28.9.2022   

MT

Il-Ġurnal Uffiċjali tal-Unjoni Ewropea

C 370/6


Avviż minn qabel ta’ konċentrazzjoni

(Il-Każ M.10852 – 3D SYSTEMS / DUSSUR / JV)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2022/C 370/04)

1.   

Fl-20 ta’ Settembru 2022, il-Kummissjoni rċeviet avviż ta’ konċentrazzjoni proposta skont l-Artikolu 4 u wara referenza skont l-Artikolu 4(5) tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—

3D Systems, Inc. (“3DS”, l-Istati Uniti tal-Amerka), finalment proprjetà ta’ 3D Systems Corporation (l-Istati Uniti tal-Amerka) u 3D Canada Company (il-Kanada),

—

Saudi Arabian Industrail Investments Company (“Dussur”, ir-Renju tal-Arabja Sawdija), ikkontrollata bi sħab mill-Fond ta’ Investiment Pubbliku tal-Arabja Sawdija u l-Kumpanija taż-Żejt tal-Arabja Sawdija (ir-Renju tal-Arabja Sawdija).

3DS u Dussur jakkwistaw, fis-sens tal-Artikolu 3(1)(b) u tal-Artikolu 3(4) tar-Regolament dwar l-Għaqdiet, il-kontroll bi sħab ta’ impriża bi sħab (joint venture, JV) maħluqa ġdida.

Il-konċentrazzjoni qed issir permezz ta’ xiri ta’ ishma f’kumpanija maħluqa ġdida li tikkostitwixxi f’impriża bi sħab (joint venture).

2.   

L-attivitajiet kummerċjali tal-impriżi kkonċernati huma:

—

3DS: l-entità prinċipali ta’ grupp ta’ kumpaniji fil-manifattura tal-addittiv/fl-industrija tal-istampar 3D.

—

Dussur: kumpanija ta’ investiment strateġiku, involuta f’setturi ekonomiċi strateġiċi għall-iżvilupp ta’ industriji multitrasformattivi fis-setturi industrijali kollha inklużi l-pussess, l-iżvilupp, il-kostruzzjoni, l-użu, il-manutenzjoni, il-bejgħ, ix-xiri, il-kiri u l-lokazzjoni ta’ assi tanġibbli u intanġibbli fissi u mobbli.

3.   

L-impriża bi sħab (joint venture) se tkun attiva fil-forniment ta’ servizzi tal-istampar 3D prinċipalment fir-Renju tal-Arabja Sawdija.

4.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

5.   

Il-Kummissjoni tistieden lil terzi persuni interessati jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.10852 – 3D SYSTEMS / DUSSUR / JV

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.