(1)

I gcomhréir le hAirteagal 13 de Rialachán (AE) 2016/426 ó Pharlaimint na hEorpa agus ón gComhairle (2), maidir le fearais agus feistis atá i gcomhréir le caighdeáin chomhchuibhithe, nó codanna díobh, a bhfoilsítear tagairtí dóibh in Iris Oifigiúil an Aontais Eorpaigh, glactar leis go bhfuil siad i gcomhréir leis na ceanglais fhíor-riachtanacha a chumhdaítear leis na caighdeáin sin nó le codanna díobh a leagtar amach sa Rialachán sin.

(2)

Le Cinneadh Cur Chun Feidhme C(2023)4789 ón gCoimisiún (3), d’iarr an Coimisiún ar an gCoiste Eorpach um Chaighdeánú (CEN) agus ar Choiste Eorpach na gCaighdeán Leictriteicniúil (CENELEC) athbhreithniú a dhéanamh ar na caighdeáin chomhchuibhithe atá ann faoi láthair a dréachtaíodh ar bhonn shainordú um caighdeánú M/BC/CEN/06-89 an 29 Aibreán 1990 chun a áirithiú go leanfaidís de léiriú a thabhairt ar an úrscothacht a nglactar léi i gcoitinne chun na ceanglais fhíor-riachtanacha sláinte agus sábháilteachta a leagtar amach in Iarscríbhinn I a ghabhann le Rialachán (AE) 2016/426 a chomhlíonadh.

(3)

Ar bhonn na hiarrata a leagtar amach i gCinneadh Cur Chun Feidhme C(2023) 4789, rinne CEN roinnt caighdeán comhchuibhithe atá ann faoi láthair a athbhreithniú. Mar thoradh air sin, ghlac CEN na caighdeáin chomhchuibhithe athbhreithnithe seo a leanas chun tacú le Rialachán (AE) 2016/426: EN 30-2-1:2024 maidir le fearais chócaireachta tí a dhónn gás le haghaidh ídiú réasúnach fuinnimh, EN 88-2:2022+A1:2024 agus EN 88-3:2022+A1:2024 maidir le feistí sábháilteachta agus rialaithe le haghaidh dóirí gáis agus fearas a dhónn gás, EN 125:2022+A1:2024 maidir le gairis maoirseachta lasrach theirmileictreacha le haghaidh fearas a dhónn gáis, EN 15502-2-2:2024 maidir le coirí téimh lárnaigh gásadhainte le haghaidh fearais de chineál B1, agus EN 16304:2022+A1:2024 maidir le comhlaí gaothaire uathoibríocha le haghaidh dóirí gáis agus fearas a dhónn gás.

(4)

Rinne an Coimisiún, in éineacht le CEN, measúnú féachaint an gcomhlíontar an iarraidh a leagtar amach i gCinneadh Cur Chun Feidhme C(2023)4789 le EN 30-2-1:2024, EN 88-2:2022+A1:2024, EN 88-3:2022+A1:2024, EN 125:2022+A1:2024, EN 15502-2-2:2024 agus EN 16304:2022+A1:2024.

(5)

Comhlíonann na caighdeáin chomhchuibhithe seo a leanas na ceanglais fhíor-riachtanacha is aidhm dóibh a chumhdach, ceanglais a leagtar amach i Rialachán (AE) 2016/426: EN 30-2-1:2024, EN 88-2:2022+A1:2024, EN 88-3:2022+A1:2024, EN 125:2022+A1:2024, EN 15502-2-2:2024 agus EN 16304:2022+A1:2024. Dá bhrí sin, is iomchuí na tagairtí do na caighdeáin chomhchuibhithe sin a fhoilsiú in Iris Oifigiúil an Aontais Eorpaigh.

(6)

Ina theannta sin, d’eisigh CEN ceartúchán ar chaighdeán comhchuibhithe EN 15502-2-1:2022+A1:202 maidir le caighdeán sonrach i ndáil le coirí téimh lárnaigh gásadhainte le haghaidh fearais de chineál C agus fearais de chineál B2, B3 agus B5 ag a bhfuil ionchur teasa ainmniúil nach mó ná 1 000 kW, caighdeán ar foilsíodh an tagairt dó in Iris Oifigiúil an Aontais Eorpaigh le Cinneadh Cur Chun Feidhme (AE) 2024/2944 ón gCoimisiún (4). Is é an toradh a bhí air sin caighdeán comhchuibhithe EN 15502-2-1:2022+A1:2023 arna cheartú le EN 15502-2-1:2022+A1:2023/AC:2024. Tá an ceartúchán EN 15502-2-1:2022+A1:2023/AC:2024 riachtanach chun EN 15502-2-1:2022+A1:2023 a chur i bhfeidhm i gceart mar chaighdeán comhchuibhithe. Is iomchuí, dá bhrí sin, an tagairt do EN 15502-2-1:2022+A1:2023, arna cheartú le 15502-2-1:2022+A1:2023/AC:2024, a fhoilsiú in Iris Oifigiúil an Aontais Eorpaigh.

(7)

San Iarscríbhinn a ghabhann le Cinneadh Cur Chun Feidhme (AE) 2024/2944, soláthraítear na tagairtí do na caighdeáin chomhchuibhithe a fhágann go nglactar leis go bhfuil comhréir ann le Rialachán (AE) 2016/426. Chun a áirithiú gur in aon ghníomh amháin a liostaítear na tagairtí do na caighdeáin chomhchuibhithe arna ndréachtú chun tacú le Rialachán (AE) 2016/426, ba cheart na tagairtí do na caighdeáin sin agus do cheartúchán ar EN 15502-2-1:2022+A1:2023 a chur san Iarscríbhinn sin.

(8)

Dá bhrí sin, ba cheart Cinneadh Cur Chun Feidhme (AE) 2024/2944 a leasú dá réir.

(9)

Ón dáta a fhoilsítear an tagairt do chaighdeán comhchuibhithe in Iris Oifigiúil an Aontais Eorpaigh, tugtar le fios le comhlíonadh an chaighdeáin sin go nglactar leis go bhfuil comhréir ann leis na ceanglais fhíor-riachtanacha chomhfhreagracha a leagtar amach i reachtaíocht chomhchuibhithe an Aontais. Dá bhrí sin, ba cheart an Cinneadh seo a theacht i bhfeidhm lá a fhoilsithe,