‘Is é an Coimisiún a bheidh freagrach as an nglao oscailte ar iarrthóirí a dhréachtú, a ghlacadh agus a fhoilsiú in Iris Oifigiúil an Aontais Eorpaigh i gcomhréir le hAirteagal 14(3) de Rialachán (AE) 2017/1939. Rachaidh an Coimisiún i gcomhairle le Parlaimint na hEorpa agus leis an gComhairle maidir leis an dréachtghlao oscailte ar iarrthóirí, sula nglacfar é, ar an leibhéal iomchuí. Tar éis iarratais na n-iarrthóirí a fháil, déanfaidh an painéal roghnúcháin athbhreithniú ar na hiarratais i bhfianaise na gceanglas a leagtar amach in Airteagal 14(2) de Rialachán (AE) 2017/1939, mar a shonraíonn an Coimisiún a thuilleadh sa ghlao oscailte ar iarrthóirí. Iarrthóirí nach gcomhlíonann na ceanglais incháilithe, déanfar iad a eisiamh ó na chéad chéimeanna eile den nós imeachta. Rangóidh an painéal roghnúcháin na hiarrthóirí a chomhlíonann na ceanglais de réir a gcáilíochtaí agus a dtaithí, ar bhonn na doiciméadachta agus na faisnéise a cuireadh ar fáil san iarratas, nó a cuireadh ar fáil tar éis iarraidh de bhun Riail V. Tabharfaidh an painéal roghnúcháin éisteacht do líon leordhóthanach de na hiarrthóirí is airde rangú ionas go mbeidh sé in ann an gearrliosta dá dtagraítear i Riail VII.1 a bhunú. Is i bpearsa a dhéanfar an éisteacht, nó is trí fhís-chomhdháil a dhéanfar í ar chinneadh réasúnaithe an phainéil roghnúcháin, bíodh sé ar a thionscnamh féin nó arna iarraidh sin don iarrthóir. Sula gcinnfidh an painéal roghnúcháin ar a thionscnamh féin éisteacht a reáchtáil trí fhíschomhdháil, ceadóidh sé don iarrthóir a thuairimí a chur in iúl.’.