Official Journal L 057 , 27/02/1987 P. 0057 - 0057
Finnish special edition: Chapter 15 Volume 7 P. 0210
Swedish special edition: Chapter 15 Volume 7 P. 0210
Id-Deċiżjoni tal-Kummissjoni tat-13 ta’ Frar 1987 li temenda d-Deċiżjoni 80/686/KEE li tistabbilixxi Kumitat Konsultattiv dwar il-Kontroll u t-Tnaqqis tat-Tniġġiż Ikkawżat mill-Idrokarboni Skarikati fil-Baħar (87/144/KEE) IL-KUMMISSJONI TAL-KOMUNITAJIET EWROPEJ Wara li kkunsidrat it-Trattat li jistabblixxi l-Komunità Ekonomika Ewropea, Billi bid-Deċiżjoni, 80/686/KEE [1] il-Kummissjoni waqqfet Kumitat Konsultattiv dwar il-Kontroll u t-Tnaqqis tat- Tniġġiż Ikkawżat mill-Idrokarboni Skarikati fil-Baħar; billi bid-Deċiżjoni 85/208/KEE [2] il-Kummissjoni estendiet it-termini tar-referenza ta’ dan il-Kumitat sabiex jinkludu sustanzi perikolużi oħra; Billi sar progress sostanzjali fl-azzjoni mill-Komunità rigward il-kontroll u t-tnaqqis tat-tniġġiż ikkawżat mit-tixrid taż-żejt fil-baħar; Billi fir-riżoluzzjoni tiegħu tas-16 ta’ Settembru 1983 [3] il-Parlament Ewropew ikkunsidra illi għandhom jitħaddmu regoli stretti, fost ħwejjeġ oħra, rigward il-kumitati u l-gruppi ta’ l-esperti; Billi għar-raġunijiet iddikjarati hawn fuq id-Deċiżjoni 80/686/KEE għandha tiġi emendata; IDDEĊIEDIET KIF ĠEJ: Artikolu 1 Id-Deċiżjoni 80/686/KEE hija emendata kif ġej: 1. F’Artikolu 3(1) il-kliem "tliet rappreżentanti għal kull Stat Membru" tiġi mibdula bil-kliem "żewġ rappreżentanti għal kull Stat Membru". 2. Artikolu 7 jiġi mibdul b’dan li ġej: "Artikolu 7 Meta meħtieġ, il-Kummissjoni tista’ tistieden membru jew iktar li jkunu kkwalifikati b’mod partikolari fil-qasam in kwistjoni sabiex jattendu laqgħa fuq bażi individwali." 3. Artikolu 10 jiġi mħassar. Magħmula fi Brussel, fit-13 ta’ Frar 1987. Għall-Kummissjoni Stanley Clinton Davis Membru tal-Kummissjoni [1] ĠU L 188, tat-22.7.1980, p. 11. [2] ĠU L 89, tad-29.3.1985, p. 64. [3] ĠU C 277, tas-17.10.1983, p. 195. --------------------------------------------------