain an t-iarratas sin le hiarraidh ar íoschion an bhreiseáin a mhéadú ó 1 x 107 CFU/kg d’ábhar beatha iomlán go 1 x 108 CFU/kg d’ábhar beatha iomlán agus an fhéidearthacht a chur leis an mbreiseán a úsáid in éineacht leis an gcoicideastat halafuganón.

(7)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sna tuairimí uaidh an 5 Eanáir 2024 (6) agus an 2 Feabhra 2024 (7) go bhfuil an ullmhóid Bacillus velezensis ATCC PTA-6737 fós sábháilte do gach speiceas éanlaithe clóis, bainbh scoite, Suidae scoite seachas Sus scrofa domesticus, agus cránacha, do thomhaltóirí agus don chomhshaol, faoi na coinníollacha úsáide atá údaraithe faoi láthair agus ós rud é nár modhnaíodh comhdhéanamh agus próiseas monaraíochta an bhreiseáin go substaintiúil. Tháinig sé ar an gconclúid freisin go bhfuil an breiseán sábháilte do gach Suidae, do thomhaltóirí agus don chomhshaol. Ina theannta sin, tháinig an tÚdarás ar an gconclúid nach greannaitheoir craicinn ná súl í an ullmhóid, ach gur cheart a mheas gur íogróir riospráide í, cé nach bhféadfaí teacht ar aon chonclúid maidir le hacmhainneacht an bhreiseáin a bheith ina íogróir craicinn. Mheas an tÚdarás go bhféadfadh an breiseán a bheith éifeachtúil i sicíní lena ramhrú agus sicíní a thógtar le bheith ina mbéaróga/le haghaidh pórúcháin (‘gach éanlaith clóis atá ag fás’) ar an íosleibhéal úsáide 1 × 108 CFU/kg d’ábhar beatha iomlán agus i ngach Suidae atá ag fás (na catagóir diúil, scoite agus lena ramhrú) ar an íosleibhéal cuimsithe 1 × 107 CFU/kg d’ábhar beatha iomlán agus i gcránacha agus mionspeicis Suidae atáirgthe ag 1 × 108 CFU/kg d’ábhar beatha iomlán. Ina theannta sin, chinn an tÚdarás sa tuairim uaidh an 2 Feabhra 2024 maidir le húsáid an bhreiseáin le haghaidh éanlaith chlóis go bhfuil an breiseán comhoiriúnach leis an gcoicideastat halafuganón. Níor mheas an tÚdarás go bhfuil gá le ceanglais shonracha maidir le faireachán iarmhargaidh.

(8)

Maidir leis na conclúidí agus na moltaí ar thángthas orthu le linn an mheasúnaithe a rinneadh i ndáil leis an modh a úsáidtear chun anailís a dhéanamh ar Bacillus velezensis ATCC PTA-6737 mar bhreiseán beathaithe i gcomhthéacs na n-údaruithe roimhe seo, mheas an tSaotharlann Tagartha a bunaíodh le Rialachán (CE) Uimh. 1831/2003 go bhfuil na conclúidí agus na moltaí sin bailí agus infheidhme maidir leis na feidhmeanna reatha. Dá bhrí sin, i gcomhréir le hAirteagal 5(4), pointí (a), (b) agus (c) de Rialachán (CE) Uimh. 378/2005 ón gCoimisiún (8), níl gá le tuarascáil mheastóireachta ón tSaotharlann Tagartha.

(9)

I bhfianaise an mhéid thuas, measann an Coimisiún go gcomhlíonann an ullmhóid Bacillus velezensis ATCC PTA-6737 na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart údarú an bhreiseáin sin a athnuachan le haghaidh turcaithe lena ramhrú, turcaithe a thógtar le haghaidh pórúcháin, bainbh scoite, Suidae scoite seachas Sus scrofa domesticus, agus cránacha. Thairis sin, ba cheart úsáid an bhreiseáin a údarú le haghaidh muca lena ramhrú de gach speiceas Suidae, bainbh diúil de gach speiceas Suidae agus cránacha de mhionspeicis Suidae. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. Ba cheart na bearta cosanta sin a bheith gan dochar do cheanglais eile sábháilteachta oibrithe faoi dhlí an Aontais.

(10)

Ina theannta sin, i bhfianaise an mhéid thuas, measann an Coimisiún go gcomhlíonann údarú na hullmhóide Bacillus velezensis ATCC PTA-6737 fós na coinníollacha dá bhforáiltear in Airteagal 5 de Rialachán (CE) Uimh. 1831/2003 nuair a mhodhnaítear a théarmaí a mhéid a bhaineann le húsáid sicíní lena ramhrú, sicíní a thógtar le bheith ina mbéaróga agus mionspeicis éanlaithe clóis seachas mionspeicis éanlaithe clóis le bheith ina mbéaróga, trí íoschion an bhreiseáin a mhéadú go 1 x 108 CFU/kg d’ábhar beatha iomlán agus tríd an bhféidearthacht an breiseán a úsáid in éineacht leis an gcoicideastait halabúigionón a chur leis. Ba cheart Rialachán Cur Chun Feidhme (AE) 2023/366 a leasú dá réir sin.

(11)

Mar thoradh ar údarú na hullmhóide Bacillus velezensis ATCC PTA-6737 mar bhreiseán beathaithe a athnuachan le haghaidh turcaithe lena ramhrú, turcaithe a thógtar le haghaidh pórúcháin, bainbh scoite, Suidae scoite seachas Sus scrofa domesticus, agus cránacha, ba cheart Rialacháin Cur Chun Feidhme (AE) Uimh. 306/2013, (AE) Uimh. 787/2013 agus (AE) 2017/2276 a aisghairm.

(12)

Ós rud é nach gá, ar chúiseanna sábháilteachta, na modhnuithe ar na coinníollacha maidir le húdarú na hullmhóide Bacillus velezensis ATCC PTA-6737 a chur i bhfeidhm láithreach le haghaidh turcaithe lena ramhrú, turcaithe a thógtar le haghaidh pórúcháin, sicíní lena ramhrú, sicíní a thógtar le bheith ina mbéaróga, mionspeicis éanlaithe clóis seachas éanlaithe clóis a thógtar le bheith ina mbéaróga, bainbh scoite, Suidae scoite seachas Sus scrofa domesticus, agus cránacha, is iomchuí foráil a dhéanamh maidir le hidirthréimhse do pháirtithe leasmhara chun iad féin a ullmhú chun na ceanglais nua a eascraíonn as athnuachan nó modhnú na n-údaruithe lena mbaineann a chomhlíonadh.

(13)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,