(1)

Tá sé ríthábhachtach neamhspleáchas, ardchaighdeáin eolaíocha, trédhearcacht agus éifeachtúlacht an Údaráis Eorpaigh um Shábháilteacht Bia (EFSA) a áirithiú. Ina theannta sin, tá sé fíor-riachtanach comhar EFSA leis na Ballstáit a áirithiú.

(2)

Le Rialachán (CE) Uimh. 178/2002, cuirtear de cheangal ar gach Ballstát comhalta agus comhalta malartach a ainmniú mar ionadaithe dóibh ar Bhord Bainistíochta EFSA. Ceapann an Chomhairle na comhaltaí agus na comhaltaí malartacha arna n-ainmniú mar sin go ceann tréimhse 4 bliana, ar tréimhse í a fhéadfar a athnuachan, agus beidh ceart vótála acu.

(3)

Cheap an Chomhairle, trí bhíthin Chinneadh uaidh an 7 Aibreán 2022 (2), ionadaithe ó na Ballstáit ina gcomhaltaí agus ina gcomhaltaí malartacha de Bhord Bainistíochta EFSA don tréimhse ón 1 Iúil 2022 go dtí an 30 Meitheamh 2026.

(4)

I litir dar dáta an 4 Nollaig 2023, cuireadh in iúl do EFSA gur éirigh Zuzana NOUZOVSKÁ, comhalta na Slóvaice, as oifig.

(5)

I litir dar dáta an 11 Márta 2024, cuireadh in iúl do EFSA gur éirigh Ana RODRÍGUEZ CASTAÑO, comhalta malartach na Spáinne, as oifig.

(6)

I litir dar dáta an 4 Meitheamh 2024, cuireadh in iúl do EFSA gur éirigh Katarzyna STOŚ, comhalta na Polainne, as oifig.

(7)

Ba cheart, dá bhrí sin, triúr ionadaithe nua a cheapadh ar feadh a bhfuil fágtha de théarma oifige a réamhtheachtaithe faoi seach.

(8)

Tá taithí agus saineolas forleathan, ábhartha ag na hionadaithe arna n-ainmniú ag an bPolainn, an tSlóvaic agus an Spáinn i réimse dhlí agus bheartas an bhiashlabhra, lena n-áirítear measúnú riosca, agus i réimsí ábhar bainistíochta, riaracháin, airgeadais agus dlí chomh maith. Dá bhrí sin, lena gceapacháin, baintear amach i mBord Bainistíochta EFSA na caighdeáin is airde inniúlachta agus an raon is leithne taithí ábhartha atá ar fáil,