C_202502757MT.000101.fmx.xml

Notifika minn qabel ta’ konċentrazzjoni

(Każ M.11910 — MAPFRE / VAS / MAWDY SERVICES / VSL)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(C/2025/2757)

Fit-2 ta’ Mejju 2025, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Mapfre Asistencia, Compañia Internacional de Seguros y Reaseguros S.A. ( “MAPFRE” , Spanja), ikkontrollata minn Fundación MAPFRE (Spanja),

—	Vittoria Assicurazioni S.p.A. ( “VAS” , l-Italja), ikkontrollata minn Yafa S.p.A. (l-Italja), li min-naħa tagħha hija soġġetta għall-kontroll dirett aħħari ta’ persuna fiżika.

MAPFRE u VAS se jakkwistaw, fis-sens tal-Artikoli 3(1)(b) u 3(4) tar-Regolament dwar l-Għaqdiet, il-kontroll konġunt ta’ MAWDY Services S.p.A (“MAWDY Services”) u Vittoria Servizi Legali S.r.l. (“VSL”) (flimkien, il-“JVs”).

Il-konċentrazzjoni hija mwettqa permezz ta’ xiri ta’ ishma fil-JVs.

L-attivitajiet kummerċjali tal-impriżi kkonċernati huma li ġejjin:

—

MAPFRE hija kumpanija Spanjola attiva fis-setturi tal-assigurazzjoni u tar-riassigurazzjoni madwar id-dinja. Fl-aħħar mill-aħħar hija kkontrollata minn Fundación MAPFRE, li twettaq attivitajiet ta’ interess ġenerali mingħajr skop ta’ qligħ f’oqsma bħall-kultura, il-promozzjoni tas-saħħa, il-prevenzjoni, is-sikurezza fit-toroq, l-assigurazzjoni, u l-protezzjoni soċjali,

—	VAS hija kumpanija Taljana attiva fis-setturi tal-assigurazzjoni u tar-riassigurazzjoni.

L-attivitajiet kummerċjali ta’ JV huma li ġejjin:

—

MAWDY Services hija kumpanija Taljana li bħalissa hija kkontrollata minn MAPFRE, u hija attiva prinċipalment fid-distribuzzjoni tal-assigurazzjoni u bħala fornitur ta’ servizzi ta’ assistenza f’diversi setturi. Is-servizzi MAWDY jipprovdu wkoll soluzzjonijiet ta’ ġestjoni esternalizzati għas-setturi tal-karozzi u tal-assigurazzjoni,

—	VSL hija kumpanija Taljana li bħalissa hija kkontrollata indirettament minn VAS. VSL hija attiva wkoll fil-forniment ta’ servizzi diġitali, inkluż fis-settur tal-kura tas-saħħa (permezz ta’ ComeStai S.p.A) u fis-settur legali (permezz ta’ EasyLegal S.r.l.).

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar il-konċentrazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.11910 — MAPFRE / VAS / MAWDY SERVICES / VSL

Il-kummenti jistgħu jintbagħtu lill-Kummissjoni permezz tal-posta elettronika jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz Postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 160, 5.5.2023, p. 1.