(1)

Skond l-Artikolu 162 tar-Regolament (KE) Nru 1234/2007 il-prodotti elenkati f'dak l-artikolu li se jiġu esportati bi jew mingħajr ipproċessar ulterjuri jistgħu jkunu eliġibbli għal rifużjonijiet fuq l-esportazzjoni jekk jikkonformaw ma’ kundizzjonijiet speċifiċi stipulati fl-Artikolu 167 ta’ dan ir-Regolament. Barra minn hekk, l-Artikolu 167(7) tar-Regolament (KE) Nru 1234/2007 jagħti l-possibbiltà lill-Kummissjoni li tistabbilixxi aktar kundizzjonijiet għall-għotja ta’ rifużjonijiet fuq l-esportazzjoni għal prodott wieħed jew aktar. Dawk il-kundizzjonijiet huma attwalment stipulati fir-regolamenti tal-Kunsill dwar l-organizzazzjoni komuni tas-suq fis-setturi elenkati fl-Artikolu 162(1) tar-Regolament (KE) Nru 1234/2007. Billi dawk ir-regolamenti ser jiġu revokati skond l-Artikolu 201 tar-Regolament (KE) Nru 1234/2007, għandhom jiġu stabbiliti dispożizzjonijiet orizzontali minn mindu beda japplika r-Regolament (KE) Nru 1234/2007 hekk kif provdut fl-Artikolu 204 ta’ dak ir-Regolament.

(2)

Ir-Regolament tal-Kummissjoni (KE) Nru 800/1999 tal-15 ta’ April 1999 li jistabbilixxi regoli komuni dettaljati għall-applikazzjoni tas-sistema ta’ rifużjonijiet fuq l-esportazzjoni ta’ prodotti agrikoli diġà fih dispożizzjonijiet orizzontali (3). Huwa għalhekk xieraq li dak ir-regolament jiġi adattat sabiex jiġu stabbiliti l-kundizzjonijiet imsemmija fl-Artikolu 167(7) tar-Regolament (KE) Nru 1234/2007.

(3)

Ir-regolamenti tal-Kunsill dwar l-organizzazzjoni komuni tas-swieq fis-setturi tat-tjur, tal-bajd, tal-laħam tal-majjal u tar-ross ippermettew l-eliġibbiltà għal rifużjonijiet fuq l-esportazzjoni ta’ prodotti li ma joriġinawx fil-Komunità li jkunu ġew importati u sussegwentement esportati waqt li ma kienux ipproċessati biżżejjed fi ħdan it-tifsira ta’ l-Artikolu 24 tar-Regolament tal-Kunsill (KEE) Nru 2913/92 tat-12 ta’ Ottubru 1992 li jwaqqaf il-Kodiċi Doganali tal-Komunità (4). Ir-rifużjonijiet f'dak il-każ huma limitati għad-dazji mħallsa fuq l-importazzjoni u barra minn hekk l-esportatur ried jipprova li l-prodotti impurtati u esportati huma l-istess. Billi l-applikazzjoni tar-regola hija tedjanti u ta’ użu prattiku baxx ħafna, mil-lat tas-simplifikazzjoni u ta’ l-armonizzazzjoni ma għandhiex titħalla.

(4)

L-oriġini Komunitarja bħala prerekwiżit għall-eliġibbiltà għal rifużjonijiet fuq l-esportazzjoni hija garanzija importanti kontra l-abbuż tal-baġit Komunitarju. B'mod partikolari, dan għandu l-għan li jevita tibdil fid-direzzjoni tal-kummerċ fil-forma ta’ operazzjonijiet ta’ importazzjoni li ma jkollhom l-ebda għan kummerċjali relatat mat-tqegħid tal-prodotti fis-suq ta’ l-UE, iżda li jkunu mmotivati biss mill-opportunità li jinġabru rifużjonijiet fuq l-esportazzjoni meta din isseħħ. Din il-garanzija hija stabbilita għaċ-ċereali, għar-ross, għaċ-ċanga u l-vitella, għall-ħalib u l-prodotti tal-ħalib, għal-laħam tal-majjal, għall-bajd u għal-laħam tat-tjur u għandha titħalla. Fl-interess ta’ ħarsien kontinwu kontra l-abbuż tal-baġit Komunitarju, hemm bżonn ta’ dispożizzjoni orizzontali li tkopri s-setturi kollha elenkati fl-Artikolu 162 tar-Regolament (KE) Nru 1234/2007.

(5)

Fir-rigward taz-zokkor, bi skop li jiġi organizzat il-fluss ta’ provvisti lil raffinaturi madwar il-Komunità, ġie introdott arranġament preferenzjali speċjali għall-aċċess fis-suq tal-Komunità fl-organizzazzjonijiiet suċċessivi tas-suq komuni għaz-zokkor, u dan iħalli l-industrija tar-raffinar timporta fuq termini speċjali ċerti kwantitajiet ta’ zokkor tal-kannamieli mhux maħdum li joriġina fl-Istati ta’ l-AKP li huma firmatarji għall-Protokoll Nru 3 ta’ l-Anness IV tal-Ftehim ta’ Sħubija ta’ l-AKP u l-KE u fl-Indja u fi Stati oħra permezz tal-ftehimiet ma’ dawk l-Istati. Dan l-arranġament preferenzjali għall-importazzjoni kien implimentat fi ħdan il-qafas ta’ l-organizzazzjoni komuni tas-suq taz-zokkor. Konsegwentement, l-Artikolu 27(12) b) tar-Regolament tal-Kunsill (KE) Nru 1260/2001 tad-19 ta’ Ġunju 2001 dwar l-organizzazzjoni komuni tas-swieq fis-settur taz-zokkor (5) ipprovda li r-rifużjonijiet kellhom jingħataw għall-prodotti importati skond dan l-arranġament. Skond dan l-istess approċċ, il-Kunsill iddeċieda li l-prova ta’ l-oriġini Komunitarja ma kienx hemm bżonnha għall-eliġibbiltà għar-rifużjonijiet skond l-organizzazzjoni komuni tas-swieq fis-settur taz-zokkor stabbilit mir-Regolament tal-Kunsill (KE) Nru 318/2006 (6). Ir-rekwiżit ta’ oriġini Komunitarja għalhekk ma għandux japplika għas-settur taz-zokkor.

(6)

Wara t-tneħħija tar-rifużjonijiet fuq l-esportazzjoni ta’ xi prodotti, il-lista ta’ prodotti li għalihom ir-rifużjonijiet iridu jkunu ffissati abbażi ta’ ingredjent meta prodotti komposti jikkwalifikaw għal rifużjoni qsaret. Huwa għalhekk xieraq li nsemmu biss il-prodotti li jifdal f'dan ir-rigward.

(7)

Ir-rekwiżit ta’ l-oriġini Komunitarju fis-settur taċ-ċereali diġà kien stipulat fl-Artikolu 12 tar-Regolament tal-Kummissjoni (KE) Nru 1501/95 tad-29 ta’ Ġunju 1995 li jistabbilixxi ċerti regoli dettaljati għall-applikazzjoni tar-Regolament tal-Kunsill (KEE) Nru 1766/92 dwar l-għotja ta’ rifużjonijiet fuq l-esportazzjoni ta’ ċereali u l-miżuri li għandhom jittieħdu f'każ ta’ disturb fis-suq taċ-ċereali (7). Minħabba raġunijiet ta’ trasparenza u razzjonalizzazzjoni, dan ir-rekwiżit għandu jinbidel bid-dispożizzjoni orizzontali li tistabbilixxi r-rekwiżit ta’ l-oriġini Komunitarja.

(8)

Ir-Regolamenti (KE) Nru 1501/95 u (KE) Nru 800/1999 għandhom għalhekk ikunu emendati skond dan.

(9)

Il-miżuri pprovduti f'dan ir-Regolament huma skond l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

(1)

L-Artikolu 1 għandu jinbidel b'dan li ġej:

(*1)   ĠU L 299, 16.11.2007, p. 1."

(*2)   ĠU L 179, 14.7.1999, p. 1.” "

(2)

L-Artikolu 11 għandu jinbidel b'dan li ġej:

(*3)   ĠU L 172, 5.7.2005, p. 24.” "

(a)

mill-1 ta’ Lulju 2008 fir-rigward tas-setturi taċ-ċereali, taċ-ċanga u l-vitella, tal-laħam tal-majjal, tal-ħalib u l-prodotti tal-ħalib, tal-bajd u tal-laħam tat-tjur;

(b)

mill-1 ta’ Settembru 2008 fir-rigward tas-settur tar-ross;

(ċ)

mill-1 ta’ Ottubru 2008 fir-rigward tas-settur taz-zokkor.