(1)

I litir dar dáta an 17 Eanáir 2022, chuir údaráis na Fraince an Coimisiún ar an eolas gur thionscain Bord Iompair na Corsaice (‘OTC’) bearta chun a chinneadh an raibh riachtanas seirbhíse poiblí ann a bhaineann le seirbhísí muirí idir an Chorsaic agus mórthír na Fraince. Chuir an Coimisiún tús le nós imeachta réamhfhógra an 19 Eanáir 2022, a cláraíodh faoi SA.101557. Sheol údaráis na Fraince a mbarúlacha tosaigh chuig an gCoimisiún i litreacha dar dáta an 19, an 25 agus an 27 Eanáir 2022.

(2)

Le litreacha agus ríomhphoist an 4 agus an 15 Feabhra agus an 22 Márta 2022, d’iarr an Coimisiún faisnéis bhreise ar údaráis na Fraince. Chuir údaráis na Fraince a bhfreagraí isteach an 15 Feabhra, agus an 7 agus an 31 Márta 2022.

(3)

Le litreacha dar dáta an 15 Márta, an 8 Aibreán, agus an 19 agus an 20 Bealtaine 2022, chuir údaráis na Fraince an Coimisiún ar an eolas faoina bpleananna cúig chonradh seirbhíse poiblí a dhámhachtain, ar feadh tréimhse 8 mbliana (2023-2030), le haghaidh muiriompar earraí agus paisinéirí idir calafort Marseille agus gach ceann de na cúig chalafort in Ajaccio, Bastia, Porto-Vecchio, Propriano agus L’Île-Rousse (‘na conarthaí seirbhíse poiblí’ nó ‘na bearta’).

(4)

Le litreacha agus ríomhphoist an 20 Aibreán, an 30 Bealtaine, an 12 Iúil, an 11 Lúnasa, an 3, an 18, an 21, an 23 agus 30 Samhain, agus an 1 agus an 2 Nollaig 2022, d’iarr an Coimisiún faisnéis bhreise ar údaráis na Fraince. Chuir siad a bhfreagraí isteach le litreacha agus ríomhphoist an 7 agus an 22 Meitheamh, an 22 agus an 27 Iúil, an 10, an 13 agus an 14 Deireadh Fómhair, an 8, an 10, an 11, an 17, an 22, an 24, an 25 agus 30 Samhain, agus an 1 agus an 2 Nollaig 2022.

(5)

Le linn chéim an réamhfhógra, reáchtáil an Coimisiún agus údaráis na Fraince cruinnithe an 1, an 17 agus an 22 Feabhra, an 18 Márta, an 5 Aibreán, an 28 Meitheamh, an 11 Iúil, agus an 15, an 21 agus an 30 Samhain 2022. Mar ullmhúchán do na cruinnithe sin, nó ina ndiaidh, sholáthair údaráis na Fraince faisnéis bhreise an 21 Feabhra, an 22 Márta agus an 12 Iúil 2022.

(6)

An tráth céanna, fuair an Coimisiún faisnéis ghinearálta ó thríú páirtí an 14 Aibreán, an 17, an 21, an 22 agus an 30 Meitheamh, an 25 Iúil, an 2 agus an 30 Meán Fómhair, an 5 agus an 26 Deireadh Fómhair agus an 2 Nollaig 2022, agus an 30 agus an 31 Eanáir 2023.

(7)

An 27 Nollaig 2022, thug údaráis na Fraince fógra leictreonach don Choimisiún faoi na conarthaí seirbhíse poiblí. Ós rud é go raibh an fógra sin neamhiomlán, d’iarr an Coimisiún faisnéis bhreise ar údaráis na Fraince an 16 Feabhra 2023. D’fhorlíon údaráis na Fraince a bhfógra le ríomhphoist an 5 Aibreán agus an 2 Bealtaine 2023.

(8)

An 23 Márta 2023, chuir Corsica Ferries gearán foirmiúil faoi bhráid an Choimisiúin lena ndearnadh agóid in aghaidh dhlíthiúlacht agus chomhoiriúnacht na mbeart a mhéid a bhaineann leis an dlí maidir le státchabhair go háirithe.

(9)

Chuir an Coimisiún an gearán ar aghaidh chuig údaráis na Fraince agus d’iarr sé faisnéis bhreise an 11 Aibreán agus an 5 Meitheamh 2023. Thug údaráis na Fraince a mbarúlacha maidir leis an ngearán agus faisnéis bhreise an 28 Meitheamh, an 28 Iúil agus an 27 Deireadh Fómhair 2023.

(10)

Sholáthair Corsica Ferries faisnéis bhreise freisin maidir lena ghearán trí ríomhphoist an 13 Deireadh Fómhair agus an 20 Nollaig 2023. Sheol an Coimisiún an fhaisnéis bhreise sin chuig údaráis na Fraince an 21 Nollaig 2023, agus thug údaráis na Fraince freagra uirthi trí ríomhphost an 6 Feabhra 2024.

(11)

Le litir dar dáta an 23 Feabhra 2024, chuir an Coimisiún údaráis na Fraince ar an eolas faoina chinneadh an nós imeachta a leagtar síos in Airteagal 108(2) den Chonradh ar Fheidhmiú an Aontais Eorpaigh (‘CFAE’) a thionscnamh i leith na gconarthaí seirbhíse poiblí (‘an cinneadh tosaigh’).

(12)

Foilsíodh an cinneadh tosaigh in Iris Oifigiúil an Aontais Eorpaigh (2). D’iarr an Coimisiún ar údaráis na Fraince agus ar pháirtithe leasmhara a mbarúlacha a chur isteach maidir leis na conarthaí seirbhíse poiblí.

(13)

Fuair an Coimisiún barúlacha ó údaráis na Fraince an 27 Márta 2024. Tar éis dó na barúlacha sin a fháil, sheol an Coimisiún iarrataí ar fhaisnéis chuig údaráis na Fraince an 23 Aibreán, an 13 agus an 30 Bealtaine, an 14 agus an 21 Meitheamh, agus an 2 agus an 9 Iúil 2024, agus thug údaráis na Fraince freagra orthu an 23 agus an 31 Bealtaine, an 13 Meitheamh agus an 9, an 11, an 12 agus an 17 Iúil 2024 faoi seach.

(14)

Fuair an Coimisiún barúlacha ó roinnt páirtithe leasmhara, is iad sin Corsica Ferries (an 22 Aibreán 2024), Corsica Linea (an 29 Aibreán 2024), La Méridionale (an 29 Aibreán 2024) agus Stef Group (an 29 Aibreán 2024) (3).

(15)

Chuir an Coimisiún na barúlacha ó Corsica Ferries (an 23 Aibreán 2024), agus ó Corsica Linea, La Méridionale agus Stef Group (an 30 Aibreán 2024) ar aghaidh chuig an bhFrainc, rud a thug deis di freagra a thabhairt ar na barúlacha sin. Thug an Fhrainc freagra ar bharúlacha Corsica Ferries an 25 Meitheamh agus an 11 Iúil 2024. Níor mhian léi barúil a thabhairt maidir leis na haighneachtaí ó na páirtithe leasmhara eile.

(16)

Is oileán Francach í an Chorsaic atá lonnaithe sa Mheánmhuir. Tá tír-raon sléibhtiúil, limistéir faoi chosaint agus limistéir thuaithe an-mhór ina saintréithe di (4). Tá cónaí ar bheagnach 350 000 áitritheoir ar an oileán, a bhfuil thart ar 53 % díobh ina gcónaí i gceantair uirbeacha agus 47 % díobh i gceantair thuaithe (5). Fágann an tíreolaíocht shriantach sin go bhfuil an Chorsaic ar cheann de na réigiúin den Fhrainc is lú dlús daonra, is é sin 39 n-áitritheoir in aghaidh an km2. Tá sé sin i bhfad faoi bhun mheán na Fraince arb é 105 áitritheoir in aghaidh an km2 (6).

(17)

Fágann an dlús íseal daonra go bhfuil achair fhada le taisteal idir tithe agus áiteanna oibre nó fóillíochta. Is mó agus is faide na turais a dhéantar sa Chorsaic i gcomparáid leis an meán náisiúnta (7). Thairis sin, de réir INSEE, (8) fágann topagrafaíocht agus cineál tuaithe na mbardas agus an ganntanas iompair phoiblí go n-úsáidtear níos mó feithiclí pearsanta le haghaidh turais laethúla (86 % i gcomparáid le 72 % sa Fhrainc Dhúthach) (9).

(18)

Níl aon bhonneagar mótarbhealaigh sa Chorsaic. Tá gréasán bóithre teoranta aici a bhfuil thart ar 10 mbóthar críochach chomh maith le fobhóithre ann. Tá na bóithre sin lúbach go maith, rud a chuireann le hamanna turais níos faide (10), a dhéanann dálaí tráchta níos casta (11) agus a mhéadaíonn an riosca go dtarlódh tionóiscí bóthair. Is ag an gCorsaic atá an ráta is airde básanna ar bhóithre sa Fhrainc (12). De réir Fhaireachlann na Fraince um Shábháilteacht ar Bhóithre, is measa fós na saintréithe sin de dheasca na turasóireachta. Measann an Fhaireachlann go bhfágann teacht agus imeacht thart ar 500 000 gluaisteán arna n-iompar ar sheirbhísí muirí sceidealaithe go mbíonn beagnach dhá oiread an mheántráchta laethúil ar bhóithre na Corsaice le linn an tsamhraidh (13).

(19)

Tá geilleagar na Corsaice bunaithe ar an earnáil threasach go bunúsach (14). I measc a sheirbhísí, tá an turasóireacht (15) agus an miondíol (16) orthu siúd is mó a spreagann saibhris agus a chruthaíonn poist ar an oileán. Tá an geilleagar áitiúil ag brath go mór ar allmhairí ó mhórthír na Fraince. In 2019, bhí allmhairí ón mórthír beagnach cúig huaire ní b’airde ná onnmhairí (17).

(20)

Sa tuairim uaidh an 17 Samhain 2020 maidir le comhchruinniú margaí sa Chorsaic agus an tionchar gaolmhar ar iomaíocht áitiúil (‘an tuairim ón údarás iomaíochta’) (18), deir údarás iomaíochta na Fraince gurb é ‘an t-oileánachas an príomhshrian sonrach ar fhorbairt gheilleagar an oileáin, ós rud é go bhféadfadh costais bhreise a eascraíonn as leithlisiú geografach an rochtain ar mhargaí a laghdú’ (19). Dá bhrí sin, measann an t-údarás iomaíochta ‘go méadaíonn an t-oileánachas agus an iargúltacht gheografach ó mhórthír na Fraince costais soláthair, toisc go bhfuil úsáid iompair mhuirí níos costasaí ó thaobh struchtúir de’. Dá bhrí sin, ‘tá srian ar oibreoirí eacnamaíocha de dheasca slabhra soláthair atá níos casta ná mar atá sé ar an mórthír’ (20).

(21)

Mar shampla, san earnáil dáilte breosla, tugann an t-údarás iomaíochta dá aire go bhfuil bearna nach beag idir an praghas breosla a íocann tomhaltóirí sa Chorsaic agus an praghas a íoctar ar an mórthír (21). De réir an údaráis iomaíochta, is é is cúis leis an difríocht sin go páirteach gur ar muir amháin a sholáthraítear breosla don Chorsaic, rud a mhéadaíonn a phraghas deiridh. Tá sé níos costasaí freisin breoslaí a iompar de bhóthar chuig stáisiúin seirbhíse, toisc go méadaíonn an tír-raon sléibhtiúil amanna iompair. Ar deireadh, fágann cineál séasúrach an éilimh a bhaineann le séasúr turasóireachta an tsamhraidh nach mór stoic a bhainistiú ar bhonn díreach in am, as a n-eascraíonn riosca cuótaí, rud a d’fhéadfadh a bheith ina chúis le costais bhreise nach beag ó tharla go bhfuil toilleadh stórála teoranta ag iostaí ola na Corsaice (22).

(22)

Ar an gcaoi chéanna, tá bia agus táirgí tomhaltais i bhfad níos costasaí sa Chorsaic ná sa chuid eile den Fhrainc, agus iad 14 % agus 11 % níos costasaí faoi seach (23). Meastar sa tuairim ón údarás iomaíochta gur tosca struchtúracha is cúis leis sin go páirteach, tosca a bhaineann le hoileánachas agus séasúracht. Leathnaítear an slabhra soláthair ó na hionaid cheannaigh i ndeisceart na Fraince freisin i ngeall ar an úsáid is gá a bhaint as muiriompar (24). Fágann toilleadh stórála teoranta shiopaí na Corsaice freisin nach mór earraí a sheachadadh níos minice ná ar an mórthír, rud nach ligeann dóibh tairbhiú de na lascainí céanna ó ionaid cheannaigh agus a thairbhíonn siopaí atá suite ar an mórthír (25).

(23)

Go ginearálta, tugann INSEE dá aire gurb í an Chorsaic an réigiún is boichte den Fhrainc Dhúthach: bhí 18,5 % de chónaitheoirí na Corsaice ina gcónaí faoi bhun thairseach na bochtaineachta in 2018, i gcomparáid le 14 % ar an leibhéal náisiúnta. Chuaigh an staid eacnamaíoch agus shóisialta sin in olcas freisin mar thoradh ar phaindéim COVID-19 in 2020 agus 2021 (26) agus ar an mboilsciú ard a d’eascair go príomha as méaduithe ar phraghsanna fuinnimh agus bia ó 2022 ar aghaidh (27).

(24)

Is iad calafoirt Marseille, Toulon agus Nice (‘calafoirt na mórthíre’) na calafoirt ar an mórthír a úsáidtear le haghaidh seirbhísí muiriompair idir an Chorsaic agus mórthír na Fraince.

(25)

Tá Marseille suite níos mó ná 60 km ó Toulon (thart ar 45 nóiméad de bhóthar ar mhótarbhealach A50, agus níos lú ná 1 uair an chloig ar an traein (28)) agus beagnach 200 km ó Nice (thart ar 2 uair an chloig agus 30 nóiméad de bhóthar ar mhótarbhealach A8). Tá Toulon suite 150 km ó Nice (thart ar 1 uair an chloig agus 45 nóiméad de bhóthar ar mhótarbhealaí A57 agus A8, agus 1 uair an chloig agus 45 nóiméad ar an traein (29)).

Fíor 1

Calafoirt na mórthíre agus calafoirt na Corsaice

(26)

Tá calafort Marseille ar cheann de na calafoirt is mó sa Fhrainc. Tá líon mór nasc muirí náisiúnta agus idirnáisiúnta ann, agus tá sé suite gar do chathair Marseille, an dara ceann is mó sa Fhrainc de réir daonra.

(27)

Is gníomhaireacht phoiblí thionsclaíoch agus tráchtála é údarás calafoirt Marseille, darb ainm Grand Port Maritime de Marseille.

(28)

Is calafort domhanda é calafort Marseille a bhfuil bonneagar ann lenar féidir gach cineál tráchta a láimhseáil. Tá dhá phríomhdhuga ann:

(29)

Tá ceithre chríochfort mhuirí ag na dugaí thoir a dhéileálann le báid farantóireachta agus longa lasta paisinéirí, lena n-áirítear an dá chríochfort náisiúnta ar a dtugtar Joliette agus Arenc, a óstálann go háirithe an trácht muirí atá ann faoi láthair go dtí an Chorsaic (agus a bhfuil níos mó ná 10 mbeart ar fáil iontu). Tá an dá chríochfort sin nasctha go díreach le trí mhótarbhealach: A7, a thrasnaíonn conair iomlán na Róine ó Lyon go Marseille; A50, a nascann Marseille le Toulon san oirthear; agus A55, a nascann Marseille le Martigues san iarthar.

(30)

Óstálann calafort Toulon naisc mhuirí náisiúnta agus idirnáisiúnta (an Spáinn, an Iodáil). Tá ceithre chríochfort aige timpeall bhá Toulon: dhá chríochfort in Brégaillon agus dhá chríochfort atá suite i lár chathair Toulon agus in La Seyne-sur-Mer faoi seach. Is é Comhlachas Tráchtála agus Tionsclaíochta Var (‘CCI Var’) a bhainistíonn calafort Toulon.

(31)

Tá an críochfort theas in Brégaillon tiomnaithe go hiomlán d’iompar pacáistí troma, agus tá an críochfort ó thuaidh (‘Toulon-Brégaillon’) feistithe le beart amháin chun freastal go heisiach ar iompar lasta. Úsáidtear an críochfort ag La Seyne-sur-Mer go heisiach le haghaidh longa cúrsála, agus úsáidtear an críochfort i lár na cathrach (‘Toulon-Port de Commerce’), a bhfuil trí bheart aige, le haghaidh báid farantóireachta, longa cúrsála agus soithí lasta paisinéirí. Is é críochfort Toulon-Port de Commerce a láimhseálann na seirbhísí muiriompair uile idir Toulon agus an Chorsaic faoi láthair. Tá calafort Toulon réasúnta gar do mhótarbhealach A50 agus stáisiún iarnróid Toulon.

(32)

Tá calafort Nice suite i lár na cathrach. Is é Comhlachas Tráchtála agus Tionsclaíochta Nice Côte d’Azur (‘CCI Nice Côte d’Azur’) a bhainistíonn é. Tá dhá chríochfort ann, a bhfuil dhá bheart ag gach ceann acu ar féidir leo freastal ar bháid farantóireachta agus ar shoithí lasta paisinéirí. Úsáidtear an dá chríochfort go príomha le haghaidh longa cúrsála agus trácht paisinéirí agus, ar bhonn níos lú, le haghaidh trácht lasta. Tá calafort Nice réasúnta fada ar shiúl ó bhonneagar mótarbhealaigh (thart ar 10 gciliméadar), ach tá an stáisiún iarnróid gar go maith dó.

(33)

Is iad Bastia, Ajaccio, L’Île-Rousse, Porto-Vecchio agus Propriano (‘calafoirt na Corsaice’) calafoirt na Corsaice a bhfuil naisc mhuirí acu le mórthír na Fraince.

(34)

Is é Propriano an t-aon chalafort sa Chorsaic nach bhfuil ach nascbhealach amháin aige le mórthír na Fraince (go Marseille). Tá naisc ag calafoirt eile na Corsaice leis na trí chalafort ar an mórthír (Marseille, Toulon, Nice).

(35)

Is é Comhlachas Tráchtála agus Tionsclaíochta na Corsaice (‘CCI na Corsaice’) a bhainistíonn calafoirt uile na Corsaice.

(36)

Tá cathair Bastia suite in oirthuaisceart na Corsaice. Tá sí thart ar 70 km ó L’Île-Rousse (1 uair an chloig agus 40 nóiméad de ghluaisteán agus beagnach 2 uair an chloig d’iompar poiblí), suite i dtuaisceart na Corsaice; 145 km ó Porto-Vecchio, in oirdheisceart an oileáin, agus 150 km ó Ajaccio. Tá cathair Ajaccio, sa Chorsaic thiar lárnach, thart ar 70 km ó Propriano (thart ar 1 uair an chloig agus 30 nóiméad de ghluaisteán agus 2 uair an chloig d’iompar poiblí), suite in iardheisceart na Corsaice, agus 140 km ó Porto-Vecchio. Tá Propriano agus Porto-Vecchio 70 km ó chéile (thart ar 1 uair an chloig agus 30 nóiméad de ghluaisteán agus 2 uair an chloig d’iompar poiblí).

(37)

Níl stáisiún traenach ach ag Bastia, Ajaccio agus L’Île-Rousse. Ó Porto-Vecchio, tá seirbhísí bus idirchathrach ann a théann go Ajaccio, Propriano agus Bastia, agus ó Propriano tá seirbhísí bus idirchathrach ann a théann go Ajaccio agus Porto-Vecchio. Léirítear le Table 1 agus Table 2 na hachair mheasta idir áiteanna d’iompar poiblí agus minicíocht na seirbhísí:

Tábla 1

Seirbhísí iarnróid sa Chorsaic

Tábla 2

Seirbhísí idirchathrach sa Chorsaic (cóistí)

(38)

Is é Bastia an calafort is mó sa Chorsaic ó thaobh an líon paisinéirí agus méideanna lasta de, ar tríd a théann beagnach 60 % den trácht iomlán idir an Chorsaic agus an mhórthír. Is calafort idirnáisiúnta é de bharr go n-óstálann sé bealaí chuig an Iodáil freisin, anuas ar na seirbhísí chuig Marseille, Toulon agus Nice.

(39)

Tá críochfort muirí ag calafort Bastia a bhfuil ocht mbeart ann is féidir freastal ar bháid farantóireachta agus ar shoithí lasta paisinéirí. Tá breithniú á dhéanamh faoi láthair ar phleananna chun an calafort a leathnú nó ceann níos mó a thógáil, ós rud é go bhfuil an calafort atá ann cheana faoi réir brú trom tráchta (31). Agus é suite i lár na cathrach, freastalaíonn bóthar críochach 20 ó Bastia go Ajaccio ar an gcalafort.

(40)

Is é Ajaccio an dara calafort is mó sa Chorsaic ó thaobh an líon paisinéirí agus méideanna lasta de. Chomh maith le naisc mhuirí thráthrialta le Marseille, Toulon agus Nice, óstálann calafort Ajaccio bealaí séasúracha chuig Porto Torres (an tSairdín), Calvi agus Propriano freisin.

(41)

Tá críochfort muirí ag calafort Ajaccio a bhfuil sé bheart ann is féidir freastal ar bháid farantóireachta agus ar shoithí lasta paisinéirí. Agus é suite i lár na cathrach, freastalaíonn bóthar críochach 20 go Bastia san oirthuaisceart air chomh maith le bóthar críochach 40 go Bonifacio ag bun an oileáin.

(42)

Tá críochfort muirí ag calafort L’Île-Rousse, atá suite i lár an bhaile, a bhfuil dhá bheart ann le haghaidh báid farantóireachta agus soithí lasta paisinéirí. Is é an t-aon chalafort de chuid na Corsaice atá údaraithe chun earraí contúirteacha d’aicme 1 a láimhseáil (substaintí agus earraí pléascacha). Tá rochtain thapa aige ar bhóthar críochach 30 a nascann Calvi (25 km laistiar de) go Ponte-Leccia sa Chorsaic láir.

(43)

Tá críochfort muirí ag calafort Porto-Vecchio, atá suite i lár an bhaile, a bhfuil dhá bheart ann le haghaidh báid farantóireachta agus soithí lasta paisinéirí. Tá rochtain réasúnta tapa aige ar bhóthar críochach 10 go Bonifacio sa deisceart agus ar Bastia sa tuaisceart.

(44)

Tá críochfort muirí ag calafort Propriano, atá suite i lár an bhaile, a bhfuil dhá bheart ann le haghaidh báid farantóireachta agus soithí lasta paisinéirí. Tá rochtain réasúnta tapa aige ar bhóthar críochach 40 a nascann Bonifacio sa deisceart agus Ajaccio sa tuaisceart.

(45)

Sholáthair údaráis na Fraince tuairisc ar na seirbhísí muiriompair a oibríodh idir 2016 agus 2020 (32). Idir 2016 agus 2020, reáchtáil trí oibreoir mhuirí seirbhísí muiriompair idir an Chorsaic agus mórthír na Fraince: Corsica Ferries (ó Toulon agus Nice), Corsica Linea agus La Méridionale (ó Marseille). Reáchtáil an ceathrú hoibreoir, Moby Line, seirbhísí muirí idir Nice agus an Chorsaic freisin idir 2016 agus 2019.

(46)

Is é an muiriompar an modh iompair earraí is mó idir mórthír na Fraince agus an Chorsaic. Ar an iomlán, tá an leibhéal muiriompair lasta idir an Chorsaic agus an mhórthír réasúnta cobhsaí i gcaitheamh na bliana. Níor tháinig laghdú mór air le linn ghéarchéim sláinte COVID-19.

(47)

Is ar na bealaí idir an mhórthír agus calafoirt na Corsaice agus orthu sin amháin a iompraítear lasta muirí go dtí an Chorsaic ó mhórthír na Fraince.

(48)

A mhéid a bhaineann le calafoirt na mórthíre, tá formhór an iompair lasta comhchruinnithe ar bhealaí chuig Marseille agus uaithi (Table 3 agus Table 4). Tá sciar réasúnta cobhsaí den mhargadh ag calafort Marseille, is é sin thart ar 80 % den trácht lasta iomlán idir mórthír na Fraince agus an Chorsaic (Table 4).

Tábla 3

Iompar earraí idir mórthír na Fraince agus an Chorsaic de réir calafort mórthíre (allmhairí/onnmhairí, i méadair líneacha  (33) )

Tábla 4

Iompar earraí idir mórthír na Fraince agus an Chorsaic de réir calafort mórthíre (allmhairí/onnmhairí, %)

(49)

A mhéid a bhaineann le calafoirt na Corsaice, tá sreabha comhchruinnithe den chuid is mó ag calafoirt Ajaccio agus Bastia (Table 5 agus Table 6). Mar a léirítear in Table 6, bhí sciar réasúnta cobhsaí den mhargadh ag an dá chalafort sin idir 2016 agus 2020, is é sin thart ar 35 % (Ajaccio) agus 50 % (Bastia) den trácht lasta iomlán idir mórthír na Fraince agus an Chorsaic.

Tábla 5

Iompar earraí idir mórthír na Fraince agus an Chorsaic de réir calafort sa Chorsaic (allmhairí/onnmhairí, ML)

Tábla 6

Iompar earraí idir mórthír na Fraince agus an Chorsaic de réir calafort sa Chorsaic (allmhairí/onnmhairí, %)

(50)

Iompraítear lasta muirí idir mórthír na Fraince agus an Chorsaic trí bhíthin iompar rolladh ann-rolladh as agus trína bhíthin sin amháin (34), agus úsáid á baint as na soithí iomchuí, is iad sin ‘Ro-Pax’ (soithí lasta paisinéirí) (35) agus soithí ar soithí rolladh ann-rolladh as (‘róró’) go huile agus go hiomlán iad (nach n-iompraítear iontu ach lasta). Cé is moite d’earraí speisialta áirithe (stroighin, pacáistí troma, etc.), is trí bhíthin Ro-Pax amháin a dhéantar an t-iompar idir an Chorsaic agus an mhórthír.

(51)

De réir údaráis na Fraince (36), roinntear an t-iompar lasta róró ina ‘lasta tarraingthe’ agus ina ‘lasta neamhtharraingthe’.

(52)

Sainmhínítear lasta tarraingthe mar iompar earraí agus úsáid á baint as feithicil bhóthair is faide ná 6 mhéadar agus a bhfuil a modh tiomána féin aici (veaineanna, leoraithe agus feithiclí comhchosúla, chomh maith le leathleantóirí i dteaglaim le tarracóir). Dá bhrí sin, is féidir leis an tiománaí na feithiclí sin a rolladh ann agus a rolladh as go díreach, gan gá le láimhseáil calafoirt. Déileálann na trí chalafort ar an mórthír agus calafoirt na Corsaice le lasta tarraingthe.

(53)

Sainmhínítear lasta neamhtharraingthe mar iompar earraí agus úsáid á baint as leathleantóir (37). Le linn bordála, dícheanglaítear an leathleantóir ón tarracóir ar an gcé imeachta agus ceanglaítear ansin é le feithicil tarraingthe calafoirt speisialta, sula gcuirtear faoi réir na hoibríochta céanna droim ar ais é ag an gcalafort teachta, mar a dtógfaidh tarracóir eile an leantóir go dtí a cheann scríbe. Is leis an iompar lasta neamhtharraingthe a bhaineann an sciar is mó de mhuiriompar lasta idir an Chorsaic agus mórthír na Fraince (64 % den ML iomlán a iompraíodh ar an meán idir 2016 agus 2020, i gcomparáid le 36 % i gcás lasta tarraingthe).

(54)

A mhéid a bhaineann le calafoirt na mórthíre, déantar iompar lasta tharraingthe a roinnt idir calafoirt Marseille agus Toulon den chuid is mó (Table 7 agus Table 8). Ag calafort Marseille, ba le lasta tarraingthe a bhain thart ar 20 % ar an meán den lasta foriomlán a iompraíodh chuig an gCorsaic nó uaithi idir 2016 agus 2020.

Tábla 7

Iompar lasta tarraingthe de réir calafort mórthíre (allmhairí/onnmhairí, ML)

Tábla 8

Iompar lasta tarraingthe de réir calafort mórthíre (allmhairí/onnmhairí, %)

(55)

Is é calafort Marseille an t-aon chalafort ar an mórthír a láimhseáil lasta neamhtharraingthe chuig an gCorsaic agus uaithi idir 2016 agus 2020. Láimhseálann calafoirt uile na Corsaice lasta neamhtharraingthe. Láimhseáiltear an cineál iompair sin go heisiach idir calafoirt Marseille agus calafoirt na Corsaice.

(56)

Oibrítear seirbhísí muiriompair paisinéirí idir an Chorsaic agus an Fhrainc/an Iodáil. Ba le naisc le mórthír na Fraince a bhain thart ar 65 % den mhéid iomlán muiriompair paisinéirí ar an meán idir 2014 agus 2019, agus bhí níos mó ná 2,7 milliún paisinéir ann in 2017 agus 2018, líon a laghdaigh go 2,52 milliún in 2019. In 2020, tar éis ghéarchéim sláinte COVID-19, tháinig laghdú 32 % ar mhuiriompar paisinéirí.

(57)

Murab ionann agus muiriompar lasta, bíonn muiriompar paisinéirí séasúrach agus bíonn an t-éileamh le linn an ardséasúir (i.e. ó mhí Aibreáin go mí Dheireadh Fómhair) níos airde ná mar a bhíonn sé an chuid eile den bhliain.

(58)

Tá an chuid is mó de mhuiriompar paisinéirí ag calafoirt na mórthíre comhchruinnithe in Toulon (Table 9 agus Table 10). Idir 2016 agus 2020, mhéadaigh calafoirt Marseille agus Toulon a sciartha den mhargadh beagán, agus tháinig laghdú mór ar sciar Nice (Table 10).

Tábla 9

Muiriompar paisinéirí idir mórthír na Fraince agus an Chorsaic de réir calafort mórthíre (an líon paisinéirí)

Tábla 10

Muiriompar paisinéirí idir mórthír na Fraince agus an Chorsaic de réir calafort mórthíre (%)

(59)

Tá an chuid is mó de mhuiriompar paisinéirí ag calafoirt na Corsaice comhchruinnithe in Bastia agus Ajaccio. Mar is léir ó Table 11 agus Table 12, d’fhan dáileadh an tráchta paisinéirí i measc chalafoirt na Corsaice réasúnta cobhsaí.

Tábla 11

Muiriompar paisinéirí idir mórthír na Fraince agus an Chorsaic de réir calafort sa Chorsaic (an líon paisinéirí)

Tábla 12

Muiriompar paisinéirí idir mórthír na Fraince agus an Chorsaic de réir calafort sa Chorsaic (%)

(60)

Léirscaoileadh an muiriompar san Aontas Eorpach in 1992, nuair a glacadh an Rialachán maidir le cabatáiste muirí (‘an Rialachán Cabatáiste’) (38). Mar sin féin, níor chuir údaráis na Fraince léirscaoileadh iomlán seirbhísí muiriompair i bhfeidhm go hiomlán riamh i gcás seirbhísí muirí chuig an gCorsaic, i ngeall ar riachtanais seirbhíse poiblí a bheith ann a bhfuil srian ginearálta ar an tsaoirse chun seirbhísí den sórt sin a sholáthar ag teastáil lena n-aghaidh.

(61)

Dá thoradh sin, ní dhéantar aon iompar idir mórthír na Fraince agus an Chorsaic faoi láthair ar iompar de chineál tráchtála go huile agus go hiomlán é. Soláthraítear seirbhísí muiriompair faoi scéim oibleagáidí seirbhíse poiblí (‘an scéim PSO’) mar a shainmhínítear in Airteagal 2(4) agus Airteagal 4(2) den Rialachán Cabatáiste, nó faoi chonradh seirbhíse poiblí lena gcomhlíontar an sainmhíniú a leagtar síos in Airteagal 2(3) agus in Airteagal 4(1) den Rialachán Cabatáiste.

(62)

Le Rún Uimh. 13/263 ó Thionól na Corsaice an 20 Nollaig 2013, arna leasú ag an Tionól ina Rúin Uimh. 18/266 an 27 Iúil 2018 agus Uimh. 19/128 an 25 Aibreán 2019, bhunaigh údarás réigiúnach na Corsaice (‘CdC’) scéim PSO lena leagtar amach oibleagáidí seirbhíse poiblí atá le comhlíonadh ag aon oibreoir ar mian leis seirbhísí muiriompair a chur ar fáil idir an Chorsaic agus mórthír na Fraince (‘scéim PSO 2019’) (39).

(63)

Tá feidhm ag scéim PSO 2019 maidir leis na seirbhísí muiriompair uile a dhéantar idir calafoirt na Corsaice agus na trí chalafort mórthíre ón 1 Deireadh Fómhair 2019 ar feadh tréimhse 10 mbliana – i.e. go dtí an 30 Meán Fómhair 2029. Déantar foráil ann maidir le roinnt oibleagáidí atá le comhlíonadh, lena n-áirítear an líon íosta dé-aistear atá le hoibriú ar gach bealach muirí i gcaitheamh na bliana agus uastáillí le haghaidh iompar earraí/paisinéirí nár cheart d’oibreoirí a shárú. Ní dhéantar foráil i scéim PSO 2019 maidir le haon chúiteamh airgeadais d’oibreoirí muiriompair as na hoibleagáidí seirbhíse poiblí a fhorchuireann sí a chomhlíonadh.

(64)

Go stairiúil, agus go dtí seo, ní raibh ach seirbhísí muiriompair idir calafoirt Marseille agus calafoirt na Corsaice ina n-ábhar do chonradh seirbhíse poiblí. Oibríodh seirbhísí muiriompair ó chalafoirt Toulon agus Nice faoi scéim PSO.

(65)

Síníodh an chéad lamháltas seirbhíse poiblí idir an gnóthas poiblí Société Nationale Corse Méditerranée (‘SNCM’) agus an gnóthas príobháideach Compagnie Méridionale de Navigation (La Méridionale anois), ar thaobh amháin, agus stát na Fraince, ar an taobh eile, in 1976 chun leanúnachas críche idir an Chorsaic agus an mhórthír a áirithiú ar feadh tréimhse 25 bliana, i.e. go dtí 2001.

(66)

Le héifeacht ón 1 Eanáir 2002, sholáthair SNCM seirbhís, trí La Méridionale, idir Marseille agus an Chorsaic faoi chonradh seirbhíse poiblí a tugadh i gcrích le CdC ar feadh tréimhse 5 bliana.

(67)

Ón 1 Iúil 2007 go dtí an 31 Nollaig 2013, sholáthair SNCM agus La Méridionale an tseirbhís sin faoi chonradh nua seirbhíse poiblí a tugadh i gcrích an 7 Meitheamh 2007 (‘conradh seirbhíse poiblí 2007-2013’) lenar cumhdaíodh gach ceann de na cúig bhealach idir calafort Marseille agus calafoirt na Corsaice. Dhearbhaigh an Coimisiún gur státchabhair é cuid den chúiteamh a deonaíodh faoi chonradh seirbhíse poiblí 2007-2013 nach raibh comhoiriúnach leis an margadh inmheánach (40).

(68)

Leis an gcinneadh ó Thionól na Corsaice an 6 Meán Fómhair 2013, chinn CdC cúig chonradh seirbhíse poiblí ar leithligh a dhámhachtain le haghaidh gach ceann de na cúig bhealach idir calafort Marseille agus calafoirt na Corsaice le haghaidh na tréimhse 2014-2023. Dhámh CdC na conarthaí sin ar SNCM agus La Méridionale. Mar sin féin, tar éis imeachtaí riaracháin a tionscnaíodh ina aghaidh an 28 Samhain 2014 agus a tugadh chun críche an 20 Samhain 2015 le breithiúnas ó Chúirt Tráchtála Marseille, tharraing SNCM siar ón gconradh i mí na Nollag 2015. Fuair cuibhreannas Corsica Maritima formhór a shócmhainní in 2016 agus ionchorpraíodh iad sa chuideachta loingseoireachta nua Corsica Linea a seoladh an 10 Nollaig 2015. Tháinig Corsica Linea chun bheith ina fhochonraitheoir ar chonarthaí seirbhíse poiblí 2014-2023 go dtí an 1 Deireadh Fómhair 2016, nuair a foirceannadh na conarthaí le breithiúnas ó Chúirt Riaracháin Bastia, a tugadh an 7 Aibreán 2015.

(69)

Dámhadh roinnt conarthaí seirbhíse poiblí ‘sealadacha’ ar chuibhreannas Corsica Linea - La Méridionale ansin le haghaidh muiriompar paisinéirí agus lasta idir 2016 agus 2022:

(70)

Tá conarthaí seirbhíse poiblí 2019-2020 ina n-ábhar d’imscrúdú ar leithligh ón gCoimisiún maidir le státchabhair (cláraithe faoi SA.49207).

(71)

Baineann na bearta is ábhar don nós imeachta seo leis an gcúiteamh airgeadais arna dheonú ag OTC faoi gach ceann de na cúig chonradh seirbhíse poiblí a bhaineann le seirbhísí muirí chuig an gCorsaic le haghaidh na tréimhse ón 1 Eanáir 2023 go dtí an 31 Nollaig 2030. Baineann na conarthaí seirbhíse poiblí le soláthar seirbhísí muiriompair lasta agus paisinéirí le haghaidh gach ceann de na naisc mhuirí idir calafort Marseille agus gach ceann de chalafoirt na Corsaice (aithris 33). Meastar gurb é EUR 853 600 000 an méid iomlán cabhrach.

(72)

Is é is cuspóir do na conarthaí seirbhíse poiblí freastal ar na riachtanais seirbhíse poiblí i ndáil le muiriompar paisinéirí agus lasta, ar riachtanais iad a shainaithin údaráis na Fraince ar gach ceann de na bealaí sin.

(73)

Is iad Corsica Linea agus La Méridionale (‘tairbhithe na gconarthaí seirbhíse poiblí’ nó ‘na lamháltóirí’) tairbhithe na gconarthaí seirbhíse poiblí ar leithligh nó go comhpháirteach (Table 13)

Tábla 13

Tairbhithe na gconarthaí seirbhíse poiblí

(74)

Is cuideachta comhstoic shimplithe é Corsica Linea arb é an muiriompar paisinéirí agus lasta is sainchúram dó (43).

(75)

Tá Corsica Linea ina fhochuideachta de CM Holding Group, a bhfuil 150 cuideachta ann agus 15 phríomh-scairshealbhóir aige. Fostaíonn sé níos mó ná 1 000 duine agus tá cabhlach naoi soitheach aige.

(76)

Faoi láthair, faoi bhratach na Fraince, oibríonn an chuideachta seirbhísí muirí idir an Chorsaic agus calafort Marseille faoi chonarthaí seirbhíse poiblí, chomh maith le seirbhísí muirí ó chalafort Marseille go dtí an Túinéis agus an Ailgéir (44).

(77)

Is cuideachta phoiblí theoranta é La Méridionale arb é an muiriompar paisinéirí agus lasta is sainchúram dó (45).

(78)

Ó bhí an 1 Meitheamh 2023 ann, tá La Méridionale ina fhochuideachta de CMA CGM Group, tar éis í a fháil ó STEF Group, a raibh an chuideachta faoina úinéireacht ó bhí 2009 ann. Tá beagnach 650 duine fostaithe ag La Méridionale agus tá cabhlach ceithre shoitheach aici (46).

(79)

Faoi láthair, faoi bhratach na Fraince, oibríonn an chuideachta seirbhísí muirí idir an Chorsaic agus calafort Marseille faoi chonarthaí seirbhíse poiblí agus, ó bhí 2024 ann, seirbhís mhuirí sceidealaithe idir Toulon agus L’Île-Rousse faoi scéim PSO 2019. Oibríonn sé seirbhísí muirí freisin ó chalafort Marseille go Maracó.

(80)

Chuir údaráis na Fraince in iúl ina bhfógra gurb é OTC an t-údarás atá freagrach as na bearta a dheonú.

(81)

Is gníomhaireacht phoiblí thionsclaíoch agus tráchtála ar an leibhéal réigiúnach é OTC a bunaíodh le Dlí Uimh. 91-428 an 13 Bealtaine 1991 lena mbunaítear reacht údarás réigiúnach na Corsaice.

(82)

Le hAirteagal L. 4420-20 den Chód Ginearálta um Údaráis Réigiúnacha agus Áitiúla ( ‘CGCT’), leagtar síos cúraimí agus cumhachtaí OTC agus tugtar le fios go bhfuil sé faoi réir mhaoirseacht CdC (ar údarás poiblí é féin, faoi Airteagal L. 4421-1 CGCT (47)) (48). Faoi Airteagal L. 4420-20 CGCT, is é atá ina chathaoirleach ar OTC comhairleoir feidhmiúcháin arna cheapadh ag uachtarán chomhairle feidhmiúcháin CdC. Freastalaíonn an t-ionadaí stáit in CdC go huathoibríoch ar chruinnithe bhord bainistíochta OTC agus seoltar a rúin chuige. Is é a dhéanann bainistíocht ar OTC stiúrthóir arna cheapadh ar thogra ó uachtarán OTC le hordú ón gcomhairle feidhmiúcháin. Tá bord bainistíochta OTC comhdhéanta d’ionadaithe ó eagraíochtaí sochghairmiúla agus, go príomha, d’ionadaithe tofa ó Thionól na Corsaice, atá ar cheann de chomhlachtaí CdC faoi Airteagal L. 4422-1 CGCT.

(83)

Laistigh de na treoirlínte a leag CdC amach (49), tá OTC freagrach as beartas réigiúnach aeriompair agus muiriompair idir an Chorsaic agus mórthír na Fraince a fhorbairt, a chomhordú agus a chur chun feidhme. Faoi Airteagal L. 4420-20 CGCT, tugann OTC conarthaí seirbhíse poiblí i gcrích leis na cuideachtaí arna n-ainmniú chun na haerbhealaí agus na bealaí farraige a oibriú a bhfuil gá leo chun leanúnachas críche a áirithiú, ar conarthaí iad lena leagtar amach táillí, coinníollacha feidhmíochta, cáilíocht seirbhíse agus nósanna imeachta faireacháin.

(84)

Luaitear in Airteagal L. 4420-20 CGCT i ndáil leis sin go maoiníonn OTC na conarthaí tríd an deontas leanúnachais críche dá bhforáiltear in Airteagal L. 4425-26 CGCT, a íocann CdC leis. Íocann an stát an deontas sin le CdC i gcomhréir le hAirteagal L. 4425-23 CGCT. Leis an deontas leanúnachais críche dar luach EUR 187 milliún in aghaidh na bliana, maoinítear na socruithe leanúnachais críche aeir agus muirí idir an Chorsaic agus an mhórthír (50).

(85)

Tugtar tuairisc ar dtús sa roinn seo (i) ar na nósanna imeachta a thionscain údaráis na Fraince chun léiriú a thabhairt ar riachtanas seirbhíse poiblí a bheith ann. Déantar cur síos ansin ar na conclúidí ar tháinig údaráis na Fraince orthu maidir leis an riachtanas sin a bheith ann i ndáil le (ii) muiriompar paisinéirí agus (iii) muiriompar lasta.

(86)

I bhfianaise dhul in éag chonarthaí seirbhíse poiblí 2021-2022 (aithris 69) an 31 Nollaig 2022, rinne údaráis na Fraince, ó mhí na Nollag 2021, anailís ar cé acu a bhí nó nach raibh riachtanas seirbhíse poiblí fós ag úsáideoirí i ndáil le seirbhísí muiriompair idir an Chorsaic agus mórthír na Fraince, agus go háirithe idir Marseille agus cúig chalafort na Corsaice.

(87)

An modh chun a chinneadh an raibh an riachtanas sin fós ann i ndáil le muiriompar lasta agus paisinéirí, chuir údaráis na Fraince in iúl gur ghá é a dhéanamh i dtrí chéim.

(88)

Ba é an chéad chéim éileamh ó úsáideoirí ar sheirbhísí muiriompair a shainaithint agus a chainníochtú. Chuige sin, d’eagraigh údaráis na Fraince dhá chomhairliúchán phoiblí.

(89)

Ba é ab aidhm don dara céim a fháil amach an bhféadfadh an margadh freastal go hiomlán nó go páirteach ar an éileamh ó úsáideoirí a sainaithníodh.D’eagraigh údaráis na Fraince comhairliúchán poiblí ina leith sin freisin.

(90)

Choimisiúnaigh údaráis na Fraince an gnólacht comhairliúcháin eacnamaíoch Gecodia chun an chéad dá chéim sin a dhéanamh. Go sonrach, bhí Gecodia freagrach as an bhfaisnéis a bailíodh ó úsáideoirí agus ó oibreoirí a thiomsú agus a phróiseáil, agus as achoimre ar na freagraí a fuarthas tar éis na gcomhairliúchán poiblí a rinne OTC a chur i dtoll a chéile. Bhí Gecodia freagrach freisin as staidéir bhreise a dhéanamh chun a chinneadh an raibh aon ghá le seirbhís phoiblí i ndáil le muiriompar idir an Chorsaic agus mórthír na Fraince.

(91)

Ag deireadh an dara céim, chuir Gecodia a thuarascáil chríochnaitheach an 14 Márta 2022 faoi bhráid OTC (‘tuarascáil Gecodia’). Déantar anailís i dtuarascáil Gecodia ar éileamh agus ar sholáthar an mhargaidh, agus tagtar ar chonclúidí inti maidir le riachtanas seirbhíse poiblí a bheith ann i ndáil le muiriompar idir an Chorsaic agus an mhórthír.

(92)

Ceapadh an tríú céim chun cuidiú le sainaithint an chur chuige is lú a dhéanfadh difear d’fheidhmiú cuí an mhargaidh inmheánaigh a mhéid a bhaineann le comhlíonadh an riachtanais seirbhíse poiblí a sainaithníodh. Ba é ab aidhm don chéim dheiridh sin a áirithiú go raibh na cinntí a rinne CdC maidir le conas freastal ar an riachtanas seirbhíse poiblí a sainaithníodh ar na cinntí ba lú a chuirfeadh srian ar an iomaíocht. Tabharfar tuairisc ar an tríú céim i Roinn 3.5.

(93)

D’fhonn an chéad chéim dá dtagraítear in aithris (88) a thabhairt chun críche, sheol údaráis na Fraince comhairliúchán poiblí an 7 Nollaig 2021 i measc úsáideoirí muiriompair lasta agus paisinéirí ar na bealaí idir calafort Marseille agus cúig chalafort na Corsaice (‘an comhairliúchán le húsáideoirí’).

(94)

Leis an gcomhairliúchán, a mhair 1 mhí amháin, iarradh ar na húsáideoirí sin uile agus ar aon duine leasmhar eile a mbarúlacha a chur isteach maidir leis na seirbhísí muiriompair atá i gceist. Foilsíodh an comhairliúchán le húsáideoirí ar shuíomh gréasáin OTC agus rinne an preas áitiúil agus réigiúnach tuairisciú air.

(95)

Bhí roinnt ceistneoirí i gceist leis, a raibh thart ar 20 ceist i ngach ceann acu, agus iad dírithe ar chatagóirí éagsúla úsáideoirí. Bhí doiciméad ag gabháil leis an gcomhairliúchán freisin lenar tacaíodh leis an bhfiosrúchán poiblí, inar leagadh amach saintréithe ginearálta na seirbhísí muiriompair idir an Chorsaic agus mórthír na Fraince, (51) agus inar tugadh tuairisc ghairid agus réamhthuairisc ar na catagóirí éagsúla úsáideoirí muiriompair lasta agus paisinéirí idir an Chorsaic agus mórthír na Fraince.

(96)

Sheol údaráis na Fraince comhairliúchán le calafoirt na mórthíre (Marseille, Toulon agus Nice) an 22 Eanáir 2022 ar feadh tréimhse 1 mhí amháin (‘an comhairliúchán le calafoirt’). Áiríodh sa chomhairliúchán sin ceistneoir lenar fiosraíodh go bunúsach saintréithe bhonneagar na n-údarás calafoirt maidir le hiompar lasta agus iompar paisinéirí araon.

(97)

D’fhonn an dara céim dá dtagraítear in aithris 89 a thabhairt chun críche, sheol údaráis na Fraince comhairliúchán le hoibreoirí seirbhísí muiriompair an 19 Eanáir 2022 ar feadh tréimhse 5 seachtaine (‘an comhairliúchán le hoibreoirí’). Bhí an comhairliúchán sin ar fáil agus inrochtana ar shuíomh gréasáin CdC.

(98)

Ar leathanach tosaigh an chomhairliúcháin le hoibreoirí, d’iarr údaráis na Fraince ar na cuideachtaí loingseoireachta lena mbaineann a shoiléiriú céard atá beartaithe acu maidir le seirbhísí sceidealaithe chuig an gCorsaic ón 1 Eanáir 2023. Áiríodh sa chomhairliúchán le hoibreoirí ceistneoir a bhí le líonadh isteach ag oibreoirí. Bhí doiciméad ag gabháil leis freisin, lenar leagadh amach ina iomláine ábhar an doiciméid tacaíochta maidir leis an gcomhairliúchán le húsáideoirí an 7 Nollaig 2021 (aithris 95) agus cur i láthair gairid ar thorthaí an chomhairliúcháin le húsáideoirí. Ar deireadh, iarradh sa chomhairliúchán ar chuideachtaí loingseoireachta leasmhara faisnéis a sholáthar maidir leis an méid lasta agus an líon paisinéirí a d’fhéadfaidís a iompar in éagmais conradh seirbhíse poiblí idir 2023 agus 2028.

(99)

Tugtar tuairisc san fhoroinn seo ar na conclúidí ar tháinig údaráis na Fraince orthu maidir le (i) héileamh a bheith ó úsáideoirí muiriompair paisinéirí idir an Chorsaic agus an mhórthír agus (ii) sainaithint theip an mhargaidh freastal ar an éileamh sin.

(100)

Tugtar tuairisc sna foranna seo a leanas ar na hanailísí a rinne údaráis na Fraince a bhaineann leis an éileamh cáilíochtúil ó phaisinéirí iompair mhuirí idir an Chorsaic agus an mhórthír agus leis an éileamh cainníochtúil ó na húsáideoirí sin.

(101)

Cuirtear torthaí an chomhairliúcháin le húsáideoirí i láthair san fhoroinn seo ar dtús; cuirtear torthaí an chomhairliúcháin le calafoirt i láthair ina dhiaidh sin; agus ar deireadh, cuirtear i láthair conclúidí thuarascáil Gecodia lena bhforlíontar torthaí na gcomhairliúchán poiblí.

(102)

Sa doiciméad tacaíochta maidir leis an gcomhairliúcháin le húsáideoirí (aithris 95), mhínigh údaráis na Fraince ar dtús, a mhéid a bhaineann le muiriompar paisinéirí, (52) gur gá idirdhealú a dhéanamh idir paisinéirí atá ina gcónaí sa Chorsaic (53) agus paisinéirí neamhchónaitheacha (54). Mheas siad freisin, i measc na bpaisinéirí a bhí ina gcónaí sa Chorsaic, go raibh éileamh sonrach ar mhuiriompar ó chatagóir áirithe úsáideoirí, is é sin paisinéirí a thaistealaíonn ar chúiseanna leighis (‘paisinéirí leighis’), rud a bhí ar leithligh ón éileamh ginearálta ó phaisinéirí. Tugadh faoi deara freisin sa doiciméad tacaíochta maidir leis an gcomhairliúchán le húsáideoirí gur shainaithin OTC go raibh gá le seirbhís muiriompair phoiblí le haghaidh na gcatagóirí úsáideoirí sin faoi chonarthaí seirbhíse poiblí 2021-2022.

(103)

Dá bhrí sin, sa chomhairliúchán le húsáideoirí, iarradh ar úsáideoirí freagra a thabhairt ar dhá cheistneoir: ceann a bhí dírithe ar gach paisinéir (cónaitheoirí den Chorsaic agus neamhchónaitheoirí); ceann eile, atá níos sonraí, a bhí dírithe ar phaisinéirí leighis amháin (55).

(104)

Bhí thart ar 20 ceist sa cheistneoir a seoladh chuig gach paisinéir (cónaitheoirí den Chorsaic/neamhchónaitheoirí) agus freagraí molta ann (d’fhéadfadh úsáideoirí níos mó ná freagra amháin a roghnú i gcásanna áirithe), agus measadh go raibh 5 nóiméad ag teastáil chun an ceistneoir a líonadh isteach.

(105)

Sa chéad cheist, iarradh ar úsáideoirí faisnéis a sholáthar maidir leis an mbealach (na bealaí) muirí chuig an gCorsaic a d’úsáid siad idir calafort Marseille agus cúig chalafort na Corsaice (56). Le ceisteanna 2 go 6, lorgaíodh faisnéis maidir leis an bpróifíl úsáideora (catagóir shochghairmiúil, cónaitheoir den Chorsaic/neamhchónaitheoir, an chúis (na cúiseanna) leis an turas, (57) minicíocht an taistil (58) agus riachtanais taistil (59)). Le ceisteanna 7 go 9 iarradh ar úsáideoirí a chur in iúl a shásta atá siad leis na hamanna imeachta agus teachta sa Chorsaic (sásta nó míshásta; más míshásta, an raibh paisinéirí ag iarraidh imeacht nó teacht isteach níos luaithe nó níos déanaí?) agus le minicíocht na seirbhísí muiriompair a chuirtear ar fáil ar na bealaí muirí a úsáidtear. Bhain ceisteanna 10 go 14 leis an táille as na seirbhísí atá i gceist do chónaitheoirí den Chorsaic agus féachadh le tuiscint a fháil leis na ceisteanna, go háirithe, an raibh an táille sin iomchuí nó ar cheart í a athrú.

(106)

Le ceisteanna 15 go 19, iarradh ar úsáideoirí barúil a thabhairt maidir leis na bealaí malartacha de rogha ar chalafort Marseille a d’fhéadfaidís a úsáid. Go sonrach, ceapadh na ceisteanna sin chun an méid seo a leanas a dhéanamh amach:

(107)

Bhain ceisteanna 20 go 22 leis an inionadaitheacht idir muiriompar agus aeriompar. Go sonrach, féachadh lena fháil amach leis na ceisteanna, faoi seach, cé chomh minic a bhíonn úsáideoirí ag déanamh comparáid idir eitiltí agus turais farraige tráth na háirithinte, (63) an phríomhchúis le taisteal ar bhád seachas ar eitleán, (64) agus, i gcás méadú 5-10 % ar tháillí, an mbeidís sásta seirbhísí aeriompair a úsáid (bheadh nó ní bheadh).

(108)

Áiríodh sa cheistneoir do phaisinéirí leighis idir cheisteanna sonracha agus cheisteanna atá mar an gcéanna leo siúd sa cheistneoir ginearálta (aithris 103) (65). I measc na gceisteanna sonracha, bhain ceist 3 le haoisghrúpa na n-úsáideoirí; bhain ceist 4 leis an líon dé-aistear a dhéanann úsáideoirí gach bliain; bhain ceist 5 le láithreacht nó neamhláithreacht duine tionlacain; bhain ceist 6 leis an ngá atá le cábán agus spás páirceála ar bord an tsoithigh; bhain ceist 7 leis an gcóir leighis a fuarthas; agus bhain ceist 12 leis an leibhéal cumhdaigh árachais sláinte le haghaidh costais a bhaineann le cóir leighis.

(109)

Go ginearálta, chuir na ceistneoirí ar a gcumas d’úsáideoirí aighneachtaí saorthéacs a sheoladh chuig consultationpublique@ofc-corse.fr.

(110)

Deir údaráis na Fraince go bhfuair siad níos mó ná 1 000 freagra ar an gcomhairliúchán le húsáideoirí, a raibh 987 gcinn díobh inúsáidte (686 fhreagra ó chónaitheoirí den Chorsaic agus 301 fhreagra ó phaisinéirí neamhchónaitheacha).

(111)

I gcodarsnacht leis sin, ní bhfuarthas ach 42 fhreagra ar an gceistneoir a bhí dírithe ar phaisinéirí leighis. I bhfianaise an lín ísil freagraí a fuarthas, níor chuir údaráis na Fraince torthaí an chomhairliúcháin sin san áireamh.

(112)

Is féidir achoimre mar a leanas a dhéanamh ar na freagraí ar an gceistneoir a sheol údaráis na Fraince chuig gach paisinéir:

(113)

Léirítear san achoimre freisin go ndéanann 54 % de phaisinéirí cónaitheacha (41 % de neamhchónaitheoirí) comparáid chórasach idir na turais farraige atá ar fáil ag calafort Marseille agus calafoirt eile na mórthíre (69). Bíonn na rátaí comparáide éagsúil ó bhealach go chéile áfach: i gcás bealaí áirithe amhail Marseille-L’Île-Rousse nó Marseille-Porto-Vecchio, déanann freagróirí cónaitheacha comparáid chórasach idir turais farraige atá ar fáil ag calafoirt eile ar an mórthír (70 % agus 60 % faoi seach i gcás cónaitheoirí, 66 % agus 35 % faoi seach i gcás neamhchónaitheoirí), ach tá na rátaí comparáide i gcás bhealach Marseille-Propriano íseal (70).

(114)

Thairis sin, gan beann ar an mbealach lena mbaineann, is é an phríomhchúis atá ag paisinéirí cónaitheacha agus neamhchónaitheacha araon le calafort Marseille a roghnú a ghaireacht dá gceann scríbe deiridh (53 % agus 50 % faoi seach). Dá dtiocfadh méadú hipitéiseach 5-10 % ar tháillí ar an turas farraige ó Marseille, deir 60 % ar a laghad de na freagróirí (cónaitheoirí agus neamhchónaitheoirí) go mbeidís sásta aistriú go Toulon agus deir 35 % díobh an rud céanna maidir le Nice (71). Ar deireadh, bhain beagnach 70 % de na freagróirí cónaitheacha úsáid as calafoirt Toulon nó Nice in 2019 le haghaidh a dturas chuig an gCorsaic nó uaithi (i gcomparáid le 52 % de na freagróirí neamhchónaitheacha) (72). Is é an phríomhchúis leis an dá chalafort eile sin a úsáid táillí níos ísle trí Toulon nó Nice (57 % de chónaitheoirí, 56 % de neamhchónaitheoirí) (73).

(115)

Ar deireadh, a mhéid a bhaineann le hinionadaitheacht aeriompair agus muiriompair, léirigh an comhairliúchán le húsáideoirí nár chuir 56 % de phaisinéirí cónaitheacha (79 % de neamhchónaitheoirí) eitiltí i gcomparáid le turais ar bhád tráth na háirithinte (74). Tá na cionmhaireachtaí sin níos mó i gcás bealaí áirithe, amhail Marseille-Propriano (75). A mhéid a bhaineann le ceist 21 (aithris 107), is é an phríomhchúis atá ag cónaitheoirí den Chorsaic (83 % de fhreagróirí) agus ag neamhchónaitheoirí (76 %) araon turas farraige a roghnú in ionad aerthaistil gur gá dóibh taisteal le feithicil. A mhéid a bhaineann leis an bhféidearthacht go n-aistreofaí go haeriompar dá dtiocfadh méadú hipitéiseach 5-10 % ar tháille an turais farraige, deir beagán os cionn leath na bhfreagróirí nach n-aistreoidís (76).

(116)

Bhí trí chuid maidir le trácht paisinéirí sa cheistneoir a ghabhann leis an gcomhairliúchán le calafoirt.

(117)

Sa chéad chuid den cheistneoir (ceisteanna 1.1 go 1.5), iarradh ar na húdaráis chalafoirt barúil a thabhairt ar shaintréithe an éilimh ó úsáideoirí, mar a shainaithnítear agus a chuirtear i láthair sa doiciméad tacaíochta maidir leis an gcomhairliúchán le húsáideoirí (aithris 95). Go sonrach, sa chéad chuid, iarradh ar na húdaráis an méid seo a leanas a dhéanamh:

(118)

Sa dara cuid den cheistneoir, iarradh ar na húdaráis chalafoirt tuairisc iomlán a thabhairt ar an mbonneagar calafoirt is dócha a shannfaidís do sheirbhísí muiriompair idir an Chorsaic agus an mhórthír.

(119)

Go bunúsach, leis an tríú cuid (ceisteanna 4.1 go 4.8), fiafraíodh de na húdaráis chalafoirt maidir le hacmhainn láimhseála a mbonneagair i ndáil le trácht paisinéirí. Go sonrach, iarradh orthu an méid seo a leanas a shonrú:

(120)

Bhailigh údaráis na Fraince aighneachtaí ó údaráis chalafoirt Toulon (CCI Var) agus Nice (CCI Nice Côte d’Azur). Mhínigh údaráis na Fraince freisin le linn an nós imeachta imscrúdaithe fhoirmiúil gur sholáthair údarás calafoirt Marseille (Grand Port Maritime de Marseille) aighneacht saorthéacs cheana féin an 21 Nollaig 2021 mar chuid den chomhairliúchán le húsáideoirí, agus gur chuir sé an aighneacht chéanna isteach mar fhreagairt ar an gcomhairliúchán le calafoirt, gan freagra sonrach a thabhairt ar an gceistneoir dá bhforáiltear sa chomhairliúchán le calafoirt. Mhínigh údaráis na Fraince, áfach, gur áiríodh san aighneacht ó chalafort Marseille an fhaisnéis ábhartha a iarradh leis an gceistneoir calafoirt (83).

(121)

A mhéid a bhaineann leis an gcéad chuid den cheistneoir, níor chuir aon cheann de na trí chalafort in aghaidh an idirdhealaithe idir na catagóirí éagsúla paisinéirí a shainaithin an Fhrainc. Maidir lena gceantar seirbhíse, measann calafoirt Marseille agus Toulon go meallann siad custaiméirí ó gach cearn den Fhrainc agus níos faide i gcéin, agus léiríonn calafort Nice gur ceantar seirbhíse réigiúnach atá aige go príomha.

(122)

Measann na trí chalafort go bhfuil a mbonneagar calafoirt inionadaithe i ndáil le hiompar paisinéirí. A mhéid a bhaineann le hiomaíocht idir calafoirt na mórthíre, deir Toulon agus Marseille go bhfuil siad in iomaíocht le chéile go hoscailte, agus maíonn calafort Toulon ‘nach bhfuil aon amhras ann gurb é an ceannaire ó thaobh iompair paisinéirí é’. Cuireann siad in iúl, mar a dhéanann údarás calafoirt Nice féin, go bhfuil calafort Nice chun deiridh ar Marseille agus Toulon, mar thoradh ar laghdú mór ar thrácht paisinéirí le blianta beaga anuas.

(123)

Maidir leis an tríú cuid den cheistneoir:

(124)

Ina theannta sin, mhínigh údaráis na Fraince freisin le linn an nós imeachta imscrúdaithe fhoirmiúil gur sholáthair údarás calafoirt na Corsaice, CCI na Corsaice, aighneacht saorthéacs freisin an 7 Eanáir 2022 mar chuid den chomhairliúchán le húsáideoirí. Leis an aighneacht saorthéacs sin, soláthraíodh faisnéis maidir le saintréithe na gcúig chalafort de chuid na Corsaice a úsáidtear le haghaidh seirbhísí muirí chuig an gCorsaic.

(125)

Ní chuireann CCI na Corsaice in iúl go bhfuil aon srian ar leith ar iompar paisinéirí. Luann sé, áfach, go bhfuil plódú nach beag i gcalafoirt na Corsaice, go háirithe Bastia (cás criticiúil ó cheann ceann na bliana), agus Ajaccio agus Porto-Vecchio (leibhéil arda plódaithe sa samhradh).

(126)

I dteannta na gcomhairliúchán poiblí, chuir údaráis na Fraince de chúram ar Gecodia freisin anailísí breise a dhéanamh ar an éileamh ó phaisinéirí ar sheirbhísí muirí chuig an gCorsaic. Tugtar tuairisc ar chonclúidí na n-anailísí sin sna foranna thíos.

(127)

Ar an gcéad dul síos, rinneadh anailís i dtuarascáil Gecodia ar cé acu a d’fhéadfaí nó nach bhféadfaí a mheas, ó thaobh na bpaisinéirí de, go mbeadh turas d’aer inionadaithe le turas ar bhád chun freastal ar an riachtanas iompair idir an Chorsaic agus mórthír na Fraince. Is é conclúid na tuarascála nach bhféadfaí.

(128)

Tá an chonclúid sin bunaithe i dtuarascáil Gecodia, ar an gcéad dul síos, ar chleachtas cinnteoireachta an Choimisiúin Eorpaigh, (86) rud a léiríonn gur beag nach bhfuil a leithéid de rud agus inionadaitheacht ann i gcás paisinéirí a bhíonn ag taisteal lena bhfeithicil féin nó a bhfuil méid mór bagáiste acu. Is amhlaidh sin i gcás na Corsaice, óir an cóimheas idir an líon paisinéirí agus an líon feithiclí éadroma de gach cineál ar longa, tá sé thart ar 0,7 i gcás paisinéirí cónaitheacha agus 0,4 i gcás paisinéirí neamhchónaitheacha (87).

(129)

Ar an dara dul síos, tagraíonn tuarascáil Gecodia do thorthaí an chomhairliúcháin le húsáideoirí, a léiríonn ar an mórgóir nach dóigh le húsáideoirí go bhfuil aeriompar agus muiriompar inionadaithe (aithris 115).

(130)

Ar an tríú dul síos, luaitear i dtuarascáil Gecodia go bhfuil turais ar bhád i bhfad níos faide ná turais ar eitleán (idir 6 agus 12 uair an chloig ag brath ar na calafoirt, san oíche den chuid is mó, i gcomparáid le 1 uair an chloig ar eitleán) (88). Is amhlaidh sin freisin maidir le minicíochtaí, óir is minice i bhfad a bhíonn seirbhísí aeir ann ná seirbhísí muirí (89). De réir thuarascáil Gecodia, ní féidir a mheas dá bhrí sin go bhfuil turas ar bhád ina rogha mhalartach ag paisinéirí a bhfuil srianta ama orthu.

(131)

Ar bhonn thuarascáil Gecodia, tháinig údaráis na Fraince ar an gconclúid go bhfuil éileamh cáilíochtúil ar iompar muirí ó chónaitheoirí den Chorsaic agus ó neamhchónaitheoirí a bhíonn ag taisteal idir an Chorsaic agus mórthír na Fraince.

(132)

Rinneadh anailís i dtuarascáil Gecodia ar cé acu a bhí nó nach raibh difríocht shubstainteach san éileamh ar mhuiriompar paisinéirí ag brath ar phróifíl an úsáideora nó ar a rogha calafoirt teachta ar an mórthír.

(133)

Is é conclúid thuarascáil Gecodia, ar an gcéad dul síos, maidir le muiriompar paisinéirí idir an Chorsaic agus mórthír na Fraince, nach mór idirdhealú a dhéanamh idir paisinéirí atá ina gcónaí sa Chorsaic agus paisinéirí neamhchónaitheacha. De réir na tuarascála:

(134)

Ar na cúiseanna sin, ar an iomlán, tá an t-éileamh ar mhuiriompar ó chónaitheoirí den Chorsaic éagsúil leis an éileamh ó neamhchónaitheoirí.

(135)

Thairis sin, meastar i dtuarascáil Gecodia gurb amhlaidh an méid seo a leanas ó thaobh na geografaíochta de:

(136)

Chuir údaráis na Fraince ceistneoir sonrach chuig paisinéirí leighis chun aon saintréith éilimh ón gcatagóir úsáideoirí sin a shainaithint. Ní bhfuair siad ach beagán freagraí ar an gceistneoir sin (aithris 111). D’iarr údaráis na Fraince ar Gecodia anailís fhorlíontach a dhéanamh dá bhrí sin chun a fhíorú an raibh éileamh sonrach ó phaisinéirí leighis.

(137)

Tagraíonn tuarascáil Gecodia ar dtús don chreat dlíthiúil lena rialaítear taisteal leighis idir an Chorsaic agus an mhórthír. Mínítear ann go bhfuil iompar leighis idir an Chorsaic agus an mhórthír faoi réir beartas comhordaithe ag údaráis phoiblí. Rinne CdC, an stát (trí ghníomhaireacht sláinte réigiúnach na Corsaice) agus comhlachtaí árachais sláinte (trí na cistí príomhúla árachais sláinte Corse-du-Sud (2A) agus Haute-Corse (2B) – ‘CPAM’) gníomhaíocht chomhordaithe chun bacainní ar rochtain ar chúram sláinte a laghdú do mhuintir na Corsaice ar gá dóibh cóireáil a fháil nó leanúint de chóireáil nach bhfuil ar fáil sa Chorsaic.

(138)

De réir thuarascáil Gecodia, tá na rialacha lena rialaítear cumhdach costas iompair bunaithe ar Airteagail R. 322-10 go R. 322-10-9 den Chód Slándála Sóisialta (‘CSS’). Liostaítear in Airteagal R. 322-10 CSS na cásanna ina bhféadfadh na costais a bhaineann le hiompar duine árachaithe a bhfuil sé d’oibleagáid air taisteal chun cóireáil a fháil nó dul faoi scrúduithe atá oiriúnach dá riocht a bheith cumhdaithe faoin scéim árachais sláinte (92). Áirítear orthu sin cásanna ina n-úsáideann an duine árachaithe iompar chun taisteal chuig láthair atá níos faide ná 150 km ar shiúl, rud is amhlaidh i gcás duine árachaithe a thaistealaíonn ón gCorsaic go dtí an mhórthír chun cóireáil a fháil. Luaitear in Airteagal R. 322-10-2 CSS, i ngach cás, go bhfuil cumhdach costas iompair ag an scéim árachais sláinte ‘faoi réir oideas liachta le haghaidh iompair agus sonrasc arna eisiúint ag an iompróir nó cruthúnas ar iompar a bheith tíolactha ag an duine árachaithe. Ní mór a shonrú ar an oideas liachta an chúis atá leis an iompar agus an modh iompair a úsáidtear...’

(139)

Is é conclúid thuarascáil Gecodia gurb é an dochtúir a chinneann an modh iompair is oiriúnaí don othar, ag brath ar a staid sláinte agus a leibhéal neamhspleáchais (Airteagal L. 322-5 CSS), agus go bhfuil an rogha sin féin faoi réir údarú a fháil roimh ré ó CPAM. Thairis sin, ceanglaítear le hAirteagal R. 322-10-4 CSS go ndéanfar scrúdú leighis chun a fhíorú nach féidir an chóireáil a chur ar fáil i saoráid nach faide ná 150 km ar shiúl. Is é sin le rá, de réir thuarascáil Gecodia, ní chumhdaítear ach costais iompair le haghaidh speisialtachtaí nó cóireála nach bhfuil ar fáil sa Chorsaic. Ar deireadh, luaitear in Airteagal R. 322-10-5 CSS go ríomhtar aisíocaíocht costas iompair ar bhonn an achair idir ionad cúraim tosaigh an othair agus an tsaoráid cóireála ordaithe is gaire.

(140)

Ar bhonn na faisnéise sin, tháinig údaráis na Fraince ar dhá chonclúid.

(141)

Ar an gcéad dul síos, tá an modh iompair a úsáidtear, i.e. bád nó eitleán, ordaithe ag an dochtúir agus faoi réir chomhaontú CPAManna chun costais iompair a aisíoc. Dá bhrí sin, ní féidir le paisinéirí leighis an modh iompair a roghnú más mian leo go n-aisíocfaí a gcostais iompair.

(142)

Measann údaráis na Fraince go léiríonn sé sin nach bhfuil aon inionadaitheacht idir aeriompar agus muiriompar ó thaobh paisinéirí leighis de. An rogha idir modh iompair amháin nó modh iompair eile, forordaítear orthu í faoin gcreat dlíthiúil náisiúnta lena rialaítear aisíocaíocht speansas leighis.

(143)

Ar an dara dul síos, baineann taisteal leighis a chumhdaítear le hárachas sláinte le hothair nach bhfuil in ann teacht ar chóireáil iomchuí sa Chorsaic, agus dá bhrí sin a bhfuil géarghá acu taisteal go dtí an mhórthír chun cóireáil iomchuí a fháil ansin. Luaitear i dtuarascáil Gecodia nach mór cóireáil iomchuí a sholáthar, de réir an dlí, ag an ionad leighis is gaire go geografach don áit ina bhfaigheann an t-othar cúram leighis sa Chorsaic. Dá réir sin, glactar leis i dtuarascáil Gecodia go bhfuil paisinéirí leighis thar a bheith íogair i leith achair agus gur fearr leo de ghnáth calafoirt sna háiteanna ina bhfuil an t-ionad cóireála ordaithe is gaire, chun go seachnóidh siad cás nach n-aisíocfadh CPAManna a gcostais taistil, nó nach n-aisíocfaidís ach cuid díobh.

(144)

Luaitear i dtuarascáil Gecodia nach bhfuil roinnt seirbhísí cúraim leighis a bhaineann le gníomhaíochtaí ospidéil ar fáil sa Chorsaic, is iad sin cúraim mhíochaine, mháinliachta agus chnáimhseachais (‘MCO’), cúram leantach agus athshlánú (‘SSR’) agus cúram síciatrach (‘PSY’). Ar bhonn na sonraí a bhailigh an ghníomhaireacht theicniúil um fhaisnéis maidir le hospidéalú (‘ATIH’) le haghaidh na tréimhse 2015-2020, dheimhnigh údaráis na Fraince gur i dtreo na mórthíre a shreabhann othair a bhfuil cónaí orthu sa Chorsaic agus a bhfuil cúram den sórt sin á fháil acu. Léiríonn na sonraí a sholáthraítear i dtuarascáil Gecodia go mbaineann beagnach 15 000 tréimhse fanachta in ospidéal (MCO) in aghaidh na bliana ar an meán ar mhórthír na Fraince le cónaitheoirí den Chorsaic, a bhfuil dhá thrian díobh i roinn Bouches-du-Rhône (Marseille); Chaith cónaitheoirí den Chorsaic beagnach 34 000 lá in aghaidh na bliana faoi chóireáil SSR ar mhórthír na Fraince, leath díobh i roinn Bouches-du-Rhône; agus fuair siad beagnach 1 700 cóireáil PSY in aghaidh na bliana, beagnach leath díobh i roinn Bouches-du-Rhône.

(145)

Ar an mbonn sin, thángthas ar an gconclúid i dtuarascáil Gecodia go bhfuil éileamh sonrach ó phaisinéirí leighis ar mhuiriompar idir an Chorsaic agus mórthír na Fraince, agus na coinníollacha maidir le haisíoc costas iompair agus suíomh ionad iomchuí cóireála nach bhfuil ar fáil sa Chorsaic, go háirithe, á gcur san áireamh.

(146)

Le tuarascáil Gecodia, breathnaíodh freisin ar riachtanais paisinéirí leighis ó thaobh cinn scríbe de ar mhórthír na Fraince.

(147)

Sa chomhthéacs sin, d’iarr údaráis na Fraince ar CPAManna sonraí a sholáthar dóibh maidir leis an líon iarrataí ar fhormheas roimh ré ar ghlac siad leo i ndáil le cumhdach costas iompair ag an scéim árachais sláinte. De réir sonraí a fuarthas ó CPAM 2A (deonaíodh níos mó ná 15 000 údarú), (93) bhain níos mó ná 80 % díobh le turas amháin nó níos mó go Marseille, i gcomparáid le níos lú ná 14 % go Nice, 1,1 % go Páras agus níos lú ná 0,3 % go Toulon (94).

(148)

Dá bhrí sin, thángthas ar an gconclúid i dtuarascáil Gecodia gur dócha gur leis na calafoirt ar an mórthír atá gar dá gceann scríbe deiridh ar an mórthír (saoráidí cúraim ordaithe) agus leo sin amháin a bhaineann an t-éileamh ó phaisinéirí leighis. Taistealaíonn formhór mór na bpaisinéirí leighis go Marseille.

(149)

Chun éileamh ó phaisinéirí (cónaitheoirí den Chorsaic agus neamhchónaitheoirí) a chainníochtú, bhí údaráis na Fraince ag brath ar shonraí stairiúla agus ar réamh-mheastacháin araon le haghaidh na tréimhse 2023-2030.

(150)

Rinne údaráis na Fraince anailís ar an éileamh stairiúil ó phaisinéirí ar cónaitheoirí den Chorsaic iad agus ó phaisinéirí neamhchónaitheacha ar bhonn na sonraí a bhí ar fáil ó 2016 go 2021. A mhéid a bhaineann leis an éileamh lena bhfuil coinne le haghaidh na tréimhse 2023-2030, rinne údaráis na Fraince réamh-mheastacháin bunaithe ar an éileamh a breathnaíodh in 2019 (ba bhlianta iad 2020 agus 2021 a ndearna géarchéim COVID-19 difear dóibh). Rinne siad meastachán ar an athrú ar an éileamh ar mhuiriompar ó phaisinéirí cónaitheacha agus neamhchónaitheacha ar bhonn mheánráta fáis bliantúil an éilimh ar iompar san fhadtéarma (2015-2030) a d’fhoilsigh an Aireacht um Aistriú Éiceolaíoch i mí Iúil 2016, (95) agus a tugadh cothrom le dáta i mí Dheireadh Fómhair 2021 (96).

(151)

Cuirtear an t-éileamh lena bhfuil coinne ar mhuiriompar in 2030 i láthair in Table 14.

Tábla 14

Éileamh ó phaisinéirí de réir bealaigh in 2030

(152)

A mhéid a bhaineann le paisinéirí leighis, ní raibh sonraí díreacha ag údaráis na Fraince faoin líon othar agus daoine tionlacain a iompraíodh, faoina gceann scríbe ná faoin modh iompair a úsáideadh. I ndáil leis sin, luaitear i dtuarascáil Gecodia gur cuireadh ceist ar ghníomhaireacht sláinte réigiúnach na Corsaice agus ar CPAManna faoi na sonraí sin. Dúirt gníomhaireacht sláinte réigiúnach na Corsaice nach raibh an fhaisnéis sin aici. Shoiléirigh CPAManna nár sholáthair a gcóras faisnéise sonraí iontaofa iomlána.

(153)

Dá bhrí sin, d’athchruthaigh údaráis na Fraince meastachán ar na turais sin agus úsáid á baint as sonraí indíreacha.

(154)

Bhí údaráis na Fraince ag brath ar dtús ar shonraí ATIH (aithris 144) maidir leis an líon cóireálacha leighis nó tréimhsí fanachta (le haghaidh cóireáil nach bhfuil ar fáil sa Chorsaic) a cláraíodh do chónaitheoirí den Chorsaic ar mhórthír na Fraince (agus, go sonrach, i réigiún Provence-Alpes-Côte-d’Azur, mar a bhfuil cathracha Marseille, Toulon agus Nice). Rinne údaráis na Fraince meastachán ar an líon paisinéirí leighis agus daoine tionlacain ar bhonn an líon cóireálacha leighis nó tréimhsí fanachta a cláraíodh i gcás gníomhaíochtaí SSR, MCO agus PSY do chónaitheoirí den Chorsaic ar fud réigiún Provence-Alpes-Côte-d’Azur (97). San iomlán, tháinig siad ar mheastachán 65 000 paisinéir leighis in aghaidh na bliana ar an meán le haghaidh gach cóireála leighis a bhaineann le gníomhaíochtaí SSR, MCO agus PSY. Is le roinn Bouches-du-Rhône (Marseille) amháin a bhaineann thart ar 53 000 paisinéir in aghaidh na bliana ar an meán le linn na tréimhse 2015-2019.

(155)

Áirítear daoine tionlacain sa mheastachán sin freisin. Mheas údaráis na Fraince go raibh duine tionlacain amháin i láthair go córasach i gcás paisinéirí leighis faoi bhun 19 mbliana d’aois agus os cionn 75 bliana d’aois, agus go raibh duine i dtionlacan duine as gach beirt sna haoisghrúpaí eile. Dá thoradh sin, shuigh siad go gcruthaíonn turas leighis (fillte) ag othar Corsaiceach gá de facto le 1,4 paisinéir a iompar (turas fillte), agus an gá le daoine tionlacain á chur san áireamh. De réir na Fraince, bhí an toimhde sin comhsheasmhach leis na sonraí eimpíreacha a bailíodh ó CPAM 2A, ós rud é go raibh duine tionlacain i gceist le 41,5 % (6 318) de na 15 237 n-iarraidh ar fhormheas roimh ré ar ghlac CPAM 2A leo, agus go raibh an dara duine tionlacain i gceist le 7,5 % de na 6 318 n-iarraidh sin.

(156)

Rinne údaráis na Fraince meastachán ar dhá bhealach ansin ar an líon turas ar muir.

(157)

Ba é an chéad chur chuige an líon paisinéirí leighis a fháil tríd an líon paisinéirí leighis a thaistil ar eitleán a bhaint den líon iomlán measta paisinéirí leighis. Léiríonn na sonraí maidir le paisinéirí leighis a thaistil ar eitleán idir an Chorsaic agus roinn Bouches-du-Rhône (Marseille), atá ar fáil d’údaráis na Fraince le haghaidh na tréimhse 2016-2019, (98) go raibh aerthaisteal i gceist le thart ar 38 000 paisinéir in aghaidh na bliana ar an meán (thart ar 70 % den líon iomlán measta 53 000 paisinéir leighis, aithris 154). Ar bhonn na ríomhanna sin, tháinig údaráis na Fraince ar an gconclúid go bhféadfadh muiriompar a bheith i gceist le suas le 30 % de thurais paisinéirí leighis chuig roinn Bouches-du-Rhône.

(158)

Ba é an dara cur chuige anailís a dhéanamh ar na 15 237 n-iarraidh ar fhormheas roimh ré a sheol cónaitheoirí den Chorsaic chuig CPAM 2A idir 2020 agus 2021 chun go n-aisíocfaí costais iompair a bhaineann le taisteal leighis. Leis an anailís ar na hiarrataí sin ar fhormheas roimh ré, nach mór an t-oideas leighis a bheith iontu a léiríonn an modh iompair a d’ordaigh an dochtúir de réir riocht sláinte an othair (aithrisí 136 go 148), léirítear gur bhain thart ar 4 % díobh le muiriompar.

(159)

Ar bhonn an dá chur chuige sin, as an líon iomlán paisinéirí leighis a thaistealaíonn go Marseille taistealaíonn idir 4 % agus 30 % díobh ar bhád. Chun an dá chur chuige a réiteach agus chun a áirithiú go ndearnadh measúnú coimeádach ar an méid éilimh ó na paisinéirí sin, mheas údaráis na Fraince ar deireadh gur thaistil 10 % de phaisinéirí leighis ar bhád (thart ar 5 400 paisinéir leighis in aghaidh na bliana as an líon iomlán 53 000 paisinéir leighis in aghaidh na bliana a mheas údaráis na Fraince le haghaidh roinn Bouches-du-Rhône in 2019).

(160)

Ar deireadh, shann údaráis na Fraince an líon paisinéirí leighis do chalafoirt éagsúla na Corsaice ar bhonn gníomhaíochtaí MCO a bheith miondealaithe de réir réigiúin (a bhfuil léarscáil de le fáil ar shuíomh ATIH).

(161)

Chun meastachán a dhéanamh ar an éileamh bliantúil ó phaisinéirí leighis a mbeifear le freastal air idir 2023 agus 2030, mheas údaráis na Fraince, chun an méadú a bhfuil coinne leis ar an daonra agus an daonra a bheith ag dul in aois, ar thaobh amháin, agus forbairt an tsoláthair cúraim sláinte sa Chorsaic, ar an taobh eile, a chur san áireamh, go bhfanfadh an t-éileamh réamh-mheasta idir 2023 agus 2030 cobhsaí ar bhonn na dturas paisinéirí leighis a measadh le haghaidh 2019. Léirítear le Table 15 an meastachán ar thurais leighis ar bhád idir calafoirt na Corsaice agus calafort Marseille.

Tábla 15

Turais leighis mheasta ar bhád ag othair atá ina gcónaí sa Chorsaic agus ag daoine tionlacain (paisinéirí bliantúla) idir an Chorsaic agus Marseille

(162)

Tar éis meastachán a dhéanamh ar an éileamh cáilíochtúil agus cainníochtúil ó na catagóirí éagsúla úsáideoirí muiriompair do phaisinéirí idir an Chorsaic agus mórthír na Fraince, rinne údaráis na Fraince iarracht a chinneadh a mhéad a d’fhéadfadh an soláthar margaidh freastal ar an éileamh sin.

(163)

Is éard a bhí sa chomhairliúchán le hoibreoirí ar dtús ceistneoir ina raibh ceithre cheist ghinearálta maidir le hiompar paisinéirí:

(164)

Má freagraíodh ‘tá’ ar an tríú ceist i gcás ceann amháin nó níos mó de na bealaí, mhol an ceistneoir ansin liosta de cheisteanna níos sonraí maidir leis an tseirbhís a thabharfadh an t-oibreoir isteach. Bhí ar oibreoirí an fhaisnéis sin a sholáthar le haghaidh gach bealaigh a ndúirt siad ina leith go raibh siad in ann seirbhís tráchtála a mholadh faoi scéim PSO 2019.

(165)

Mar shampla, má luaigh oibreoir go raibh sé in ann seirbhís tráchtála a sholáthar ar bhealach Marseille-Ajaccio, bhí air na ceisteanna seo a leanas a fhreagairt:

(166)

Thug trí oibreoir freagra ar an gcomhairliúchán le hoibreoirí: Corsica Linea, La Méridionale agus Corsica Ferries.

(167)

Dúirt Corsica Linea agus La Méridionale nach gcuirfidís aon seirbhís tráchtála ar fáil idir an Chorsaic agus mórthír na Fraince faoi scéim PSO 2019.

(168)

Chuir Corsica Ferries isteach an tseirbhís tráchtála a d’úsáidfeadh sé in éagmais conradh seirbhíse poiblí le haghaidh iompar paisinéirí. Mar thaca lena fhreagraí ar an gceistneoir, chuir Corsica Ferries roinnt comhad Excel isteach lenar sonraíodh, inter alia, acmhainn iompair a chuid soithí agus an tseirbhís tráchtála a sholáthródh sé.

(169)

Mar fhreagra ar cheist 1 den chomhairliúchán le hoibreoirí, thug Corsica Ferries le fios gur tarraingíodh suas a fhreagraí ar an gceistneoir, chomh maith leis an gcomhad Excel de shonraí a bhaineann lena sheirbhís iompair, in éagmais aon léiriú sna doiciméid a sholáthair CdC maidir leis na riachtanais leanúnachais críche agus na ceanglais ina leith. I bhfianaise na n-éiginnteachtaí sin, níor shamhaltaigh Corsica Ferries, ina chomhad Excel maidir le hacmhainn iompair a chuid soithí, aon mhéadú ná aon laghdú ar an acmhainn iompair a chuirfí ar fáil i gcaitheamh na tréimhse 2023-2028: dá bhrí sin, bhí an acmhainn iompair a tuairiscíodh comhionann le linn na tréimhse faoi anailís.

(170)

Mar fhreagra ar cheist 4, luaigh Corsica Ferries go n-oibreodh sé, in éagmais conradh seirbhíse poiblí, ón 1 Eanáir 2023, seirbhísí iompair paisinéirí idir calafoirt uile na mórthíre (Marseille, Nice, Toulon) agus calafoirt uile na Corsaice seachas calafort Propriano. Go sonrach, chuirfeadh sé seirbhísí tráchtála lae agus oíche (lasta agus paisinéirí) ar fáil, lena gcuimseofaí:

(171)

Chuir Corsica Ferries in iúl d’údaráis na Fraince go raibh cabhlach 13 shoitheach aici, nár sannadh do bhealach ar leith. Dúirt an chuideachta freisin go ndéanfaí 15 % dá dturais farraige, ar gach bealach, le linn an lae (imeacht idir 6 a.m. agus 4 p.m. chun teacht isteach idir 2 p.m. agus meán oíche sa dá threo).

(172)

A mhéid a bhaineann le hacmhainn iompair a chuid soithí i gcás seirbhísí iompair paisinéirí, chuir Corsica Ferries an fhaisnéis a leagtar amach in Table 16 ar fáil d’údaráis na Fraince.

Tábla 16

Seirbhís ionchasach Corsica Ferries faoi scéim PSO 2019 (paisinéirí bliantúla) in éagmais conarthaí seirbhíse poiblí

(173)

Dúirt Corsica Ferries freisin nach mbeadh a thairiscint (ó chalafort Marseille) bailí ach amháin in éagmais conradh seirbhíse poiblí idir an Chorsaic agus an mhórthír.

(174)

Tar éis anailís a dhéanamh ar an acmhainn iompair a chuirfeadh Corsica Ferries in úsáid, tháinig údaráis na Fraince ar an gconclúid go bhféadfadh an margadh, in éagmais conarthaí seirbhíse poiblí, freastal ar an éileamh réamh-mheasta sa tréimhse 2023-2028 ó phaisinéirí cónaitheacha (seachas paisinéirí leighis) agus ó neamhchónaitheoirí ar sheirbhísí muirí idir calafoirt Ajaccio, Bastia, L’Île-Rousse agus Porto-Vecchio agus calafoirt mhórthír na Fraince.

(175)

Tugann údaráis na Fraince dá n-aire, áfach, nach bhfreastalódh Corsica Ferries ar chalafort Propriano. Dá bhrí sin, tagann siad ar an gconclúid go bhfuil teip mhargaidh iomlán ann maidir le muiriompar idir calafort Propriano agus calafoirt mhórthír na Fraince, i gcás paisinéirí cónaitheacha agus neamhchónaitheacha araon.

(176)

Thairis sin, a mhéid a bhaineann leis an éileamh ó phaisinéirí leighis, measann údaráis na Fraince nach bhfreastalódh Corsica Ferries ar chalafort Marseille ach dhá uair sa tseachtain ó chalafoirt Ajaccio agus Bastia, agus trí huaire in aghaidh na míosa ó chalafoirt Porto-Vecchio agus L’Île-Rousse. Ina theannta sin, mar a léirítear in aithris 170, ní fhreastalódh Corsica Ferries ar chalafort Propriano. Measann siad, dá bhrí sin, nach tráthrialta go leordhóthanach í an tseirbhís chuig calafort Marseille, arb é an calafort is fearr le haghaidh paisinéirí leighis é, a chuireann Corsica Ferries ar fáil.

(177)

I bhfianaise teip mhargaidh a bheith idir calafort Propriano agus calafoirt mhórthír na Fraince i ndáil le muiriompar paisinéirí cónaitheacha agus neamhchónaitheacha, tháinig údaráis na Fraince ar an gconclúid go raibh riachtanas seirbhíse poiblí ann lena gcumhdaítear an t-éileamh cainníochtúil measta iomlán idir 2023 agus 2030 ó chalafort Propriano agus chuige, mar a léirítear in Table 14.

(178)

I bhfianaise teip mhargaidh a bheith idir gach ceann de chalafoirt na Corsaice agus calafort Marseille i ndáil le muiriompar paisinéirí leighis, ar teip í a eascraíonn as na seirbhísí iompair a sholáthródh Corsica Ferries a bheith neamhleor, tháinig údaráis na Fraince ar an gconclúid go raibh riachtanas seirbhíse poiblí ann lena gcumhdófaí an t-éileamh iomlán ó phaisinéirí leighis a thaistealaíonn go Marseille idir 2023 agus 2030, mar a léirítear in Table 15.

(179)

Tugtar tuairisc san fhoroinn seo ar na conclúidí ar tháinig údaráis na Fraince orthu maidir le (i) éileamh a bheith ann ó úsáideoirí muiriompair lasta idir an Chorsaic agus an mhórthír agus maidir leis (ii) an tuairisc ar theip an mhargaidh freastal ar an éileamh sin.

(180)

Tugtar tuairisc sna foranna seo a leanas ar na hanailísí a rinne údaráis na Fraince a bhaineann leis an éileamh cáilíochtúil ó úsáideoirí muiriompair lasta idir an Chorsaic agus an mhórthír agus leis an éileamh cainníochtúil ó na húsáideoirí sin.

(181)

Cuirtear torthaí an chomhairliúcháin le húsáideoirí i láthair san fhoroinn seo ar dtús; cuirtear torthaí an chomhairliúcháin le calafoirt i láthair ina dhiaidh sin; ar deireadh, cuirtear i láthair conclúidí thuarascáil Gecodia lena bhforlíontar torthaí na gcomhairliúchán poiblí.

(182)

Sa doiciméad tacaíochta maidir leis an gcomhairliúchán le húsáideoirí (aithris 95), rinne údaráis na Fraince réamh-idirdhealú idir iompar lasta tharraingthe agus iompar lasta neamhtharraingthe (102).

(183)

Áiríodh sa chomhairliúchán le húsáideoirí ceistneoir a bhí dírithe ar gach úsáideoir muiriompair lasta. Bhí liosta de thart ar 20 ceist sa cheistneoir, a raibh freagraí molta ag gabháil leo (d’fhéadfadh úsáideoirí tic a chur le níos mó ná freagra amháin i gcásanna áirithe) agus ar measadh go dtógfadh sé 5 nóiméad iad a chur i gcrích.

(184)

Leis na chéad trí cheist, lorgaíodh faisnéis ghinearálta maidir le próifílí úsáideoirí. Leis an gcéad cheist, iarradh ar úsáideoirí faisnéis a sholáthar maidir leis an mbealach (na bealaí) muirí chuig an gCorsaic a d’úsáid siad idir calafort Marseille agus cúig chalafort na Corsaice (103). Leis an dara ceist, lorgaíodh faisnéis maidir le hearnáil gníomhaíochta na n-úsáideoirí agus cód poist a gceannoifige. Leis an tríú ceist, iarradh ar úsáideoirí a dtuairim a thabhairt maidir leis an idirdhealú idir iompar lasta tharraingthe agus iompar lasta neamhtharraingthe, agus iarradh orthu faisnéis a sholáthar maidir leis an méid lasta tharraingthe agus/nó neamhtharraingthe a iompraíodh ar an mbealach atá i gceist in 2019.

(185)

Le ceisteanna 4 go 13, iarradh ar úsáideoirí a chur in iúl a shásta atá siad leis na seirbhísí muiriompair a chuirtear ar fáil ar an mbealach (na bealaí) lena mbaineann. Iarradh orthu go sonrach:

(186)

Le ceisteanna 14 go 20, iarradh ar úsáideoirí measúnú a dhéanamh ar rogha an chalafoirt mórthíre le haghaidh na seirbhíse. Leis na ceisteanna sin, fiafraíodh go sonrach:

(187)

Ar deireadh, le ceist 21 iarradh ar úsáideoirí a chur in iúl a oiriúnaí a bheadh seirbhís iompair a úsáideann soithí atá tiomnaithe go hiomlán do lasta (róró) i gcomparáid leis an tseirbhís atá ann faoi láthair (Ro-Pax).

(188)

Ní bhfuair údaráis na Fraince ach cúig fhreagra ar an gceistneoir faoi dheireadh na tréimhse comhairliúcháin. I bhfianaise an lín ísil sin, rinne Gecodia teagmháil dhíreach le roinnt cuideachtaí iompair agus lóistíochta a úsáideann seirbhísí lasta muirí idir an Chorsaic agus an mhórthír, chun dul tríd an gceistneoir go díreach leo ar an teileafón.

(189)

Deir údaráis na Fraince go ndeachaigh Gecodia i dteagmháil le 21 chuideachta iompair ar leo a bhaineann thart ar 90 % den trácht lasta neamhtharraingthe iomlán agus 70 % den trácht lasta tharraingthe iomlán idir an Chorsaic agus an mhórthír. Na tarlóirí a ndearnadh suirbhé orthu, baineann siad úsáid as bealaí ó Marseille go príomha, agus baineann níos mó ná leath díobh úsáid as bealaí ó Toulon freisin. Thug na tarlóirí freagra i gcás gach ceann de na bealaí a úsáideann siad idir an Chorsaic (gach ceann de chalafoirt na Corsaice) agus an mhórthír (gach ceann de na calafoirt ar an mórthír), agus i gcás gach cineál lasta (lasta tarraingthe agus neamhtharraingthe).

(190)

A mhéid a bhaineann le lasta neamhtharraingthe, (109) is féidir achoimre a dhéanamh ar na freagraí ar an gceistneoir mar a leanas:

(191)

A mhéid a bhaineann le lasta tarraingthe, is féidir achoimre a dhéanamh ar na freagraí ar an gceistneoir mar a leanas:

(192)

Bhí trí chuid maidir le trácht lasta sa cheistneoir a ghabhann leis an gcomhairliúchán le calafoirt.

(193)

Sa chéad chuid den cheistneoir, iarradh ar údaráis chalafoirt barúil a thabhairt ar shaintréithe an éilimh ó úsáideoirí a sainaithníodh agus a cuireadh i láthair sa doiciméad tacaíochta maidir leis an gcomhairliúchán le húsáideoirí (aithris 95). Go sonrach, sa chéad chuid, iarradh ar na húdaráis chalafoirt an méid seo a leanas a dhéanamh:

(194)

Sa dara cuid den cheistneoir, iarradh ar na húdaráis chalafoirt tuairisc iomlán a thabhairt ar an mbonneagar calafoirt is dócha a d’úsáidfidís le haghaidh seirbhísí muiriompair idir an Chorsaic agus mórthír na Fraince.

(195)

Go bunúsach, leis an tríú cuid (ceisteanna 5.1 agus 5.8 i gcás lasta neamhtharraingthe agus ceisteanna 6.1 agus 6.8 i gcás lasta tarraingthe), fiafraíodh de na húdaráis chalafoirt maidir le hacmhainn láimhseála a mbonneagair i ndáil le trácht lasta. Go sonrach, iarradh orthu an méid seo a leanas a shonrú:

(196)

Mar a léirítear in aithris 120, bhailigh údaráis na Fraince aighneachtaí ó údaráis chalafoirt Toulon, Marseille agus Nice.

(197)

A mhéid a bhaineann leis an gcéad chuid den cheistneoir, measann na trí chalafort gurb iomchuí an cur chuige a ghlac údaráis na Fraince chun idirdhealú a dhéanamh idir lasta tarraingthe agus lasta neamhtharraingthe. A mhéid a bhaineann lena gceantar seirbhíse le haghaidh iompar lasta, measann calafoirt Nice agus Toulon nach bhfuil a gceantar seirbhíse ach áitiúil agus teoranta don chúlchríoch láithreach, ach measann calafort Marseille go meallann sé iompar earraí ó gach cearn den Fhrainc, agus go háirithe iompar earraí a théann trí ghleann na Róine.

(198)

A mhéid a bhaineann leis na dálaí iomaíochta, measann calafort Nice go bhfágann a bhonneagar, atá suite i lár na cathrach, agus an chreatlach lag thionsclaíoch agus tráchtála timpeall Nice nach bhfreastalaíonn an bonneagar sin ar an éileamh ar iompar lasta idir an Chorsaic agus an mhórthír, agus nach bhfreastalóidh ar feadh thréimhse 7 mbliana. Deir calafort Toulon freisin nach bhfuil aon amhras ach gurb é calafort Marseille an ceannaire sa mhargadh lasta, agus nach féidir leis é féin a chur chun cinn ach mar chalafort a chomhlánaíonn calafort Marseille. Tugann calafort Toulon le fios go bhfuil an leibhéal iomaíochta idir Marseille agus Toulon ‘sláintiúil, d’ainneoin thoilleadh íseal Toulon, rud a fhágann nach féidir leis dul san iomaíocht i ndáiríre sa mhargadh sin’. Measann calafort Marseille go bhfuil mórbhuntáiste aige i ndáil le hiompar lasta de thairbhe a shuímh gheografaigh, atá i gcroílár acomhal mótarbhealaigh agus iarnróid agus gar do na príomh-mhoil lóistíochta agus iompair, agus de bharr rochtain an-éasca a bheith ar a bhonneagar ó thrí cinn de mhótarbhealaí.

(199)

Maidir leis an tríú cuid den cheistneoir:

(200)

Mar a léirítear in aithris 124, sholáthair CCI na Corsaice aighneacht saorthéacs freisin le linn an chomhairliúcháin le húsáideoirí. Sholáthair CCI na Corsaice roinnt píosaí faisnéise maidir le hiompar earraí i gcalafoirt na Corsaice.

(201)

Go ginearálta, cuireann CCI na Corsaice i dtábhacht na fadhbanna maidir le toilleadh a bhíonn ag calafoirt uile na Corsaice, cé is moite de chalafort Propriano. Fágann an staid sin gur gá díolúintí maorachta a thabhairt go tráthrialta le linn thréimhse an tsamhraidh chun ligean d’fheithiclí earraí troma tiomáint laethanta a bhíonn trácht trom ar bhóithre (laethanta ‘dearga’). Go sonrach, tugann CCI na Corsaice an méid seo a leanas faoi deara:

(202)

I dteannta na gcomhairliúchán poiblí, d’iarr údaráis na Fraince ar Gecodia freisin anailísí breise a dhéanamh ar éileamh ó úsáideoirí iompair lasta ar sheirbhísí muirí chuig an gCorsaic.

(203)

Mar a léirítear in aithris 95, thug údaráis na Fraince le fios sa doiciméad tacaíochta maidir leis an gcomhairliúchán le húsáideoirí gur gá idirdhealú a dhéanamh idir iompar lasta tharraingthe agus iompar lasta neamhtharraingthe, go háirithe i ngeall ar na srianta éagsúla láimhseála a bhaineann leis an trácht sin.

(204)

Leis an staidéar a rinne Gecodia, deimhnítear an t-idirdhealú sin idir lasta tarraingthe agus lasta neamhtharraingthe. Rinne Gecodia anailís freisin ar raon feidhme geografach an éilimh ó úsáideoirí ar iompar lasta tharraingthe agus neamhtharraingthe ar muir, chun a chinneadh an raibh éileamh ó úsáideoirí ar chalafort mórthíre amháin nó níos mó chun a gcuid lasta a iompar idir an Chorsaic agus an mhórthír. Go sonrach, cuireadh na paraiméadair seo a leanas san áireamh agus an anailís sin á déanamh:

(205)

Meastar i dtuarascáil Gecodia go bhfuil difríocht shubstaintiúil idir lasta tarraingthe agus lasta neamhtharraingthe.Ar an gcéad dul síos, fágann lasta neamhtharraingthe nach mór an leathleantóir a dhícheangal ón leoraí atá le luchtú ar an soitheach, a bhfuil trealamh speisialaithe agus idirghabháil ó dhugairí ag teastáil lena aghaidh. Ar an dara dul síos, ní mór toilleadh leordhóthanach (limistéir láimhseála) a bheith ag an gcalafort chun leathleantóirí a stóráil roimh luchtú.Ar deireadh, ní féidir leathleantóirí a luchtú an tráth céanna le bordáil paisinéirí agus leoraithe, rud a fhágann nach mór don long briseadh fada turais a ghlacadh. Cuireann briseadh fada turais teorainn le húsáid cé, áfach, agus ní mór roinnt céanna a bheith ag an gcalafort mar sin chun freastal ar roinnt cinn scríbe go comhuaineach. Baineann tuarascáil Gecodia leas as torthaí na gcomhairliúchán le húsáideoirí agus le calafoirt chun tacú le hoiriúnacht an idirdhealaithe sin.

(206)

Thairis sin, tugtar le fios i dtuarascáil Gecodia, ó thaobh tarlóirí de, go bhfuil saintréithe éagsúla ag baint le lasta tarraingthe agus lasta neamhtharraingthe. Cé go bhfuil flít mór tarracóirí leathleantóra ag teastáil i gcás iompar lasta tharraingthe chun a áirithiú go n-iomprófar roinnt leantóirí go laethúil (120), le hiompar lasta neamhtharraingthe is féidir an flít tarracóirí a bharrfheabhsú i ndáil leis an líon leathleantóirí, rud a thugann caoi don tarlóir roinnt dé-aistear a dhéanamh le tarracóir amháin idir an calafort agus a bhunáit lóistíochta in aon lá amháin. Luaitear i dtuarascáil Gecodia go ndúirt tarlóirí go ginearálta, le linn an chomhairliúcháin le húsáideoirí, go ndéanann siad idir ceithre agus sé cinn de dhé-aistir in aon lá amháin le tarracóir i gcás lasta neamhtharraingthe.

(207)

Dá bhrí sin, tagtar ar an gconclúid i dtuarascáil Gecodia, i gcás tarlóra, go bhfuil costais mhóra ag baint le haistriú ó lasta neamhtharraingthe go lasta tarraingthe i dtéarmaí foirne agus tarracóirí leathleantóra breise a cheannach. Dá bhrí sin, tá dhá chineál éilimh éagsúla i gceist le hiompar lasta tharraingthe agus lasta neamhtharraingthe.

(208)

Mar sin féin, tugtar le fios i dtuarascáil Gecodia go bhfuil roinnt nithe i gcoitinne ag lasta tarraingthe agus lasta neamhtharraingthe.Go sonrach, luaitear i dtuarascáil Gecodia nach mór seachadtaí (lasta tarraingthe nó neamhtharraingthe) a dhéanamh ar maidin roimh am a fhorchuireann custaiméir an tarlóra, faoi réir pionóis má bhíonn an seachadadh déanach nó más gá é a athsceidealú.Dá bhrí sin, leagtar béim i dtuarascáil Gecodia ar a thábhachtaí atá glacadh calafoirt a luaithe is féidir (idir 6 a.m. agus 7 a.m.) chun bheith in ann seachadtaí a dhéanamh le faighteoirí in am, gan beann ar an seoltóir (ollmhargaí, tógáil, cúiréirí nó bulciompróirí). I gcás lasta neamhtharraingthe, is gá freisin glacadh an-luath ag an gcalafort le leathleantóirí neamhualaithe (ag filleadh ar an mórthír), mar gheall ar an am is gá chun leathleantóirí díbhordáilte a chur ar ais chuig bunáiteanna lóistíochta (miondíoltóirí nó tarlóirí), iad a lódáil agus iad a chur ar ais chuig an gcalafort arís. Ina theannta sin, sa dá chás, ní mór seirbhísí muirí tráthrialta a áirithiú chun an soláthar earraí don Chorsaic agus tabhairt ar ais leathleantóirí/leoraithe chuig an mórthír a ráthú.

(209)

Meastar i dtuarascáil Gecodia go n-úsáideann úsáideoirí iompair lasta neamhtharraingthe calafort Marseille go heisiach agus dá bhrí sin nach féidir an calafort sin a ionadú le calafoirt eile ar an mórthír, is iad sin Toulon agus Nice.

(210)

Ar an gcéad dul síos, luaitear i dtuarascáil Gecodia nach bhfuil an bonneagar is gá ach ag calafoirt Marseille (121) agus Toulon-Brégaillon chun freastal ar an gcineál tráchta sin, rud nach amhlaidh i gcás chalafoirt Toulon-Port de Commerce agus Nice. Chomh maith leis sin, tá an toilleadh ag Toulon-Brégaillon teoranta do bheart aonair, rud a d’fhágfadh nach mbeadh sé in ann níos mó ná turas farraige amháin in aghaidh an lae a sholáthar go dtí an Chorsaic, i bhfianaise na srianta a bhaineann le fad an bhriste turais agus leis an am imeachta i gcás lasta neamhtharraingthe (122). Dá bhrí sin, i gcás an chineáil sin tráchta, ní fhéadfadh inionadaitheacht a bheith idir calafoirt Marseille agus Toulon-Brégaillon ach ar bhealach amháin ar a mhéad.

(211)

Ar an dara dul síos, de réir thuarascáil Gecodia, deimhníonn an comhairliúchán le húsáideoirí nach mbreithníonn tarlóirí riamh nó nach mbreithníonn siad ach go han-annamh, tríd is tríd, rogha mhalartach ar chalafort Marseille a úsáid agus a dturais á bpleanáil acu i gcás lasta neamhtharraingthe. Níor thug aon cheann de na freagróirí le fios go n-aistreoidís chuig calafoirt Toulon dá n-ardófaí praghsanna 5-10 % ag calafort Marseille, toisc nach mbeidís in ann a n-oibríochtaí laethúla a bharrfheabhsú dá rachaidís trí Toulon.

(212)

A mhéid a bhaineann leis na húdaráis chalafoirt, luaigh CCI Nice Côte d’Azur gurb é an limistéar áitiúil amháin ceantar seirbhíse an chalafoirt agus ‘go bhfuil calafort Nice, a bhfuil a bhonneagar suite sa chathair agus a bhfuil creatlach lag thionsclaíoch agus tráchtála ina thimpeall, faoi mhíbhuntáiste agus nach mbeidh sé in ann freastal riamh ar an éileamh ar lasta go dtí an Chorsaic, ós fearr atá Toulon agus Marseille oiriúnaithe do na riachtanais’. Thairis sin, cuirtear i dtábhacht i dtuarascáil Gecodia an ráiteas a rinne calafort Toulon le linn an chomhairliúcháin le calafoirt, ar dá réir nach féidir le calafort Toulon é féin a chur chun cinn ach mar chalafort a chomhlánaíonn calafort Marseille, i bhfianaise a cheantair seirbhíse theoranta i gcúlchríoch Toulon agus thoilleadh teoranta a chríochfort muirí.

(213)

Ar an tríú dul síos, tugtar faoi deara i dtuarascáil Gecodia, chun seachadtaí chuig siopaí a áirithiú, go mbíonn aonaid mhóra dáileacháin ag brath go príomha ar thrádstórais réigiúnacha nó náisiúnta. I gcás na Corsaice, is trí na bunáiteanna lóistíochta sin a sheoltar níos mó ná 90 % de na soláthairtí chuig siopaí ilrannacha na Corsaice, sa chaoi gur de thionscnamh na n-ionad lóistíochta i réigiún PACA iad formhór na n-earraí a allmhairítear isteach sa Chorsaic (123). Mínítear i dtuarascáil Gecodia go bhfuil trádstórais agus ardáin lóistíochta comhchruinnithe go príomha san iarthuaisceart agus timpeall Marseille, agus i gconair na Róine chomh maith. I ndáil leis sin, tagraíonn údaráis na Fraince don staidéar comhpháirteach a rinne gníomhaireacht pleanála uirbí limistéar cathrach Marseille agus gníomhaireacht pleanála uirbí réigiún Aix-Durance i mí Dheireadh Fómhair 2021, ina leagtar amach suíomh geografach na dtrádstóras agus na n-ardán sin (124). Leis an staidéar sin, léirítear comhchruinniú an-ard sreabh lóistíochta i dtreo Marseille. Dá bhrí sin, meastar i dtuarascáil Gecodia go bhfuil údar tríd is tríd le calafort Marseille a roghnú i ngeall ar a ghaireacht atá an calafort do na láithreáin luchtaithe agus de bharr go bhfuil an bonneagar iomchuí ann.

(214)

De réir thuarascáil Gecodia, tá dhá impleacht ag baint le formhór na mbunáiteanna lóistíochta agus na dtrádstóras a bheith gar do chalafort Marseille. Ar an gcéad dul síos, ar bhonn an ionsamhlóra costais a d’fhoilsigh an coiste bóithre náisiúnta, dá mbainfeadh gach tarlóir atá bunaithe timpeall Marseille nó i gconair na Róine úsáid as calafort Toulon-Brégaillon bheadh meánchostas breise EUR 11/LM orthu in aghaidh an turais leathleantóra i gcomparáid le calafort Marseille (125). Ar an dara dul síos, i dteannta an chostais breise bóthair sin, thiocfadh méadú ar an gcostas táirgthe do tharlóirí. Is amhlaidh sin toisc go mbeadh ar tharlóirí an líon dé-aistear in aghaidh an tarracóra a d’fhéadfaidís a dhéanamh in 1 lá amháin idir a mbonn lóistíochta agus an calafort imeachta/teachta a laghdú faoina leath i bhfianaise an achair níos faide a bheadh le cumhdach, rud a d’fhágfadh go mbeadh orthu tarracóirí breise a fháil chun an méid céanna gníomhaíochta a choinneáil ar bun.

(215)

Is é conclúid thuarascáil Gecodia, ó thaobh úsáideoirí muiriompair lasta neamhtharraingthe de, nach bhfuil calafort Marseille inionadaithe le calafoirt Toulon nó Nice a mhéid a bhaineann le seirbhísí muirí chuig an gCorsaic.

(216)

Meastar i dtuarascáil Gecodia, ó thaobh úsáideoirí muiriompair lasta tharraingthe de, nach bhfuil calafort Marseille inionadaithe ach amháin le críochfort Toulon-Port de Commerce (níl sé inionadaithe le calafort Nice ná le críochfoirt eile Toulon), agus ní hamhlaidh sin ach go páirteach a mhéid nach measann roinnt úsáideoirí muiriompair lasta tharraingthe gur rogha mhalartach é an críochfort sin ar chalafort Marseille.

(217)

Ar an gcéad dul síos, luaitear i dtuarascáil Gecodia nach bhfuil aon bhonneagar calafoirt ar leith ag teastáil le haghaidh lasta tarraingthe, ós rud é gurb é tiománaí an leathleantóra a luchtaíonn é go díreach ar an soitheach mar fheithicil aonair. Dá bhrí sin, is féidir le gach ceann de na trí chalafort ar an mórthír freastal ar lasta tarraingthe gan srianta ar leith (126). Mar sin féin, tugtar faoi deara i dtuarascáil Gecodia gur luaigh calafort Toulon, le linn an chomhairliúcháin le calafoirt, go mbeadh sé deacair freastal ar níos mó trácht lasta tharraingthe i gcaitheamh na bliana, ós rud é go bhfuil 80 % de thoilleadh an chalafoirt líonta cheana féin le trácht Corsica Ferries, agus dúirt calafort Nice gur mian leis tosaíocht a thabhairt do thrácht paisinéirí.

(218)

Ar an dara dul síos, tugtar faoi deara i dtuarascáil Gecodia nár thug aon cheann de na freagróirí ar an gcomhairliúchán le húsáideoirí le fios go n-atreoróidís a gcuid lasta tharraingthe chuig Toulon dá dtiocfadh méadú 5-10 % ar phraghsanna ag Marseille (agus is lú fós a dúirt go n-atreoróidís chuig Nice é). Is léir ón gcomhairliúchán sin, dá réir, nach mbreithníonn tarlóirí bealach malartach agus a dturais á bpleanáil acu. Is é a ghaireacht atá calafort Marseille do láithreáin luchtaithe na dtarlóirí agus an bonneagar calafoirt atá ar fáil is mó a thugann údar le calafort Marseille a roghnú.

(219)

Ar an tríú dul síos, ar an mbealach céanna le lasta neamhtharraingthe, mínítear i dtuarascáil Gecodia, i bhfianaise a ghaireacht atá bunáiteanna lóistíochta fhormhór na dtarlóirí do chalafort Marseille (aithris 213), go mbeadh achair níos faide agus costais bhreise iompair (EUR 4,5/LM) i gceist dá ndéanfaí roinnt úsáideoirí, a bhfuil a mbunáiteanna lóistíochta gar do Marseille, a aistriú chuig calafort Toulon. D’fhéadfadh na costais bhreise sin costais táirgthe tarlóra a mhéadú suas le 17 % (127). Luaitear i dtuarascáil Gecodia go bhfuil na torthaí sin comhsheasmhach leis na ráitis a rinne calafoirt Nice agus Toulon le linn an chomhairliúcháin le calafoirt, ar dá réir nach meallann an dá chalafort sin ach trácht áitiúil, atá teoranta don chúlchríoch díreach máguaird. Cuireann údaráis na Fraince in iúl freisin go gcuirtear an táille mhuiriompair a íocann tarlóirí ar aghaidh ina iomláine chuig a gcustaiméirí agus, dá thoradh sin, nach n-imríonn an éagsúlacht sa táille mhuiriompair idir calafort amháin ar an mórthír agus calafort eile aon tionchar ar an gcostas táirgthe do na tarlóirí.

(220)

Ar deireadh, cuirtear anailís chainníochtúil i láthair i dtuarascáil Gecodia a léiríonn nár aistríodh trácht lasta tharraingthe chuig calafoirt Toulon mar thoradh ar mhéadú ar an táille mhíosúil in aghaidh an mhéadair línigh de lasta tarraingthe in Marseille. Go sonrach, rinneadh imscrúdú le tuarascáil Gecodia ar dhá chás de shuaitheadh leanúnach praghais ar bhealaí Marseille a tharla le déanaí (128), tráth a d’fhan an táille mhíosúil in aghaidh an mhéadair línigh cobhsaí den chuid is mó in Toulon (129). Mínítear le tuarascáil Gecodia nár fhreagair tarlóirí don suaitheadh praghais aníos idir mí Iúil 2018 agus mí na Bealtaine 2019, toisc gur fhan sciar calafoirt Toulon den mhargadh cobhsaí i gcaitheamh na tréimhse sin.

(221)

Thángthas ar an gconclúid i dtuarascáil Gecodia dá réir sin nach bhfuil calafoirt Toulon agus Marseille inionadaithe ach go páirteach a mhéid a bhaineann le muiriompar lasta tharraingthe idir an Chorsaic agus mórthír na Fraince.

(222)

Le tuarascáil Gecodia, rinneadh meastachán ar an éileamh bliantúil a bheidh ann amach anseo ar mhuiriompar lasta tharraingthe agus neamhtharraingthe le linn na tréimhse 2023-2030 i gcás gach ceann de na bealaí idir calafort Marseille agus calafoirt na Corsaice.

(223)

Rinneadh an t-éileamh stairiúil ar lasta neamhtharraingthe a shuí ar bhonn sonraí a bailíodh ó chuideachtaí loingseoireachta. Chun measúnú a dhéanamh ar an éileamh réamh-mheasta le haghaidh 2023-2030, cuireadh an fás bliantúil a breathnaíodh idir 2010 agus 2019 (2,3 % in aghaidh na bliana) i bhfeidhm maidir le trácht in 2019. Suíodh an t-éileamh réamh-mheasta mar a leanas:

Tábla 17

An t-éileamh ar iompar lasta neamhtharraingthe de réir an bhealaigh mhuirí (in ML) ó Marseille, a breathnaíodh le haghaidh na tréimhse 2018-2020 agus a mheastar le haghaidh na tréimhse 2023-2030

(224)

Rinneadh meastachán ar an éileamh cainníochtúil ar mhuiriompar lasta tharraingthe ar bhonn na bparaiméadar céanna leis an éileamh cainníochtúil ar mhuiriompar lasta neamhtharraingthe (aithrisí 222 agus 223).

(225)

Mar a mhínítear i Roinn 3.4.2.1.1.3.3, thángthas ar an gconclúid i dtuarascáil Gecodia nach bhfuil calafort Marseille agus calafort Nice inionadaithe a mhéid a bhaineann le muiriompar lasta tharraingthe agus nach bhfuil calafoirt Marseille agus Toulon inionadaithe ach go páirteach ina leith sin.

(226)

Mheas údaráis na Fraince, ar bhonn thuarascáil Gecodia, gurb é sciar an éilimh ó úsáideoirí iompair lasta tharraingthe a mheasann nach bhfuil calafort Marseille inionadaithe le calafort Toulon 80 % den éileamh stairiúil ar iompar lasta tharraingthe idir Marseille agus an Chorsaic in 2019, agus go measann an 20 % eile gur rogha mhalartach é Toulon ar chalafort Marseille.

(227)

Mhínigh údaráis na Fraince gur tháinig an meastachán sin 80 % ó ráitis ó cheardchumann tarlóirí na Corsaice agus ó Corsica Linea, a rinneadh i gcomhthéacs comhairliúcháin mhargaidh in 2020. Go sonrach, thug an ceardchumann (ar leis a bhaineann [20-50] % de mhéid ML an lasta tharraingthe a iompraítear idir an Chorsaic agus an mhórthír) agus Corsica Linea le fios, faoi seach, go raibh 84 %/85 % den lasta tarraingthe de thionscnamh roinn Bouches-du-Rhône (arb é Marseille an príomhchalafort baile lena haghaidh) nó gurbh í an roinn sin ceann scríbe an lasta sin.

(228)

Tar éis d’údaráis na Fraince an t-éileamh sonrach measta ar iompar lasta tharraingthe ag calafort Marseille a chinneadh, rinne siad cainníochtú ar an éileamh sin le haghaidh na mblianta amach romhainn. An t-éileamh cainníochtúil ar iompar lasta tharraingthe ón ngrúpa úsáideoirí nach mbreithníonn aon rogha mhalartach ar chalafort Marseille (i.e. 80 % den éileamh measta le haghaidh 2023-2030 idir Marseille agus an Chorsaic), cuirtear é i láthair in Table 18.

Tábla 18

An t-éileamh ar iompar lasta tarraingthe de réir an bhealaigh mhuirí (in ML) ó Marseille, a breathnaíodh le haghaidh na tréimhse 2018-2020 agus a mheastar le haghaidh na tréimhse 2023-2030

(229)

Thairis sin, ós rud é nach mór tiománaithe (ar catagóir paisinéirí iad) a iompar in éineacht le lasta tarraingthe, shainaithin údaráis na Fraince an t-éileamh ar iompar tiománaithe freisin. Mheas údaráis na Fraince go raibh an t-éileamh ó thiománaithe comhréireach leis an méid lasta tharraingthe a iompraíodh, agus go raibh an cion sin seasmhach le himeacht ama.

(230)

Chun meastachán a dhéanamh, i gcás gach bealaigh mhuirí, ar an gcóimheas idir tiománaithe agus méadair líneacha de lasta tarraingthe, bhí údaráis na Fraince ag brath ar an meánluach a breathnaíodh le haghaidh na tréimhse 2018-2021. Cuireadh an cóimheas sin i bhfeidhm maidir leis an éileamh measta ar iompar lasta tarraingthe le haghaidh 2030. Dá thoradh sin, de réir údaráis na Fraince, is mar a leanas an t-éileamh ar iompar tiománaithe:

Tábla 19

Trácht tiománaithe muirí (an líon tiománaithe) ó Marseille, a breathnaíodh le haghaidh na tréimhse 2018-2021 agus a mheastar le haghaidh na tréimhse 2023-2030

(231)

Tar éis meastachán a dhéanamh ar an éileamh cáilíochtúil agus cainníochtúil ó na catagóirí éagsúla úsáideoirí muiriompair lasta idir an Chorsaic agus mórthír na Fraince, d’fhéach údaráis na Fraince lena chinneadh a mhéid a d’fhéadfadh an soláthar margaidh freastal ar an éileamh sin.

(232)

Bhí ar oibreoirí muiriompair na ceisteanna céanna a leagtar amach in aithrisí 163 go 165 a fhreagairt a mhéid a bhaineann leis an tseirbhís lasta a d’úsáidfidís in éagmais conradh seirbhíse poiblí. Go sonrach, iarradh ar oibreoirí muiriompair comhad Excel a chomhlánú lena gcuirfí faisnéis ar leithligh ar fáil maidir leis na méideanna lasta tharraingthe agus neamhtharraingthe a bheadh á n-iompar acu.

(233)

Thug trí oibreoir freagra ar an gcomhairliúchán le hoibreoirí: Corsica Linea, La Méridionale agus Corsica Ferries.

(234)

Dúirt Corsica Linea agus La Méridionale, in éagmais conradh seirbhíse poiblí, nach gcuirfidís aon seirbhís tráchtála ar fáil idir an Chorsaic agus mórthír na Fraince.

(235)

Chuir Corsica Ferries isteach an tairiscint tráchtála a dhéanfadh sé in éagmais conradh seirbhíse poiblí le haghaidh iompar lasta. Mar thaca lena fhreagraí ar an gceistneoir, chuir Corsica Ferries roinnt comhad Excel isteach lenar sonraíodh, inter alia, acmhainn iompair a chuid soithí agus an tairiscint tráchtála a sholáthródh sé.

(236)

Mar fhreagra ar cheist 2 den chomhairliúchán le hoibreoirí, lenar iarradh ar oibreoirí a dtuairimí a thabhairt maidir le hoiriúnacht an idirdhealaithe idir lasta tarraingthe agus neamhtharraingthe, chuir Corsica Ferries in iúl gur rud saorga neamhéifeachtach é an t-idirdhealú córasach a dhéanann OTC idir lasta tarraingthe agus neamhtharraingthe, rud a bhí ag brath ar mhéid, eagrú agus roghanna gach tarlóra seachas ar an tseirbhís a sholáthraíonn na cuideachtaí loingseoireachta. Chuir Corsica Ferries i dtábhacht freisin nach mór tiománaí a bheith ar bord an tsoithigh i gcás lasta tarraingthe, de réir údaráis na Fraince, ach go ndearnadh idirdhealú i gcás lasta tarraingthe idir lasta tarraingthe thionlactha (le tiománaí) agus lasta tarraingthe neamhthionlactha (gan tiománaí).

(237)

Dúirt Corsica Ferries ina fhreagra go gcuirfeadh sé an acmhainn iompair chéanna ar fáil leis an tseirbhís a sholáthródh sé in éagmais conradh seirbhíse poiblí, gan beann ar an gcineál lasta atá beartaithe. Dá réir sin, léirigh an comhad sonraí Excel a chuir sé isteach acmhainn iompair charnach na cuideachta ó thaobh lasta de, i.e. áiríodh ann lasta neamhtharraingthe agus tarraingthe araon, gan idirdhealú a dhéanamh idir an dá cheann.

(238)

Rinne Corsica Ferries an cáineadh céanna a luaitear in aithris (169) freisin.

(239)

Mar fhreagra ar cheist 4, luaigh Corsica Ferries go n-oibreodh sé seirbhísí iompair lasta idir calafoirt uile na mórthíre (Marseille, Ajaccio, Toulon) agus calafoirt uile na Corsaice, cé is moite de chalafort Propriano, in éagmais conradh seirbhíse poiblí ón 1 Eanáir 2023. Go sonrach, chuirfeadh sé seirbhísí tráchtála lae agus oíche (lasta agus paisinéirí) ar fáil, lena gcuimseofaí:

(240)

Chuir Corsica Ferries in iúl d’údaráis na Fraince go raibh cabhlach 13 shoitheach aici, nach sanntar do bhealach ar leith. Dúirt an chuideachta freisin go ndéanfaí 15 % dá dturais farraige, ar gach bealach, le linn an lae (imeacht idir 6 a.m. agus 4 p.m. chun teacht isteach idir 2 p.m. agus meán oíche sa dá threo).

(241)

A mhéid a bhaineann le hacmhainn iompair a chuid soithí i gcás seirbhísí iompair lasta, chuir Corsica Ferries an fhaisnéis a leagtar amach in Table 20 ar fáil d’údaráis na Fraince.

Tábla 20

Iompar lasta muirí Corsica Ferries de réir an bhealaigh mhuirí (in ML) ó Marseille agus Toulon, a breathnaíodh le haghaidh na tréimhse 2016-2019 agus a mheastar le haghaidh na tréimhse 2023-2028 in éagmais conarthaí seirbhíse poiblí

(242)

Dúirt Corsica Ferries freisin nach mbeadh an tairiscint mholta bailí ach amháin in éagmais aon chonradh seirbhíse poiblí idir an Chorsaic agus an mhórthír.

(243)

Tar éis anailís a dhéanamh ar an acmhainn iompair (cúlghabhálach agus ionchasach) a chuireann Corsica Ferries in úsáid, thángthas ar an gconclúid sa tuarascáil chríochnaitheach, in éagmais conarthaí seirbhíse poiblí, nach bhfreastalódh an soláthar margaidh ar an éileamh iomlán ó úsáideoirí ar iompar lasta neamhtharraingthe agus tharraingthe.

(244)

A mhéid a bhaineann le lasta neamhtharraingthe, meastar le tuarascáil Gecodia go dtagann tairiscint Corsica Ferries salach ar chonclúidí áirithe ar thángthas orthu sa tuarascáil, a mhéid a mhol Corsica Ferries lasta neamhtharraingthe a iompar ar shoithí lasta paisinéirí (Ro-Pax) ó chalafort Toulon cúig huaire sa tseachtain ar bhealaí Marseille-Ajaccio agus Marseille-Bastia, agus trí huaire sa tseachtain chuig calafoirt thánaisteacha na Corsaice. Mar sin féin, (i) is ag Toulon-Brégaillon amháin (agus ní Toulon-Port de Commerce) atá an bonneagar is gá chun lasta neamhtharraingthe a láimhseáil, agus (ii) ní féidir le Toulon-Brégaillon freastal ach ar shoithí róró amháin, agus le haghaidh bealach aonair ar a mhéad (aithris 210).

(245)

Ina theannta sin, ba é an tuairim a cuireadh in iúl i dtuarascáil Gecodia nach raibh an tairiscint a mhol Corsica Ferries leordhóthanach chun freastal ar an éileamh ó úsáideoirí ar mhuiriompar lasta neamhtharraingthe mar gheall ar an líon neamhleor minicíochtaí seachtainiúla a chuirtear ar fáil idir Marseille agus an Chorsaic. De réir thuarascáil Gecodia, rinne Corsica Ferries é féin a theorannú ar dtús do dhá dhé-aistear sheachtainiúla a chur ar fáil idir calafort Marseille agus calafoirt Ajaccio agus Bastia, cé go raibh dé-aistir laethúla, nach mór, ag teastáil ó úsáideoirí chun a gcuid lasta neamhtharraingthe a iompar. Thairis sin, tugadh faoi deara i dtuarascáil Gecodia go raibh na minicíochtaí molta idir calafort Marseille agus calafoirt L’Île-Rousse agus Porto-Vecchio teoranta do thrí dhé-aistear mhíosúla, cé go raibh muiriompar seachtainiúil ag teastáil ó úsáideoirí. Ar deireadh, cinneadh i dtuarascáil Gecodia nár mhol Corsica Ferries aon seirbhís tráchtála idir calafort Marseille agus calafort Propriano, d’ainneoin go raibh muiriompar seachtainiúil ag teastáil ó úsáideoirí.

(246)

A mhéid a bhaineann le lasta tarraingthe, measadh i dtuarascáil Gecodia, ar na cúiseanna céanna a leagtar amach in aithrisí 244 agus 245, gur mhol Corsica Ferries minicíochtaí idir calafort Marseille agus calafoirt na Corsaice nár leor chun freastal ar an éileamh ar iompar lasta tharraingthe agus nár breithníodh aon rogha mhalartach ar chalafort Marseille ina leith (i.e. 80 % den trácht lasta tharraingthe iomlán idir Marseille agus an Chorsaic). Thug údaráis na Fraince le fios freisin, i bhfianaise ráitis CCI Var maidir le lántoilleadh a bhonneagair agus lena dheacra atá sé do chríochfort Toulon-Port de Commerce an trácht lasta tharraingthe atá aige faoi láthair a mhéadú, gur chosúil nach raibh tairiscint Corsica Ferries, lena ndearnadh foráil freisin maidir le méadú ar a acmhainn iompair ó Toulon, ina tairiscint réalaíoch.

(247)

Ar bhonn a bhfuil thuas, tháinig údaráis na Fraince ar an gconclúid go bhfuil gá le seirbhís phoiblí i ndáil le muiriompar lasta tharraingthe agus neamhtharraingthe a chomhfhreagraíonn don éileamh measta idir 2023 agus 2030 idir Marseille agus gach ceann de chúig chalafort na Corsaice, mar a chuirtear i láthair in Table 21.

Tábla 21

An riachtanas seirbhíse poiblí i ndáil le muiriompar lasta (in ML) ó Marseille, a mheastar le haghaidh na tréimhse 2023-2030

(248)

Tar éis d’údaráis na Fraince a shuí gur ann do roinnt riachtanais seirbhíse poiblí i réimse an mhuiriompair lasta agus paisinéirí, d’fhéach siad leis an ionstraim dlí is gá agus na hoibleagáidí seirbhíse poiblí iomchuí a chinneadh chun freastal ar na riachtanais sin a dhéanfadh an difear is lú do na saoirsí atá fíor-riachtanach le haghaidh fheidhmiú cuí an mhargaidh inmheánaigh (aithris 92).

(249)

Rinne údaráis na Fraince scrúdú ar dtús ar an bhféidearthacht go neartófaí scéim PSO 2019 (aithris 62) le haghaidh bealaí nó úsáideoirí ar sainaithníodh gá le seirbhís muiriompair phoiblí ina leith. Mheas siad, áfach, go raibh roinnt teorainneacha ag baint le cur chuige den sórt sin.

(250)

Ar an gcéad dul síos, ba é tuairim údaráis na Fraince nár chúitigh scéim PSO 2019 an easpa soláthair phríobháidigh chun freastal ar an éileamh sainaitheanta. Mheas siad, in éagmais conradh seirbhíse poiblí, go raibh an tairiscint a mhol Corsica Ferries faoi scéim PSO 2019 ó chalafort Marseille neamhleor cheana féin chun freastal ar na riachtanais uile a shainaithin an Fhrainc (Ranna 3.4.2.3 agus 3.4.3.3) agus dá bhrí sin nach mbeadh aon éifeacht ag neartú scéim PSO 2019.

(251)

Ar an dara dul síos, chinn údaráis na Fraince go raibh amanna imeachta agus teachta soithí idir mórthír na Fraince agus an Chorsaic ina saintréithe tábhachtacha den éileamh ar mhuiriompar lasta agus paisinéirí (aithrisí 112, 190, 191 agus 208). De réir na Fraince, níor ceadaíodh leis an Rialachán Cabatáiste do na Ballstáit amanna teachta agus imeachta soithí a shocrú i scéim PSO. De réir Airteagal 4(2) den Rialachán, agus oibleagáidí seirbhíse poiblí á bhforchur, tá na Ballstáit teoranta do cheanglais a bhaineann leis na calafoirt a bhfreastalófar orthu agus le tráthrialtacht, leanúnachas, minicíocht, cumas an tseirbhís a sholáthar, rátaí le gearradh agus leithdháileadh foirne an tsoithigh.

(252)

Ar deireadh, mheas údaráis na Fraince nach dtabharfadh scéim den sórt sin, dá mbeadh cúiteamh ag gabháil léi, caoi do CdC na costais a bhaineann leis an tseirbhís phoiblí a rialú, ós rud é nach mbeifí in ann meastachán a dhéanamh ar na costais sin léi (a chúitítear tar éis an tseirbhís a sholáthar) i ngeall ar an líon éiginnte turas farraige a dhéanfaí.

(253)

Ar na cúiseanna sin uile, mheas údaráis na Fraince gur cosúil gur gá conarthaí seirbhíse poiblí a thabhairt i gcrích chun na ceanglais iomchuí maidir le seirbhís muiriompair phoiblí a bhunú chun freastal ar na riachtanais seirbhíse poiblí a sainaithníodh i ndáil le gach bealach muirí idir calafort Marseille agus calafoirt na Corsaice.

(254)

Mheas údaráis na Fraince gur ceanglaíodh leis na riachtanais seirbhíse poiblí a sainaithníodh go dtabharfaí conarthaí seirbhíse poiblí i gcrích lena leagfaí síos na hoibleagáidí seirbhíse poiblí seo a leanas.

(255)

Ar an gcéad dul síos, chinn údaráis na Fraince conradh seirbhíse poiblí a dhámhachtain le haghaidh gach bealaigh mhuirí a chumhdaítear le riachtanas seirbhíse poiblí sainaitheanta. Ba ghá oibleagáid a bheith i ngach conradh seirbhíse poiblí go n-oibreofaí seirbhísí muiriompair lasta tharraingthe agus neamhtharraingthe, chomh maith le hiompar paisinéirí (tiománaithe agus paisinéirí leighis) idir calafort Marseille agus gach ceann de chalafoirt na Corsaice, gan bristeacha turais iontu. Thairis sin, ba ghá a áireamh freisin sa chonradh seirbhíse poiblí i ndáil le bealach Marseille-L’Île-Rousse an oibleagáid go n-iomprófaí earraí contúirteacha (is é L’Île-Rousse an t-aon chalafort de chuid na Corsaice atá údaraithe chun na hearraí sin a fháil), agus ba ghá a áireamh sa chonradh seirbhíse poiblí i ndáil le bealach Marseille-Propriano an oibleagáid go n-iomprófaí paisinéirí cónaitheacha agus neamhchónaitheacha, chomh maith le paisinéirí leighis agus tiománaithe. Mhínigh údaráis na Fraince gur eascair na hoibleagáidí sin as na teipeanna margaidh a sainaithníodh le linn an chomhairliúcháin le hoibreoirí agus astu sin amháin.

(256)

Ar an dara dul síos, mheas údaráis na Fraince gur gá tráthchláir shonracha a fhorchur i ngach conradh seirbhíse poiblí, lena gcuimseofaí imeacht um thráthnóna chuig calafoirt na Corsaice agus uathu agus teacht isteach go moch ar maidin sa Chorsaic nó in Marseille. Bheadh na tráthchláir sin go hiomlán i gcomhréir leis an éileamh ó úsáideoirí a suíodh tríd an gcomhairliúchán le húsáideoirí (paisinéirí/lasta) agus le conclúidí thuarascáil Gecodia maidir le heagrú an tslabhra lóistíochta idir an Chorsaic agus mórthír na Fraince (aithris 208). Cuirtear na hoibleagáidí sin i láthair i ndáil le gach bealach in Table 22.

Tábla 22

Oibleagáidí tráthchláir i ndáil le trácht lasta agus paisinéirí sna conarthaí seirbhíse poiblí sa dá threo (Marseille-an Chorsaic agus an Chorsaic-Marseille)

(257)

Ar an tríú dul síos, mheas údaráis na Fraince gur gá oibleagáidí minicíochta a leagan síos, arb é is aidhm dóibh a áirithiú go ndéanfar seirbhísí go tráthrialta i gcomhréir leis na riachtanais a sainaithníodh (aithrisí 112 agus 208) agus go mbeidh solúbthacht leordhóthanach i soláthar na seirbhíse poiblí i bhfianaise luaineachtaí móra san éileamh. Mheas údaráis na Fraince gur cheart trí oibleagáid minicíochta a áireamh sna conarthaí seirbhíse poiblí i ndáil le gach bealach muirí lena mbaineann:

(258)

Leagtar amach na hoibleagáidí minicíochta sin i ndáil le gach conradh seirbhíse poiblí in Table 23. Tá na minicíochtaí sin níos airde, go háirithe, i ndáil le bealaí muirí Bastia agus Ajaccio, ós ag an dá chalafort sin atá sciar nach beag den trácht paisinéirí agus lasta chuig an gCorsaic (aithrisí 54, 55 agus 59).

Tábla 23

Oibleagáidí minicíochta i ndáil le trácht lasta agus paisinéirí sna conarthaí seirbhíse poiblí

(259)

Is féidir an chaoi a bhfeidhmíonn na hoibleagáidí minicíochta sin a léiriú leis an sampla seo a leanas. Mar a léirítear in Table 23, ceanglaítear ar an lamháltóir sé dhé-aistear sheachtainiúla a oibriú ar bhealach Marseille-Ajaccio sa séasúr ciúin agus seacht gcinn san ardséasúr. Dá réir sin, bíonn 130 dé-aistear sa séasúr ciúin agus 214 dhé-aistear san ardséasúr i gceist leis an íosmhinicíocht dé-aistear seachtainiúil atá le comhlíonadh, rud a fhágann 344 dhé-aistear san iomlán. Ceanglaítear ar an oibreoir 365 dhé-aistear a dhéanamh in aghaidh na bliana: is é an difríocht idir na 365 dhé-aistear is gá a dhéanamh in aghaidh na bliana agus na 344 dhé-aistear is gá a dhéanamh ar bhonn seachtainiúil an líon dé-aistear (19 ndé-aistear) a dhéanfaidh an t-oibreoir le linn na bliana (sa bhreis ar an íoslíon dé-aistear seachtainiúil is gá) ach a mbeidh sé de shaoirse ag an oibreoir a sceidealú ar na laethanta den bhliain is mian leis. Is éard is gné speisialta de na 19 ndé-aistear sin, áfach, gur féidir iad a athsceidealú arna iarraidh sin d’údaráis na Fraince (‘dé-aistir in-athsceidealaithe’). D’fhéadfaí athsceidealú a dhéanamh, mar shampla, dá gcinnfeadh na húdaráis go bhfuil an t-éileamh, lá áirithe, an-íseal agus gurbh iomchuí an tseirbhís a chur siar go lá eile. Dá réir sin, saintréith de na dé-aistir in-athsceidealaithe sin is ea a solúbthacht agus cuireann siad uirlis sholúbtha ar fáil d’údaráis na Fraince chun an soláthar seirbhíse poiblí a oiriúnú do luaineachtaí san éileamh nó do theagmhais gan choinne.

(260)

Is é sin le rá, leag údaráis na Fraince amach an t-íoslíon dé-aistear bliantúil a bheidh le déanamh chun freastal ar an riachtanas seirbhíse poiblí cainníochtúil agus cáilíochtúil atá ann (i gcás paisinéirí agus lasta araon), lena n-áirítear an oibleagáid ar an oibreoir (i) íoslíon dé-aistear seachtainiúil seasta a dhéanamh chun tráthrialtacht seirbhísí muiriompair a áirithiú agus (ii) dé-aistir in-athsceidealaithe a dhéanamh chun solúbthacht seirbhísí a áirithiú chun freastal ar an riachtanas seirbhíse poiblí.

(261)

Ina theannta sin, chun an córas a chur i gcrích, mheas údaráis na Fraince gur gá oibleagáidí breise dé-aistir a thabhairt isteach i ndáil le bealaí muirí áirithe. Comhfhreagraíonn na dé-aistir sin don líon dé-aistear a d’fhéadfaí a dhéanamh sa bhreis ar an íoslíon dé-aistir bliantúil. Is é is cuspóir do dhé-aistir bhreise freagairt do bhuaicphointe tráchta eisceachtúil. D’eagrófaí iad arna iarraidh sin d’údaráis na Fraince amháin má chinnfidh siad go bhfuil an t-éileamh ar lasta lá áirithe (agus lasta amháin – ní bhaineann dé-aistir bhreise le paisinéirí) níos mó ná uasacmhainn iompair na soithí a chuirtear ar fáil an lá sin. Dá réir sin, is é is cuspóir do na dé-aistir bhreise fágáil earraí cois cé a sheachaint, rud a d’fhágfadh go mbeadh moill ar sheachadadh chuig an gCorsaic. Mar a léirítear in Table 23, bheartaigh údaráis na Fraince dé-aistir bhreise ar thrí bhealach (Ajaccio, Bastia agus L’Île-Rousse), ar ina leith is mó is dócha go n-eagrófaí dé-aistir den sórt sin.

(262)

Ar deireadh, mheas údaráis na Fraince gur gá íosacmhainn iompair a fhorchur ar shoithí in aghaidh an turas farraige. Comhfhreagraíonn na hoibleagáidí sin don íosacmhainn iompair in aghaidh an turais farraige nach mór don oibreoir a bhaint amach chun freastal ar an riachtanas seirbhíse poiblí cainníochtúil laethúil arna mheas ag údaráis na Fraince maidir le hiompar paisinéirí (cónaitheoirí agus neamhchónaitheoirí i gcás bhealach muirí Marseille-Propriano, agus paisinéirí leighis i gcás na mbealaí uile) agus lasta (tarraingthe agus neamhtharraingthe, lena n-áirítear tiománaithe).

(263)

Chun an íosacmhainn iompair paisinéirí a fháil in aghaidh an turais farraige, bhí údaráis na Fraince ag brath ar an éileamh bliantúil réamh-mheasta a bhfuil coinne leis in 2030 i gcás gach catagóire paisinéirí agus bealaigh (Table 14 agus Table 19), agus an líon turas farraige in aghaidh na bliana is gá á chur san áireamh (Table 23). Ina theannta sin, chun paisinéirí leighis agus tiománaithe a iompar, mheas údaráis na Fraince go ndéantar an turas gach lá seachas ag an deireadh seachtaine i gcás phríomhchalafoirt Ajaccio agus Bastia, agus 3 lá sa tseachtain i gcás chalafoirt eile na Corsaice. Cuirtear an toradh deiridh (an líon paisinéirí in aghaidh an turais farraige) i láthair in Table 24.

Tábla 24

Oibleagáidí i leith íosacmhainn iompair tráchta paisinéirí sna conarthaí seirbhíse poiblí

(264)

Ar deireadh, chun an t-éileamh a fháil ó phaisinéirí leighis in aghaidh an turais farraige (lena n-áirítear daoine tionlacain), mheas siad go ndearnadh an turas gach lá seachas ag an deireadh seachtaine i gcás phríomhchalafoirt Ajaccio agus Bastia, agus 3 lá sa tseachtain i gcás chalafoirt eile na Corsaice. Déantar an leibhéal a roghnaítear a choigeartú le haghaidh slánú. Cuirtear an toradh deiridh (an líon paisinéirí leighis in aghaidh an turais farraige agus an bhealaigh mhuirí) i láthair in Table 25.

Tábla 25

An t-éileamh measta ó phaisinéirí leighis agus óna ndaoine tionlacain a thaistealaíonn ar bhád idir an Chorsaic agus Marseille (paisinéirí in aghaidh an turais farraige)

(265)

A mhéid a bhaineann leis an íosacmhainn iompair lasta in aghaidh an turais farraige, luaigh údaráis na Fraince gur shocraigh siad mar a leanas í.

(266)

Chun an acmhainn iompair lasta is gá in aghaidh na seachtaine a ríomh, ghlac údaráis na Fraince mar thagairt an riachtanas seirbhíse poiblí seachtainiúil measta i ndáil le hiompar lasta i mí Iúil 2030 (arb é atá ann an bhuaic sa riachtanas seirbhíse poiblí a sainaithníodh le linn na tréimhse a chumhdaítear leis na bearta atá i gceist). I gcás na mbealaí chuig Ajaccio agus Bastia, ghlac údaráis na Fraince leis go ndéantar 90 % den iompar lasta ar laethanta oibre le linn na seachtaine, agus go n-ardaítear an figiúr sin go 100 % i gcás na mbealaí chuig na trí chalafort eile sa Chorsaic. Tríd an méid lasta seachtainiúil is gá a chomhcheangal leis an íoslíon dé-aistear seachtainiúil a fhorchuirtear (i.e. sé dhé-aistear in aghaidh na seachtaine le linn thréimhse an gheimhridh ar bhealaí Marseille-Ajaccio agus Marseille-Bastia, agus trí dhé-aistear sheachtainiúla chuig na calafoirt eile), suíodh údaráis na Fraince an íosacmhainn iompair lasta ba ghá in aghaidh an turais farraige, mar a léirítear in Table 26.

Tábla 26

Oibleagáidí i leith íosacmhainn iompair tráchta lasta sna conarthaí seirbhíse poiblí

(267)

Tar éis riachtanas seirbhíse poiblí a shainaithint agus ós rud é gur gá conradh seirbhíse poiblí a úsáid freastal i gceart air, sheol CdC an nós imeachta tairisceana le haghaidh na gconarthaí seirbhíse poiblí an 28 Aibreán 2022.

(268)

Sa chás seo, le Rún Uimh. 22/050 ó Thionól na Corsaice an 28 Aibreán 2022, chinn CdC conarthaí seirbhíse poiblí ‘bealach ar bhealach’ a úsáid chun seirbhísí muiriompair a oibriú le haghaidh lasta (lena n-áirítear earraí contúirteacha) agus paisinéirí idir calafort Marseille agus calafoirt Ajaccio (Luchtóg 1), Bastia (Luchtóg 2), Porto-Vecchio (Luchtóg 3), Propriano (Luchtóg 4) agus L’Île-Rousse (Luchtóg 5) ar feadh tréimhse 7 mbliana (agus an rogha ann uasmhéid 12 mhí bhreise a chur léi, i.e. uastréimhse 8 mbliana) idir an 1 Eanáir 2023 agus an 31 Nollaig 2030.

(269)

Áiríodh i raon feidhme na gconarthaí seirbhíse poiblí na hoibleagáidí seirbhíse poiblí uile a leagtar amach i Roinn 3.5.2 den chinneadh seo.

(270)

Sonraíodh le hAirteagal 2.4 de na rialacha tairisceana (132)‘[gurb] iad seo a leanas saintréithe íosta gach conartha: na huastáillí is infheidhme maidir le cónaitheoirí den Chorsaic agus iompar earraí, acmhainn iompair soithí, tráthchláir agus minicíochtaí seirbhíse, ré an chonartha, an t-uasmhéid cúitimh airgeadais arna íoc ag OTC’.

(271)

Foráladh le hAirteagal 9.2 de na rialacha tairisceana ‘go ndéanfar scrúdú ar gach tairiscint ar bhonn critéar lena bhféadfar an tairiscint is fearr a chinneadh i dtéarmaí an leasa eacnamaíoch fhoriomláin do [CdC]. Déanfar measúnú ar an acmhainn iompair sin ina hiomláine i gcás cuibhreannas.

(272)

Foilsíodh an glao poiblí ar thairiscintí an 6 Bealtaine 2022 (134), agus ba é an 25 Iúil 2022 an sprioc-am chun iarratais agus tairiscintí a fháil.

(273)

Roimh an sprioc-am chun tairiscintí a chur isteach, chuir Corsica Ferries roinnt ceisteanna ar CdC d’fhonn soiléiriú a fháil ar roinnt pointí de na rialacha tairisceana. Ós rud é nár fhreagair CdC a cheisteanna, nó nár fhreagair sé go leormhaith iad, chuir Corsica Ferries iarraidh ar fhaoiseamh eatramhach réamhchonarthach faoi bhráid an bhreithimh ag Cúirt Riaracháin Bastia lenar iarradh go gcuirfí an nós imeachta um dhámhachtain conarthaí seirbhíse poiblí ar neamhní i ngeall ar shárú CdC ar na hoibleagáidí poiblíochta agus tairisceana iomaíche a forchuireadh ar an údarás conarthach (135).

(274)

Le hOrdú Uimh. 2200797 an 20 Iúil 2022, mheas an breitheamh um fhaoiseamh eatramhach ag Cúirt Riaracháin Bastia, maidir leis na deacrachtaí a tharraing Corsica Ferries anuas, nach dtagann siad faoi shainchúram na cúirte ar an mórgóir. Maidir leis an gcuid eile, dhíbh an breitheamh na sáruithe a tharraing Corsica Ferries anuas ar an bhforas gurbh fhéidir le hiarrthóirí leasmhara, dar leis an mbreitheamh, tairiscint a chur isteach a chomhlíonann na ceanglais theicniúla uile a leagtar síos sna doiciméid tairisceana. Rinne Corsica Ferries achomharc ina dhiaidh sin chuig an gComhairle Stáit in aghaidh an bhreithiúnais atá i gceist. I mbreithiúnas an 25 Samhain 2022, dhearbhaigh an Chomhairle Stáit go raibh an t-achomharc neamh-inghlactha (Société Corsica Ferries, Uimh. 466415).

(275)

Chinn Corsica Ferries ar deireadh gan bheith rannpháirteach sa nós imeachta tairisceana conartha seirbhíse poiblí, tar éis dó a mheas go háirithe nach raibh soithí aici a chomhlíon na ceanglais theicniúla uile a leag CdC síos sna conarthaí seirbhíse poiblí

(276)

Fuair CdC trí iarratas:

(277)

D’oscail coiste thoscaireacht na seirbhíse poiblí na tairiscintí an 26 Iúil 2022. Tar éis tuairim a fháil ón gcoiste sin, dar dáta an 2 Lúnasa 2022, ligeadh isteach an triúr iarrthóirí chun tairiscint a chur isteach. An 31 Lúnasa 2022, tar éis anailís a dhéanamh ar a dtairiscintí, mhol an coiste go n-osclófaí an nós imeachta idirbheartaithe leis na hiarrthóirí sin.

(278)

De réir na Fraince, rinne CdC idirbheartaíocht leis na hiarrthóirí mar a leanas:

(279)

Tháinig coiste thoscaireacht na seirbhíse poiblí atá freagrach as cur isteach na dtairiscintí deiridh le chéile an 23 Samhain 2022.

(280)

Le Rún Uimh. 22/188 an 20 Nollaig 2022, d’fhormheas Tionól na Corsaice rogha chuibhreannas Corsica Linea - La Méridionale le haghaidh Luchtóg 1, Corsica Linea le haghaidh Luchtóga 2, 4 agus 5, agus La Méridionale le haghaidh Luchtóg 3. Cuirtear an méid cúitimh airgeadais in aghaidh na luchtóige i láthair in Table 27.

Tábla 27

An méid iomlán cúitimh airgeadais in aghaidh na luchtóige den chonradh seirbhíse poiblí (EUR milliúin)

(281)

Is é is cuspóir don roinn seo tuairisc a thabhairt ar chlásail chonarthacha na gconarthaí seirbhíse poiblí. Tá na clásail sin i gcoiteann, tríd is tríd, ag na cúig chonradh seirbhíse poiblí.

(282)

Sonraítear le hAirteagail 1 agus 2 de na cúig chonradh seirbhíse poiblí, mar chuid den leanúnachas críche idir calafoirt na Corsaice agus calafort Marseille, go gcuirtear ar iontaoibh an lamháltóra oibleagáidí seirbhíse lena ngabhann leas eacnamaíoch ginearálta (‘SLEG’) a chomhlíonadh a bhaineann leis an méid seo a leanas:

(283)

Foráiltear le hAirteagal 1, maidir le haon seirbhís iompair lasta nó paisinéirí arna soláthar ag an lamháltóir nach dtagann faoi raon feidhme SLEG, go dtagann sí faoi raon feidhme na ‘seirbhíse tráchtála nó na seirbhíse nach ngabhann leas eacnamaíoch ginearálta léi’.

(284)

Sonraítear le hAirteagal 4 gurb iad an conradh agus na hiarscríbhinní a ghabhann leis (agus, ar bhonn Airteagal 1, aon leasú air) iad na doiciméid chonarthacha atá ina gceangal ar na páirtithe. I gcás ina mbeidh contrárthacht ann, tá tosaíocht ag an gconradh ar na hiarscríbhinní.

(285)

Sonraítear le hIarscríbhinn 1 a ghabhann leis na cúig chonradh seirbhíse poiblí saintréithe na seirbhísí muirí bainteacha. Tugtar tuairisc orthu sin i Roinn 3.5.2 den chinneadh seo.

(286)

Luaitear in Airteagal 17 de na conarthaí seirbhíse poiblí, a mhéid a bhaineann le hiompar earraí agus i gcás gach turais farraige, nach mór don lamháltóir gan leantóirí a fhágáil cois cé, ach amháin má iarrann an tarlóir amhlaidh nó má bhíonn lánacmhainn iompair na loinge sroichte, chun a áirithiú go bhfreastalófar ar an éileamh ó úsáideoirí gairmiúla agus chun leanúnachas críche a ráthú. Cuirtear an méid seo a leanas leis an bhforáil sin: ‘chun eagrú an tráchta a bharrfheabhsú, féadfaidh an t-údarás conarthach dé-aistir a athsceidealú, i gcomhréir leis an líon iomlán dé-aistear in aghaidh na bliana a leagtar amach in Iarscríbhinn 1 a ghabhann leis an gconradh. Déanfar an t-athsceidealú sin i gcomhthéacs an choiste theicniúil dá dtagraítear in Airteagal 10.2’ (féach freisin aithris 290).

(287)

Foráiltear le hAirteagal 18 de na conarthaí le haghaidh na mbealaí chuig Ajaccio, Bastia agus L’Île-Rousse go ‘[bh]féadfaidh an t-údarás conarthach a iarraidh ar an lamháltóir, i bhfianaise gur gá seirbhís phoiblí a sholáthar, dé-aistir bhreise a dhéanamh ar bhonn ad hoc, a leagtar síos uaslíon agus coinníollacha na dturas sin in Iarscríbhinn 1. Déanfaidh an coiste teicniúil dá bhforáiltear in Airteagal 10.2 scrúdú ar chur chun feidhme na ndé-aistear breise sin’. Sa chleachtas, de réir údaráis na Fraince, ní eagrófar na dé-aistir sin ach amháin má chinnfidh údarás na Fraince, ag an gcruinniú seachtainiúil den choiste teicniúil, go bhfuil lánacmhainn iompair na soithí sroichte agus go bhfuil éileamh breise ar 40 leantóir ar a laghad. Tar éis an chruinnithe den choiste teicniúil, déanfaidh an lamháltóir a thograí le haghaidh dé-aistir bhreise a chur ar bhonn foirmiúil le litir i gcomhréir leis an ngá a chuir an t-údarás conarthach in iúl agus gheobhaidh sé deimhniú tríd an bpost maidir le haon dé-aistear breise a comhaontaíodh. An íostréimhse fógra a thugann an t-údarás conarthach don chonraitheoir, meastar ‘i seachtainí’ í chun go mbeidh sí chomh gar is féidir do phatrúin ghealltanais; thug údaráis na Fraince le fios go mbíonn an t-éileamh ar iompar lasta ar eolas, sa chleachtas, 15 lá roimh ré ar a laghad go ginearálta.

(288)

Luaitear in Airteagal 20 de na conarthaí seirbhíse poiblí go bhféadfaidh an lamháltóir, faoi réir ghlacadh an údaráis chonarthaigh, soitheach amháin arna chur ar fáil ag an lamháltóir chun an conradh a chomhlíonadh a chur in ionad soithigh eile, ar choinníoll, go háirithe, go gcomhlíonann an soitheach athsholáthair na forálacha a leagtar amach in Iarscríbhinn 1.

(289)

Ceanglaítear le hAirteagal 22 de na conarthaí seirbhíse poiblí go gcomhlíonfaidh na soithí a úsáidtear chun an conradh a chur chun feidhme, chomh maith leis na seirbhísí a sholáthraíonn an lamháltóir, caighdeáin inrochtaineachta maidir le daoine faoi mhíchumas luaineachta. Leagtar amach dálaí glactha na ndaoine sin in Iarscríbhinn 5 a ghabhann leis na conarthaí seirbhíse poiblí.

(290)

Foráiltear le hAirteagal 10.2 de na conarthaí seirbhíse poiblí go dtagann coiste faireacháin teicniúil, ar a bhfuil inter alia ionadaithe OTC, an lamháltóir, an bainisteoir bonneagair calafoirt agus iompróirí lasta, le chéile gach seachtain chun faireachán a dhéanamh ar fheidhmíocht na seirbhíse agus ar aon choigeartú a d’fhéadfadh a bheith ag teastáil.

(291)

Foráiltear le hAirteagal 11.1 de na conarthaí seirbhíse poiblí, i gcás force majeure nó teagmhais gan choinne, go n-oibreoidh na páirtithe le chéile chun bearta a shainaithint atá beartaithe cothromaíocht eacnamaíoch na gconarthaí seirbhíse poiblí a athbhunú.

(292)

Luaitear in Airteagal 3 de na conarthaí seirbhíse poiblí go dtagann an conradh i bhfeidhm an 1 Eanáir 2023 agus go rachaidh sé in éag an 31 Nollaig 2029. Luaitear ann freisin go bhféadfaidh na páirtithe teacht ar chomhaontú maidir le síneadh féideartha 12 mhí ar a mhéad, go háirithe mura ndéanfar conradh lamháltais nua a dhámhachtain ag deireadh an chonartha. Dá bhrí sin, is é 8 mbliana an ré uasta is féidir a bheith ag an gconradh.

(293)

Leagtar síos in Airteagal 30 de na conarthaí seirbhíse poiblí na prionsabail ghinearálta a bhaineann le cúiteamh as oibleagáidí SLEG. Luaitear an méid seo a leanas ann go háirithe:

(294)

Ceanglaítear le hAirteagal 31 de na conarthaí seirbhíse poiblí cothromaíocht eacnamaíoch gach bealaigh a leagan amach in Iarscríbhinn 9 arna cur isteach ag an lamháltóir, lena gcinntear feidhmíocht réamhaisnéise na gconarthaí seirbhíse poiblí, ar riosca an lamháltóra féin.

(295)

Foráiltear le hAirteagal 32 de na conarthaí seirbhíse poiblí go bhfaigheann an lamháltóir go díreach an t-ioncam uile a eascraíonn as feidhmíocht SLEG, go háirithe:

(296)

Thairis sin, foráiltear le hAirteagal 32 de na conarthaí seirbhíse poiblí freisin, le haghaidh na tréimhse 2023-2028, nach mór don lamháltóir barrachas an toraidh tráchtála neamh-SLEG i gcomparáid le hIarscríbhinn 9 a úsáid mar ábhar tosaíochta chun infheistíochtaí a mhaoiniú lena gcuidítear le réitigh theicniúla chun astaíochtaí gás ceaptha teasa a laghdú agus, ar bhonn níos ginearálta, chun go saothrófar an cuspóir go gcuirfí feabhas ar cháilíocht chomhshaoil SLEG, dá bhforáiltear in Airteagal 11.2 de na conarthaí seirbhíse poiblí. Déanfar barrachas nach n-úsáidtear i mbliain airgeadais shonrach a chaipitliú go dtí go ndéanfar na hinfheistíochtaí nó go dtí deireadh an chonartha. Déanfar barrachas nach n-úsáidtear a aisíoc ina iomláine leis an údarás conarthach ar ghnáthdhul in éag nó ar dhul in éag luath an chonartha. Déanfaidh an coiste comhshaoil, eacnamaíoch agus dlíthiúil dá dtagraítear in Airteagal 10.1 de na conarthaí seirbhíse poiblí athbhreithniú ar úsáid an bharrachais sin.

(297)

Sonraítear le hAirteagal 33.2 de na conarthaí seirbhíse poiblí go leagtar amach in Iarscríbhinn 8 an sceideal táillí chun earraí a iompar faoi SLEG, lena leagtar síos na táillí seo a leanas agus lena bhforáiltear, i gcás lasta tarraingthe, go n-áirítear turas farraige an chéad tiománaí sa sceideal táillí:

Tábla 28

Na huastáillí is infheidhme maidir le hiompar earraí faoi na conarthaí seirbhíse poiblí

(298)

Foráiltear le hAirteagal 33.3 de na conarthaí seirbhíse poiblí gurb é an sceideal táillí chun cónaitheoirí den Chorsaic a iompar faoi SLEG an sceideal a eascraíonn as cur i bhfeidhm scéim PSO 2019. Ina theannta sin, na táillí a chuirtear i bhfeidhm maidir le paisinéirí nach cónaitheoirí den Chorsaic iad faoi SLEG, is é an lamháltóir a chinneann iad gan dul thar na huastáillí a leagtar síos sa scéim sin.

Tábla 29

Táillí is infheidhme maidir le hiompar paisinéirí faoi na conarthaí seirbhíse poiblí

(299)

Foráiltear le hAirteagal 34.1 de na conarthaí seirbhíse poiblí go n-íocann an lamháltóir na costais oibriúcháin neamhbhreosla uile (lena n-áirítear pearsanra, muirir chalafoirt, bia-ábhar atá le díol) agus go bhfuil corrlach le cur i bhfeidhm maidir leis na costais oibriúcháin sin mar a leagtar amach in Iarscríbhinn 9.

(300)

Foráiltear le hAirteagal 34.2 de na conarthaí seirbhíse poiblí go mbunaítear na costais infheistíochta a bhaineann leis na soithí ar bhonn an chabhlaigh arna shannadh ag an lamháltóir chun na bealaí a chumhdaítear leis na conarthaí seirbhíse poiblí a oibriú.

(301)

Foráiltear le hAirteagal 35.1 de na conarthaí seirbhíse poiblí go bhfuil dhá chomhpháirt sa chúiteamh airgeadais as oibriú agus infheistíocht (‘CFEI’) a íocann OTC go bliantúil leis an lamháltóir:

(302)

Foráiltear le hAirteagal 35.3 de na conarthaí seirbhíse poiblí go dtugtar Iarscríbhinn 9 cothrom le dáta go bliantúil chun athruithe ar bhoilsciú réadach a chur san áireamh agus tugtar tuairisc leis ar an modh chun an nuashonrú sin a ríomh, agus gnóthachain éifeachtúlachta á gcur san áireamh go háirithe.

(303)

Foráiltear le hAirteagal 36.2 de na conarthaí seirbhíse poiblí go bhfuil costas an bhreosla is gá chun seirbhísí muiriompair a sholáthar (gan dé-aistir bhreise a áireamh) faoi réir sásra fálaithe breosla ar feadh tréimhse suas le 24 mhí. Tar éis na tréimhse sin, beidh an lamháltóir freagrach as conradh fálaithe nua a chaibidliú trí thrí luachan ar a laghad a iarraidh. Seolfaidh an lamháltóir na luachana chuig an údarás conarthach agus léireoidh sé cén soláthraí seirbhíse is mian leis a úsáid. De mhaolú air sin, féadfaidh OTC, ar dhul in éag don chonradh fálaithe breosla tosaigh, cinneadh a dhéanamh sásra a chur chun feidhme lena gceadaítear costais bhreosla a chomhroinnt (faoi na coinníollacha dá dtagraítear in Airteagal 11.1 de na conarthaí seirbhíse poiblí). Gabhfaidh an sásra sin in ionad an chonartha fálaithe nua a bheidh le tabhairt i gcrích ag an lamháltóir. Ina theannta sin, ní thugtar léiriú sna sceidil táillí ar éagsúlachtaí i gcostais bhreosla. Tugtar tuairisc in Iarscríbhinn 10 ar an gcostas aonaid breosla a áirítear sa chuntas trádála sealadach (Iarscríbhinn 9) le haghaidh na tréimhse comhfhreagraí agus ar an sásra a bhaineann leis.

(304)

Sonraítear le hAirteagal 37.1 de na conarthaí seirbhíse poiblí nach mór do OTC cúiteamh airgeadais a íoc gach bliain leis an lamháltóir as na costais bhreosla a bhaineann leis an SLEG a sholáthar (‘CFC’). Leagtar amach an cúiteamh airgeadais uasta as CFC in Iarscríbhinn 9.

(305)

Le hAirteagal 38.1 de na conarthaí seirbhíse poiblí, déantar foráil maidir leis an gcúiteamh uasta ar ráta comhréidh as dé-aistir bhreise (‘CFsup’). Tá trí chomhpháirt sa chúiteamh sin:

(306)

Ina theannta sin, sonraítear le hAirteagal 38.1 de na conarthaí seirbhíse poiblí gurb é atá sa chúiteamh as dé-aistear breise a dhéanamh, má dhéantar é, an ceann is ísle (i) den méid cúitimh ionchasach in aghaidh an dé-aistir a shonraítear in Iarscríbhinn 9 (cuntas trádála sealadach), agus (ii) den méid a leanann as an gcuntas trádála nuashonraithe, lena n-áirítear na glanchostais iarbhír a thabhaítear as dé-aistear breise a oibriú agus ar cuid den tuarascáil bhliantúil é a chuireann na conraitheoirí faoi bhráid OTC (dá dtagraítear in Airteagal 46 de na conarthaí seirbhíse poiblí).

(307)

Foráiltear le hAirteagail 35.1 agus 37.1 de na conarthaí seirbhíse poiblí freisin, a mhéid a úsáideann an lamháltóir na soithí chun gníomhaíochtaí tráchtála a chur ar fáil lasmuigh de SLEG, go n-úsáidtear an eochair leithdháilte dá dtagraítear in Iarscríbhinn 9 chun an chuntasaíocht chostála a shuí agus chun an méid cúitimh airgeadais ar ráta comhréidh a shocrú. Socraítear an eochair leithdháilte sin ar feadh ré an chonartha agus tá sí ceangailteach ar na páirtithe.

(308)

De réir na faisnéise a sholáthair údaráis na Fraince, (140) is ar bhonn na bprionsabal seo a leanas, ar prionsabail iad a d’aithin an Coimisiún cheana féin, de réir na Fraince, i gcásanna roimhe seo (141), a rinneadh an leithdháileadh costas ar SLEG agus ar an tseirbhís tráchtála (agus a cuireadh é i láthair tairgeoirí mar chuid den nós imeachta tairisceana le haghaidh na gconarthaí seirbhíse poiblí):

(309)

Mar a léirítear i Table 30, i gcomhthéacs na gconarthaí seirbhíse poiblí, leithdháil na lamháltóirí [60-75] % ar an meán de na costais oibriúcháin ar ghníomhaíochtaí SLEG, cé is moite den chonradh seirbhíse poiblí a bhaineann le bealach Marseille-Propriano, ar ina leith a leithdháileadh 100 % de na costais ar SLEG.

Tábla 30

An sciar de na costais a leithdháiltear ar SLEG sna conarthaí seirbhíse poiblí