|
27.1.2022 |
GA |
Iris Oifigiúil an Aontais Eorpaigh |
L 18/9 |
CINNEADH (CBES) 2022/105 ÓN gCOISTE POLAITIÚIL AGUS SLÁNDÁLA
an 19 Eanáir 2022
maidir le Ceannasaí Fórsa Mhisean an Aontais Eorpaigh a cheapadh ar Mhisean CBSC an Aontais Eorpaigh le haghaidh Oiliúint Mhíleata i bPoblacht na hAfraice Láir (EUTM RCA) agus lena n-aisghairtear Cinneadh (CBES) 2021/1435 (EUTM RCA/1/2022)
TÁ AN COISTE POLAITIÚIL AGUS SLÁNDÁLA,
Ag féachaint don Chonradh ar an Aontas Eorpach, agus go háirithe Airteagal 38 de,
Ag féachaint do Chinneadh (CBES) 2016/610 ón gComhairle an 19 Aibreán 2016 maidir le Misean CBSC an Aontais Eorpaigh le haghaidh Oiliúint Mhíleata i bPoblacht na hAfraice Láir (EUTM RCA) (1), agus go háirithe Airteagal 5(1) de,
De bharr an mhéid seo a leanas:
|
(1) |
Trí bhíthin Chinneadh (CBES) 2016/610, d’údaraigh an Chomhairle don Choiste Polaitiúil agus Slándála, i gcomhréir le hAirteagal 38 den Chonradh ar an Aontas Eorpach, na cinntí ábhartha a bhaineann le rialú polaitiúil agus treoshuíomh straitéiseach EUTM RCA a dhéanamh, lena n-áirítear na cinntí maidir le Ceannasaithe Fórsa Mhisean an Aontais Eorpaigh a cheapadh ina dhiaidh sin. |
|
(2) |
An 26 Lúnasa 2021, ghlac an Coiste Polaitiúil agus Slándála Cinneadh (CBES) 2021/1435 (2) lena gceaptar an Briogáidire-Ghinearál Jacques LANGLADE DE MONTGROS mar Cheannasaí Fórsa Mhisean an Aontais Eorpaigh ar EUTM RCA. |
|
(3) |
An 27 Deireadh Fómhair 2021, mhol údaráis Mhíleata na Beilge an Briogáidire-Ghinearál Jacky CABO a cheapadh i gcomharbacht ar an mBriogáidire-Ghinearál Jacques LANGLADE DE MONTGROS mar Cheannasaí Fórsa Mhisean an Aontais Eorpaigh ar EUTM RCA amhail ón 4 Feabhra 2022. |
|
(4) |
An 23 Samhain 2021, d’aontaigh Coiste Míleata an Aontais Eorpaigh leis an moladh go bhformheasfadh an Coiste Polaitiúil agus Slándála an togra sin. |
|
(5) |
Ba cheart cinneadh a dhéanamh maidir leis an mBriogáidire-Ghinearál Jacky CABO a cheapadh. Thairis sin, ba cheart Cinneadh (CBES) 2021/1435 a aisghairm. |
|
(6) |
I gcomhréir le hAirteagal 5 de Phrótacal Uimh. 22 maidir le seasamh na Danmhairge, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, ní bhíonn an Danmhairg rannpháirteach i ndréachtú agus cur chun feidhme cinntí agus gníomhaíochtaí de chuid an Aontais a bhfuil impleachtaí cosanta acu, |
TAR ÉIS AN CINNEADH SEO A GHLACADH:
Airteagal 1
Leis seo, ceaptar an Briogáidire-Ghinearál Jacky CABO mar Cheannasaí Fórsa Mhisean an Aontais Eorpaigh ar Mhisean CBSC an Aontais Eorpaigh le haghaidh Oiliúint Mhíleata i bPoblacht na hAfraice Láir (EUTM RCA) amhail ón 4 Feabhra 2022.
Airteagal 2
Aisghairtear Cinneadh (CBES) 2021/1435 leis seo amhail ón 4 Feabhra 2022.
Airteagal 3
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, 19 Eanáir 2022.
Thar ceann an Choiste Pholaitiúil agus Slándála
D. PRONK
An Cathaoirleach
(1) IO L 104, 20.4.2016, lch. 21.
(2) Cinneadh (CBES) 2021/1435 ón gCoiste Polaitiúil agus Slándála an 26 Lúnasa 2021 maidir le Ceannasaí Fórsa Mhisean an Aontais Eorpaigh a cheapadh ar Mhisean CBSC an Aontais Eorpaigh le haghaidh Oiliúint Mhíleata i bPoblacht na hAfraice Láir (EUTM RCA) agus lena n-aisghairtear Cinneadh (CBES) 2020/1250 (EUTM RCA/1/2021) (IO L 312, 3.9.2021, lch. 1).