|
9.6.2023 |
GA |
Iris Oifigiúil an Aontais Eorpaigh |
L 149/46 |
RIALACHÁN CUR CHUN FEIDHME (AE) 2023/1131 ÓN gCOIMISIÚN
an 5 Meitheamh 2023
maidir le haicmiú earraí áirithe san Ainmníocht Chomhcheangailte
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 952/2013 ó Pharlaimint na hEorpa agus ón gComhairle an 9 Deireadh Fómhair 2013 lena leagtar síos Cód Custaim an Aontais (1), agus go háirithe Airteagal 57(4) agus Airteagal 58(2) de,
De bharr an mhéid seo a leanas:
|
(1) |
Chun a áirithiú go gcuirtear an Ainmníocht Chomhcheangailte atá i gceangal le Rialachán (CEE) Uimh. 2658/87 ón gComhairle (2) i bhfeidhm go haonfhoirmeach, is gá bearta a ghlacadh maidir le haicmiú na n-earraí dá dtagraítear san Iarscríbhinn a ghabhann leis an Rialachán seo. |
|
(2) |
Le Rialachán (CEE) Uimh. 2658/87, leagadh síos na rialacha ginearálta maidir le léirmhíniú na hAinmníochta Comhcheangailte. Tá feidhm ag na rialacha sin freisin maidir le haon ainmníocht eile atá bunaithe go hiomlán uirthi nó a bhfuil cuid di bunaithe uirthi nó a chuireann aon fhoroinn bhreise léi agus a bhunaítear le forálacha sonracha de chuid an Aontais, d’fhonn bearta taraife agus bearta eile i ndáil le trádáil in earraí a chur i bhfeidhm. |
|
(3) |
De bhun na rialacha ginearálta sin, na hearraí a bhfuil tuairisc orthu i gcolún (1) den tábla a leagtar amach san Iarscríbhinn, is earraí iad ba cheart a aicmiú faoin gcód AC a luaitear i gcolún (2), de bhua na gcúiseanna a leagtar amach i gcolún (3) den tábla sin. |
|
(4) |
Maidir le faisnéis taraife cheangailteach arna heisiúint i leith na n-earraí a bhaineann leis an Rialachán seo, ar faisnéis í nach bhfuil i gcomhréir leis an Rialachán seo, is iomchuí a fhoráil go bhféadfaidh an sealbhóir an fhaisnéis sin a agairt fós, go ceann tréimhse áirithe, i gcomhréir le hAirteagal 34(9) de Rialachán (AE) Uimh. 952/2013. Is tréimhse 3 mhí ba cheart a bheith sa tréimhse sin. |
|
(5) |
Tá na bearta dá bhforáiltear sa Rialachán seo i gcomhréir leis an tuairim ón gCoiste um an gCód Custaim, |
TAR ÉIS AN RIALACHÁN SEO A GHLACADH:
Airteagal 1
Na hearraí a bhfuil tuairisc orthu i gcolún (1) den tábla a leagtar amach san Iarscríbhinn, aicmeofar iad faoi chuimsiú na hAinmníochta Comhcheangailte faoin gcód AC a luaitear i gcolún (2) den tábla sin.
Airteagal 2
Faisnéis taraife cheangailteach nach bhfuil i gcomhréir leis an Rialachán seo, féadfar í a agairt fós i gcomhréir le hAirteagal 34(9) de Rialachán (AE) Uimh. 952/2013 go ceann tréimhse 3 mhí ó dháta theacht i bhfeidhm an Rialacháin seo.
Airteagal 3
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 5 Meitheamh 2023.
Thar ceann an Choimisiúin,
Ar son an Uachtaráin,
Gerassimos THOMAS
An tArd-Stiúrthóir
Ard-Stiúrthóireacht an Chánachais agus an Aontais Chustaim
(1) IO L 269, 10.10.2013, lch. 1.
(2) Rialachán (CEE) Uimh. 2658/87 ón gComhairle an 23 Iúil 1987 maidir leis an ainmníocht taraife agus staidrimh agus leis an gComhtharaif Chustaim (IO L 256, 7.9.1987, lch. 1).
IARSCRÍBHINN
|
Tuairisc ar na hearraí |
Aicmiú (Cód AC) |
Cúiseanna |
||||||||||||||||||||||
|
(1) |
(2) |
(3) |
||||||||||||||||||||||
|
Glóthóga vitimín i bhfoirm béar oráiste, a bhfuil meánmheáchan ca. 3 g i ngach ceann, glóthóg amháin ina bhfuil (% de réir meáchain):
Ina theannta sin, tá cion idir 10 % agus 100 % den chiondáil mholta laethúilde na vitimíní agus de na mianraí seo a leanas i nglóthóg amháin:
Ina theannta sin, tá na substaintí seo a leanas ann: Béite-charaitéin, lúitéin, lícipéin, peictin, ciotráit sóidiam, aigéad citreach, ola glasraí agus blas oráiste nádúrtha. Tá an táirge ar fáil lena mhiondíol chun sláinte ghinearálta nó folláine a chaomhnú. Léirítear tiúchan vitimíní, mianraí, agus an chiondáil mholta laethúil (béar glóthóige amháin in aghaidh an lae) ar an lipéad. |
2106 90 98 |
Cinntear an t-aicmiú le rialacha ginearálta 1 agus 6 maidir le léirmhíniú na hAinmníochta Comhcheangailte, Nóta breise 5 a ghabhann le Caibidil 21, Nóta breise 1 a ghabhann le Caibidil 30, agus le foclaíocht na gcód AC 2106 , 2106 90 agus 2106 90 98 . Mar gheall ar an gcion ard vitimín atá ann, ní bhaineann na saintréithe milseogra siúcra a shonraítear faoi cheannteideal 1704 leis an táirge (féach freisin Nótaí Míniúcháin an Chórais Chomhchuibhithe a ghabhann le Caibidil 17, Ginearálta (eisiamh), pointe (b)). Comhdhéanamh an táirge agus an lipéadú, lena n-áirítear inter alia faisnéis faoin méid vitimíní in aghaidh an aonaid dáileoige, léiríonn siad sin gur ullmhúchán bia é an táirge chun an tsláinte ghinearálta nó an fholláine a chaomhnú (féach freisin Nótaí Míniúcháin an Chórais Chomhchuibhithe a ghabhann le ceannteideal 2106 , pointe (16)). Ní chomhlíonann an táirge ceanglais Nóta breise 1 a ghabhann le Caibidil 30, agus dá bhrí sin ní féidir é a aicmiú faoi cheannteideal 3004 . Dá bhrí sin, tá an táirge le haicmiú faoin gcód AC 2106 90 98 mar ullmhúchán bia nach sonraítear ná nach n-áirítear in aon áit eile. |