|
21.7.2020 |
GA |
Iris Oifigiúil an Aontais Eorpaigh |
LI 234/1 |
CINNEADH (CBES) 2020/1066 ÓN gCOMHAIRLE
an 20 Iúil 2020
lena leasaítear Cinneadh (CBES) 2017/2370 chun tacú le Cód Iompair na Háige agus neamhleathadh diúracán balaistíoch faoi chuimsiú chur chun feidhme Straitéis an Aontais Eorpaigh i gCoinne Leathadh Arm Ollscriosta
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagail 28(1) agus 31(1) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 18 Nollaig 2017, ghlac an Chomhairle Cinneadh (CBES) 2017/2370 (1). |
|
(2) |
Síníodh an comhaontú deontais leis an Fondation pour la recherche stratégique (FRS) an 21 Nollaig 2017 agus rachaidh sé in éag an 20 Nollaig 2020. |
|
(3) |
An 26 Bealtaine 2020, d'iarr an FRS síneadh ar an tréimhse cur chun feidhme do Chinneadh (CBES) 2017/2370 go dtí an 20 Nollaig 2021. Is mar gheall ar phaindéim COVID-19 atá an síneadh á iarraidh, agus go háirithe mar gheall ar roinnt gníomhaíochtaí dá dtagraítear in Airteagal 1 den Chinneadh sin a bheith á gcur siar chomh maith leis an drogall atá ar riaracháin náisiúnta i spriocthíortha plé a dhéanamh ar eagrú imeachtaí i ré seo na neamhchinnteachta, de bharr na paindéime sin. |
|
(4) |
Maidir le leanúint de na gníomhaíochtaí dá dtagraítear in Airteagal 1 de Chinneadh (CBES) 2017/2370 go dtí an 20 Nollaig 2021, níl aon impleacht aici sin a mhéid a bhaineann le hacmhainní airgeadais. |
|
(5) |
Ba cheart, dá bhrí sin, Cinneadh (CBES) 2017/2370 a leasú dá réir, |
TAR ÉIS AN CINNEADH SEO A GHLACADH:
Airteagal 1
Cuirtear an méid seo a leanas isteach in ionad Airteagal 5(2) de Chinneadh (CBES) 2017/2370:
“2. Rachaidh an Cinneadh seo in éag an 20 Nollaig 2021.”.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, 20 Iúil 2020.
Thar ceann na Comhairle
An tUachtarán
J. KLOECKNER
(1) Cinneadh (CBES) 2017/2370 ón gComhairle an 18 Nollaig 2017 chun tacú le Cód Iompair na Háige agus neamhleathadh diúracán balaistíoch faoi chuimsiú chur chun feidhme Straitéis an Aontais Eorpaigh i gCoinne Leathadh Arm Ollscriosta (IO L 337, 19.12.2017, lch. 28).