(1)

Le Rialachán (AE) 2024/257 ón gComhairle (1) socraítear le haghaidh 2024, 2025 agus 2026 na deiseanna iascaireachta le haghaidh stoic éisc áirithe, is infheidhme in uiscí an Aontais agus, i gcás soithí iascaireachta de chuid an Aontais, in uiscí áirithe nach uiscí de chuid an Aontais iad. Ba cheart na deiseanna iascaireachta sin a leasú chun foilsiú comhairle eolaíche a chur san áireamh.

(2)

Le Rialachán (AE) 2024/257, arna leasú le Rialachán (AE) 2024/1856 ón gComhairle (2), leagadh síos gabháil iomlán incheadaithe (TAC) sealadach le haghaidh ainseabhaithe (Engraulis encrasicolus) i bhfolimistéir 9 agus 10 ICES agus in uiscí an Aontais i roinn 34.1.1 den Choiste Iascaigh um an Atlantach Thoir Láir (CECAF) le haghaidh na tréimhse ón 1 Iúil 2024 go dtí an 30 Meán Fómhair 2024 ar leibhéal 4 997 dtona, go dtí go bhfoilseoidh an Chomhairle Idirnáisiúnta um Thaiscéalaíocht na Mara (ICES) a comhairle eolaíoch maidir le hainseabhaithe i roinn 9a ICES le haghaidh na tréimhse sin, agus ceadaíodh leanúint den iascaireacht. Tar éis fhoilsiú na comhairle sin an 21 Meitheamh 2024, ba cheart TAC cinntitheach le haghaidh ainseabhaithe i bhfolimistéir 9 agus 10 ICES agus in uiscí an Aontais i roinn 34.1.1 CECAF le haghaidh na tréimhse ón 1 Iúil 2024 go dtí an 30 Meitheamh 2025 a shocrú ar an leibhéal a mhol ICES le haghaidh na bpobal iartharach agus deisceartach atá sa limistéar sin. Ina theannta sin, ba cheart coinníoll speisialta a bhunú agus faoin gcoinníoll sin, níl gabhálacha sa chuid theas de limistéar TAC le sárú 969 dtona, i gcomhréir leis an gcomhairle ó ICES maidir leis an bpobal atá sa limistéar sin. Mar sin féin, chun a chur san áireamh go bhféadfadh sé gur tharla gabhálacha cheana faoi TAC sealadach, ba cheart gabhálacha ainseabhaithe sa chuid theas den limistéar TAC le linn na tréimhse ón 1 Iúil 2024 go dtí an 30 Meán Fómhair 2024 sa bhreis ar an gcoinníoll speisialta maidir le 969 dtona a cheadú, ar choinníoll go gcomhlíonfaí coinníollacha áirithe eile.

(3)

An 29 Iúil 2024 d’fhoilsigh an Coiste Eolaíoch, Teicniúil agus Eacnamaíoch um Iascach (CETEI) a chomhairle maidir leis an tionchar socheacnamaíoch a bhaineann le TACanna le haghaidh mangach (Pollachius pollachius) a choinneáil ar bun i roinn 8c ICES agus i bhfolimistéir 9 agus 10 agus in uiscí an Aontais i roinn 34.1.1 de CECAF le haghaidh 2024 ar an leibhéal a mhol ICES. Léiríonn an chomhairle sin ó CETEI leibhéal na TACanna sin is gá chun feiniméan an ‘tachtspeicis’ a sheachaint, i.e. speiceas a bhfuil easpa cuóta air a d’fhéadfadh stop a chur le hiascaireacht soithigh iascaireachta amháin nó níos mó fiú má tá cuóta fós acu le haghaidh speicis eile. Dá bhrí sin, ba cheart na TACanna le haghaidh 2024 a leagtar síos le Rialachán (AE) 2024/257 a mhéadú. De bhun Airteagal 5(3) de Rialachán (AE) 2019/472 ó Pharlaimint na hEorpa agus ón gComhairle (3), ba cheart na TACanna sin a shocrú ar leibhéal 108 dtona i ranna 8c ICES agus 132 thona i bhfolimistéir 9 agus 10 agus in uiscí an Aontais i roinn 34.1.1 CECAF, rud a d’fhágfadh, de réir na comhairle ó CETEI, go mbeadh na cabhlaigh in ann leanúint de bheith ag feidhmiú go dtí an 18 Meán Fómhair 2024 agus an 8 Nollaig 2024 faoi seach agus, dá bhrí sin, an méid seo a leanas a laghdúfeiniméan an ‘tachtspeicis’ agus mar thoradh dúnadh roimh am na n-iascach ábhartha; agus mar aon leis na tionchair shocheacnamaíocha ghaolmhara ar earnáil an iascaigh.

(4)

I gcás stoic bhreise áirithe, ba cheart cuótaí an Aontais agus cuótaí na mBallstát araon le haghaidh 2024 a leasú chun na hasbhaintí is gá mar thoradh ar dhíolúintí ón oibleagáid gabhálacha a thabhairt i dtír a chur san áireamh.

(5)

An 13 Márta 2024 ghlac Parlaimint na hEorpa agus an Chomhairle Rialachán (AE) 2024/897 (4) lena gcuirtear chun feidhme i ndlí an Aontais bearta bainistíochta, caomhnaithe agus rialaithe áirithe i limistéar an Choimisiúin Idirnáisiúnta um Chaomhnú na dTuinníní Atlantach (ICCAT). Leis an Rialachán sin, cuireadh forálacha breise in Airteagail 9 agus 12, de Rialachán (AE) 2017/2107 ó Pharlaimint na hEorpa agus ón gComhairle (5). Chun forálacha forluiteacha maidir leis an ábhar céanna a sheachaint, ba cheart Airteagal 28 de Rialachán (AE) 2024/257 a leasú dá réir.

(6)

Le Rialachán (AE) 2023/194, socraítear TAC le haghaidh deargán (Pagellus bogaraveo) i bhfolimistéar 9 ICES le haghaidh 2024 ar leibhéal 114 thona. An 16 Lúnasa 2024 d’fhoilsigh ICES a chomhairle maidir leis an stoc sin le haghaidh 2025 agus 2026. Le haghaidh 2025 agus 2026, chuir ICES comhairle ar fáil den chéad uair maidir le dhá phobal éagsúla deargán sa limistéar sin. Mhínígh ICES go ndearna sé amhlaidh toisc, ar an gcéad dul síos, go bhfuil dhá phobal deargán i bhfolimistéar 9 ICES: (i) deargáin arna gcionroinnt i bhfolimistéar 9 ICES cé is moite den chuid Atlantach de Chaolas Ghiobráltar (i.e. cósta na Gailíse agus na Portaingéile) ar thaobh amháin agus deargáin arna gcionroinnt sa chuid Atlantach de Chaolas Ghiobráltar agus sa Mheánmhuir Thiar ar an taobh eile. Ar an dara dul síos, mhínigh ICES go gcumhdaítear leis an gcomhairle ó Choiste Comhairleach Eolaíoch maidir le hIascaigh (CCE) de chuid an Choimisiúin Ghinearálta Iascaigh don Mheánmhuir (CGIM) le haghaidh deargán i bhfolimistéir gheografacha 1 agus 3 CGIM (iarthar na Meánmhara) an pobal deargán arna chionroinnt sa Mheánmhuir Thiar agus sa chuid Atlantach de Chaolas Ghiobráltar. Ina theannta sin, de réir na dréachtchomhairle is déanaí ó CCE maidir leis an stoc sin le haghaidh 2025: (i) tá an bhithmhais faoi bhun Blim (i.e. an pointe tagartha maidir le bithmhais stoic sceite, pointe tagartha ar faoina bhun a bhféadfadh acmhainneacht síolraithe laghdaithe a bheith ann) ó bhí 2011 ann; (ii) in 2024, 30 % de Blim atá i mbithmhais an stoic; (iii) beidh an bhithmhais faoi bhun Blim fiú gan aon iascaireacht a dhéanamh in 2025; agus (iv) 204 % d’ionadaí FMSY atá sa bhásmhaireacht iascaireachta faoi láthair; i gcás gurb ann do ‘FMSY’ an bhásmhaireacht iascaireachta mheasta a thugann, le patrún iascaireachta ar leith agus faoi mheándálaí comhshaoil atá ann faoi láthair, an uastáirgeacht inbhuanaithe fhadtéarmach. Thairis sin, mhol ICES gur cheart gabhálacha a íoslaghdú le haghaidh deargán sa chuid Atlantach de Chaolas Ghiobráltar le haghaidh 2025 agus 2026.

(7)

Dá bhrí sin, d’fhéadfadh iascaireacht a dhéanamh ar dheargáin sa chuid Atlantach de Chaolas Ghiobráltar sa chuid eile de 2024, faoi TAC le haghaidh deargán i bhfolimistéar 9 ICES le haghaidh 2024, a bheith ina bhagairt thromchúiseach ar an stoc sin. Ba cheart aghaidh a thabhairt ar an mbagairt thromchúiseach sin go práinneach. Dá bhrí sin, i gcomhréir le hAirteagal 4(7) agus Airteagal 8(2) de Rialachán (AE) 2019/472, ba cheart an iascaireacht ar dheargáin sa chuid Atlantach de Chaolas Ghiobráltar a chur ar fionraí.

(8)

Ba cheart, dá bhrí sin, Rialacháin (AE) 2024/257 agus (AE) 2023/194 a leasú dá réir sin.

(9)

Forálacha an Rialacháin seo lena leasaítear forálacha Rialachán (AE) 2024/257 maidir le CETEI agus maidir le mangaigh i roinn 8c ICES agus i bhfolimistéir 9 agus 10 agus in uiscí an Aontais i roinn 34.1.1 CECAF, cé is moite den toirmeasc ar an iascaireacht spriocdhírithe, ba cheart feidhm a bheith acu ón 1 Eanáir 2024, i gcomhréir le tréimhse chur i bhfeidhm na bhforálacha leasaithe. Ba cheart feidhm a bheith ag TAC le haghaidh ainseabhaithe i bhfolimistéir 9 agus 10 ICES agus in uiscí an Aontais i roinn 34.1.1 CECAF ón 1 Iúil 2024, arís eile i gcomhréir le tréimhse chur i bhfeidhm na forála leasaithe. Ní dhéanann an cur i bhfeidhm cúlghabhálach sin difear do phrionsabal na deimhneachta dlíthiúla ná do phrionsabal an ionchais dhlisteanaigh, ós rud é go gcoinnítear leibhéil na ndeiseanna iascaireachta ar bun nó go gcuirtear leo.

(10)

I bhfianaise na práinne atá le briseadh sna gníomhaíochtaí iascaireachta a sheachaint, ba cheart an Rialachán seo a theacht i bhfeidhm an lá tar éis lá a fhoilsithe in Iris Oifigiúil an Aontais Eorpaigh,

(1)

Cuirtear an méid seo a leanas in ionad Airteagal 12a:

(2)

Cuirtear an méid seo a leanas in ionad Airteagal 28:

(3)

in Airteagal 59, an tríú fhomhír de:

(4)

Leasaítear Iarscríbhinn IA, i gcomhréir le hIarscríbhinn I a ghabhann leis an Rialachán seo.

(1)

in Airteagal 59, an dara fhomhír, cuirtear isteach na pointí seo a leanas tar éis phointe (h):

,

(2)

Leasaítear Iarscríbhinn IA, i gcomhréir le hIarscríbhinn II a ghabhann leis an Rialachán seo.