2.9.2022   

GA

Iris Oifigiúil an Aontais Eorpaigh

L 228/10

RIALACHÁN CUR CHUN FEIDHME (AE) 2022/1451 ÓN gCOIMISIÚN

an 1 Meán Fómhair 2022

maidir le húdarú ola eisintiúil camfar bán ó Cinnamomum camphora (L.) J. Presl. agus tintiúr cainéil ó Cinnamomum verum J. Presl. mar bhreiseáin bheathaithe do gach speiceas ainmhithe

(Téacs atá ábhartha maidir le LEE)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (CE) Uimh. 1831/2003 ó Pharlaimint na hEorpa agus ón gComhairle an 22 Meán Fómhair 2003 maidir le breiseáin lena n-úsáid i gcothú ainmhithe (1), agus go háirithe Airteagal 9(2) de,

De bharr an mhéid seo a leanas:

(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta chun an t-údarú sin a dheonú. Le hAirteagal 10(2) den Rialachán sin foráiltear maidir le hathmheastóireacht ar bhreiseáin a údaraítear de bhun Threoir 70/524/CEE ón gComhairle (2).

(2)

I gcomhréir le Treoir 70/524/CEE údaraíodh ola eisintiúil camfar bán agus tintiúr cainéil gan teorainn ama, mar bhreiseáin bheathaithe le haghaidh gach speicis ainmhithe. Rinneadh na breiseáin sin a iontráil ina dhiaidh sin i gClár na mbreiseán beathaithe mar tháirgí a bhí ann cheana, i gcomhréir le hAirteagal 10(1)(b) de Rialachán (CE) Uimh. 1831/2003.

(3)

I gcomhréir le hAirteagal 10(2) de Rialachán (CE) Uimh. 1831/2003, i gcomhar le hAirteagal 7 de, cuireadh isteach iarratas maidir le hathmheastóireacht a dhéanamh ar ola eisintiúil camfar bán ó Cinnamomum camphora (L.) J. Presl. agus tintiúr cainéil ó Cinnamomum verum J. Presl. mar bhreiseáin bheathaithe le haghaidh gach speicis ainmhithe.

(4)

D’iarr an t-iarratasóir go n-aicmeofaí na breiseáin i gcatagóir na mbreiseán “breiseáin chéadfacha” agus san fheidhmghrúpa “comhdhúile blaistithe”. Bhí na sonraí agus na doiciméid a éilítear faoi Airteagal 7(3) de Rialachán (CE) Uimh. 1831/2003 ag gabháil leis na hiarratais.

(5)

D’iarr an t-iarratasóir go ndéanfaí na breiseáin sin a údarú freisin lena úsáid in uisce óil. Mar sin féin, le Rialachán (CE) Uimh. 1831/2003 ní cheadaítear comhdhúile blaistithe a údarú lena n-úsáid in uisce óil. Dá bhrí sin, níor cheart úsáid na hola eisintiúla camfar bán agus tintiúr cainéil in uisce óil a cheadú.

(6)

Tháinig an tÚdarás Eorpach um Shábháilteacht Bia (“an tÚdarás”) ar an gconclúid ina thuairimí an 10 Samhain 2021 (3) , (4), faoi na coinníollacha úsáide atá beartaithe, nach bhfuil éifeachtaí díobhálacha ag ola eisintiúil camfar bán ó Cinnamomum camphora (L.) J. Presl. agus tintiúr cainéil ó Cinnamomum verum J. Presl. ar shláinte ainmhithe, ar shláinte tomhaltóirí ná ar an gcomhshaol. Tháinig an tÚdarás ar an gconclúid freisin gur cheart ola eisintiúil camfar bán ó Cinnamomum camphora (L.) J. Presl. agus tintiúr cainéil ó Cinnamomum verum J. Presl. a mheas mar ghreannaitheoirí craicinn agus súl, agus mar íogróirí craicinn agus riospráide. Dá bhrí sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe maidir le húsáideoirí na mbreiseán.

(7)

Tháinig an tÚdarás ar an gconclúid freisin go n-aithnítear ola eisintiúil camfar bán ó Cinnamomum camphora (L.) J. Presl. agus tintiúr cainéil ó Cinnamomum verum J. Presl. chun bia a bhlaistiú agus ós rud é go mbeadh a bhfeidhm i mbeatha go bunúsach mar an gcéanna leis an bhfeidhm atá acu i mbia, meastar nach bhfuil gá le haon léiriú éifeachtúlachta eile. D’fhíoraigh sé freisin an tuarascáil ar na modhanna a úsáidtear chun anailís a dhéanamh ar an mbreiseán beathaithe agus é i mbeatha, tuarascáil arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(8)

Léirítear leis an measúnú ar ola eisintiúil camfar bán ó Cinnamomum camphora (L.) J. Presl. agus tintiúr cainéil ó Cinnamomum verum J. Presl. go gcomhlíontar na coinníollacha maidir le húdarú, dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na mbreiseán sin a údarú faoi mar a shonraítear san Iarscríbhinn a ghabhann leis an Rialachán seo.

(9)

Ba cheart foráil a dhéanamh maidir le coinníollacha áirithe chun rialú níos fearr a cheadú. Go háirithe, ba cheart cion molta a shonrú ar lipéad na mbreiseán. I gcás ina sárófar an cion sin, ba cheart faisnéis áirithe a shonrú ar lipéad na réamh-mheascán.

(10)

Ós rud é nach bhfuil ola eisintiúil camfar bán ó Cinnamomum camphora (L.) J. Presl. agus tintiúr cainéil ó Cinnamomum verum J. Presl. údaraithe lena n-úsáid mar chomhdhúil blaistithe in uisce óil, ní chuirtear bac ar a n-úsáid i mbeatha cumaisc a thugtar trí uisce.

(11)

Ós rud é nach bhfuil gá leis na modhnuithe ar choinníollacha údaraithe na substaintí lena mbaineann a chur i bhfeidhm láithreach ar chúiseanna sábháilteachta, is iomchuí idirthréimhse a cheadú do pháirtithe leasmhara chun iad féin a ullmhú na ceanglais nua a eascraíonn as an údarú a chomhlíonadh.

(12)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

TAR ÉIS AN RIALACHÁN SEO A GHLACADH:

Airteagal 1

Údarú

Tá na substaintí a shonraítear san Iarscríbhinn a bhaineann le catagóir na mbreiseán “breiseáin chéadfacha” agus leis an bhfeidhmghrúpa “comhdhúile blaistithe” údaraithe mar bhreiseáin i gcothú ainmhithe, faoi réir na gcoinníollacha a leagtar síos san Iarscríbhinn sin.

Airteagal 2

Bearta idirthréimhseacha

1.   Na substaintí a shonraítear san Iarscríbhinn agus réamh-mheascáin a bhfuil na substaintí seo iontu, a tháirgtear agus a lipéadaítear roimh an 22 Márta 2023, i gcomhréir leis na rialacha is infheidhme roimh an 22 Meán Fómhair 2022, féadfar leanúint ar aghaidh á gcur ar an margadh agus á n-úsáid go dtí go mbeidh na stoic atá ann cheana ídithe.

2.   Beatha cumaisc agus ábhair bheatha a bhfuil na substaintí iontu mar a shonraítear san Iarscríbhinn a tháirgtear agus a lipéadaítear roimh an 22 Meán Fómhair 2023 i gcomhréir leis na rialacha is infheidhme roimh an 22 Meán Fómhair 2022, féadfar leanúint ar aghaidh á gcur ar an margadh agus á n-úsáid go dtí go mbeidh na stoic atá ann cheana ídithe i gcás ina mbeidh sé beartaithe iad a úsáid le haghaidh bia-ainmhithe.

3.   Beatha cumaisc agus ábhair bheatha a bhfuil na substaintí iontu mar a shonraítear san Iarscríbhinn a tháirgtear agus a lipéadaítear roimh an 22 Meán Fómhair 2024 i gcomhréir leis na rialacha is infheidhme roimh an 22 Meán Fómhair 2022, féadfar leanúint ar aghaidh á gcur ar an margadh agus á n-úsáid go dtí go mbeidh na stoic atá ann cheana ídithe i gcás ina mbeidh sé beartaithe iad a úsáid le haghaidh ainmhithe nach bia-ainmhithe iad.

Airteagal 3

Teacht i bhfeidhm

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, 1 Meán Fómhair 2022.

Thar ceann an Choimisiúin

An tUachtarán

Ursula VON DER LEYEN

(1)   IO L 268, 18.10.2003, lch. 29.

(2)  Treoir 70/524/CEE ón gComhairle an 23 Samhain 1970 maidir le breiseáin in ábhair bheatha (IO L 270, 14.12.1970, lch. 1).

(3)   Iris EPSA 2022;20(1):6985.

(4)   Iris EPSA 2021;19(12):6986.

IARSCRÍBHINN

Uimhir aitheantais an bhreiseáin

Breiseán

Comhdhéanamh, foirmle cheimiceach, tuairisc, modh anailíse.

Speiceas nó catagóir ainmhí

Uasteorainn aoise

Íoschion

Uaschion

Forálacha eile

Deireadh na tréimhse údaraithe

mg de bhreiseán/kg d’ábhar beatha iomlán ina bhfuil cion taise 12 %

Catagóir: Breiseáin chéadfacha. Feidhmghrúpa: Comhdhúile blaistithe

2b130-eo

Ola eisintiúil camfar bán

Comhdhéanamh an bhreiseáin

Ola eisintiúil camfar bán a fhaightear ón bplanda iomlán Cinnamomum camphora (L.) J. Presl.

Camfar ≤ 0,1 %

Safról ≤ 0,0002 %

Foirm leachtach

Tréithriú na substainte gníomhaí

Ola eisintiúil camfar bán a fhaightear trí dhriogadh gaile ón bplanda

iomlán Cinnamomum camphora (L.) J. Presl mar a shainmhínítear ag An Chomhairle Eorpach. (1).

1,8-Cineaól: 27–43 %

d-Líomainéin (18–27 %)

1-Iseapróipil-4-Meitilbeinséin (p-címín): 6–15 %

α-Pinéin (pin-2(3)-éin): 4–10 %

Uimhir CAS: 8008-51-3

Uimhir Einecs: 294-760-2

Uimhir FEMA: 2231

Uimhir Chomhairle na hEorpa: 130

Modh anailíse  (2)

Maidir le 1,8-Cineaól (marcóir fiticheimiceach) sa bhreiseán beathaithe a chinneadh:

—

crómatagrafaíocht gháis cúpláilte le brath ianúcháin lasrach (GC-FID) (bunaithe ar ISO 11024)

Gach speiceas ainmhithe seachas cait

-

-

-

1.

Ionchorprófar an breiseán sa bheatha i bhfoirm réamh-mheascáin.

2.

Sna treoracha maidir le húsáid an bhreiseáin agus na réamh-mheascán, déanfar na dálaí stórála agus an chobhsaíocht i leith cóireáil teasa a shonrú.

3.

Ní cheadaítear meascán le breiseáin eile ina bhfuil camfar agus safról.

4.

Ar lipéad an bhreiseáin, déanfar an méid seo a leanas a shonrú:

“Uaschion molta na substainte gníomhaí/kg d’ábhar beatha iomlán ina bhfuil cion taise 12 %:

—

sicíní lena ramhrú agus mionspeicis éanlaithe clóis eile lena ramhrú: 28 mg;

—

Béaróga agus mionspeicis éanlaithe clóis eile chun críocha breithe agus pórúcháin: 42 mg;

—

Turcaithe lena ramhrú: 37 mg;

—

Suidae, capaill, coiníní, éisc, éisc ornáideacha agus madraí: 30 mg;

—

Athchogantaigh: 50 mg;

—

Speicis eile seachas cait: 22 mg.”

5.

I gcás ina sárófaí an leibhéal dá dtagraítear i bpointe 4 mar thoradh ar an leibhéal úsáide atá ar lipéad an réamh-mheascáin, sonrófar ar an lipéad sin na nithe seo a leanas: an feidhmghrúpa, an uimhir aitheantais, an t-ainm agus cion na substainte gníomhaí a cuireadh leis.

6.

I gcás úsáideoirí an bhreiseáin agus na réamh-mheascán, bunóidh oibreoirí gnólachtaí beatha nósanna imeachta oibríochtúla agus bearta eagraíochtúla chun aghaidh a thabhairt ar rioscaí a d’fhéadfadh eascairt as ionanálú, as teagmháil dheirmeach nó as teagmháil leis na súile. I gcás nach féidir na rioscaí sin a dhíothú nó a laghdú an oiread agus is féidir leis na nósanna imeachta agus na bearta sin, úsáidfear an breiseán agus na réamh-mheascáin le trealamh cosanta pearsanta, lena n-áirítear cosaint don chraiceann, do na súile, agus don análú.

22 Meán Fómhair 2032

Cait

-

-

22


Uimhir aitheantais an bhreiseáin

Breiseán

Comhdhéanamh, foirmle cheimiceach, tuairisc, modh anailíse.

Speiceas nó catagóir ainmhí

Uasteorainn aoise

Íoschion

Uaschion

Forálacha eile

Deireadh na tréimhse údaraithe

mg de bhreiseán/kg d’ábhar beatha iomlán ina bhfuil cion taise 12 %

Catagóir: Breiseáin chéadfacha. Feidhmghrúpa: Comhdhúile blaistithe

2b2289-t

Tintiúr cainéil

Comhdhéanamh an bhreiseáin

Tintiúr cainéil a fhaightear ó choirt Cinnamomum verum J. Presl.

Meitileoigeanól ≤ 0,00001 %

Safról ≤ 0,00002 %

Foirm leachtach

Tréithriú na substainte gníomhaí

Tintiúr cainéil a fhaightear trí eastóscadh fadaithe le meascán d’uisce/eatánól (3:1, v/v) ó choirt Cinnamomum verum J. Presl. mar a shainmhínítear ag An Chomhairle Eorpach.  (3).

Cionnamaildéad: ≤ 0,0012 %

Uimhir FEMA cainéal: 2289

Modh anailíse  (4)

Maidir le tréithriú an bhreiseáin beathaithe (tintiúr cainéil):

—

Modh meá-mhéadrach chun ábhar tirim agus cion luatha a chinneadh;

—

speictreafótaiméadracht chun cion iomlán polaifeanól agus cion iomlán flavónóideach a chinneadh;

—

crómatagrafaíocht chaolchisil ardfheidhmíochta chun cion cionnamaildéad a chinneadh.

Gach speiceas ainmhithe

-

-

-

1.

Ionchorprófar an breiseán sa bheatha i bhfoirm réamh-mheascáin.

2.

Sna treoracha maidir le húsáid an bhreiseáin agus na réamh-mheascán, déanfar na dálaí stórála agus an chobhsaíocht i leith cóireáil teasa a shonrú.

3.

Ní cheadaítear meascán le breiseáin eile ina bhfuil meitileoigeanól agus safról.

4.

Ar lipéad an bhreiseáin, déanfar an méid seo a leanas a shonrú:

‘Uaschion molta na substainte gníomhaí/kg d’ábhar beatha iomlán ina bhfuil cion taise 12 %:

—

Gach speiceas ainmhithe seachas capall: 50 mg;

—

Capaill: 60 mg.”

5.

I gcás ina sárófaí an leibhéal dá dtagraítear i bpointe 4 mar thoradh ar an leibhéal úsáide atá ar lipéad an réamh-mheascáin, sonrófar ar an lipéad sin na nithe seo a leanas: an feidhmghrúpa, an uimhir aitheantais, an t-ainm agus cion na substainte gníomhaí a cuireadh leis.

6.

I gcás úsáideoirí an bhreiseáin agus na réamh-mheascán, bunóidh oibreoirí gnólachtaí beatha nósanna imeachta oibríochtúla agus bearta eagraíochtúla chun aghaidh a thabhairt ar rioscaí a d’fhéadfadh eascairt as ionanálú, as teagmháil dheirmeach nó as teagmháil leis na súile. I gcás nach féidir na rioscaí sin a dhíothú nó a laghdú an oiread agus is féidir leis na nósanna imeachta agus na bearta sin, úsáidfear an breiseán agus na réamh-mheascáin le trealamh cosanta pearsanta, lena n-áirítear cosaint don chraiceann, do na súile, agus don análú.

22 Meán Fómhair 2032

(1)  Foinsí nádúrtha blastán - Tuarascáil Uimh. 2 (2007)

(2)  Tá sonraí faoi na modhanna anailíse ar fáil ag an seoladh seo a leanas sa tSaotharlann Tagartha: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_en

(3)  Foinsí nádúrtha blastán - Tuarascáil Uimh. 2 (2007)

(4)  Tá sonraí faoi na modhanna anailíse ar fáil ag an seoladh seo a leanas sa tSaotharlann Tagartha: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_en