|
21.11.2022 |
MT |
Il-Ġurnal Uffiċjali tal-Unjoni Ewropea |
C 440/26 |
Avviż minn qabel ta’ konċentrazzjoni
(Il-Każ M.10930 – POST / BGL / BCEE / BIL / BDL / i-HUB)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2022/C 440/10)
1.
Fil-11 ta’ Novembru 2022, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
POST Luxembourg (“POST”, il-Lussemburgu), |
|
— |
BGL BNP Paribas (“BGL”, il-Lussemburgu), li jappartjeni għall-grupp BNP Paribas (Franza), |
|
— |
Banque et Caisse d’Epargne de l’Etat, Luxembourg (“BCEE”, il-Lussemburgu), |
|
— |
Banque Internationale à Luxembourg S.A. (“BIL”, il-Lussemburgu), li jappartjeni għal Legend Holdings (iċ-Ċina), |
|
— |
Banque de Luxembourg (“BDL”, il-Lussemburgu), li jappartjenti għal Crédit Industriel et Commercial (Franza), |
|
— |
i-Hub S.A. (“i-Hub”, il-Lussemburgu), li bħalissa huwa kkontrollat bi sħab minn POST u BGL. |
POST, BGL, BCEE, BIL u BDL jakkwistaw, fis-sens tal-Artikolu 3(1)(b) u l-Artikolu 3(4) tar-Regolament dwar l-Għaqdiet, il-kontroll bi sħab ta’ i-Hub.
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma dawn li ġejjin:|
— |
POST: tipprovdi servizzi tal-posta, tat-telekomunikazzjoni, tal-ICT u bankarji fil-Lussemburgu. POST hija proprjetà kollha kemm hi tal-Istat tal-Lussemburgu; |
|
— |
BGL: istituzzjoni tal-kreditu li jipprovdi firxa ta’ servizzi bankarji fil-Lussemburgu, fosthom servizzi bankarji lill-konsumatur, servizzi finanzjarji internazzjonali u servizzi bankarji korporattivi u istituzzjonali; |
|
— |
BCEE: istituzzjoni tal-kreditu li jipprovdi firxa ta’ servizzi bankarji fil-Lussumburgu fosthom servizzi bankarji għall-konsumatur, servizzi finanzjarji internazzjonali u servizzi bankarji korporattivi u istituzzjonali. BCEE huwa proprjetà kollha kemm hi tal-Istat tal-Lussemburgu. |
|
— |
BIL: grupp bankarju privat li jopera f’attivitajiet bankarji għall-konsumatur, f’attivitajiet bankarji privati u korporattivi, u fl-assikurazzjoni, bil-Lussemburgu bħala l-punt fokali ġeografiku prinċipali tiegħu; |
|
— |
BDL: istituzzjoni tal-kreditu li jipprovi firxa ta’ servizzi bankarji fil-Lussemburgu, fosthom servizzi bankarji lill-konsumatur, servizzi finanzjarji internazzjonali u servizzi bankarji korporattivi u istituzjonali; |
|
— |
i-Hub: jipprovdi servizzi ta’ appoġġ għall-konformità, li jinvolvu, permezz tal-pjattaforma repożitorja, għajnuna lill-impriżi li jagħmlu kontrolli fil-kuntest biex jafu min huma l-klijenti tagħhom biex jikkonformaw mal-obbligi ta’ kontra l-ħasil tal-flus. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.10930 – POST / BGL / BCEE / BIL / BDL / i-HUB
Il-kummenti jistgħu jintbagħtu lill-Kummissjoni permezz tal-email, permezz tal-fax jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).