European flag

Iris Oifigiúil
an Aontais Eorpaigh

GA

Sraith L


2025/1178

18.6.2025

RIALACHÁN CUR CHUN FEIDHME (AE) 2025/1178 ÓN gCOIMISIÚN

an 23 Bealtaine 2025

maidir le rialacha a leagan síos chun Rialachán (AE) 2024/1735 ó Pharlaimint na hEorpa agus ón gComhairle a chur i bhfeidhm a mhéid a bhaineann leis an liosta táirgí teicneolaíochta glan-nialasachta agus a bpríomh-chomhpháirteanna sonracha chun gur féidir measúnú a dhéanamh ar an rannchuidiú leis an athléimneacht

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) 2024/1735 (1) ó Pharlaimint na hEorpa agus ón gComhairle an 13 Meitheamh 2024 maidir le creat beart a bhunú chun éiceachóras monaraíochta teicneolaíochta glan-nialasachta na hEorpa a neartú agus lena leasaítear Rialachán (AE) 2018/1724, agus go háirithe Airteagal 29(2), an chéad fhomhír, de,

De bharr an mhéid seo a leanas:

(1)

Le Rialachán (AE) 2024/1735 bunaítear comhchreat dlíthiúil arb é is aidhm dó athléimneacht agus slándáil soláthair theicneolaíochtaí glan-nialasachta an Aontais a neartú, trí éagsúlú a slabhraí soláthair a chur chun cinn agus trí acmhainneacht mhonaraíochta intíre na dteicneolaíochtaí glan-nialasachta a fheabhsú.

(2)

I gcomhréir le hAirteagail 25, 26 agus 28 de Rialachán (AE) 2024/1735, i gcás fianaise go bhfuil spleáchas mór ann ar thríú tíortha maidir le soláthar theicneolaíochtaí glan-nialasachta an Aontais, ní mór critéir neamhphraghais, mar shampla, an rannchuidiú leis an athléimneacht, a chur i bhfeidhm i soláthar poiblí, i gceantanna fuinnimh in-athnuaite nó i bhfoirmeacha eile idirghabhálacha poiblí. Chun measúnú a dhéanamh ar an rannchuidiú leis an athléimneacht, tá an Coimisiún chun gníomh cur chun feidhme a ghlacadh lena ndéanfar foráil maidir le liosta táirgí teicneolaíochta glan-nialasachta agus dá bpríomh-chomhpháirteanna sonracha. Leis an liosta beifear in ann measúnú a dhéanamh ar an rannchuidiú leis an athléimneacht.

(3)

Áirítear san Iarscríbhinn a ghabhann le Rialachán (AE) 2024/1735 liosta táirgí teicneolaíochta glan-nialasachta agus comhpháirteanna sonracha a úsáidtear go príomha chun teicneolaíochtaí glan-nialasachta a tháirgeadh.

(4)

Ar na príomh-chomhpháirteanna sonracha a áirítear sa liosta dá bhforáiltear san Iarscríbhinn a ghabhann leis an Rialachán seo, níor cheart a bheith san áireamh ach na comhpháirteanna sonracha a úsáidtear go príomha chun teicneolaíochtaí glan-nialasachta a tháirgeadh, ar comhpháirteanna iad atá fíor-riachtanach chun athléimneacht an Aontais a áirithiú, i gcomhréir leis na forálacha maidir le rochtain ar mhargaí a leagtar amach in Airteagail 25 go 28 de Rialachán (AE) 2024/1735.

(5)

Na comhpháirteanna sonracha a úsáidtear go príomha chun teicneolaíochtaí glan-nialasachta a tháirgeadh, ba cheart a mheas go bhfuil siad fíor-riachtanach chun cur chun feidhme éifeachtach an rannchuidithe leis an athléimneacht a áirithiú i soláthar poiblí, i gceantanna fuinnimh in-athnuaite agus i bhfoirmeacha eile idirghabhálacha poiblí má rannchuidíonn siad go mór le luach an táirge deiridh, nó má tá siad criticiúil ó thaobh tacú le hathléimneacht an tslabhra soláthair fhoriomláin de.

(6)

Ba cheart cur i bhfeidhm an Rialacháin seo a chur siar ionas go mbeidh dóthain ama ag na Ballstáit ullmhú le haghaidh na gceanglas a bhaineann leis an rannchuidiú leis an athléimneacht.

(7)

I gcomhréir le hAirteagal 29(2), an dara fomhír, de Rialachán (AE) 2024/1735, soláthróidh an Coimisiún faisnéis nuashonraithe faoi na sciartha de sholáthar an Aontais de thionscnamh tríú tíortha éagsúla maidir le teicneolaíochtaí glan-nialasachta agus a bpríomh-chomhpháirteanna sonracha.

(8)

Tá na bearta dá bhforáiltear sa Rialachán seo i gcomhréir leis an tuairim ón gcoiste arna bhunú le hAirteagal 45(1) de Rialachán (AE) 2024/1735,

TAR ÉIS AN RIALACHÁN SEO A GHLACADH:

Airteagal 1

Leagtar amach san Iarscríbhinn an liosta táirgí teicneolaíochta glan-nialasachta agus a bpríomh-chomhpháirteanna sonracha chun measúnú a dhéanamh ar an rannchuidiú leis an athléimneacht.

Airteagal 2

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh feidhm aige ón 30 Nollaig 2025.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an 23 Bealtaine 2025.

Thar ceann an Choimisiúin

An tUachtarán

Ursula VON DER LEYEN


(1)   IO L, 2024/1735, 28.6.2024, ELI: http://data.europa.eu/eli/reg/2024/1735/oj.


IARSCRÍBHINN

An liosta táirgí deiridh teicneolaíochta glan-nialasachta agus a bpríomh-chomhpháirteanna sonracha chun gur féidir measúnú a dhéanamh ar an rannchuidiú leis an athléimneacht

 

Fochatagóirí de theicneolaíochtaí glan-nialasachta

Táirgí deiridh

Príomh-chomhpháirteanna sonracha

Teicneolaíochtaí gréine

Teicneolaíochtaí fótavoltacha

—

Córais fhótavoltacha ghréine

—

Polaisileacón de ghrád fótavoltach

—

Tinní sileacóin de ghrád fótavoltach nó a gcoibhéis (1)

—

Sliseoga fótavoltacha nó a gcoibhéis (1)

—

Cealla fótavoltacha nó a gcoibhéis (1)

—

Gloine gréine

—

Modúil fhótavoltacha

—

Inbheartóirí fhótavoltacha

—

Rianairí fótavoltacha agus a struchtúir ghléasta shonracha

Teicneolaíochtaí grianteasa leictreacha

—

Gléasra dírithe grianteasa (CSP)

—

Frithchaiteoirí CSP

—

Rianairí CSP agus a struchtúir ghléasta shonracha

—

Glacadóirí CSP (pointe nó líne)

Teicneolaíochtaí grianteasa

—

Córais grianteasa theirmigh

—

Tiomsaitheoirí teirmeacha grianteasa (lena n-áirítear tiomsaitheoirí leacaithe, tiomsaitheoirí feadán folmhaithe, córais dírithe agus tiomsaitheoirí aeir)

—

Ionsúirí grianteasa theirmigh

—

Gloine gréine

—

Rianairí grianteasa theirmigh agus a struchtúir ghléasta shonracha

Teicneolaíochtaí gréine eile

—

Tiomsaitheoirí fótavoltacha-teirmeacha

 

Teicneolaíochtaí gaoithe ar tír agus teicneolaíochtaí in-athnuaite amach ón gcósta

Teicneolaíochtaí gaoithe ar tír

—

Tuirbíní gaoithe ar tír

—

Naoisilí (cóimeáil)

—

Moil rótair

—

Príomhimthacaí, imthacaí luascála agus imthacaí claonta

—

Gléasra cumhachta gan ghiar (gineadóir san áireamh) agus/nó gléasraí cumhachta giarbhosca (gineadóir san áireamh)

—

Buanmhaighnéid tuirbíní gaoithe

—

Giarbhoscaí tuirbíní gaoithe

—

Lanna

—

Túir

Teicneolaíochtaí gaoithe amach ón gcósta

—

Tuirbíní gaoithe amach ón gcósta

—

Naoisilí (cóimeáil)

—

Moil rótair

—

Príomhimthacaí, imthacaí luascála agus imthacaí claonta

—

Gléasraí cumhachta gan ghiar (gineadóir san áireamh) agus/nó gléasraí cumhachta giarbhosca (gineadóir san áireamh)

—

Buanmhaighnéid tuirbíní gaoithe

—

Giarbhoscaí tuirbíní gaoithe

—

Lanna

—

Túir

—

Bunsraitheanna/snámháin

Teicneolaíochtaí in-athnuaite eile amach ón gcósta

—

Teicneolaíochtaí fuinnimh srutha taoide

—

Teicneolaíochtaí fuinnimh tonnta

 

Teicneolaíochtaí ceallraí agus stórála fuinnimh

Teicneolaíochtaí ceallraí

—

Ceallraí (2)

—

Ceallra-phacaí

—

Modúil ceallraí

—

Cealla ceallraí

—

Ábhair ghníomhacha chatóide

—

Ábhair ghníomhacha anóide

—

Leictrilítí

—

Deighilteoirí

—

Tiomsaitheoirí cumhachta (lena n-áirítear scragaill chopair thanaí, alúmanaim, nicile agus charbóin)

—

Córais bainistithe ceallra

—

Córais bainistithe theirmigh ceallra

Teicneolaíochtaí stórála leictriceimicí

—

Ultrathoilleoirí / sárthoilleoirí

—

Stóráil fuinnimh sreafa ocsdí

—

Leictrilítí

—

Deighilteoirí

—

Tiomsaitheoirí

—

Plátaí leictreoide

Teicneolaíochtaí stórála imtharraingtí

—

Hidreastóráil phumpála

—

Hidreatuirbíní iniompaithe agus reathairí caidéil iniompaithe

—

Dáileoirí ag a bhfuil eití treoracha

Teicneolaíochtaí stórála fuinnimh theirmigh

—

Córais stórála fuinnimh theirmigh

—

Meáin stórála teasa inbhraite agus stórála teasa folaigh (lena n-áirítear ábhair athraithe céime agus salainn leáite)

—

Ábhair stórála teirmiceimicí

Teicneolaíochtaí stórála fuinnimh gáis chomhbhrúite/leachtaithe

—

Stóráil fuinnimh le haer comhbhrúite

—

Stóráil fuinnimh le haer leachtach

 

Teicneolaíochtaí stórála fuinnimh eile

—

Stóráil fuinnimh rotha lústair

—

Rótair rotha lústair

Teaschaidéil agus teicneolaíochtaí fuinnimh gheoiteirmigh

Teicneolaíochtaí teaschaidéal

—

Teaschaidéil

—

Teaschaidéil

—

Comhlaí ceithre bhealach

—

Comhbhrúiteoirí scrollála/comhbhrúiteoirí rothlacha teaschaidéil

Teicneolaíochtaí fuinnimh gheoiteirmigh

—

Gléasraí cumhachta geoiteirmeacha

—

Córais gheoiteirmeacha úsáide dírí

—

Teasmhalartóirí atá frithsheasmhach in aghaidh dálaí oibriúcháin creimneacha geoiteirmeacha

—

Caidéil intumtha atá frithsheasmhach in aghaidh dálaí oibriúcháin creimneacha geoiteirmeacha

Teicneolaíochtaí hidrigine

Leictrealóirí

—

Leictrealóirí alcaileacha

—

Cruacha

—

Deighilteoirí (spiara nó scannáin atá saincheaptha le haghaidh leictrealú uisce)

—

Plátaí dépholacha agus ceannphlátaí

—

Leictreoidí

—

Leictrealóirí scannáin prótónmhalartúcháin (Leictrealóirí PEM)

—

Cruacha

—

Cóimeálacha leictreoide scannáin (3-shraith) /scannáin atá brataithe le catalaígh

—

Cisil iompair phóiriúla / cisil idirleata gáis

—

Plátaí dépholacha agus ceannphlátaí

—

Leictrealóirí scannáin ainianmhalartúcháin

—

Cruacha

—

Cóimeálacha leictreoide scannáin (3-shraith) /scannáin atá brataithe le catalaígh

—

Cisil iompair phóiriúla / cisil idirleata gáis

—

Plátaí dépholacha agus ceannphlátaí

—

Leictrealóirí ocsaíde soladaí

—

Cruacha

—

Leictrilítí agus leictreoidí

—

Gaiscéid / séaluithe ardteochta

—

Idirnascairí / mogaill agus ceannphlátaí

Breosla-chill hidrigine

—

Breosla-chealla scannáin prótónmhalartúcháin

—

Cruacha

—

Cóimeálacha leictreoide scannáin (3-shraith) /scannáin atá brataithe le catalaígh

—

Cisil iompair phóiriúla / cisil idirleata gáis

—

Plátaí dépholacha agus ceannphlátaí

—

Breosla-chealla oscsaíde soladaí

—

Cruacha

—

Leictrilítí agus leictreoidí

—

Gaiscéid / séaltáin ardteochta

—

Idirnascairí / mogaill agus ceannphlátaí

Teicneolaíochtaí hidrigine eile

—

Gréasáin tarchurtha agus dáileacháin hidrigine

—

Comhbhrúiteoirí hidrigine

—

Stáisiúin athbhreoslaithe hidrigine

—

Píblínte le haghaidh tarchur agus dáileadh hidrigine

—

Saoráidí stórála hidrigine

—

Umair stórála hidrigine ar bord

—

Umair stórála hidrigine do-aistrithe

—

Gléasra chun hidrigin a thiontú go hamóinia agus a eastóscadh ó amóinia

—

Scoilteoirí amóinia

Teicneolaíochtaí inbhuanaithe bithgháis agus bithmheatáin

Teicneolaíochtaí inbhuanaithe bithgháis

—

Monarchana bithgháis inbhuanaithe

—

Díleáiteoirí anaeróbacha / umair choipthe

Teicneolaíochtaí inbhuanaithe bithmheatáin

—

Gléasraí bithmheatáin inbhuanaithe

—

Díleáiteoirí anaeróbacha / umair choipthe

—

Aonaid uasghrádaithe bithmheatáin

Teicneolaíochtaí GSC

Teicneolaíochtaí gabhála carbóin

—

Gabháil ionsúcháin

—

Gabháil asúcháin

—

Gabháil scannán

—

Gabháil timthriallta soladacha

—

Gabháil chrióiginice

—

Gabháil dhíreach ón aer

—

Comhbhrúiteoiri CO2

Teicneolaíochtaí stórála carbóin

 

 

Teicneolaíochtaí eangaí leictreachais

Teicneolaíochtaí eangaí leictreachais

—

Fostáisiúin intíre

—

Fostáisiúin amach ón gcósta

—

Cáblaí agus línte le haghaidh tarchur agus dáileadh leictreachais, agus cáblaí lena nasctar teicneolaíochtaí glan-nialasachta leis an eangach leictreachais (línte cumhachta lastuas, cáblaí faoi thalamh agus cáblaí faoin bhfarraige, lena n-áirítear HVDC agus TAAC)

—

Lascthrealamh

—

Scoradáin chiorcaid

—

Athsheachadáin chosanta

—

Claochladáin chumhachta

—

Dínascóirí

—

Córais busbharraí

—

Caibinéid leictreonacha

—

Fostáisiúin amach ón gcósta

—

Inbhéartóirí

—

Tiontairí

—

Túir tarchurtha agus dáilte leictreachais

—

Túir tarchurtha agus dáilte leictreachais

—

Seoltóirí leictreacha (lena n-áirítear seoltóirí ardfhorbartha agus forsheoltóirí ardteochta)

—

Inslitheoirí

—

Cáblaí, línte agus gabhálais lena mbaineann, le haghaidh tarchur agus dáileadh leictreachais, agus cáblaí lena nasctar teicneolaíochtaí glan-nialasachta leis an eangach leictreachais (línte cumhachta lastuas, cáblaí faoi thalamh agus cáblaí faoin bhfarraige, lena n-áirítear HVDC agus TAAC)

—

Cáblaí agus línte le haghaidh tarchur agus dáileadh leictreachais, agus cáblaí lena nasctar teicneolaíochtaí glan-nialasachta leis an eangach leictreachais (línte cumhachta lastuas, cáblaí faoi thalamh agus cáblaí faoin bhfarraige, lena n-áirítear HVDC agus TAAC)

—

Seoltóirí leictreacha (lena n-áirítear seoltóirí ardfhorbartha agus forsheoltóirí ardteochta)

—

Inslitheoirí

—

Claochladáin chumhachta

—

Claochladáin chumhachta

—

Croíthe claochladán

—

Tochráin claochladán

—

Athróirí tapa claochladán

Teicneolaíochtaí luchtaithe feithiclí leictreacha le haghaidh iompair

—

Trealamh soláthair le haghaidh feithiclí leictreacha

—

Córais bóithre leictreacha (3)

—

Trealamh soláthair leictreachais cois cladaigh

—

Caitéine

—

Trealamh soláthair aeriompair leictrigh

—

Trealamh soláthair le haghaidh feithiclí leictreacha

—

Trealamh soláthair leictreachais cois cladaigh

—

Trealamh soláthair aeriompair leictrigh

Teicneolaíochtaí chun an eangach a dhigitiú agus teicneolaíochtaí eangaí leictreachais eile

—

Trealamh agus comhpháirteanna leictreonaice cumhachta ardvoltais agus meánvoltais (lena n-áirítear teicneolaíocht srutha dhírigh)

—

Teicneolaíochtaí córais sholúbtha tarchurtha srutha ailtéarnaigh

—

Méadair chliste / ardbhonneagair méadraithe agus rialaithe

—

Trealamh agus comhpháirteanna leictreonaice cumhachta ardvoltais agus meánvoltais (lena n-áirítear teicneolaíocht srutha dhírigh)

—

Teicneolaíochtaí córais sholúbtha tarchurtha srutha ailtéarnaigh

—

Méadair chliste / ardbhonneagair méadraithe agus rialaithe

Teicneolaíochtaí fuinnimh eamhnaithe núicléach

Teicneolaíochtaí fuinnimh eamhnaithe núicléach

—

Stáisiúin chumhachta eamhnaithe núicléach

—

Eilimintí breosla

—

Árthaigh imoibreora

—

Píobánra príomhúil agus comhlaí

—

Galtuirbíní

—

Gineadóirí gaile

—

Córais sábháilteachta

—

Córais faireacháin, ionstraimithe agus rialaithe

Teicneolaíochtaí timthrialla breosla núicléach

—

Timthriallta breosla núicléach

—

Lártheifneoirí

—

Córais láimhseála gáis agus córais rialaithe sreafa

—

Trealamh próiseála ceimicí

—

Trealamh gloinithe dramhaíola

—

Sorcóirí, gabhdáin agus bairillí iompair, stórála agus diúscartha

—

Tromuisce

—

Córais sábháilteachta

—

Córais faireacháin, ionstraimithe agus rialaithe

Teicneolaíochtaí breoslaí malartacha inbhuanaithe

Teicneolaíochtaí breoslaí malartacha inbhuanaithe

—

Gléasra breoslaí malartacha inbhuanaithe

—

Imoibreoirí teirmiceimiceacha, leictriceimiceacha, ceimiceacha agus bithcheimiceacha / bitheolaíocha chun bithmhais, breoslaí carbóin athchúrsáilte a thiontú ina mbith-idirmheánaigh agus/nó ina ngás sintéiseach

—

Imoibreoirí agus aonaid iarchóireála chun bith-idirmheánaigh agus/nó gás sintéiseach agus breoslaí carbóin athchúrsáilte a thiontú ina mbreoslaí malartacha inbhuanaithe

Teicneolaíochtaí hidreachumhachta

Teicneolaíochtaí hidreachumhachta

—

Córais hidreatuirbíní

—

Reathairí hidreatuirbíní

—

Dáileoirí ag a bhfuil eití treoracha

Teicneolaíochtaí fuinnimh in-athnuaite

Teicneolaíochtaí fuinnimh osmóisigh

 

 

Teicneolaíochtaí fuinnimh chomhthimpeallaigh, seachas teaschaidéil

 

 

Teicneolaíochtaí bithmhaise

—

Muilte millíní

—

Fáisceáin fáiscthe

—

Díslí millíní

—

Cuasáin dlúthaithe fáiscthe

Teicneolaíochtaí gáis láithreáin líonta

 

 

Teicneolaíochtaí gáis ionaid cóireála séarachais

 

 

Teicneolaíochtaí fuinnimh in-athnuaite

 

 

Teicneolaíochtaí éifeachtúlachta fuinnimh a bhaineann le córais fuinnimh

Teicneolaíochtaí éifeachtúlachta fuinnimh a bhaineann le córais fuinnimh

—

Córais bhainistíochta fuinnimh (CBF)

—

Córais uathoibrithe foirgnimh (CUF)

—

Freagairt uathoibrithe ar an éileamh (FUÉ)

—

Tiomántáin luais inathraithe

—

Córais chumhachta timthrialla orgánaigh den chineál Rankine

—

CBF

—

CUF

—

FUÉ

—

Tiomántáin luais inathraithe

—

Tuirbíní timthrialla orgánaigh den chineál Rankine

Teicneolaíochtaí eangaí teasa agus fuachta

—

Píbobair an chórais dáileacháin téimh agus fuaraithe

 

Teicneolaíochtaí éifeachtúlachta fuinnimh eile a bhaineann le córais fuinnimh

 

 

Breoslaí in-athnuaite de thionscnamh neamhbhitheolaíoch

Teicneolaíochtaí breoslaí in-athnuaite de thionscnamh neamhbhitheolaíoch

—

Gléasra teicneolaíochtaí breoslaí in-athnuaite de thionscnamh neamhbhitheolaíoch

—

Imoibreoirí chun H2 agus CO2 nó N2 a thiontú ina ngás sintéiseach nó ina n-alcóil

—

Imoibreoirí chun gás sintéiseach nó alcóil a thiontú ina mbreoslaí in-athnuaite iompair leachtacha agus gásacha de thionscnamh neamh-bhitheolaíoch

Réitigh bhith-theicneolaíochta aeráide agus fuinnimh

Réitigh bhith-theicneolaíochta aeráide agus fuinnimh

—

Miocrorgánaigh agus tréithchineálacha miocróbacha (lena n-áirítear baictéir, giostaí, miocralgaí, fungais agus aircéabaictéir ach gan a bheith teoranta dóibh) a úsáidtear chun bunábhair a réamhchóireáil agus a thiontú ina mbithbhreoslaí, ina mbreoslaí carbóin athchúrsáilte agus ina mbreoslaí in-athnuaite, ina gceimiceáin charbóin bhithbhunaithe agus athchúrsáilte, ina mbithpholaiméirí, ina n-ábhair bhithbhunaithe agus ina dtáirgí bithbhunaithe

—

Einsímí (lena n-áirítear aimileáis agus ceallalós ach gan a bheith teoranta dóibh) a úsáidtear chun bunábhair a réamhchóireáil agus a thiontú ina mbithbhreoslaí, ina gceimiceáin bhithbhunaithe, ina n-ábhair bhithbhunaithe agus ina dtáirgí bithbhunaithe, nó a úsáidtear chun imoibrithe i bpróisis cheimiceacha a chatalú

—

Bithpholaiméirí

—

Miocrorgánaigh agus tréithchineálacha miocróbacha (lena n-áirítear baictéir, giostaí, miocralgaí, fungais agus aircéabaictéir ach gan a bheith teoranta dóibh) a úsáidtear chun bunábhair a réamhchóireáil agus a thiontú ina mbithbhreoslaí, ina mbreoslaí carbóin athchúrsáilte agus ina mbreoslaí in-athnuaite, ina gceimiceáin charbóin bhithbhunaithe agus athchúrsáilte, ina mbithpholaiméirí, ina n-ábhair bhithbhunaithe agus ina dtáirgí bithbhunaithe

—

Einsímí (lena n-áirítear aimileáis agus ceallalós ach gan a bheith teoranta dóibh) a úsáidtear chun bunábhair a réamhchóireáil agus a thiontú ina mbithbhreoslaí, ina gceimiceáin bhithbhunaithe, ina n-ábhair bhithbhunaithe agus ina dtáirgí bithbhunaithe, nó a úsáidtear chun imoibrithe i bpróisis cheimiceacha a chatalú

—

Bithpholaiméirí

Teicneolaíochtaí claochlaitheacha tionsclaíocha le haghaidh an dícharbónaithe

Teicneolaíochtaí claochlaitheacha tionsclaíocha le haghaidh an dícharbónaithe

—

Stuafhoirnéisí leictreacha

—

Imoibreoirí iarainn laghdaithe go díreach atá réidh don hidrigin

—

Stuafhoirnéisí tumtha

—

Foirnéisí daibhche slaige oscailte

—

Mearchailcíneoirí

—

Coirí leictreacha tionsclaíocha

—

Téitheoirí/foirnéisí ionduchtaithe tionsclaíocha (4)

—

Téitheoirí/foirnéisí infridhearga tionsclaíocha

—

Téitheoirí/foirnéisí micreathonnacha tionsclaíocha

—

Téitheoirí/foirnéisí radathonnta tionsclaíocha

—

Téitheoirí/foirnéisí sainfhriotaíocha tionsclaíocha

—

Leictreoidí graifíte nó carbóin le haghaidh foirnéisí leictreacha

—

Mearchailcíneoirí

—

Coirí leictreacha tionsclaíocha

—

Téitheoirí/foirnéisí ionduchtaithe tionsclaíocha

—

Cornaí ionduchtúcháin tionsclaíocha

—

Téitheoirí/foirnéisí infridhearga tionsclaíocha

—

Astaírí infridhearga tionsclaíocha

—

Téitheoirí/foirnéisí micreathonnacha tionsclaíocha

—

Maighnéatróin thionsclaíocha

—

Téitheoirí/foirnéisí radathonnta tionsclaíocha

—

Gineadóirí radaimhinicíochta

—

Téitheoirí/foirnéisí sainfhriotaíocha tionsclaíocha

—

Leictreoidí molaibdéinim le haghaidh foirnéisí leictreacha

Teicneolaíochtaí iompair agus úsáide CO2

Teicneolaíochtaí iompair CO2

—

Bonneagar iompair CO2

—

Comhbhrúiteoiri CO2

Teicneolaíochtaí úsáide CO2

—

Úsáid theirmiceimiceach

—

Úsáid leictriceimiceach

—

Leictrealóirí CO2

Teicneolaíochtaí tiomána gaoithe agus leictrí le haghaidh iompair

Teicneolaíochtaí tiomána gaoithe

—

Rótair Flettner

—

Seolta sciatháin súite

—

Eitleoga tarraingthe

—

Seolta sciatháin dochta agus leathdhochta

 

Teicneolaíochtaí tiomána leictrí

—

Córais tiomána leictrí le haghaidh iompar de bhóthar agus iompar eisbhóthair

—

Córais tiomána leictrí le haghaidh iompar d'iarnród

—

Córais tiomána leictrí le haghaidh uisce-iompair

—

Córais tiomána leictrí le haghaidh aeriompair

—

Mótair leictreacha tiomána iompair

—

Buanmhaighnéid de mhótair leictreacha iompair

—

Ceallra-phacaí iompair

—

Breosla-chill iompair

—

Inbheartóirí iompair

—

Aonaid dáilte cumhachta ardvoltais tiomána leictrí

—

Luchtairí ar bord

—

Umair stórála hidrigine ar bord

Teicneolaíochtaí núicléacha eile

Teicneolaíochtaí núicléacha eile (mar shampla, teicneolaíochtaí comhleá núicléach)

 

 


(1)  Tagraíonn an téarma ‘coibhéis’ do chéimeanna comhchosúla nó d’eochairtheicneolaíochtaí cumasúcháin a bhfuil gá leo le haghaidh teicneolaíochtaí tanascannáin, teicneolaíochtaí orgánacha, teicneolaíochtaí teaindim nó teicneolaíochtaí fótavoltacha eile.

(2)  Ceallraí mar a shainmhínítear in Airteagal 3(13), (14) agus (15) de Rialachán (AE) 2023/1542 ó Pharlaimint na hEorpa agus ón gComhairle an 12 Iúil 2023 maidir le ceallraí agus ceallraí dramhaíola.

(3)  Tagraíonn an téarma ‘córais bóithre leictreacha’ (ar a dtugtar luchtú dinimiciúil freisin) do threalamh feadh an bhóthair a sholáthraíonn cumhacht d’fheithiclí agus iad ag gluaiseacht. Áirítear luchtú seoltach agus ionduchtach araon sa táirge deiridh sin.

(4)  Tagraíonn an téarma ‘téitheoir’ d’fheidhmeanna teochta ísle (suas le 200 oC) agus meánteochta (200 go 500 oC). Tagraíonn an téarma ‘foirnéis’ d’fheidhmeanna ardteochta (500 go 1 000 oC) agus teochta an-ard (níos airde ná 1 000 oC).


ELI: http://data.europa.eu/eli/reg_impl/2025/1178/oj

ISSN 1977-0839 (electronic edition)