|
Iris Oifigiúil |
GA Sraith C |
|
C/2025/3435 |
30.6.2025 |
Glao ar ranníocaíochtaí (Uimh. IX-2026/01)
‘RANNÍOCAÍOCHTAÍ LE PÁIRTITHE POLAITIÚLA EORPACHA’
(C/2025/3435)
CLÁR
|
A. |
Réamhrá agus creat dlíthiúil | 1 |
|
B. |
Cuspóir an ghlao | 2 |
|
C. |
Cuspóir, catagóir agus foirm an chistithe | 2 |
|
D. |
An buiséad atá ar fáil | 2 |
|
E. |
Ceanglais inghlacthachta maidir le hiarratais ar chistiú | 3 |
|
F. |
Critéir chun iarratais ar chistiú a mheas | 3 |
|
F.1. |
Critéir eisiaimh | 3 |
|
F.2. |
Critéir incháilitheachta | 3 |
|
F.3. |
Critéir maidir le dámhachtain agus dáileadh cistiúcháin | 4 |
|
G. |
Rialú comhpháirteach ag Parlaimint na hEorpa agus ag an údarás | 4 |
|
H. |
Téarmaí agus coinníollacha | 4 |
|
I. |
Uainiú | 5 |
|
J. |
Sonraí pearsanta a nochtadh agus a phróiseáil | 6 |
|
K. |
Faisnéis eile | 6 |
|
Iarscríbhinn — |
An fhoirm iarratais ar chistiú | 7 |
A. RÉAMHRÁ AGUS CREAT DLÍTHIÚIL
|
1. |
Sonraítear in Airteagal 10(4) den Chonradh ar an Aontas Eorpach go ‘rannchuidíonn páirtithe polaitiúla ar an leibhéal Eorpach le feasacht pholaitiúil Eorpach a fhoirmiú agus le toil shaoránaigh an Aontais a chur in iúl’. |
|
2. |
I gcomhréir le hAirteagal 224 den Chonradh ar Fheidhmiú an Aontais Eorpaigh, leagann Parlaimint na hEorpa agus an Chomhairle síos na rialacháin lena rialaítear páirtithe polaitiúla ar an leibhéal Eorpach agus go háirithe na rialacha a bhaineann lena gcistiú. Leagtar síos na rialacha sin i Rialachán (AE, Euratom) Uimh. 1141/2014 ó Pharlaimint na hEorpa agus ón gComhairle an 22 Deireadh Fómhair 2014 maidir le reacht agus maoiniú páirtithe polaitiúla Eorpacha agus fondúireachtaí polaitiúla Eorpacha (1), mar a leasaíodh ina dhiaidh sin. |
|
3. |
De bhun Airteagal 17(1) de Rialachán (AE, Euratom) Uimh. 1141/2014, maidir le páirtí polaitiúil Eorpach atá cláraithe i gcomhréir leis na coinníollacha agus na nósanna imeachta a leagtar síos sa Rialachán seo, arna ionadú i bParlaimint na hEorpa ag duine amháin dá chomhaltaí ar a laghad, agus nach bhfuil i gceann de na cásanna eisiaimh dá dtagraítear in Airteagal 138(1) den Rialachán Airgeadais, féadfaidh sé cur isteach ar chistiú ó bhuiséad ginearálta an Aontais Eorpaigh, i gcomhréir leis na téarmaí agus na coinníollacha a fhoilsíonn Oifigeach Údarúcháin Pharlaimint na hEorpa i nglao ar ranníocaíochtaí. |
|
4. |
Dá bhrí sin, tá an glao seo ar ranníocaíochtaí á sheoladh ag Parlaimint na hEorpa d’fhonn ranníocaíochtaí a dhámhachtain do pháirtithe polaitiúla Eorpacha (‘glao’) don bhliain airgeadais 2026. |
|
5. |
Sainítear an creat bunúsach dlí sna gníomhartha dlíthiúla seo a leanas:
|
B. CUSPÓIR AN GHLAO
|
6. |
Is é is cuspóir don ghlao seo cuireadh a thabhairt do pháirtithe polaitiúla Eorpacha cláraithe iarratais ar chistiú ó bhuiséad an Aontais (‘iarratais ar chistiú’) a chur isteach agus cineál an chaiteachais inaisíoctha a chinneadh agus Airteagal 25(1) de Rialachán Uimh. 1141/2014 agus Airteagal 228(5) den Rialachán Airgeadais á gcur i bhfeidhm. |
C. CUSPÓIR, CATAGÓIR AGUS FOIRM AN CHISTITHE
|
7. |
Is é is cuspóir don chistiú tacú le gníomhaíochtaí agus cuspóirí reachtúla an pháirtí pholaitiúil Eorpaigh don bhliain airgeadais ón 1 Eanáir 2026 go dtí an 31 Nollaig 2026 faoi na téarmaí agus na coinníollacha a leagtar amach sa chomhaontú ranníocaíochta atá le tabhairt i gcrích idir an páirtí polaitiúil Eorpach is tairbhí agus Parlaimint na hEorpa. |
|
8. |
Is ionann catagóir an chistithe agus an ranníocaíocht le páirtithe polaitiúla Eorpacha, de bhun Theideal XI den Rialachán Airgeadais (‘ranníocaíocht’). Tá an ranníocaíocht i bhfoirm aisíocaíochta ar chéatadán den chaiteachas inaisíoctha arna thabhú iarbhír. |
|
9. |
Ní sháróidh an t-uasmhéid a íocfaidh Parlaimint na hEorpa leis an tairbhí 90 % den chaiteachas inaisíoctha arna léiriú sa bhuiséad measta ná 90 % den chaiteachas inaisíoctha a tabhaíodh iarbhír. |
D. AN BUISÉAD ATÁ AR FÁIL
|
10. |
Is ionann an cistiú atá beartaithe don bhliain airgeadais 2026 faoi Airteagal 402 de bhuiséad Pharlaimint na hEorpa ‘Cistiú páirtithe polaitiúla Eorpacha’ agus EUR 46 000 000 mar a mholtar i réamhdhréacht de mheastacháin Pharlaimint na hEorpa. Bunóidh an t-údarás buiséadach na leithreasuithe atá ar fáil agus atá le dáileadh sa bhuiséad formheasta deiridh don bhliain 2026. |
E. CEANGLAIS INGHLACTHACHTA MAIDIR LE HIARRATAIS AR CHISTIÚ
|
11. |
Beidh iarratais ar chistiú inghlactha más rud é:
|
|
12. |
Iarrtar ar iarratasóirí úsáid a bhaint as an gcomhad iarratais ar mhaoiniú a chuirtear ar fáil ar shuíomh gréasáin Pharlaimint na hEorpa, agus na treoracha atá san áireamh ann (https://www.europarl.europa.eu/contracts-and-grants/ga/list-of-notices/).
Má éilítear síniú, ní mór é a bheith lámhscríofa nó ríomhshínithe cáilithe (QES), agus ní mór QES a bheith i gcomhréir leis an Rialachán maidir le Ríomhaitheantas agus Seirbhísí Iontaobhais (eIDAS) (9). Déanfar na hiarratais a chur isteach go leictreonach; i gcás ina bhfuil sínithe lámhscríofa ar phíosaí áirithe doiciméadachta, déanfaidh an t-iarratasóir aon doiciméad bunaidh a choimeád agus a thabhairt ar aird arna iarraidh sin do Pharlaimint na hEorpa. |
F. CRITÉIR CHUN IARRATAIS AR CHISTIÚ A MHEAS
F.1. Critéir eisiaimh
|
13. |
Déanfar iarratasóirí a eisiamh ón nós imeachta cistiúcháin, más rud é go bhfuil siad:
|
F.2. Critéir incháilitheachta
|
14. |
Chun bheith incháilithe do chistiú ón Aontas, ní mór d’iarratasóirí na coinníollacha a leagtar síos in Airteagail 17 agus 18 de Rialachán (AE, Euratom) Uimh. 1141/2014 a chomhlíonadh, i.e. maidir leis an iarratasóir:
|
F.3. Critéir maidir le dámhachtain agus dáileadh cistiúcháin
|
15. |
I gcomhréir le hAirteagal 19 de Rialachán (AE, Euratom) Uimh. 1141/2014, déanfar na leithreasuithe faoi seach atá ar fáil a dháileadh go bliantúil. Dáilfear iad ar na páirtithe polaitiúla Eorpacha ar formheasadh a n-iarratais ar chistiú i bhfianaise na gcritéar incháilitheachta agus eisiaimh, ar bhonn na heochrach dáilte seo a leanas:
|
G. RIALÚ COMHPHÁIRTEACH AG PARLAIMINT NA HEORPA AGUS AG AN ÚDARÁS
|
16. |
Foráiltear le hAirteagal 24(1) agus (2) (13), de Rialachán (AE, Euratom) Uimh. 1141/2014 do rialú comhroinnte idir Parlaimint na hEorpa agus an tÚdarás. |
|
17. |
Más rud é, de bhun Rialachán (AE, Euratom) Uimh. 1141/2014, go bhfuil an tÚdarás inniúil chun comhlíonadh fhorálacha an Rialacháin sin a rialú, cuirfidh Parlaimint na hEorpa na hiarratais ar chistiú ar aghaidh chuig an Údarás. |
|
18. |
Ag gach céim den nós imeachta um dhámhachtain, leanfar de cheangal ar iarratasóirí faoi Airteagal 24(4) de Rialachán (AE, Euratom) Uimh. 1141/2014 aon fhaisnéis is gá a sholáthar, arna iarraidh sin d’Oifigeach Údarúcháin Pharlaimint na hEorpa agus don Údarás, chun na rialuithe a bhfuil sé freagrach astu a chur i gcrích agus san fhormáid a iarradh. |
H. TÉARMAÍ AGUS COINNÍOLLACHA
|
19. |
Tá sé d’oibleagáid ar iarratasóirí fógra a thabhairt do Pharlaimint na hEorpa faoi aon athruithe maidir leis na doiciméid a thíolacfar nó maidir le haon fhaisnéis dá dtagraítear san iarratas laistigh de choicís ón athrú sin. In éagmais fógra den sórt sin, féadfaidh Oifigeach Údarúcháin Pharlaimint na hEorpa cinneadh a dhéanamh ar bhonn na faisnéise a thíolacfar, d’ainneoin aon fhaisnéis a sholáthrófar ag céim níos déanaí nó a fhoilseofar trí bhealaí eile. |
|
20. |
Maidir leis an gcoinníoll go leanann an t-iarratasóir de na critéir maidir le maoiniú a chomhlíonadh, is ar an iarratasóir a bheidh an dualgas cruthúnais. |
|
21. |
Leagtar síos na téarmaí agus na coinníollacha maidir le cistiú ón Aontas atá le dámhachtain faoin nglao seo in Iarscríbhinn 1a a ghabhann le Cinneadh ón mBiúró an 1 Iúil 2019 agus sonraítear sa chomhaontú ranníocaíochta iad. Agus Airteagal 25(1) de Rialachán (AE, Euratom) Uimh. 1141/2014, Airteagal 163(1) agus (2) agus Airteagal 230(2) den Rialachán Airgeadais á gcur i bhfeidhm, soiléirítear leis an nglao seo na téarmaí agus na coinníollacha sin mar a leanas: ní mór don chaiteachas atá le cumhdach leis an gcistiú a bhronntar faoin nglao seo na ceanglais seo a leanas a chomhlíonadh:
|
|
22. |
Glacfaidh gach iarratasóir leis na téarmaí agus na coinníollacha dá dtagraítear i mír 19 a ghabhann leis 21an méid thuas tríd an bhfoirm dearbhaithe atá san áireamh sa chomhad iarratais ar chistiú dá dtagraítear i mír a shíniú 12. |
I. UAINIÚ
|
23. |
Is é an 30 Meán Fómhair 2025 an spriocdháta chun na hiarratais ar chistiú a chur isteach. |
|
24. |
Glacfaidh Oifigeach Údarúcháin Pharlaimint na hEorpa cinneadh laistigh de thrí mhí tar éis dhúnadh an ghlao ar ranníocaíochtaí. Tar éis an chinnidh sin, cuirtear cinntí aonair arna síniú ag Uachtarán Pharlaimint na hEorpa in iúl do na hiarratasóirí. |
|
25. |
Táthar ag súil go bhfaighidh na hiarratasóirí a n-éireoidh leo an dréacht-chomhaontú ranníocaíochta i mí Eanáir 2026 lena shíniú. Féadfar an comhaontú ranníocaíochta a shíniú le ríomhshíniú cáilithe (QES) arna iarraidh sin. Tar éis don chomhaontú a bheith sínithe, íocfar an réamh-mhaoiniú i gcomhréir leis an sceideal a bhunaítear in Airteagal I.5. de. |
J. SONRAÍ PEARSANTA A NOCHTADH AGUS A PHRÓISEÁIL
|
26. |
Foilseoidh Parlaimint na hEorpa agus an tÚdarás, lena n-áirítear ar an idirlíon, faisnéis de bhun Airteagal 32 de Rialachán (AE, Euratom) Uimh. 1141/2014. |
|
27. |
Déanfar aon sonraí pearsanta a bhaileofar i gcomhthéacs an ghlao seo a phróiseáil de bhun Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (14) agus de bhun Airteagal 33 de Rialachán (AE. Euratom) Uimh. 1141/2014. |
|
28. |
Déanfar na sonraí sin a phróiseáil chun meastóireacht a dhéanamh ar na hiarratais ar chistiú agus chun leasanna airgeadais an Aontais a chosaint. Tá an méid sin gan dochar d’aistriú féideartha na sonraí sin chuig na comhlachtaí atá freagrach as cúraimí fíorúcháin agus iniúchóireachta a chur i gcrích i gcomhréir le dlí an Aontais, amhail seirbhísí iniúchóireachta inmheánaí de chuid Pharlaimint na hEorpa, an Údaráis, Oifig an Ionchúisitheora Phoiblí Eorpaigh (OIPE), Chúirt Iniúchóirí na hEorpa, nó na hOifige Eorpaí Frith-Chalaoise (OLAF). |
|
29. |
Ar bhonn iarraidh i scríbhinn, féadfaidh aon duine nádúrtha a bhaineann leis an tairbhí rochtain a fháil ar a shonraí pearsanta nó ar a sonraí pearsanta agus aon sonraí míchruinne nó neamhiomlána a cheartú. Féadfar an iarraidh maidir le próiseáil a shonraí pearsanta nó a sonraí pearsanta a chur faoi bhráid Ard-Stiúrthóireacht Airgeadais Pharlaimint na hEorpa nó Oifigeach Cosanta Sonraí Pharlaimint na hEorpa. Féadfaidh an duine lena mbaineann, tráth ar bith, gearán a chur faoi bhráid an Mhaoirseora Eorpaigh ar Chosaint Sonraí maidir le próiseáil a shonraí pearsanta nó a sonraí pearsanta. |
|
30. |
Féadfaidh Parlaimint na hEorpa sonraí pearsanta a chlárú sa Chóras Luathbhraite agus Eisiaimh i gcás ina mbeadh an tairbhí i gceann de na cásanna a luaitear in Airteagal 138(1) agus in Airteagal 143 den Rialachán Airgeadais. |
K. FAISNÉIS EILE
|
31. |
Ba cheart aon cheisteanna a bhaineann leis an nglao seo a sheoladh trí ríomhphost, agus tagairt an fhoilseacháin á lua, chuig an seoladh ríomhphoist seo a leanas: fin.part.fond.pol@europarl.europa.eu |
|
32. |
Cuirtear an reachtaíocht bhunúsach a shonraítear i mír 5(b) den ghlao seo agus den chomhad iarratais ar mhaoiniú ar fáil ar shuíomh gréasáin Pharlaimint na hEorpa (http://www.europarl.europa.eu/tenders/invitations.htm). |
(1) IO L 317, 4.11.2014, lch. 1. Foilsíodh dhá leasú in IO L 114 I, 4.5.2018, lch. 1, agus in IO L 85, 27.3.2019, lch. 7.
(2) IO C 249, 25.7.2019, lch. 2.
(3) IO L 193, 30.7.2018, lch. 1.
(4) IO L 333, 19.12.2015, lch. 50.
(5) IO L 318, 4.12.2015, lch. 28.
(6) Rialacha Nós Imeachta Pharlaimint na hEorpa: https://www.europarl.europa.eu/doceo/document/lastrules/TOC_GA.html?redirect.
(7) Rialachán (AE) Uimh. 910/2014 ó Pharlaimint na hEorpa agus ón gComhairle an 23 Iúil 2014 maidir le ríomh-shainaitheantas agus seirbhísí iontaoibhe le haghaidh ríomh-idirbheart sa mhargadh inmheánach agus lena n-aisghairtear Treoir 1999/93/CE (IO L 257, 28.8.2014, lch. 73).
(8) https://cofile.europarl.europa.eu/login.
(9) Rialachán (AE) Uimh. 910/2014.
(10) Arna bhunú de bhun Airteagal 6 de Rialachán (AE, Euratom) Uimh. 1141/2014.
(11) Mura raibh an t-iarratasóir faoi réir an rialaithe faoi Airteagal 23 de Rialachán (AE, Euratom) Uimh. 1141/2014 (mar shampla: páirtithe nuachruthaithe).
(12) Nó ag tosú leis an dáta clárúcháin agus go dtí an 30 Meán Fómhair 2025 i gcás na bpáirtithe nuachruthaithe.
(13) Airteagal 24(1) agus (2) de Rialachán (AE, Euratom) Uimh. 1141/2014 — Rialacha ginearálta maidir le rialú:
‘1. Déanfar rialú ar na hoibleagáidí faoin Rialachán seo a bheith á gcomhlíonadh ag na páirtithe polaitiúla Eorpacha agus ag na fondúireachtaí polaitiúla Eorpacha a fheidhmiú i gcomhar leis an Údarás, le hOifigeach Údarúcháin Pharlaimint na hEorpa agus leis na Ballstáit inniúla.
2. Déanfaidh an tÚdarás rialú ar a oibleagáidí faoin Rialachán seo a bheith á gcomhlíonadh ag na páirtithe polaitiúla Eorpacha agus ag na fondúireachtaí polaitiúla Eorpacha, go háirithe maidir le hAirteagal 3, pointe (a), pointe (b), agus pointe (d) go pointe (f) d’Airteagal 4(1), pointe (a) go pointe (d) agus pointe (g) d’Airteagal 5(1), Airteagal 9(5) agus (6), agus Airteagail 20, 21 agus 22.
Déanfaidh Oifigeach Údarúcháin Pharlaimint na hEorpa rialú ar na hoibleagáidí a bhaineann le cistiú an Aontais faoin Rialachán seo a bheith á gcomhlíonadh ag na páirtithe polaitiúla Eorpacha agus ag na fondúireachtaí polaitiúla Eorpacha i gcomhréir leis an Rialachán Airgeadais. Agus an rialú sin á chur i gcrích, déanfaidh Parlaimint na hEorpa na bearta is gá i réimsí chosc agus chomhrac na calaoise a dhéanann difear do leasanna airgeadais an Aontais.
IARSCRÍBHINN
AN FHOIRM IARRATAIS AR CHISTIÚ
Chuig Uachtarán Pharlaimint na hEorpa Faoi chúram Didier Kléthi, Ard-Stiúrthóir Airgeadais
Tá [cuir isteach ainm an iarratasóra], arna ionadú go dlíthiúil ag [cuir isteach ainm an ionadaí/na n-ionadaithe] ag déanamh iarratais leis seo ar chistiú don bhliain airgeadais 2026 faoi ghlao Uimh. IX-2026/01 ar mhéid [cuir isteach an méid] (1)], agus ag deimhniú go bhfuil na doiciméid seo a leanas á gcur ar fáil leis an iarratas.
|
Uimh. |
Doiciméid atá le soláthar (2) |
Tá/ n.b. |
|
1. |
Litir ó ionadaí dlíthiúil nó ó ionadaithe dlíthiúla lena ndeimhnítear an t-údarú oibleagáidí dlíthiúla a ghlacadh air féin nó uathu féin thar ceann an iarratasóra |
|
|
2. |
Liosta de na daoine a bhfuil cumhachtaí ionadaíochta, cinnteoireachta nó rialaithe acu ar an eagraíocht is iarratasóir, amhail an tUachtarán, comhaltaí an Bhoird, an tArd-Rúnaí, an Cisteoir, lena n-áirítear tagairt d’fhorálacha ábhartha Reachtanna an iarratasóra |
|
|
3. |
Cruthúnas ar chlárú ag an Údarás um páirtithe polaitiúla Eorpacha agus um fhondúireachtaí polaitiúla Eorpacha ar dháta an iarratais ar chistiú (i gcás iarratasóirí nach bhfuil an cinneadh maidir le clárú ar fáil go poiblí ina leith go fóill, i.e. nár foilsíodh fós ar shuíomh gréasáin an Údaráis ná san Iris Oifigiúil), agus dóibh siúd amháin, |
|
|
4. |
Liosta dá Feisirí de Pharlaimint na hEorpa, le cruthúnas cothrom le dáta ar bhallraíocht agus ina leagtar amach ainm, tír thionscnaimh, cleamhnacht dhíreach nó indíreach leis an bpáirtí polaitiúil Eorpach agus ainm an pháirtí náisiúnta nó réigiúnaigh ábhartha más infheidhme |
|
|
5. |
Fianaise lena léirítear go ndearna a bhallpháirtithe ón Aontais, de ghnáth, clár polaitiúil agus lógó an pháirtí pholaitiúil Eorpaigh a fhoilsiú ar a suíomhanna gréasáin, ar bhealach atá infheicthe go soiléir agus soláimhsithe don úsáideoir, ar feadh tréimhse idir an 1 Deireadh Fómhair 2024 agus an 30 Meán Fómhair 2025 nó ag tosú leis an dáta clárúcháin agus go dtí an 30 Meán Fómhair 2025 do na páirtithe nuachruthaithe |
|
|
6. |
Liosta de na heintitis chomhlachaithe a bhfuil sé beartaithe ag an iarratasóir tacaíocht airgeadais a dheonú dóibh le haghaidh na bliana airgeadais 2026, lena n-áirítear tagairt d’airteagail ábhartha Reachtanna an iarratasóra |
|
|
7. |
Dearbhú ón ionadaí dlíthiúil maidir leis na sonraí bainc, lena n-áirítear foirm aitheantais airgeadais atá comhlánaithe go cuí (ní dhéanfar an fhoirm sin a chomhlánú ach amháin i gcás iarratasóir nua NÓ d’iarratasóirí ar tharla athrú ar a n-ainm, ar a seoladh nó ar an gcuntas bainc ina leith i gcomparáid leis an gcleachtadh roimhe sin) |
|
|
8. |
Dearbhú maidir le téarmaí agus coinníollacha ginearálta maille le critéir eisiaimh |
|
|
9. |
Buiséad measta (comhardaithe) |
|
Iarann [cuir isteach ainm an iarratasóra] go ndéanfar an cistiú a íoc [in íocaíocht aonair an LL.MM.2026 / laistigh de 30 lá tar éis dháta theacht i bhfeidhm an chomhaontaithe] NÓ [i 4 thráthchuid laistigh de 30 lá tar éis dháta theacht i bhfeidhm an chomhaontaithe, i mí Aibreáin 2026, i mí Iúil 2026 agus an chuid eile i mí Dheireadh Fómhair 2026].
|
Dáta agus áit; |
Síniú/Sínithe: |
(1) Ní mór an méid sin a bheith ag teacht leis an bhfigiúr a thaispeántar i líne D.1.2 den bhuiséad measta (doiciméad Uimh. 10 den chomhad iarratais ar mhaoiniú).
(2) Cuirtear teimpléid ar fáil ar shuíomh gréasáin PE le haghaidh mhíreanna 2, 4, 5, 7, 8, 9 agus 10 (https://www.europarl.europa.eu/contracts-and-grants/en/list-of-notices/).
ELI: http://data.europa.eu/eli/C/2025/3435/oj
ISSN 1977-107X (electronic edition)