|
8.3.2021 |
MT |
Il-Ġurnal Uffiċjali tal-Unjoni Ewropea |
C 78/34 |
Avviż minn qabel ta’ konċentrazzjoni
(Il-Każ M.10180 — BH Holding/TEDi)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2021/C 78/06)
1.
Fl-1 ta’ Marzu 2021, il-Kummissjoni rċeviet avviż ta’ konċentrazzjoni proposta skont l-Artikolu 4 u wara referenza skont l-Artikolu 4(5) tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
B.H. Holding GmbH (“BH Holding”, il-Ġermanja), ikkontrollata minn Benjamin Heinig. |
|
— |
TEDi GmbH & Co. KG (“TEDi”, il-Ġermanja), bħalissa kkontrollata bi sħab minn BH Holding u Tengelmann Warenhandelsgesellschaft KG (il-Ġermanja, “Tengelmann”). |
BH takkwista, fis-sens tal-Artikolu 3(1)(b) tar-Regolament tal-Għaqdiet, il-kontroll ta’ TEDi kollha kemm hi.
Il-konċentrazzjoni hija mwettqa permezz tax-xiri ta’ ishma.
2.
L-attivitajiet kummerċjali tal-impriżi kkonċernati huma:|
— |
BH Holding iżżomm u tiġġestixxi investimenti f’diversi kumpaniji. Benjamin Heinig, persuna fiżika u l-uniku azzjonist ta’ B.H. Holding, hija proprjetarja indiretta 100 % tal-ishma f’Woolworth GmbH, katina ta’ ħwienet b’aktar minn 400 ħanut fil-Ġermanja u hija attiva fis-settur tal-ħwienet mhux tal-ikel. |
|
— |
TEDi hija attiva fis-settur tal-ħwienet mhux tal-ikel f’postijiet fiċ-Ċekja, il-Ġermanja, Spanja, il-Kroazja, l-Italja, l-Awstrija, il-Polonja, is-Slovenja, u s-Slovakkja. Il-portafoll tal-prodott offrut mit-TEDi jinkludi oġġetti ta’ kuljum u oġġetti konsumabbli. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.10180 — BH Holding/TEDi
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles / Brussel |
|
BELGIQUE / BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).