(1)

Seħħew tifqigħat tad-deni klassiku tal-ħnieżer fil-Ġermanja fl-2001. Il-feġġ ta' din il-marda ppreżenta riskju serju għall-popolazzjoni tal-bhejjem tal-Komunità.

(2)

Biex jiġi evitat it-tixrid tal-marda u biex tinqered kemm jista' jkun malajr, il-Komunità għandha tikkontribwixxi finanzjarjament għan-nefqa eliġibbli mġarrba mill-Istat Membru fil-kuntest tal-miżuri ta' emerġenza meħuda biex tiġi kkumbattuta l-marda, kif previst fid-Deċiżjoni 90/424/KEE.

(3)

Id-Deċiżjoni tal-Kummissjoni 2003/492/KE tat-3 ta' Lulju 2003 dwar kontribuzzjoni finanzjarja għall-qerda tad-deni klassiku tal-ħnieżer fil-Ġermanja fl-2001 (2) tat kontribuzzjoni finanzjarja mill-Komunità lill-Ġermanja għan-nefqa mġarrba fil-kuntest tal-miżuri ta' emerġenza implimentati fl-2001 u meħuda biex tiġi kkumbattuta l-marda tad-deni klassiku tal-ħnieżer.

(4)

Skond din id-Deċiżjoni, ingħata l-ewwel pagament ta' € 440 000.

(5)

Skond dik id-Deċiżjoni, il-bilanċ tal-kontribuzzjoni Komunitarja għandu jkun ibbażat fuq l-applikazzjoni mressqa mill-Ġermanja, dokumenti li jistipulaw i-ċifri kkwotati fl-applikazzjoni, u r-riżultati ta' verifiki fuq il-post imwettqa mill-Kummissjoni. L-ammont stipulat fl-applikazzjoni mressqa mill-Ġermanja kien ta' DEM 3 256 879,80 jew EUR 1 665 216,19 bħala spejjeż ewlenin u DEM 16 978,40 jew EUR 8 680,92 bħala arretrati, li għalihom il-kontribut finanzjarju Komunitarju ma jistax ikun ogħla minn 50 % tan-nefqa eliġibbli.

(6)

Fid-dawl tal-kunsiderazzjonijiet imsemmija fuq, l-ammont totali tal-kontribuzzjoni finanzjarja Komunitarja għan-nefqa mġarrba fil-kuntest tal-qerda tad-deni klassiku tal-ħnieżer fil-Ġermanja fl-2001 issa għandha tiġi ffissata.

(7)

Ir-riżultati tal-verifiki mwettqa mill-Kummissjon f'konformità mar-regoli veterinarji tal-Komunità u l-kundizzjonijiet għall-għoti ta' l-appoġġ finanzjarju Komunitarju jfissru li l-ammont kollu tan-nefqa mressqa ma jistax jiġi rikonoxxut bħala eliġibbli.

(8)

L-osservazzjonijiet tal-Kummissjoni u l-metodu għall-kalkolu tan-nefqa eliġibbli ġew ikkomunikati lill-Ġermanja permezz ta' ittra.

(9)

Il-miżuri previsti f'dan ir-Regolament huma fi qbil ma' l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali,