|
29.5.2008 |
MT |
Il-Ġurnal Uffiċjali ta’ l-Unjoni Ewropea |
L 139/10 |
REGOLAMENT TAL-KUMMISSJONI (KE) Nru 466/2008
tat-28 ta' Mejju 2008
li jimponi rekwiżiti għall-ittestjar u l-informazzjoni fuq l-importaturi u l-manifatturi ta’ ċerti sustanzi ta’ prijorità skond ir-Regolament tal-Kunsill (KEE) Nru 793/93 dwar il-valutazzjoni u l-kontroll tar-riskji ta' sustanzi eżistenti
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KEE) Nru 793/93 tat-23 ta' Marzu 1993 dwar il-valutazzjoni u l-kontroll tar-riskji ta' sustanzi eżistenti (1), u b'mod partikolari l-Artikolu 10(2) tiegħu,
Billi:
|
(1) |
Ir-relaturi maħtura mill-Istati Membri skond l-Artikolu 10(1) tar-Regolament (KEE) Nru 793/93 ivvalutaw l-informazzjoni li taw il-manifatturi u l-importaturi dwar ċerti sustanzi ta' prijorità. Wara konsultazzjoni ma’ dawk il-manifatturi u l-importaturi, ir-relaturi ddeterminaw li, għall-finijiet tal-valutazzjoni tar-riskju, jesiġu li dawk il-manifatturi u l-importaturi jressqu iktar informazzjoni u jagħmlu aktar testijiet. |
|
(2) |
L-informazzjoni meħtieġa għall-valutazzjoni tas-sustanzi kkonċernati mhijiex disponibbli mingħand il-manifatturi jew l-importaturi ta’ qabel. Il-manifatturi u l-importaturi vverifikaw, f'konformità ma' l-Artikolu 10(5) tar-Regolament (KEE) Nru 793/93, li t-testijiet fuq l-annimali ma jistgħux jiġu sostitwiti jew illimitati bl-użu ta’ metodi oħra. |
|
(3) |
Għalhekk, huwa xieraq li l-manifatturi u l-importaturi ta’ sustanzi ta' prijorità jintalbu jressqu iktar informazzjoni u jwettqu aktar testijiet fuq dawn is-sustanzi. Il-protokolli ppreżentati mir-relaturi lill-Kummissjoni għandhom jintużaw fit-twettiq ta' dawk it-testijiet. |
|
(4) |
Id-dispożizzjonijiet f'dan ir-Regolament huma skond l-opinjoni tal-Kumitat stabbilit skond l-Artikolu 15 tar-Regolament (KEE) Nru 793/93, |
ADOTTA DAN IR-REGOLAMENT:
Artikolu 1
Il-manifatturi u l-importaturi tas-sustanzi elenkati fl-Anness, li ppreżentaw l-informazzjoni skond ir-rekwiżiti ta’ l-Artikoli 3, 4, 7 u 9 tar-Regolament (KEE) Nru 793/93, għandhom jipprovdu l-informazzjoni u jwettqu t-testijiet indikati fl-Anness u jagħtu r-riżultati lir-relaturi relevanti.
It-testijiet għandhom isiru skond il-protokolli speċifikati mir-relaturi.
Ir-riżultati għandhom jingħataw fl-iskadenzi stabbiliti fl-Anness.
Artikolu 2
Dan ir-Regolament għandu jidħol fis-seħħ l-għada tal-pubblikazzjoni tiegħu fil-Ġurnal Uffiċjali ta' l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 28 ta’ Mejju 2008.
Għall-Kummissjoni
Stavros DIMAS
Membru tal-Kummissjoni
(1) ĠU L 84, 5.4.1993, p. 1. Ir-Regolament kif emendat l-aħħar bir-Regolament (KE) Nru 1882/2003 tal-Parlament Ewropew u tal-Kunsill (ĠU L 284, 31.10.2003, p. 1).
ANNESS
|
Nru |
Nru Einecs |
Nru CAS |
Isem tas-sustanza |
Relatur |
Ir-Rekwiżiti għall-Ittestjar/l-Informazzjoni |
Il-limitu ta’ żmien mid-data tad-dħul fis-seħħ ta' dan ir-Regolament |
|
1 |
247-759-6 |
26523-78-4 |
Tris (nonylphenyl) phosphite |
FR |
Test tat-tossiċità akuta bid-Daphnia magna Informazzjoni fuq l-istruttura tat-TNPP Informazzjoni fuq is-solubbiltà fl-ilma Determinazzjoni tal-Log Kow Test ta' l-idrolisi Test tas-sediment bil-Lumbriculus variegatus Dejta ta' monitoraġġ għal siti bil-PEC/PNEC > 1 Test fuq medda twila ta' żmien tad-Daphnia, skond ir-riżultat tat-test tad-Daphnia akuta |
4 xhur |
|
2 |
237-410-6 239-148-8 |
13775-53-6 15096-52-3 |
|
DE |
Informazzjoni fuq l-użi fil-ħoloq ulterjuri tal-katina Informazzjoni fuq l-emissjonijiet fil-kompartiment akkwatiku għall-istadji kollha taċ-ċiklu tal-ħajja Informazzjoni fuq l-emissjonijiet fl-atmosfera għall-istadji kollha taċ-ċiklu tal-ħajja Informazzjoni dwar l-ebusija ta' l-ilma ta' lqugħ għal 2 produtturi Informazzjoni dwar il-frazzjoni tal-cryolite fl-emissjonijiet ta' partikuli mill-fonderiji ta' l-aluminju Studju tat-taħlil |
4 xhur |
|
3 |
266-028-2 |
65996-93-2 |
Qatran, qatran tal-faħam, temperaturi għoljin |
NL |
Informazzjoni fuq il-ħruġ tas-16-il EPA PAHs fil-kompartimenti ambjentali differenti mill-użu tas-CTPHT fil-produzzjoni u l-użu tal-lega għall-briketti tal-faħam, tal-plattini u tal-protezzjoni mill-korrużjoni li tiflaħ għall-istrapazz |
4 xhur |
|
4 |
246-690-9 |
25617-70-8 |
2,4,4-trimethylpentene |
DE |
Informazzjoni dwar l-emissjonijiet mill-produzzjoni u mis-siti ta' l-ipproċessar fl-impjanti għat-trattament ta' l-ilma ta' skart, l-ilma tal-wiċċ u s-sediment. Test ta' l-inibizzjoni tar-respirazzjoni tal-ħama attivata (OECD 209) Test fuq medda twila ta' żmien tar-riproduzzjoni tad-Daphnia magna (OECD 211) |
4 xhur |
|
5 |
231-111-4 |
7440-02-0 |
Nikil |
DK |
Test tat-tossiċità tas-sediment |
12-il xahar |
|
232-104-9 |
7786-81-4 |
Sulfat tan-nikil |
||||
|
222-068-2 |
3333-67-3 |
Karbonat tan-nikil |
||||
|
231-743-0 |
7718-54-9 |
Diklorur tan-nikil |
||||
|
236-068-5 |
13138-45-9 |
Dinitrat tan-nikil |
||||
|
6 |
287-477-0 |
85535-85-9 |
Alkani, C14-17, kloro; |
UK |
Studju tal-bijoakkumulazzjoni fil-ħut (OECD TG 305) |
6 xhur |
|
7 |
202-696-3 |
98-73-7 |
Nitrobenzene |
DE |
Test lokali tan-noduli limfatiċi (OECD TG 429/B42) |
6 xhur |
|
8 |
202-679-0 |
98-54-4 |
4-tert-butylphenol |
NO |
Informazzjoni dwar l-esponiment lokali fuq rilaxxi minn żewġ siti ta' l-ipproċessar (5&6°) fl-impjanti għat-trattament ta' l-ilma ta' skart u l-kompartiment akkwatiku (ilma frisk u ilma baħar) |
4 xhur |
|
9 |
200-915-7 |
75-91-2 |
(TBHP) |
NL |
It-tossiċità (teħid tan-nifs) ta' doża ripetuta (28 ġurnata) (OECD 412 8) |
12-il xahar |
|
analiżi COMET tat-tessuti respiratorji |
15-il xahar |