13.6.2006   

MT

Il-Ġurnal Uffiċjali ta’ l-Unjoni Ewropea

136


AZZJONI KONĠUNTA TAL-KUNSILL 2005/142/PESK

tas-17 ta’ Frar 2005

li temenda l-Azzjoni Konġunta 2004/789/PESK dwar l-estensjoni tal-Missjoni tal-Pulizija ta’ l-Unjoni Ewropea f’dik li qabel kienet ir-Repubblika Jugoslava tal-Maċedonja (EUPOL PROXIMA)

IL-KUNSILL TA’ L-UNJONI EWROPEA,

Wara li kkunsidra t-Trattat dwar l-Unjoni Ewropea, u b’mod partikolari l-Artikoli 14 u 25(3) tiegħu,

Billi:

(1)

Fit-22 ta’ Novembru 2004 il-Kunsill adotta l-Azzjoni Konġunta 2004/789/PESK (1) li testendi l-Missjoni tal-Pulizija ta’ l-Unjoni Ewropea (EUPOL PROXIMA) f’Dik Li Qabel Kienet ir-Repubblika Jugoslava tal-Maċedonja (FYROM) mill-15 ta’ Diċembru 2004 għall-14 ta’ Diċembru 2005.

(2)

Il-Kumitat Politiku u ta’ Sigurtà għandu jkun awtorizzat biex jieħu d-deċiżjonijiet rilevanti dwar l-istabbiliment ta’ Kumitat ta’ Kontributuri għall-EUPOL PROXIMA, b’mod konformi mad-dokument dwar “Konsultazzjonijiet u Modalitajiet għall-Kontribut ta’ Stati mhux membri ta’ l-UE għall-Immaniġġar ta’ Kriżijiet Ċivili ta’ l-UE” approvat mill-Kunsill fl-10 ta’ Diċembru 2002.

(3)

L-Azzjoni Konġunta 2004/789/PESK għandha tiġi emendata f’dan is-sens,

ADOTTA DIN L-AZZJONI KONĠUNTA:

Artikolu 1

Dan il-paragrafu li ġej għandu jiġi miżjud ma’ l-Artikolu 9 ta’ l-Azzjoni Konġunta 2004/789/PESK:

“7.   Il-Kumitat Politiku u ta’ Sigurtà għandu jieħu d-deċiżjonijiet rilevanti dwar l-istabbiliment ta’ Kumitat ta’ Kontributuri.”

Artikolu 2

Din l-Azzjoni Konġunta għandha tidħol fis-seħħ fil-jum ta’ l-adozzjoni tagħha.

Artikolu 3

Din l-Azzjoni Konġunta għandha tiġi ppubblikata fil-Ġurnal Uffiċjali ta’ l-Unjoni Ewropea.

Magħmula fi Brussell, nhar is-17 ta’ Frar 2005.

Għall-Kunsill

Il-President

J.-C. JUNCKER


(1)   ĠU L 348, tal-24.11.2004, p. 40.