|
Iris Oifigiúil |
GA Sraith L |
|
2024/1338 |
15.5.2024 |
RIALACHAN (AE) 2024/1338 ÓN gCOMHAIRLE
an 14 Bealtaine 2024
lena leasaítear Rialachán (AE) 2023/1529 a bhaineann le bearta sriantacha i bhfianaise thacaíocht mhíleata na hIaráine do chogadh foghach na Rúise i gcoinne na hÚcráine
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 215 de,
Ag féachaint do Chinneadh (CBES) 2024/1336 ón gComhairle an 14 Bealtaine 2024 lena leasaítear Cinneadh (CBES) 2023/1532 a bhaineann le bearta sriantacha i bhfianaise thacaíocht mhíleata na hIaráine do chogadh foghach na Rúise i gcoinne na hÚcráine (1) .
Ag féachaint don togra comhpháirteach ó Ardionadaí an Aontais do Ghnóthaí Eachtracha agus don Bheartas Slándála agus ón gCoimisiún Eorpach,
De bharr an mhéid seo a leanas:
|
(1) |
An 20 Iúil 2023 ghlac an Chomhairle Rialachán (AE) 2023/1529 (2). |
|
(2) |
Tugtar éifeacht le Rialachán (AE) 2023/1529 do bhearta áirithe dá bhforáiltear i gCinneadh (CBES) 2023/1532 ón gComhairle (3). |
|
(3) |
I bhfianaise thromchúis na staide i bhfianaise thacaíocht mhíleata na hIaráine do chogadh foghach na Rúise i gcoinne na hÚcráine, ghlac an Chomhairle Cinneadh (CBES) 2024/1336 lena leasaítear Cinneadh (CBES) 2023/1532 an 14 Bealtaine 2024. |
|
(4) |
Ba cheart Rialachán (AE) 2023/1529 a leasú agus ba cheart bearta reo sócmhainní a fhorchur i gcoinne daoine nádúrtha agus dlítheanacha, eintitis nó comhlachtaí atá freagrach as clár diúracán na hIaráine, a thugann tacaíocht dó nó atá bainteach leis, nó a sholáthraíonn nó a dhíolann diúracáin aerfheithiclí gan fhoireann na hIaráine nó trealaimh ghaolmhara, nó atá bainteach ar shlí eile lena n-aistriú chuig an Rúis, chun tacú lena cogadh foghach i gcoinne na hÚcráine, nó chuig grúpaí armtha agus eintitis armtha a abhaineann an bonn den tsíocháin agus den tslándáil sa Mheánoirthear agus i réigiún na Mara Rua; nó de shárú ar Rún 2216 (2015) ó Chomhairle Slándála na Náisiún Aontaithe. Dá bhrí sin, ba cheart teideal Rialachán (AE) 2023/1529 a leasú freisin. |
|
(5) |
Is iomchuí freisin toirmeasc a chur ar chomhpháirteanna breise a d’fhéadfaí a úsáid i bhforbairt agus i dtáirgeadh aerfheithiclí gan fhoireann a onnmhairiú nó a aistriú chuig an Iaráin nó iad a dhíol leis an Iaráin nó iad a sholáthar don Iaráin. |
|
(6) |
Ba cheart, dá bhrí sin, Rialachán (AE) 2023/1529 a leasú dá réir sin, |
TAR ÉIS AN RIALACHÁN SEO A GHLACADH:
Airteagal 1
Leasaítear Rialachán (AE) 2023/1529 mar a leanas:
|
(1) |
cuirtear an méid seo a leanas in ionad an teidil: ‘Rialachán (AE) 2023/1529 ón gComhairle an 20 Iúil 2023 a bhaineann le bearta sriantacha i bhfianaise thacaíocht mhíleata na hIaráine do chogadh foghach na Rúise i gcoinne na hÚcráine agus do ghrúpaí armtha agus eintitis sa Mheánoirthear agus i réigiún na Mara Rua’. |
|
(2) |
in Airteagal 3, cuirtear an méid seo a leanas in ionad mhír 1: ‘1. Na cistí agus na hacmhainní eacnamaíocha uile ar le daoine nádúrtha nó dlítheanacha, eintitis nó comhlachtaí iad, atá faoi úinéireacht, i seilbh nó faoi rialú na ndaoine nádúrtha nó dlítheanacha, na n-eintiteas nó na gcomhlachtaí sin:
mar a liostaítear in Iarscríbhinn III, déanfar iad a reo.’. |
|
(4) |
Leasaítear Iarscríbhinn II i gcomhréir leis an Iarscríbhinn a ghabhann leis an Rialachán seo. |
Airteagal 2
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 14 Bealtaine 2024.
Thar ceann na Comhairle
An tUachtarán
V. VAN PETEGHEM
(1) IO L, 2024/1336, 15.5.2024, ELI: , ELI: http://data.europa.eu/eli/dec/2024/1336/oj.
(2) Rialachán (AE) 2023/1529 ón gComhairle a bhaineann le bearta sriantacha i bhfianaise thacaíocht mhíleata na hIaráine do chogadh foghach na Rúise i gcoinne na hÚcráine (IO. L 186 25.7.2023, lch. 1).
(3) Cinneadh (CBES) 2023/1532 ón gComhairle an 20 Iúil 2023 a bhaineann le bearta sriantacha i bhfianaise thacaíocht mhíleata na hIaráine do chogadh foghach na Rúise i gcoinne na hÚcráine(IO L 186, 25.7.2023, lch. 20).
IARSCRÍBHINN
I Rialachán (AE) 2023/1529, cuirtear an méid seo a leanas in ionad Iarscríbhinn II:
‘IARSCRÍBHINN II
Liosta na n-ítimí dá dtagraítear in Airteagal 2
Catagóir 3 – Leictreonaic
|
Tuairisc |
Cód CN |
||||||||||||||||
|
Ciorcaid iomlánaithe, mar a leanas: Eagar Geataí In-Ríomhchláraithe sa Réimse (FPGA), micririaltáin, micreaphróiseálaithe, próiseálaithe comharthaí, anailíseoirí comharthaí, Tiontairí ó Analógach go Digiteach (ADCanna), rialtóirí voltais, ionchódóirí físeáin agus tiontairí DC-DC. |
ex 8542.31 ex 8542.39 |
||||||||||||||||
|
Aimplitheoirí agus feistí “Ciorcaid Iomlánaithe Micreathoinne Mhonailiotacha” (“MMICanna”) |
ex 8542.33 8543.70.02 |
||||||||||||||||
|
Scagairí RF nó scagairí Trasnaíochta Leictreamaighnéadaí (EMI), oiriúnach d’aerárthaí |
ex 8548.00 |
||||||||||||||||
|
Toilleoirí tantalaim |
8532.21 |
||||||||||||||||
|
Toilleoirí leictrealaíocha alúmanaim |
8532.22 |
||||||||||||||||
|
Toilleoirí ilsraitheacha tréleictreacha ceirmeacha |
8532.24 |
||||||||||||||||
|
Ciorcaid iomlánaithe stórála, mar a leanas:
|
ex 8542.32 |
||||||||||||||||
|
Criostail phísileictreacha shuite |
8541.60 |
Catagóir 6 – Braiteoirí agus léasair
|
Tuairisc |
Cód CN |
|
Ceamaraí le haghaidh aershuirbhéireachta |
ex 9006.30 |
|
Braiteoirí teirmeacha le haghaidh ceamaraí |
ex 8529.90 ex 8542.39 ex 9006.91 ex 9013.80 ex 9025.80 ex 9025 90 ex 9026 80 ex 9026.90 ex 9027.50 ex 9032.10 |
|
Ceamaraí oíche |
8525.83 |
|
Ceamaraí a chomhlíonann critéir Nóta 3 a ghabhann le 6A003.b.4. (1) |
ex 8525.89 ex 9006.30 |
|
Raonaimsitheoirí léasair aerbheirthe |
ex 9013 20 00 ex 9013 80 00 ex 9013 90 80 ex 9015.10 ex 9015.80 ex 9015 90 ex 9031.80.20 ex 9031.80.80 ex 9031.90.00 ex 9033.00.90 |
|
“Cealla príomhúla” nó ceallraí ag a bhfuil dlús fuinnimh 150 Wh/kg nó níos mó ag 293 K (20 oC); |
ex 8506 |
Catagóir 7 – Loingseoireacht agus eitleonaic
|
Tuairisc |
Cód CN |
|
Córais Loingseoireachta Táimhe, Aonaid um Thomhas Táimhe (IMU), méadair luasghéaraithe nó gíreascóip |
ex 9014.20 |
|
Aeróga agus frithchaiteoirí aeróige i gcomhair “aerárthaí” |
ex 8517.71 ex 8529.10 |
|
Trealamh “córas loingseoireachta satailíte”, lena n-áirítear aeróga atá oiriúnach chun comharthaí GNSS a ghlacadh |
ex 8526.91 ex 8529.90 ex 8526.10 ex 8526.92 ex 8517.71 ex 8529.10 |
|
Taifeadáin sonraí eitilte dhigiteacha |
8543.70.04 |
|
Radair le haghaidh “Aerárthaí gan Foireann” agus comhpháirteanna díobh atá saindeartha. Tabhair faoi deara: Leis an rialú seo áirítear na radair seo a leanas ach níl sé teoranta dóibh; Brath agus Raonáil le Solas (LIDAR), Idircheapadh Aerbheirthe (AI), Rianú Targaidí (TT), Airtléire Frith-Aerthaí (AAA), Aimsiú Targaidí (TA), Luathrabhadh Aerbheirthe (AEW). |
ex 8526.10 ex 8529.90 |
|
Gléasra cúnta radaloingseoireachta le haghaidh “aerárthaí” agus comhpháirteanna díobh atá saindeartha |
ex 8526.91 ex 8529.90 |
|
Gléasra, feistis nó meaisíní teileachumarsáide, i gcomhair “aerárthaí” |
ex 8517.62 ex 8517.69 |
|
Aonaid rialaithe eitilte le haghaidh “Aerárthaí gan Foireann” (“UAVanna”) |
ex 8537.10 ex 8807.30 |
|
Aonaid chianrialaithe le haghaidh “Aerárthaí gan Foireann” (“UAVanna”) |
ex 8517.61 ex 8526.92 ex 8537.10 ex 8543.70.90 ex 8807.30 |
Catagóir 9 – Aeraspás agus tiomáint
|
Tuairisc |
Cód CN |
|
“Aerárthaí gan Foireann” (“UAVanna”) seachas iad siúd atá deartha chun paisinéirí a iompar |
8806.91 8806.92 8806.93 8806.94 8806.99 |
|
Aerinnill ghástuirbín (innill turba-liáin, turba-scairde agus turba-fean) le haghaidh “aerárthaí”, agus comhpháirteanna díobh atá saindeartha |
ex 8411.11 ex 8411.12 ex 8411.21 ex 8411.22 ex 8411.91 |
|
Innill loiní dócháin inmheánaigh, fhrithingeacha spréachadhainte nó rothlacha le haghaidh “aerárthaí” |
8407.10 |
|
Páirteanna atá oiriúnach le húsáid le hinnill loiní dócháin inmheánaigh le haghaidh “aerárthaí” amháin nó leis na hinnill sin go príomha |
8409.10 |
|
Innill loiní dócháin inmheánaigh adhainte comhbhrú le haghaidh “aerárthaí” |
ex 8408.90 |
|
Seirbheamótar i gcomhair “Aerárthaí gan Foireann” (“UAVanna”) |
ex 8501 ex 8807.30 |
|
Córais lainseála i gcomhair “UAVanna” |
ex 8805.10 ex 8807.30 |
|
Trealamh tacaíochta ar talamh i gcomhair “UAVanna” |
ex 8807.30 |
Catagóir 10 – Teicneolaíocht
Teicneolaíocht, atá deartha nó oiriúnaithe go sonrach chun trealamh a liostaítear thuas a thástáil, a fhorbairt nó a tháirgeadh.
SAINMHÍNITHE:
ciallaíonn “Aerárthach” feithicil aerbheirthe ar a bhfuil sciathán dobhogtha, sciathán sclóine, sciathán rothlach (héileacaptar), rótar claonta nó sciathán claonta.
ciallaíonn “Ciorcad Iomlánaithe Micreathoinne Monailiotach” (“MMIC”) ciorcad iomlánaithe monailiotach a oibríonn ar mhinicíochtaí micreathonnacha nó ar mhinicíochtaí toinne milliméadair.
ciallaíonn “Cill phríomhúil” cill nár dearadh lena luchtú trí aon fhoinse eile.
ciallaíonn “Córas loingseoireachta satailíte” córas arb é atá ann stáisiúin talún, buíon satailítí, agus glacadóirí, a fhágann gur féidir suíomh glacadóirí a ríomh ar bhonn comharthaí a fhaightear ó na satailítí. Áirítear leis Córais Dhomhanda Loingseoireachta Satailíte (GNSS) agus Córais Réigiúnacha Loingseoireachta Satailíte (RNSS).
ciallaíonn “Aerárthaí gan Foireann” (“UAV”) aon aerárthach atá in ann tús a chur le heitilt agus eitilt rialaithe agus loingseoireacht a choinneáil ar siúl gan aon fhoireann inti.’
(1) Féach Iarscríbhinn I a ghabhann le Rialachán (AE) 2021/821 ó Pharlaimint na hEorpa agus ón gComhairle an 20 Bealtaine 2021 lena mbunaítear córas Aontais chun onnmhairiú, bróicéireacht, cúnamh teicniúil, idirthuras agus aistriú ítimí dé-úsáide a rialú (athmhúnlú) (IO L 206, 11.6.2021, lch. 1).
ELI: http://data.europa.eu/eli/reg/2024/1338/oj
ISSN 1977-0839 (electronic edition)