1.   

Fil-31 ta’ Marzu 2021, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—	KPS Capital Partners, LP (“KPS”, l-Istati Uniti tal-Amerka),

—	Hydro Aluminium Rolled Products GmbH (il-Ġermanja), li tappartjeni għal Norsk Hydro ASA (in-Norveġja), u

—	Hydro Aluminium Rolled Products AS (in-Norveġja), li tappartjeni għal Norsk Hydro ASA.

KPS takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll esklużiv ta’ Hydro Aluminium Rolled Products GmbH u Hydro Aluminium Rolled Products AS, li flimkien jiffurmaw in-negozju tal-prodotti tal-aluminju rrumblati ċatti ta’ Norsk Hydro ASA.

Il-konċentrazzjoni hija mwettqa permezz ta’ xiri ta’ ishma.

2.   

L-attivitajiet kummerċjali tal-impriżi kkonċernati huma:

—	KPS: fond ta’ investiment li jikkontrolla kumpaniji tal-manifattura u dawk industrijali f’sensiela ta’ industriji, inklużi materjali bażiċi, prodotti tad-ditta għall-konsumatur, prodotti għall-kura tas-saħħa u lussużi, partijiet tal-karozzi, tagħmir kapitali u manifattura ġenerali.

—	Hydro Aluminium Rolled Products GmbH: produzzjoni u l-provvista ta’ prodotti tal-aluminju rrumblati ċatti

—	Hydro Aluminium Rolled Products AS: produzzjoni u l-provvista ta’ prodotti tal-aluminju rrumblati ċatti

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.10227 — KPS Capital Partners/Hydro Rolling

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz postali:

European Commission

Directorate-General for Competition

Merger Registry

1049 Bruxelles / Brussel

BELGIQUE / BELGIË