(1)

Déantar foráil le hAirteagal 8ac(7), an chéad fhomhír de Threoir 2011/16/AE go bhfuil an Coimisiún, tar éis iarraidh réasúnaithe a fháil ó Bhallstát nó ar a thionscnamh féin, le cinneadh cé acu atá nó nach bhfuil an fhaisnéis atá le huathmhalartú ag údaráis inniúla Bhallstáit agus ag dlínse nach dlínse de chuid an Aontais í, faoi chomhaontú idir na húdaráis sin agus an dlínse sin, coibhéiseach leis an bhfaisnéis a shonraítear i Roinn III, mír B, d’Iarscríbhinn V a ghabhann leis an Treoir sin. Le Rialachán Cur Chun Feidhme (AE) 2023/823 ón gCoimisiún (2), leagtar síos rialacha maidir leis an bhforáil sin de Threoir 2011/16/AE a chur chun feidhme.

(2)

Tar éis iarraidh a fháil ó údarás inniúil Cheanada an 30 Meitheamh 2023, chinn an Coimisiún cinneadh a dhéanamh cé acu a bhaineann nó nach mbaineann an fhaisnéis a cheanglaítear a uathmhalartú de bhun Chomhaontú Iltaobhach na nÚdarás Inniúil maidir le huathmhalartú faisnéise faoi ioncam a dhíorthaítear trí ardáin dhigiteacha (3) (‘DPI-MCAA’), comhaontú arna shíniú, faoi láthair, ag údaráis inniúla Cheanada agus na Beilge, na Bulgáire, na Cipire, na Cróite, na hEastóine, na hÉireann, na Fionlainne, na hÍsiltíre, na Laitvia, Lucsamburg, Mhálta, na Polainne, na Portaingéile, na Slóivéine, na Slóvaice, na Spáinne agus na Sualainne (‘na Ballstáit is sínitheoirí’) leis na gníomhaíochtaí a thagann faoi raon feidhme Threoir 2011/16/AE agus cé acu atá nó nach bhfuil sí coibhéiseach leis an bhfaisnéis a cheanglaítear faoi na rialacha tuairiscithe a leagtar amach sa Treoir sin.

(3)

Chun críocha an chinnidh, rinne an Coimisiún measúnú ar fhorálacha ábhartha Acht Cheanada um Cháin Ioncaim (4), go háirithe Roinn 162 agus Cuid XX (‘Rialacha Tuairiscithe le haghaidh Oibreoirí Ardán Digiteach’) de, a cuireadh isteach le Roinn 78(1) d’Acht Cheanada um Chur Chun Feidhme an Bhuiséid, 2023, Uimh. 1 (5), agus a thiocfaidh i bhfeidhm, de réir Roinn 78(2) den Acht sin, an 1 Eanáir 2024, agus DPI-MCAA arna shíniú faoi láthair ag údaráis inniúla Cheanada agus ag na Ballstáit is sínitheoirí.

(4)

Leis an Income Tax Act [an tAcht um Cháin Ioncaim], arna leasú leis an Budget Implementation Act, 2023, No. 1 [an tAcht um Chur Chun Feidhme an Bhuiséid, 2023, Uimh. 1], cuirtear i bhfeidhm forálacha Rialacha Samhla 2020 maidir le Tuairisciú ag Oibreoirí Ardán i leith Díoltóirí sa Gheilleagar Comhroinnte agus Poistíneachta, ar rialacha den Eagraíocht um Chomhar agus Forbairt Eacnamaíochta (ECFE) iad (6), arna bhforlíonadh le Rialacha Samhla Tuairiscithe 2021 de chuid ECFE le haghaidh Ardáin Dhigiteacha: Creat an Mhalartaithe Idirnáisiúnta agus Modúl Roghnach um dhíol earraí (7).

(5)

Is creat dlíthiúil idirnáisiúnta é DPI-MCAA a d’fhorbair ECFE chun tacú leis an uathmhalartú bliantúil faisnéise arna bailiú faoi Rialacha Samhla ECFE ag dlínse chónaithe an oibreora ardán le dlínsí cónaithe na ndíoltóirí agus, i ndáil le hidirbhearta a bhaineann le réadmhaoin a fháil ar cíos, leis na dlínsí ina bhfuil an réadmhaoin sin lonnaithe, de réir mar a chinntear ar bhonn na nósanna imeachta maidir le dícheall cuí.

(6)

Le DPI-MCAA arna shíniú ag Ceanada agus ag na Ballstáit is sínitheoirí, ceanglaítear go ndéanfar an caidreamh malartaithe idir Ceanada agus gach ceann de na Ballstáit is sínitheoirí a ghníomhachtú i gcomhréir le Roinn 7 de DPI-MCAA.

(7)

I dtaca leis na sainmhínithe maidir leis an oibreoir ardáin tuairiscithe a leagtar amach san Income Tax Act [an tAcht um Cháin Ioncaim] arna leasú leis an Budget Implementation Act, 2023, No. 1 [an tAcht um Chur Chun Feidhme an Bhuiséid, 2023, Uimh. 1], agus de bhun DPI-MCAA arna shíniú ag údaráis inniúla Cheanada agus údaráis inniúla na mBallstát is sínitheoirí, chinn an Coimisiún go bhfuil siad coibhéiseach leis na sainmhínithe a leagtar amach i Roinn I, fomhíreanna A(1) go A(4), d’Iarscríbhinn V a ghabhann le Treoir 2011/16/AE, i gcomhréir le hAirteagal 2 de Rialachán Cur Chun Feidhme (AE) 2023/823.

(8)

I dtaca leis na sainmhínithe maidir le díoltóirí intuairiscithe a leagtar amach san Income Tax Act [an tAcht um Cháin Ioncaim] arna leasú leis an Budget Implementation Act, 2023, No. 1 [an tAcht um Chur Chun Feidhme an Bhuiséid, 2023, Uimh. 1], agus de bhun DPI-MCAA arna shíniú ag údaráis inniúla Cheanada agus údaráis inniúla na mBallstát is sínitheoirí, chinn an Coimisiún go bhfuil siad coibhéiseach leis na sainmhínithe a leagtar amach i Roinn I, fomhíreanna B(1) go B(4), C(1) agus C(2), d’Iarscríbhinn V a ghabhann le Treoir 2011/16/AE, i gcomhréir le hAirteagal 3 de Rialachán Cur Chun Feidhme (AE) 2023/823.

(9)

I dtaca leis na sainmhínithe maidir le gníomhaíocht ábhartha a leagtar amach san Income Tax Act [an tAcht um Cháin Ioncaim] arna leasú leis an Budget Implementation Act, 2023, No. 1 [an tAcht um Chur Chun Feidhme an Bhuiséid, 2023, Uimh. 1], agus de bhun DPI-MCAA arna shíniú ag údaráis inniúla Cheanada agus údaráis inniúla na mBallstát is sínitheoirí, chinn an Coimisiún go bhfuil siad coibhéiseach leis na sainmhínithe a leagtar amach i Roinn I, fomhíreanna A(8), A(10), A(11) agus C(9) d’Iarscríbhinn V a ghabhann le Treoir 2011/16/AE, i gcomhréir le hAirteagal 4 de Rialachán Cur Chun Feidhme (AE) 2023/823.

(10)

I dtaca leis na nósanna imeachta maidir le dícheall cuí a leagtar amach san Income Tax Act [an tAcht um Cháin Ioncaim] arna leasú leis an Budget Implementation Act, 2023, No. 1 [an tAcht um Chur Chun Feidhme an Bhuiséid, 2023, Uimh. 1], agus de bhun DPI-MCAA arna shíniú ag údaráis inniúla Cheanada agus údaráis inniúla na mBallstát is sínitheoirí, chinn an Coimisiún go bhfuil siad coibhéiseach leis na nósanna imeachta maidir le dícheall cuí a leagtar amach i Roinn II d’Iarscríbhinn V a ghabhann le Treoir 2011/16/AE agus leis na sainmhínithe a leagtar amach i Roinn I, fomhíreanna C(3) go C(7), d’Iarscríbhinn V a ghabhann le Treoir 2011/16/AE, i gcomhréir le hAirteagal 5 de Rialachán Cur Chun Feidhme (AE) 2023/823.

(11)

I dtaca leis na ceanglais maidir le tuairisciú a leagtar amach san Income Tax Act [an tAcht um Cháin Ioncaim] arna leasú leis an Budget Implementation Act, 2023, No. 1 [an tAcht um Chur Chun Feidhme an Bhuiséid, 2023, Uimh. 1], agus de bhun DPI-MCAA arna shíniú ag údaráis inniúla Cheanada agus údaráis inniúla na mBallstát is sínitheoirí, chinn an Coimisiún go bhfuil siad coibhéiseach leis na ceanglais maidir le tuairisciú a leagtar amach i Roinn III, fomhíreanna A(1), A(2), A(5), A(6) agus A(7) agus mír B d’Iarscríbhinn V a ghabhann le Treoir 2011/16/AE, agus leis na sainmhínithe a leagtar amach i Roinn I, fomhíreanna C(3) go C(8) d’Iarscríbhinn V a ghabhann le Treoir 2011/16/AE, i gcomhréir le hAirteagal 6 de Rialachán Cur Chun Feidhme (AE) 2023/823.

(12)

I dtaca leis na rialacha agus na nósanna imeachta riaracháin a leagtar síos san Income Tax Act [an tAcht um Cháin Ioncaim] arna leasú leis an Budget Implementation Act, 2023, No. 1 [an tAcht um Chur Chun Feidhme an Bhuiséid, 2023, Uimh. 1], agus de bhun DPI-MCAA arna shíniú ag údaráis inniúla Cheanada agus údaráis inniúla na mBallstát is sínitheoirí, chun cur chun feidhme éifeachtach agus comhlíonadh na nósanna imeachta maidir le dícheall cuí agus na gceanglas maidir le tuairisciú a áirithiú, chinn an Coimisiún go bhfuil siad coibhéiseach leis na forálacha a leagtar amach i Roinn IV, míreanna A go D d’Iarscríbhinn V a ghabhann le Treoir 2011/16/AE, i gcomhréir le hAirteagal 7 de Rialachán Cur Chun Feidhme (AE) 2023/823.

(13)

Dá bhrí sin, an fhaisnéis a cheanglaítear a uathmhalartú idir údaráis inniúla Cheanada agus údaráis inniúla na mBallstát is sínitheoirí de bhun DPI-MCAA, ba cheart a mheas go bhfuil sí coibhéiseach leis an bhfaisnéis a shonraítear i Roinn III, mír B, d’Iarscríbhinn V a ghabhann le Treoir 2011/16/AE. I gcomhréir le hAirteagal 8 de Rialachán Cur Chun Feidhme (AE) 2023/823, tá feidhm ag an gcinneadh coibhéise sin maidir leis an gcomhaontú céanna idir údaráis inniúla aon Bhallstáit eile agus údaráis inniúla Cheanada.

(14)

Ós rud é nár tháinig Cuid XX den Income Tax Act [an tAcht um Cháin Ioncaim], mar a cuireadh isteach le Roinn 78(1) den Acht, i bhfeidhm go fóill, níor cheart feidhm a bheith ag an gcinneadh coibhéise ach amháin ó dháta theacht i bhfeidhm Chuid XX den Income Tax Act [an tAcht um Cháin Ioncaim].

(15)

Thairis sin, níor cheart feidhm a bheith ag an gcinneadh coibhéise ach amháin ar choinníoll go ngníomhachtaítear an caidreamh malartaithe idir Ceanada agus gach ceann de na Ballstáit is sínitheoirí i gcomhréir le Roinn 7 de DPI-MCAA.

(16)

Mar a cheanglaítear le hAirteagal 25(1) de Threoir 2011/16/AE, ba cheart Rialachán (AE) 2016/679 ó Pharlaimint na hEorpa agus ón gComhairle a chomhlíonadh le gach malartú faisnéise idir údaráis inniúla na mBallstát agus dlínsí nach dlínsí de chuid an Aontais iad de bhun DPI-MCAA. (8)

(17)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (9).

(18)

Tá na bearta dá bhforáiltear sa Rialachán seo i gcomhréir leis an tuairim ón gCoiste um chomhar riaracháin maidir le cánachas,

(a)

Cuid XX d’Acht Cheanada um Cháin Ioncaim, mar a cuireadh isteach le Roinn 78(1) d’Acht Cheanada um Chur Chun Feidhme an Bhuiséid, 2023, Uimh. 1, agus arna measúnú ag an gCoimisiún, beidh an chuid sin tagtha i bhfeidhm;

(b)

an caidreamh malartaithe idir údaráis inniúla Cheanada agus údaráis inniúla gach Ballstáit is sínitheoir, beidh sé gníomhachtaithe i gcomhréir le Roinn 7 de DPI-MCAA.